أسيرة عشق الفهد❤

........... ... البارت العاشر................

انقضى المساء بالامه واوجاعه وحل الصباح باشراقه..ف قصر الجيار..كان فهد يقف امام المراة وهو يجهز نفسه للذهاب..كان فهد يرتدى بنطال جينز غامق وقميص قطنى ذا لوناً كحلى و ذا اكمام وبعد ان انتهى من تجهيز نفسه..هبط الى الاسفل ليجد الجميع يجلس ع مائدة الافطار..كان حازم جالساً بجوار والدته وكان يرتدى قميص ابيض اللون وبنطال ازرق بينما والده كان يرتدى بذلة بنية اللون..اتجه فهد وجلس بجوار والده وبدأ ف تناول الطعام بعد ان القى عليهم تحية الصباح..وبعد عدة دقائق من الصمت بينهم..قام فهد بتفجير تلك القنبلة قائلاً:انا قررت انا وأروى ان الخطوبة تبقى الخميس الجاى..
توقف الجميع عن تناول الطعام وبدأ حازم ف السعال وكانت ندى تنظر الى فهد ف دهشة وكذلك عزيز..فقالت له ندى بتسرع:طب وليه ي بنى السرعة دى؟!..ماتستنوا شوية..
فهد:نستنى ليه ي ماما؟!..
كانت ندى ع وشك التحدث ولكن عزيز هو من تحدث خوفاً من ان تقول ندى شيئاً ما يخص ما يقومون به:تستنى شوية ي ابنى يعنى انت لسه راجع من السفر ولسه مستقبلك المهنى قدامه كتير..استنى لغاية ما تظبط امورك وبعد كدا اعمل الى انت عايزه..
فهد:ايوا ي بابا ماانا عارف كدا..عشان كدا بقى عايز اعمل الخطوبة ف اسرع وقت عشان بعد مااظبط امورى زى مابتقول كدا..اتجوز ع طول..
عزيز: ي ابنى التسرع ف الحاجات دى غلط ومش كويس..استنى واصبر شوية..
فهد وقد وقف:انا خلاص قررت ان الخطوبة تبقى الخميس الجاى ومش هرجع ف قرارى..ياريت ي ماما تظبطى كل حاجة انتى وطنط مروة..انا ماشى بقى عشان مااتاخرش..سلام..
ذهب فهد وتركهم ف دهشة وحيرة من امرهم..ماذا سيفعلون الان؟!..كيف سيتصرفون ف تلك المشكلة؟!..اتجه فهد الى سيارته وبدأ ف القيادة متجهاً الى المستشفى وبدأ ف التفكير ف ما حدث بالأمس..

....................Flash Back......................

عاد فهد الى القصر بعد ان قام بتوصيل تاليا الى شقتها وصعد الى غرفته ف صمت دون التحدث مع اى احد..وبعد عدة دقائق تلقى اتصال هاتفى من أروى.. لم يكن له رغبة ف الرد عليها ف بادئ الامر ولكن مع اتصالاتها المتكررة قرر الرد..
فهد بضجر: ايه ي أروى؟!..
أروى بحماس:دودى..وحشتنى موت ي بيبى..
فهد بسخرية:وحشتك؟!..
أروى:اه طبعاً وحشتنى..
فهد:طب واللى انتى عملتيه الصبح دا كان ايه؟!..كنت واحشك برضو؟!..
أروى:معلشى ي بيبى ماانا بغير عليك من حبى فيك بقى..المهم..عندى ليك فكرة جهنمية تبقى اول ضربة لتاليا..
فهد باهتمام:ايه هى الفكرة دى؟!..
أروى:اسمع ي سيدى..ايه رايك نخلى خطوبتنا الخميس الجاى؟!..
فهد:هى دى فكرة ولا اقتراح؟!..
أروى: افهمنى بس..لو عملنا خطوبتنا يوم الخميس الجاى كدا هى هتتأكد ان هى خلاص اتلغت من حياتك للابد ومابقيتش هى الى مالكة قلبك وانت عارف ان هى هبلة وحساسة واكيد الحتة دى هتدمرها ع الاخر وانت بقى تقعد تتفرج عليها..
فهد:امممم..فكرة مش بطالة..خلاص اوك..تيجى بقى بكرة المستشفى عشان اعلن انا وانتى قدام الكل عن الخطوبة..
أروى بسعادة:خلاص ي بيبى اوك..
فهد:ماشى..انا هقفل بقى دلوقتى عشان عايز انام..يالا سلام..
لم ينتظر منها اى رد وقام باغلاق الهاتف واخذ يفكر ف تلك الفكرة..لقد اعجبته تلك الفكرة جداً واخذ يتخيل شكل وحالة تاليا عندما تعلم ذلك الخبر..ي ترى كيف سيكون حالها؟!..