مذكرات القدر

بارت الخامس عشر

قدر: يلا يمه اني ارجع من رخصتج
ام ايهم: وين يمه انتظري تغدي ويانه
قدر: لا والله يمه الحك ارجع كافي
ام ايهم: يمه باعي الجو شونه وين تروحين انتظري شويه توكف المطر
قدر: لالا عادي جايبه الشمسيه وياي لتخافين
ايهم: اوكفي اوصلج بالسياره
ام ايهم: اي والله حيضل بعدين بالي عليج
قدر: لالا ميحتاج والله
ايهم: انتظري اجيب السويج واجيج

عبر من يمي صعد فوك
ياربيي والله ماريد ابقى وياااه
انتظرته ينزل
نزل وطلع برا ينتظرني
بوست ام ايهم وطلعت
جان منتظرني بالسياره
بسرعه صعدت كدام جانت الدنيا مطر زخ
ومشا
عم الصمت بينا
نداريت للجام واصفن على قطرات المطر الي تنزل عالشباك
جنت اني ادليه البيت مجان يعرفه هو
وصلني انداريت عليه كبل ما انزل
قدر: اشكرك تعبتك وياي
ايهم: لا ولو تدللين تعبج راحه

ابتسمت ونزلت
ورحت دكيت الباب
بقى واكف ويباوعلي
اشرتله بيدي يروح
رفعلي حواجبه بمعنى لا
كمت اضحك
انفتح الباب باوعت لكيت رغدا مخليه الجاكيت على راسهت من المطر
رفعتله ايدي سلمت عليه وطبيت
رغدا: منو هذا
قدر: منو
رغدا: الي جابج بسيارته
قدر: هاا ايهم ابن ام ايهم
رغدا: اويلي شكد حلو
قدر: اتبسزز حلو شنو
رغدا: شكو قابل شكلت داكول حلو
قدر: عيب هالحجي ولج بعدج زعطوطه
رغدا: وليش ضجتي انتي
قدر: لا ولويش حضوج

طبيت للغرفه وبدلت هدومي جانو متنكعات
اليوم كله قضته ابتسم واوزع ابتسامات
كلامه اخر شي ضل براسي
اييي ايـيـيي احببه
واتمنا يحبني ولو شويه من كد ما اني احبه
يربي عجيب الحب
يكدر يخلي يومك كله حلو وسعيد بمجرد كلمه حجي ينكالك والعكس صحيح

صار الليل فرشت حتى انام بالاستقبال
اجت يمي جنى
جنى: حتنامين هنا
قدر: هاا اي ليش
جنى: حبابه تعالي نامي يمي هليوم هم
قدر: تمام جايه

رحت فرشت بالغرفه
مادري ليش من اطب لهاي الغرفه كلبي ينعصررر
احس روحي تطلع
نفس الغرفه الي طببني بيها حمزه لمن جتلني
يمكن من هيج احتصر لمن اطبلها
طبت علينه رغدا
رغدا: ها اليوم هم حتنيموني يم ماما
قدر: اي روحي نامي يم عمه عفيه
رغدا: لا والقران دشو الا انام هنا انتو كلتو بس البارحه شو صارت كل يوم
جنى: مو
قدر: بكيفها خليها جنى خلي تنام يمنا

فرشت يمي جنى
ورغدا شويه بعيد علينه
تمددنا اجت ختلت بحضني جنى
انكطع الكهرب
موعدا بالليل يكطعو
عتم البيت
غمضت عيوني بسرعه
اريد انام كبل ما اشوف خيالات او شي
رجعت نفس الطقطقه ماللبارحه
صوتها غرييب كلش
وتخووف

بقيت استغفر واتعوذ
لحد ما اخذتني النومه
فزيت على صوت عياطات جنى
تعدلت شفتها كاعده وترجف
قدر: جنى شبييج شكوو... ولج شبيييج ليش تبجين

احجي وياها مترد بس ترجف وتبجي
والله خبلتني شبيها هاي
بسرعه حضنتني وبقت تبجي بحضني
ترست صدري دمووع
تبجيي واحجي وياها مترد
قدر: ولج بس فهميني شكووو بس كوليلي احجيي
جنى: قدرر خايفه خاايفه
قدر: شكوو شصاار
جنى: حلمم مو حلووو
قدر: شبيه الحلم احجيلي ياه
جنى: شفت ثنين رجال ومره
قدر: اي شبيهم
جنى: الرجال لازم سجينه ويذبح المره بعدين يجي عليه ويريد يذبحني قدرررر هاي اكثر من مره اشوفه وافززز قدر خااايفه حيموتني هذا الرجااال
قدر: زين اوصفيلي شكلهم شايفتهم بمكان هذول
جنى: لاا ابد مشايفتهم ولا مره
قدر: زين شكلهم شونه
جنى: الرجال ضخم وعندا شوارب ضخمه واسمراني طووووخ والمره هم سمرا وعيونها صغار وشعرها احمر اي اعتقد احمر
قدر: زين اذكري وين شايفتهم لايكون بالطريق او شي بالصدفه
جنى: لا والله ابد مشايفتهم بحياتي داكلج مالامحتهم
قدر: ياا اسم الله اعوذ بالله من الشيطان اعوذ بالله من الشيطان
جنى: قدررر خايفه منهم شكلهم يخووف ويريدون يموتووني
قدر: زين ميحجون وياج شي
جنى: لا كلشي ميحجون بس المرة تصرخ والرجال يضحك وحتى صوتهم مو واضح