أسيرة عشق الفهد❤

............. البارت الحادي عشر..............

انا اسفة ان بقالي كتير مش بنزل بس كنت بجهز للجامعة ومشغولة جدا... اتمنى البارت يعجبكم.. وبلييييييز.. اكتبولي رايكم ف التعليقات..
Enjoy...

ذهب الجميع الى غرفهم بعد ان انتهت جلسة السمر الخاصة بهم..كانت تاليا ف غرفتها تجلس ع السرير مرتدية بيجامة زرقاء يوجد عليها رسمة كرتونية لميكى ماوس وتتصفح بعض وسائل التواصل الاجتماعى حتى جاءت اليها رسالة واتس اب من فهد وكان محتواها.."مسا مسا ع الجميل"..ابتسمت تاليا عندما قرأت تلك الرسالة وقامت بالرد عليه:مسا مسا عليك ي كبير..
فهد:روح وقلب وعقل الكبير..عاملة ايه؟!..وحشتينى موت الكام ساعة دول..
تاليا:انا الحمدلله تمام..وانت كمان وحشتنى..بس انت ايه الى مصحيك لغاية دلوقتى..انت مش عندك امتحان الصبح؟!..
فهد:وهو برضو معقولة انام من غير مااتكلم معاكى..يعنى يرضيكى كدا؟!..
تاليا:لا طبعا مايرضنيش..
فهد:قوليلى عملتى ايه النهاردة بعد ماروحتى البيت؟!..
تاليا:يالهووووى اتنفخت تنضيف وطبيخ..
فهد:ياريتنى كنت معاكى اهو ادوق من طبيخك ي قمر..
تاليا:همك ع بطنك ي طفس..بس كان يوم حلو اووى لانى شوفت زين والواد عمورة..كانوا واحشنى والله..
فهد:ثوانى كدا..عمورة مين دا ان شاء الله؟!..
تاليا:دا عمار ابن عمى..كان قاعد ف امريكا من زمان وكان بقالى كتير اوى ماشفتهوش..
فهد:ايوا اسمه عمار مش عمورة..عمورة ف عينك..عارفة لو دلعتيه تانى..انتى حرة ي تاليا..
تاليا:انتى بتغيرى ي بيضة؟!..
فهد:اه ي اختى بغير..عندك مانع؟!..
تاليا:لا ماعنديش بس انا عايزة اقولك ع حاجة..
فهد:قولى..
تاليا:انا وعمار اخوات ف الرضاعة..يعنى زيه زى زين بالظبط..فهمت ي استاذ غيران ولا لسه؟!..
فهد:اممم..بس برضو تتلمى وماتدلعيهوش قدامى..ماشى؟!..
تاليا:ماشى ي سى فهد..بقولك انت هتخلص امتحانات امتى؟!..
فهد:هخلص كدا كمان يومين..ليه؟!..
تاليا:اصلى كنت بفكر اخليك تيجى معايا عند جدو ف اسيوط ف الاجازة..اهو حتى جدو يتعرف عليك..ايه رايك؟!..
فهد:تصدقى فكرة..خلاص موافق..
تاليا:خلاص تمام..وابقى هات على معاك..
فهد:وانا هجيب هادم اللذات دا معايا ليه؟!..
تاليا:عشان انا هجيب انجى معايا انا كمان..عشان ماتبقاش لوحدها..
فهد:امرى لله..حاضر..
تاليا:ماشى..يالا روح نام بقى عشان تبقى فايق ف الامتحان الصبح..
فهد:بس انا مش جايلى نوم..
تاليا:لا هتروح تنام غصبا عنك عشان الامتحان..
فهد:عشان بحبك بس هسمع الكلام..
تاليا:شطور..يالا تصبح ع خير..
فهد:وانتى من اهلى ي رب❤😘..
تاليا:ي رب ي قلبى..
وقامت تاليا باغلاق الهاتف ووضعته ع الطاولة الصغيرة التى بجوار السرير..وظلت الابتسامة مرسومة ع وجهها..وقامت بفتح هاتفها ووضعت بوست ع الفيسبوك تعبر عن مشاعرها..
"أجمل إحساس ممكن الإنسان يحسه هو الحب..وأجمل حاجة انك تحب وتتحب والأجمل ان حبيبك يبقى نصك التانى الى تعيش معاه عمرك كله..الحب دا شئ إلهى ربنا بينعم بيه علينا عشان نقدر نعيش..مافيش حد ف العالم بيقدر يعيش ومافيش ف قلبه ذرة حب..وبيبقى ربنا مقدرلنا النص التانى الى اول مابيدخل حياتنا بنحس ان احنا خلاص ماعدناش عايزين اى حاجة من الدنيا.."..
وقامت باغلاقه مرة اخرى وغاصت ف احلامها الوردية..
...........................................................
ف قصر الجيار..ف غرفة فهد..كان فهد جالسا ع السرير مرتديا بنطال اسود اللون وقميص كات ابيض اللون وحوله العديد من الكتب وكان ممسكا بكتاب ليراجع قليلا قبل النوم..حتى قطع تركيزه صوت اشعار قادم له من الفيسبوك..فاخذ هاتفه وفتح الفيسبوك ورأى ان تاليا قد نشرت شيئا ما ع حسابها..فرأى ذلك البوست ولمعت عيونه من الحب واعجابه بكلماتها وقام بالرد عليها ف تعليق قائلا:..
"فعلا عندك حق..انا عمرى ماحسيت ان حياتى مكتملة غير لما شوفت اجمل ملاك ف الكون..وبقيت بستغرب انا كنت عايش قبلها ازاى..وبقيت بدعى ف كل وقت انها تبقى ليا وافضل معاها ع طول..وحابب اقولها..انها اجمل حاجة حصلتلى ف حياتى وانى بعشقها بجنووون❤😘"..
ثم وضع هاتفه بجوار قلبه وارتسمت ع وجهه ابتسامة هيام وحب وظل يفكر فيها حتى جفاه النوم وظل طوال الليل يحلم بها..
............................................................
ف غرفة امينة ومنصور ف القصر..كانت امينة تضع الملابس ف الدولاب بينما كان منصور يجلس ع السرير وهو غارق ف التفكير..انتهت امينة من وضع الملابس ف الدولاب وجلست بجواره وقالت:مالك ي منصور؟!..(لم يجيبها منصور وظل كما هو فقالت بصوت اعلى قليلا)..ي منصور..
انتبه اليها منصور وقال:عايزة ايه؟!..
امينة: مش عايزة حاجة بس انت مالك كدا ساكت ليه؟!..
منصور: مالكيش فيه..ساكت بتكلم..انتى مالك انتى؟!..خليكى ف حالك..
امينة: حاضر..انا بس كنت بطمن عليك..اصل مش عوايدك تفضل ساكت كدا..
ثم تركته امينة واتجهت الى الدولاب لكى تضع باقى الملابس ف الحقيبة الاخرى..ظل منصور يفكر ف كل ماحدث اليوم ولكن تفكيره كان منصبا ع شخصا ما..ترى من يكون ذلك الشخص؟!.. . ف غرفة خلود ومصطفى.. كانت خلود تجلس ع السرير بجوار مصطفى وقالت له بابتسامة:الحمدلله انا قلبى كدا اطمن لما شوفت زين قدامى..
مصطفى:ايوا ي اختى..ابنك رجعلك وانا هتركن ع الرف..
خلود بابتسامة:ولا عمرك ابدا تتركن ع الرف ي سيد الرجالة..وبعدين مش ابنى برضو؟!..
مصطفى: ايوا ي اختى ابنك وابنى انا كمان..بس انا بصراحة هبتدى اغير من ابنك دا..
خلود: وانت تغير ليه ي قلبى؟!..هو ابنى اه بس انت صاصا حبيبى..
مصطفى:ايوا..بقالى كتير ماسمعتش الاسم دا..ماتيجى كدا اقولك كلمة ف السريع؟!..
خلود:ماتتهد ي راجل بقى..دا ابنك ع وش جواز وانت لسه بتفكر ف الحاجات دى..
مصطفى: هما الى كبروا بسرعة..
خلود: بقولك صحيح..هو ايه سبب يعنى ان منصور جه من امريكا بعد ١٥سنة؟!..
مصطفى:ع حسب ماقالى..هو زهق من الشغل ف امريكا وجه عشان يشتغل معايا ف الفرع الرئيسى الى هنا والولاد يبقوا يمسكوا هما الفرع الى ف امريكا..
خلود: بس مش شايفها غريبة شوية ي مصطفى.. انه يسيب الفرع الى ف امريكا ويجى يشتغل هنا؟!..
مصطفى: والله غريبة واوووى كمان..بس الله اعلم بالنوايا بقى..
خلود: واخوك نواياه مش سهلة..
مصطفى: والله بقى ربنا اعلم بيه..ماتيجى بقى اقولك ع حاجة؟!..
وظلا معا وسكتت شهرزاد عن الكلام المباح..وهذا يوضح ان الحب يزيد مع مرور الزمن..
............................................................
مر المساء وحل الصباح ويحمل معه احداثا جديدة..ف قصر الجيار..استيقظ فهد واخذ حماما وارتدى بنطال بنى اللون وقميص نبيتى اللون وهبط الى الاسفل ووجد والده ووالدته يتناولان الافطار..كان والده يرتدى بذلة زرقاء اللون..فجلس بجوار والدته والقى عليهم تحية الصباح وبدأ ف تناول الافطار..
ندى:كل ي ابنى كويس عشان تعرف تركز ف الامتحان..
فهد:اهدى عليا بس ي ماما..دا امتحان سهل..
ندى:برضو ي ابنى..وبعدين انت لازم تجيب الدرجات النهائية السنة دى عشان الدكتوراه بتاعتك..
فهد:والنبى ي ماما الدكتوراه دى الى واقفة ف زورى..
عزيز:ليه بقى؟!..مش دى الدكتوراه الى انت كنت مصدعنا بيها؟!..ايه الى حصل بقى؟!..
فهد بتوتر خفيف:اممم..مافيش حاجة..عادى يعنى..
عزيز بخبث:عادى برضو؟!..عليا انا؟!..
فهد: قصدك ايه يعنى ي زيزو؟!..
عزيز: قصدى البنوتة الحلوة الى انت هيمان بيها من ساعة ماشوفتها وزعلان انك هتسيبها وتسافر..ولا انت ليك رأى تانى؟!..
فهد:رايى ايه بقى..دا انت طلعت عارف كل حاجة اهو ي زيزو..
ندى:ماهو من شكلك ي مفضوح..
فهد:هو انا مفضوح اوى كدا ي ندوشة؟!..
ندى:اوووى اوووى ي روح ندوشة..
عزيز: واخرة دا كله ايه بقى ي ترى؟!..
فهد: اخرتها ايه يعنى؟!..هنتجوز طبعا..دا انا مش قادر اقعد من غيرها خمس دقايق ع بعض..
عزيز: لا اتقل شوية بدل الدلقة دى..
ندى:يتقل ايه ي عزيز.. دا اول مابيشوفها بيبقى شبه الاصنام لا بيصد ولا بيرد..
فهد:هو انا متراقب ولا ايه؟!..انتى عرفتى كل دا ازاى؟!..
ندى: انت ناسى ي حبيبى لما هى جات هنا وانت تعبان وقعدت تاكلك وانت كنت شبه العيل الصغير الى امه بتاكله..دا غير كمان ان على قايم بالواجب وبيقولى كل جديد..
فهد: على!!..ايوا قولى كدا بقى..وحياة امى لهوريه بس اما اشوفه..
عزيز:بس انا ماكنتش متوقع خالص انك توقع بادرى اوى كدا ي فهد..
فهد بهيام:قدام العيون الى تسحر دى ماقدرتش اقاوم وسلمت نِمر ف ثانية..
عزيز بابتسامة وهو ينظر الى ندى:فعلا قدام العيون دى ماحدش يقدر يقاوم..
فهد بهيام:اممممم..(عاد فهد الى ارض الواقع عندما رأى والده ينظر الى والدته بهيام ويقبل يدها ف حب)..زيزو..انت بتعمل ايه كدا ان شاء الله؟!..
عزيز وهو لازال ينظر الى ندى:خليك ف حالك ياض انت..
فهد:اخلينى ف حالى؟!..وياض؟!..لا انا كدا اتهزقت..انا امشى بكرامتى..
عزيز: احسن برضو..
فهد:ماشى ي زيزو..بس يكون ف علمك ف لسه ابن ليك فوق..ودا عامل زى الامير لو لزق مش هيطلع..
عزيز: ماتمشى ياض بقى..انت مش وراك امتحان..
فهد بخبث:ماشى ي نمس..انا ماشى..سلام..
وتركهم فهد واتجه الى سيارته وصعد بها ولكن قبل ان يبدأ ف القيادة..اخرج هاتفه من جيبه واتصل ع على قائلا:ايوا ي على..ايه دا؟!..جهزت..هتتحسد والله..طب خلاص عشر دقايق وجايلك..يالا سلام..
واغلق معه الخط وقام بالاتصال ع تاليا..اجابته تاليا قائلة بنعاس:الووو..
فهد:ي صباح الفل والياسمين ع احلى قمر..
تاليا:صباح النور ي قلبى..انت رايح الامتحان؟!..
فهد:اه..
تاليا:طب ركز وحل كويس وماتتسرعش ف الاجابة..واه..فطرت ولا لا؟!..
فهد بمزاح:اه ي ماما فطرت..
تاليا:شطور ي حبيب قلب ماما..
فهد:طب انا اركز ازاى انا بقى بعد ماسمعت الكلمة الحلوة دى..بقولك..ماتيجى نتغدا مع بعض النهاردة؟!..
تاليا:والله فكرة حلوة..
فهد:خلاص تمام..وابقى هاتى انجى معاكى عشان على جاى..اهم يتلهوا بعيد عننا عشان انتى وحشتينى موووت..
تاليا:وحشتك ايه ي نصاب؟!..ماانا كنت معاك امبارح..
فهد:وانتى مستهينة بالكام ساعة دول ولا ايه؟!..
تاليا:وهو انا اقدر برضو..المهم..يالا عشان تروح الجامعة وتلحق تراجع قبل الامتحان..
فهد:مع انى مش قادر اقفل بس ماشى..
تاليا:ولا انا والله..بس انا عارفة ان احنا لو فضلنا كدا..انت هتنسى نفسك والامتحان..
فهد:ماانا بقول كدا برضو..هكلمك لما اخلص..
تاليا:اوك..يالا باى..Best of Luck..
فهد:باى ي قلبى..
اغلق معها الخط ووضع هاتفه ع الكرسى المجاور له وبدأ ف القيادة متجها الى منزل على..وكان يستمع الى اغنية (قرب كمان)..وكان يتذكر احداث احلى ليلة مرت عليه ف حياته..حتى وصل الى منزل على ووجده ينتظره ف الاسفل..كان على مرتديا قميص ازرق فاتح وبنطال جينز غامق وصعد الى السيارة وهو يحمل احد الملازم الخاصة بالمادة..
فهد:هى المادة صعبة ولا ايه؟!..
على:مش اوى بس ف شوية مصطلحات كدا ولاد جزمة مش راضيين يثبتوا ف دماغى..
فهد:جايز دماغك مخرومة ولا حاجة..
على:هاهاها..لا دمك خفيف ع الصبح..(ترك على الملزمة واخذ هاتف فهد)..هما اصلا مش هيثبتوا..هقعد ع فونك شوية بقى..
فهد:وهو انت مش معاك موبايلك؟!..
على وهو يفتح الهاتف:لا معايا بس الباقة خلصت..ابقى فكرنى اشحنها بعد مانخلص امتحان..
فهد:امرى لله..حاضر..
قام على بفتح الواتساب..فهو يحب ان يرى حالات الواتساب..كان يرى الحالات حتى جاءت اليه قصة تاليا التى وضعتها بالامس..فقام بفتحها..وجدها صورة لها تجمعها مع شابين ع حوض السباحة..الشاب ع اليمين يرتدى قميص ابيض اللون..الشاب ع اليسار يرتدى قميص زيتونى اللون..ومكتوب اسفل الصورة(الثلاثى المرح😂)..ترى من هؤلاء؟!..فقام على بوضع الهاتف امام فهد وقال له:هما مين دول؟!..
فهد:هتلاقيهم اخوها وابن عمها..اصلهم جم من امريكا امبارح..بس تفتكر اخوها مين ف دول؟!..
على وهو ينظر الى الصورة:انا بيتهيألى كدا الى ع يمينها دا..لان فيهم شبه من بعض اوى..
فهد:جايز برضو..بقولك صحيح..انت ناوى تعمل ايه ف الاجازة؟!..
على: هعمل ايه يعنى؟!..هقضيه ف البيت مع ماما طبعا زى كل مرة..
فهد:طب ماتيجى نغير شوية؟!..
على بعدم فهم:ازاى يعنى؟!..
فهد:يعنى ايه رايك نروح نقضى الاجازة ف الريف وجو الريف الجميل؟!..
على:والله فكرة حلوة..بس هنقعد فين؟!..
فهد:هنقعد ف بيت كبير البلد..
على بسخرية: لا ي راجل..
فهد:انت بتتريق ولا ايه؟!..مش مصدقنى..
على:بصراحة لا..هنقعد ف بيت الكبير ازاى واحنا مانعرفش حد هناك..حتى انت عمرك ماروحت الريف ولا تعرف حد هناك..
فهد:ماتقلقش سيبها عليا..
على:والله شكلك كدا هتسوحنا..
فهد بابتسامة:وهى اول مرة ولا ايه؟!..
على:ع رايك..ماانت ياما سوحتنى..
وظلا يتحدثان معا حتى وصلا الى الجامعة وبعد دقائق من وصولهم..جاء موعد الامتحان ودخلا الى اللجنة..
............................................................
ف تلك الاثناء ف فيلا مصطفى العزايزى..بعد ان اغلقت تاليا الخط مع فهد..اتجهت الى الحمام واخذت حماما وادت فريضتها ثم ارتدت بنطال رمادى اللون وبلوزة حمراء ذات اكمام وتركت شعرها منسدلا ع كتفيها ثم هبطت الى الاسفل..وجدت الجميع ع مائدة الافطار ماعدا والدها وعمها..فجلست تاليا بجوار والدتها وزين الذى كان يرتدى تى شيرت كات اسود اللون وبنطال قماش اسود..ومقابلة لعمار الذى يرتدى بنطال قماش بنى اللون وتى شيرت كات ابيض اللون والذى كان يجلس بجوار والدته..
خلود:انتى قايمة بادرى ليه ي بنتى؟!..دا انتى المفروض ف اجازة؟!..
تاليا بنوع من التوتر:ماهو..اه..لسه مااتعودتش ع النوم كتير..
فهم كلا من عمار وزين ان تاليا استيقظت من اجل فهد..فقال عمار بلؤم: اه..لسه مااتعودتش..كمان يومين كدا والامتحانات تخلص وتبقى تتعود بقى..
خلود بعدم فهم:انا مش فاهمة حاجة..امتحانات ايه دى الى تخلص؟!..ماهى مخلصة امتحانات امبارح..
زين بخبث:لا ماتاخديش ع كلامه ي ماما..هو بيحب يهزر..ولا ايه ي تيلو؟!..
اخذت تاليا هاتفها ونهضت من مجلسها وقالت بنوع من الغضب:اه..بس هزار رخم وبارد زيه..
وتركتهم واتجهت الى الحديقة الخلفية وجلست ع الارجوحة..وبعد ان ذهبت..قالت امينة لعمار:ايه الهزار البارد بتاعك ي عمار؟!..اديك زعلتها..
عمار وهو يتناول الطعام:لا عادى..هى متعودة ع هزارى..انا هخلص واروح اصالحها..
ف الخارج..كانت تاليا تجلس ع الارجوحة وتتصفح وسائل التواصل الاجتماعى وكانت ترى التعليقات التى كُتبت ع البوست الخاص بها بالامس..وارتسمت ع وجهها ابتسامة عريضة عندما رأت اول تعليق والذى كان من فهد..فتفاعلت معه وكتبت الرد ع التعليق قائلة:..
"يابختها بيك..هى اكيد عمرها ماتخيلت انك تحبها كل الحب دا..بس هى اكيد برضو بتحبك اكتر ماانت بتحبها بكتييير وانت احلى واجمل نعمة ربنا انعمها عليها وبتدعى كل يوم ان ربنا مايحرمكم من بعض ابدا ويجمع شملكم ف بيت واحد"..
وظلت تنظر الى التعليق والرد ف هيام وحب.. لكنها عادت الى ارض الواقع عندما وجدت الارجوحة تتحرك وظهر من خلفها عمار وزين..فقالت وهى تضع يدها ع صدرها من الرهبة: ي جزمة ي رمة منك له..
زين وقد.جلس بجوارها ع الارجوحة:ي بت لمى الفاظك شوية..خليكى Lady..بدل ما الواد يزهق منك ويطفش..
تاليا:يبقى يعملها كدا وانا كنت طينت عيشته..
عمار وقد جلس ع الارض امام الارجوحة:ومايعملهاش ليه بقى؟!..
تاليا: ماتهدوا شوية..فهد بيحبنى وبيموت فيا ومايقدرش يستغنى عنى..
زين: مااحنا عارفين انه بيحبك بامارة الكومنت الى انتى مبحلقة فيه دا..
تاليا بتعجب: هو انتوا شوفتوه؟!..
عمار:اه طبعا..انتى لماقولتيلنا..كل واحد راح فتح الاكونت بتاع الفهد بتاعك وشوفنا كل حاجة..بس الواد دا شكله رومانسى اوى..
تاليا بهيام:رومانسى اووووى ويجنن ودى اكتر حاجة بحبها فيه..كلامه يهوس..ولا نظراته الى تسحر..ولا ابتسامته...
زين: خلاص يااما اهدى ع نفسك..
عمار وقد لكزه ف ركبته:ي بارد سيبها تكمل..شكلها حلو اوى وهو بتتكلم عنه كدا..(وجه كلامه الى تاليا وقد وضع يده ع خده وقال بابتسامة)..كملى كملى..
تاليا بهيام:اول مابشوفه..بحس انى هطير..لما بيبصلى ببقى ف قمة السعادة..رغم انه ساعات كتيرة لما بيشوفنى بيفضل باصصلى..بس لما بيتكلم ويقولى كلامه الحلو دا..بحس بسعادة ماتتوصفش..لما ببقى معاه..ببقى مش عايزة الوقت يعدى ابدا عشان افضل معاه ع طول..
عمار:يالهوووى..هو الحب حلو اوى كدا؟!.
تاليا:واحلى بكتيير بس انا الى مش عارفة اوصف حاجة..
زين: والنبى انا قاعد مع اتنين مجانين..واحدة بتحب ع روحها والتانى اهبل وعايز يسمع Love Story..
عمار: وانت مالك انت؟!..ماتخليك ف حالك ي سنجل وتفتخر انت..
زين وقد وقف من مجلسه:ماشى ي خويا..هخلينى ف حالى..انا طالع اغير هدومى وهروح الشركة..هتيجى؟!..
عمار: لا..روح انت..انا هقعد اكمل الLove Story الحلوة دى..يالا طريقك اخضر..
زين: ماشى ي خويا..سلام..
تركهم زين واتجه الى الداخل..جلس عمار بجوار تاليا ع الارجوحة وقال لها بلهفة:يالا كملى بقى..
تاليا:عارف ي عمار..لما يبقى ف حياتك شخص ماتحسش بطعم الحياة غير معاه..ماتحسش انك عايش غير وانت معاه..الى بيحسسك انك مميز ف كل حاجة..الى بيكلف نفسه ويعمل اى حاجة عشان بس يشوف ابتسامتك..اهوا دا بقى فهد حبيبى..
عمار بهيام:هييييح..وايه كمان؟!..
تاليا:بس..اه..هو عازمنى النهاردة ع الغدا..
عمار: طب كويس..اهو اتعرف عليه..
تاليا:تتعرف ع مين؟!..هو انت ناوى تيجى معايا ولا ايه؟!..
عمار: اه طبعا..امال اسيبك تروحى لوحدك ولا ايه؟!..
تاليا:طب وفيها ايه؟!..ما انجى جاية معايا..
عمار: برضو لازم اجى..انتوا بنتين ومش لازم اسيبكم لوحدكم..مش انا الراجل ولا ايه؟!..
تاليا:اه انت راجل رخم..
عمار بابتسامة:طب وايه الجديد؟!..
تاليا:اهو انا كدا ضمنت انه هيولع فيا..
عمار بعدم فهم:ليه كدا؟!..
تاليا:عشان جايباك معايا..مش كفاية انجى هتبقى معايا..
عمار:ي بت انتى فكرانى هاجى اقعد معاكم كدا عادى؟!..
تاليا بعدم فهم:امال هتيجى تعمل ايه؟!..
عمار:انا هاجى معاكم اه..بس هاخد طربيزة كدا ف الجنب واقعد اتفرج عليكى انتى وفهد..
تاليا بدهشة:هتتجسس علينا؟!..
عمار:ي هبلة اتجسس عليكم ايه؟!..انا بس عايز اشوفه بيتعامل معاكى ازاى بس مش اكتر..
تاليا:وعايز تعرف ليه؟!..
عمار:بصى ي تيلو..انا مش هكدب عليكى وهتكلم معاكى بصراحة عشان انتى اختى..انا عارف ان انا واحد بتاع بنات وبصاحب كتير..بس والله عمرى ماعملت حاجة غلط مع بنت..انا محافظ ع نفسى للبنت الى قلبى يدق لها..انا بس عايز اعرف الواحد لما يبقى مع حبيبته بيتصرف ازاى بس مش اكتر..
تاليا بابتسامة رقيقة:يابختها بيك ي عمار.
عمار بمزاح:يابختها ي اختى بس هى تيجى الاول..
تاليا: هتيجى ي خويا بس انت اصبر..المهم تعال بقى معايا فوق ف الاوضة..
عمار بمزاح: يالهوى..هتغتصبينى؟!..
تاليا: اغتصبك ايه ي شحط انت..انا بس مش عارفة البس ايه وانا خارجة النهاردة..تعال ساعدنى..
عمار:اذا كان كدا..Ok..
وصعد معها الى الغرفة وبدات ف فض دولابها لكى تُريه ملابسها وهو يختار ما يناسبها لكى تكون جميلة اليوم وهى مع حبيبها..ترى ماذا سيختار لها؟!..
............................................................
ف شركة العزايزى للحديد والصلب..ف مكتب مصطفى.. كان كلا من مصطفى ومنصور ف المكتب..كان مصطفى يجلس ع مكتبه ويمضى بعض الاوراق الهامة وبعد ان انتهى قال للسكرتير الخاص به:كدا خلاص ولا ف حاجة تانية؟!..
السكرتير: لا ي فندم مافيش..بس بفكر سيادتك ان ف اجتماع كمان ساعة مع الفوج الالمانى الى هياخد مننا الشحنة..
مصطفى: خلاص اوك..اول مايوصلوا ابقى ادينى خبر ع طول..
السكرتير: اوك ي فندم..عن اذنك..
خرج السكرتير وترك كلا من مصطفى ومنصور معا ف المكتب..كان منصور يقف بجوار النافذة الكبيرة.. ويفكر ف شئ ما حتى قطع تفكيره صوت مصطفى قائلا:ايه رايك ف الشركة ي منصور؟!..ي رب تكون عجبتك..
اتجه اليه منصور وجلس ع احد الكراسى وقال وع وجهه ابتسامة محيرة:لا ماهى عجبانى عشان كدا انا رجعت..
مصطفى بعدم فهم:قصدك ايه؟!..
منصور: قصدى انى رجعت عشان اخد.حقى الى انت اخدته منى..
مصطفى: حق ايه دا الى اخدته منك؟!..
منصور: حقى ف كل حاجة..ابوك كاتبلك كل الاملاك والشركات باسمك وانا ولا حاجة..مع ان دا حقى انا لان انا الكبير..
مصطفى: والله الكلام دا تروح تقوله لصاحب المِلك مش ليا..
منصور وقد نهض من مجلسه:ماانا هقوله بس حبيت اقولك انت الاول عشان ماتبقاش تتفاجئ لما تلاقينى جاى وبرميك برا الشركة والبيت..
مصطفى وقد وقف واخذ ينظر اليه وقال:ياااه..للدرجة دى بتكرهنى ي منصور؟!..
منصور بابتسامة لؤم: واكتر مما تتخيل..
مصطفى بتحدى: طب ابقى ورينى بقى هتعمل ايه؟!..
منصور: انت اول واحد هتشوف انا هعمل ايه ي مصطفى..
ذهب منصور وتركه غارقا ف افكاره..كيف يفكر اخاه بهذه الطريقة؟!..كيف يفكر انه يسلب منه حقه الشرعى ؟!..ليس له ذنب ف اياً من ذلك..ولكنه يعرف اخاه جيدا..واى شئ سيفكر فيه منصور.. فانه سينفذه باى حال من الاحوال..ترى ف ماذا يفكر؟!..
............................................................
ف كليه الطب..خرج كلا من على وفهد من لجنة الامتحان وكانا سعيدين لان الامتحان كان سهلا للغاية..كان على يود الجلوس ف الكافيتيريا قليلا ولكن فهد قد رفض ذلك واتجها الى السيارة وصعدا وبدأ فهد ف القيادة..
على:ممكن اعرف احنا رايحين فين؟!..
فهد:هنروح نتغدا برا..
على بدهشة: فهد..هو انت عازمنى ع الغدا ولا ايه؟!..
فهد:وانا اعزمك انت ليه ان شاء الله؟!..كنت خطيبتى ولا حاجة..انا عازم تاليا ع الغدا..
على:طب انت عازم تاليا ع الغدا..انا مال امى..واخدنى معاك ليه؟!..
فهد بغمزة من عينه:ايه ي لول..مش عايز تشوف حبيبة القلب ولا ايه؟!..
على:هى انوج جاية معاها؟!..
فهد:اه ي خويا جاية..امال انا واخدك عشان سواد عيونك ولا ايه؟!..
على:والله لو ماكنتش عامل فيا خدمة..كنت رديت عليك بس خلاص بقى المسامح كريم والطيب احسن..
فهد وقد رفع احدى حاجبيه:طب ماتفرجنى كدا كنت هتعمل ايه؟!..
على:وانت صدقت ولا ايه؟!..انا مش حمل بوكس واحد منك..وانجز بقى عشان انا هموت من الجوع..
فهد:طفس وهمك ع بطنك طول عمرك..
مرت عدة دقائق حتى وصل فهد ع مطعم صغير ولكن شكله حديث وعصرى..جلسا ع الطاولة وقام فهد بالاتصال ع تاليا ومرت ثوانى حتى اجابته تاليا..فقال لها بابتسامة:قلب فهد من جوا..عاملة ايه ف الكام ساعة الى سيبتك فيهم دول؟!..وانا والله..طب انا ف كافيه كدا ف......طب خلاص بس ماتتاخريش وخلى بالك وانتى بتسوقى..سلام ي عمرى..
واغلق الخط ثم نظر الى على فوجده واضعا يده ع خده وينظر اليه كمن يشاهد فيلما..فقال له متعجبا:انت بتبصلى كدا ليه؟!..
على:بتفرج عليك..
فهد:ليه بروح خالتك شايفنى فورجة؟!..
على:اصلى بصراحة حاسس انى بحلم..بقى فهد..عدو الحب والارتباط يطب ويوقع ع بوزه الوقعة دى..لا وكمان بيحب ف الموبايل وبيقول كلام حب..معجزة القرن الواحد وعشرين..
فهد:ولا معجزة ولا حاجة..انا بس الى ماكنتش اعرف قد ايه الحب دا حاجة جميلة ومن غيرها الواحد.مايعرفش يعيش..وانا عمرى ماحسيت انى عايش ولا حسيت بطعم الحياة غير لما شوفتها وحبها ملك قلبى وروحى..
على:ايوا ي شاعر قول كمان..
ظلا يتحدثان معا ف الحب والغرام..ان الحب احساس ف غاية الروعة ولكن كما نعلم جميعا ان الاشياء السعيدة لاتدوم طويلا؟!..ترى ماذا سيحدث؟!..
........................Back In........................
عادت تاليا الى ارض الواقع ع صوت أروى قائلة:ايه ي تيلو..الى واخد عقلك..
نظرت اليها تاليا ببرود وقالت لها:عايزة ايه ي أروى ؟!..
أروى:مش عايزة حاجة ي قلبى..انا بس حبيت اجى بنفسى واعزمك ع خطوبتى انا وفهد..
تاليا:ماكانش فيه داعى..ماانا عرفت وكنت هاجى من غير عزومة كمان..دا حتى يبقى يوم المُنى..
أروى بتعجب:بجد؟!..دا انا خوفت اصلا تدايقى ولا حاجة.
تاليا:انا؟!..وانا هتدايق من ايه؟!..اه..قصدك يعنى عشان موضوعى انا وفهد..لا ي قلبى..دا خلص من زمان..وبقى بالنسبة ليا مجرد ماضى..والانسان طبعا ماينفعشى يقعد ف الماضى طول عمره ولا انتى ايه رايك؟!..
أروى بابتسامة:فعلا معاكى حق..ع العموم انا مستنياكى يوم الخميس..
تاليا:وانا اكيد جاية..
تركتها أروى وخرجت من الغرفة وعندما ابتعدت قليلا عن الغرفة..اخرجت هاتفها وقالت:سمعت ي قلبى..
ترى مع من تتحدث؟!..ولماذا جعلته يستمع الى حديثهم؟!..
............................................................
ف مكتب فهد..كان فهد يقف بجوار النافذة ويتحدث ف الهاتف وع وجهه علامات الغضب والعصبية وقال:سمعت..
ثم اغلق الهاتف ورماه ع الاريكة المجاورة له بغضب وعصبية..اصبحت مجرد ماضى بالنسبة لكى؟!.. لم اعد اعنى لكى شيئاً؟!..ولا انتى كذلك..فانت مجرد نقطة سوداء ف حياتى..وساتخلص منها مهما كلفنى الامر..ومن الجيد اننى سمعت ذلك..حتى لا اشعر بتأنيب الضمير تجاه ما سافعله بكى..لانكى انتى من بدأتى بذلك وانا من سينهيه..قطع تفكيره صوت طرقا ع الباب..فاذن للطارق بالدخول وكان ذلك حازم.. اتجه اليه حازم وقال:انت فعلا خلاص هتعمل الخطوبة الخميس الجاى؟!..
فهد ببرود: هو انا مش قايلكم الصبح؟!..
حازم: ايوا..انا كنت فاكرك بتهزر..
فهد:وانا ههزر ف الحاجات دى ليه؟!..
حازم: فهد اسمع كلامى انت كدا بتظلم نفسك لان انت لسه بتحب تاليا..
فهد بسخرية: دا مين الى قال كدا؟!..انا مابكرهش حد قدها..
حازم: بس هى بتحبك..
فهد بسخرية: لا والله؟!..وهى بقى الى كدبت عليك وقالتلك كدا؟!..
حازم: هى ماقالاش اى حاجة..بس الناس الى عندها نظر هى الى تقدر تميز الانسان الى بيحب..
فهد:وانا بقى ماعنديش..واوعى تكون فاكرنى مش واخد بالى من الى انت وهما بتعملوه..لا..انا مطنش بمزاجى..
حازم: وايه هو بقى الى احنا بنعمله؟!..
فهد:محاولاتك انت وعلى وانجى انكم تقربونا من بعض..ولا تكون فاكرنى عبيط؟!..انا بس طنشت بس دلوقتى بقى خلاص..كل واحد هيعرف مقامه ايه..ولو ع الحبتين بتوع انها لسه بتحبنى والجو دا..احب اقولك انها بتضحك.عليك..انا بالنسبة ليها ماضى زى ماهى كدا عندى..وانا مش هقعد.طول حياتى بين الاطلال..ولا ايه؟!..
حازم بعمق:فعلا عندك.حق..لازم كل واحد يعرف مقامه كويس..
فهد:شاطر..يالا بقى هوينى عشان عندى شغل..
حازم: حاضر ي فهد..
خرج حازم من المكتب وتركه غارقا ف سيل افكاره..انا لا اظلم احدا..اننى استعيد كرامتى..فانا من ظُلمت منهم..وجاء وقت الحساب..وانا من سيحاسبكم ع ما فعلتوه لى..

تفتكروا ايه الى هيحصل؟!..
تفتكروا ايه سبب تغير شخصية عمار؟!..
تفتكروا منصور بيخطط لايه؟!..
تفتكروا خطوبة فهد هتعدى ع خير؟!..

وبكدا نكون خلصنا حلقة النهاردة واشوفكم ف الحلقة الجاية😎😉....