وهبتني حياه

تمرد

رفع مازن راسه عن الاوراق ليريح عيناه قليلا منذ اسبوع كامل وهو يتم كل اعماله من البيت ولايستطيع السفر لعائلته الصغيره اشتاق اليهم بجنون نعم يطمئن عليهم يوميا   تنهد بقوه وارتسمت علي وجهه ابتسامه ناعمه وهو يذكر تلك الحياه التي يحيها ليومين فقط حاول قدر الامكان ان يعوض ولده تغيبه الدائم يذكر جيدا اول يوم دراسه لصغيره قضي معظم الليل علي الطريق ليصحبه للمدرسه ذهب به ليعود لريمه الجميله حتي موعد عودته دخل الغرفه وجدها جالسه علي سجاده صلاتها
#تقبل الله
#منا ومنكم
#منزلتيش ليه عشان تودي مالك معايا
#مفيش بس اا اصل في حاجه كده كنت عاوزه ااقولك عليها بس خايفه تزعل
اوقفها ليرفع وجهها
#في ايه ياريم مالك
فركت يديها وقالت باختناق
#اصل اااانا حامل دي اراده ربنا ووو
قلبه يتزلزل من مكانه ستمنحه ريم العاشقه طفل اخر ليرفعها ويدور بها حول نفسه
#هااااي هبقي بابا
انزلها وقال بسعاده
#شوفي انا عاوز بنت وهسميها ملك عشان يبقي عندي عيله الملايكه عوزها شبهك.عيونها واسعه لون العسل وشعرها شعرها زي ده حاجه كده تعقد الله انا حبيتها اوي هي هتيجي امتي
قالت بسعاده
#اهدي بس ،،،،،تيجي ايه لسه بدري داانا يادوبك لسه عارفه امبارح،،،،،، وبعدين كل اللي يجيبه ربنا خير بس متوقعتش يكون رد فعلك كده .. خفت تقولي نزلي
قال بانفعال
#ياااااللدرجادي شيفاني وحش ياريم ااقتل ابني ولابنتي
#لاوالله مش كده ... بس انت مفرحتش كده لما قلتلك انا حامل في مالك
احتضن وجهها
#عشان كان علي عيني غمامه مكنتش شايف امه .... انا نفسي يبقي عندي عيال كتير كتير اوي منك ياريم
في سابقه فريده من نوعها تتعلق به ريمه العاشقه وتقبل عنقه
#ربنا يخليك ليه
يضمها اليه بحب
#ويخليكي ليه شوفي ياستي انا جبت بيت حلو كبير عشان مالك يعرف يلعب بالعجله بتاعته في الجنينه وكنت ناوي ننقل فيه بس هناجل لما تقوملنا
بالسلامه وهجيبلك واحده تخدمك هبل اطبخ انفض دا مش عاوزه مفهوم
قالت #مفيش داعي لده كله ... وبعدين دا كتير اوي يامازن
قبل كفيها
#مفيش حاجه في الدنيا تكتر عليكوا كفايه انك مستحملاني وكل حاجه علي دماغك
#بس انت موجود ووجودك معايا بالدنيا
ريمه قادره علي اسعاده ومنحه ... امل جديد شعر انها تملك قلبه دون منازع وهو يراها تعاني من الم المخاض كان يموت حرفيا وهو لايملك تخفيف المها لتاتي للدنيا صغيرته الجميله كائن وردي بشعر حريري سقط في عشق تلك الملاك من النظره الاولي .... لم تبخل ريم عليه ولاعلي اولادها تحمل عنه كل شيء تربيتهم رعايتهم كل شيء حتي اتي الصغير المشاغب ملاك اسم علي غير مسمي بالمره الصغير يعبث بكل شيء حتي انه استيقظ ذات صباح وجده يرسم وجهه بالالوان .... تفلتت منه ضحكه وهو يذكر صياحه علي امه
#رييييييم تعالي هنا
جاءت مسرعه ليحمل الصغير من ثيابه ويقول بغيض
#عجبك كده ابنك شلفط وشي .. اعمل فيكوا ايه
لتكتم ضحكاتها وتحاول نهر الصغير
#كده ياملاك
ملاك #بابا بيبي
ليرفع الصغير في احضانه
#وهو اللي يحب حد يشلفطه كده برضه
#اتف
لينزل الصغير فيجري للخارج وتسقط ريم علي الارض من كثره الضحك
#عجبك انتي مش كده
تحكمت بضحكاتها باعجوبه وقالت
#اصل ... راسم علي وشك بفلومستر
#بمعني
#مبتطلعش يامازن
يذكر جيدا انه قضي يوما كامل في محاوله ازاله الفن التجريدي الذي رسمه ولده علي وجهه
#انت ناوي تفك الحصار ده امتي انا زهقت يامازن
رفع عيناه لعلياء الواقفه علي باب المكتب اعاد النظر الي الاوراق
#عاوزه ايه ياعلياء
اقتربت لتجلس علي طرف المكتب تداعب خصلاته باغواء
#وحشتني ياميمو
ابعد يديها ليهب واقفا
#لما يجيلي مزاجي ياعلياء
لتحتضن ظهره تداعب بيدها بشرته الساخنه ملعون هو وضعيف امامها لما
#بقالك اسبوع حبسني في البيت مش كفايه كده بقي انت مكبر الموضوع اووي
لفها بين ذراعيه لتواجهه
# مكبر الموضوع .... يعني لما المدام المحترمه تروح تسكر مع واحد وسخ زي ده وانا عارف كويس اوي ايه اللي وداكي يبقي بكبر الموضوع مش كده
اقتربت حتي تلامست الشفاه وهمست
#سوري مش هعملها تاني خلاص بقي
#علياء انا بحبك عارفه يعني ايه بحبك
لتنتهي كلماته تحاصرها الجميله بشفتيها هل اشتاق لها ... لما جسده لايرضي اذن بقربها كما اعتاد لقد اشتاق لجميله خجلي مازالت لليوم تخجل منه بشعر اسود ناعم وبشره شديده التاثر يري بصمته عليها ماان يتلمسها ... علياء اجمل اكثر فتنه اكثر خبره بل يمكنه منحها لقب محترفه بجداره ولكن منذ فتره وجسده بدا يتمرد عليها يريد وصال ريمه الحمقاء التي لاتبزل اي مجهود في اشعاله ...
#اوووف يامازن انت مش معايا خالص
نظر الي علياء العاريه باحضانه ليتلمس شعرها
#علياء ليه متغيريش لون شعرك
#نعم ودا من امتي ماطول عمرك بتقول انك بتحب شعري
#متخديش في بالك ... شوفي انا هاخد حمام وتعالي نسهر بره بقالنا كتير مخرجناش تمام
#اوكيه يابيبي انا كمان زهقت موووت من قعده البيت
ارتدي روبه ليدخل الحمام نظر في المراه ليهمس
#انت ايه اللي جرالك يامازن وحشتيني اوي ياريم