مرت الايام واقترب بدر اكثر من عمه وأولاده ومن ليالي وايضا اقترب رائد من سهر فكان بدر يتصل بليالي يوميا ويظل يتحدث معها كثيرا حتي انها قصت له حكايتها مع حازم
بدر :يعني هو سابك عشان يسافر
ليالي :ايوه وقالي انه مكنش بيحبني هو بس كان مهتم بيا وانا فهمت غلط
بدر :ده من حسن حظي
ليالي :نعم ازاي يعني
بدر :بصراحه بقي يا ليالي انا اترددت كتير اني افاتحك في الموضوع ده انا بحبك
ليالي بخجل :انا انا لازم امشي انا اتاخرت اوي
امسك بدر يدها :ارجوكي يا ليالي ردي عليا
ليالي :ارد علي ايه
بدر :انا بحبك يا ليالي وبتمني انك تكوني بتبادليني نفس الشعور
ليالي :دكتور بدر انا قاطعها بدر :انا هسيبك تفكري وتردي عليا بس لو قلتي لي بدر بس من غير دكتور هعرف انك موافقه يلا عشان اوصلك
انصرفت ليالي ومعها بدر حتي وصلت الي المنزل وصعدت الي غرفتها وهي يتكرر علي مسامعها حديث بدر لها فدلفت سهر الغرفه
سهر :كنت فين يا لولو
ليالي..........
سهر بصوت عالي :لياليييببي
فزعت ليالي من صوتها :هه في ايه
سهر :لا ده انت مش هنا خالص اللي واخد عقلك
ليالي :قصدك ايه
سهر :كنت فين يا لولو وراجعه كده عقلك مش معاكي
ليالي :كنت معاه
سهر :معاه مين الدكتور ابو عيون جريئه
ليالي :واعترف لي بحبه قالي انه بيحبني
سهر :اخيرا يا لولو وانت قولتي له ايه
ليالي :مش عارفه
سهر :مش عارفه قولتي ايه ولا قولتي مش عارفه
ليالي :لا هو اداني فرصه وبعدين هرد عليه
سهر :وهتردي عليه تقولي له ايه
ليالي :مش عارفه يا سهر خايفه
سهر :خايفه من ايه بس دا دكتور قمر وعيونه جريئة وبيحبك وهو اللي اعترف بحبك لوحده
ليالي :يعني أوافق
سهر :هو انت مش بتحبيه
ليالي :مش عارفه
سهر :هو ايه اللي مش عارفه ايه الخيبه دي
ليالي :انا بحس براحه وانا بتكلم معاه وبفرح لما بشوفه وبفكر فيه لما بيغيب عني
سهر :مهو ده الحب يا عبيطه اه اموت انا
ليالي :سيبك مني قولي لي عملتي ايه مع المجنون بتاعك
سهر :اسكتي ده طلع هوبا خالص ده كل يوم يبعت لي رساله يقولي بحبك وعايز اتجوزك والنهارده لما مشيتي من الجامعه جالي وصمم انه يوصلني وطول الطريق مالوش غير كلمه واحده بحبك وعايز اتجوزك انا عارفه هو مطلعش ليه زي صاحبه هادي كده وثقيل
ليالي :تفتكري ممكن حلمنا يتحقق وانا وانت نتجوز في يوم واحد
سهر :ياريت
ليالي :واخوكي اللي مابيحسش ده هنعمل فيه ايه
سهر :ماله ساهر
ليالي :يعني هنتجوز انا وانت وداليده لا
سهر :عندك حق انا عارفه الواد ده ايه جبله البت هتموت عليه وهو ولا هنا دي لما بتشوفه بتبقي هاين عليها تقوله بحبك حس بيا بقي وهو عامل فيها الواد الثقيل
قاطع حديثهم رنين هاتف ليالي
ليالي :ده هو
سهر :ردي عليه يلا
ليالي :الو
بدر :وحشتيني
ليالي :احنا لسه سايبين بعض من ساعه
بدر :وهي الساعه شويه دي 60 دقيقه وكل دقيقه 60 ثانيه وفي كل ثانيه بتوحشيني
ليالي بصوت رقيق :بدر
بدر بفرحه :انت قولتي ايه
ليالي بخجل :بدر
بدر :احلي مره اسمع فيها اسمي انا مش مصدق نفسي انا هاجي حالا اطلبك من عمي
ليالي :لا يا بدر استني شويه مش بسرعه كده
بدر :سرعه ايه انا ما صدقت انا هكلم عمي واخد منه معاد واجي اطلبك ونتجوز علي طول
ليالي :نتجوز علي طول طب خليها خطوبه الأول
بدر :لا مش هقدر استني انت ماتعرفيش ان نهر العسل بيوحشني ونفسي اشبع منه
ليالي :نهر عسل ايه
بدر :عيونك يا ليالي نهر عسل صافي نفسي أغرق فيه
ليالي :..........
بدر :روحتي فين يا ليالي
ليالي:............
بدر :ليالي ليالي
ليالي :معاك يا بدر
بدر :لا لو فضلتي تقولي بدر كده انا هاجي اخطفك
ليالي :خلاص يا دكتور بدر
بدر :دكتور ايه بس
ليالي :اه صحيح انت سيبت الطب ليه
تغير وجه بدر وعبس :انا مش بحب اتكلم في الموضوع ده
ليالي :انا اسفه لو زعلتك
بدر في نفسه :انت هتعتزري كتير اوي وهتدفعي الثمن غالي اوي
ليالي :بدر بدر
بدر :انا هقفل دلوقت عشان اكلم عمي واخد منه معاد سلام
أغلق بدر الهاتف ونظر الي صوره والده بجواره
بدر :هانت يا بابا وهاخد حقك منهم وحق الايام اللي عدت عليك في السجن والايام اللي قضتها في الملجأ وجلس بدر يسترجع ذكرياته الاليمه
Flash back
كان بدر في عمر التاسعه ويجلس في قاعه المحكمه وينظر الي والده الموجود في القفص
يدخل القاضي ويهتف حاجب المحكمه :محكمه
يقف الجميع ثم يجلس القاضي ويجلسوا بعده
القاضي :حكمت المحكمه حضوريا علي المتهم
شهاب الدين المنشاوي بالسجن 15 عام مع الشغل والزامه بدفع غرامه قدرها 2 مليون جنيه رفعت الجلسه
ركض بدر الي والده :بابا بابا ماتسبنيش يا بابا
شهاب الدين :ما تخافش يا شهاب عمتك كوثر معاك ثم نظر الي كوثر :خدي بالك منه يا كوثر
كوثر المنشاوي وهي شقيقه شهاب الدين المنشاوي وهي لها دور كبير وأثر اكبر في ما حدث حيث انها كانت سبب الوقيعه بين شهاب الدين وسراج الدين وسوف يظهر ذلك في الأحداث القادمه
كوثر :ما تخافش يا شهاب بدر في عيوني
شهاب :لازم يعرف ان سراج والخيانه اللي هربت معاه هما السبب في اللي احنا فيه لازم يكبر وياخد حقنا منهم ولازم يدفعوا الثمن
كوثر :ما تقلقش يا شهاب انا هكبره واعلمه واخليه ياخد حقنا منهم
ثم ذهبت كوثر مع بدر الدين الي منزل صغير في إحدى الأحياء الشعبيه حيث انهم انتقلوا من بيتهم الكبير الي غرفه فوق سطح منزل صغير
بدر :احنا ليه سيبنا بيتنا يا عمتي
كوثر :عشان سراج الدين وامك الخاينه اخدوا كل حاجه وهربوا
بدر :ليه عملوا كده هو انا مش هشوف ماما تاني
كوثر :اسمع يا بدر امك دي خاينه وسابتك وسابت ابوك عشان تهرب مع سراج الدين ابن عم ابوك انت لازم تكبر وتفهم وتنتقم منهم وتاخد حقك وحق ابوك منهم ومن عيالهم كمان
ومرت الايام وكل يوم يزيد كره بدر لوالدته ولسراج الدين ويزيد من اصراره وتصميمه علي الانتقام منهم
وفي يوم كان يذاكر دلفت اليه كوثر
كوثر :عامل ايه في المذاكره يا بدر
بدر :تمام يا عمتي
كوثر :انا عايزه اكلمك في موضوع
بدر :خير
كوثر :انا هتجوز وهسافر مع جوزي بره البلد
بدر :هتتجوزي وهتسافري طب وانا
كوثر :انا قدمت لك في مدرسه داخلي كويسه جدا وهتتعلم وتشتغل كمان وانت كبرت وتقدر تعتمد علي نفسك
بدر :مدرسه داخلي يعني هنام فيها
كوثر :بص بقي يا بدر انا من يوم ما امك هربت وابوك اتسجن وانا عايشه معاك وواخده بالي منك بس انت مايرضيكش اني اضيع فرصه زي دي من ايدي
بدر :لا يا عمتي مايرضنيش الف مبروك
كوثر :خلاص من بكره تجهز حاجاتك عشان تروح المدرسه
ذهب بدر الي المدرسه ولكنها كانت ملجأ اكثر من كونها مدرسه كانت معاملتهم له سيئه جدا وازدادت سوء بعد معرفتهم بسجن والده فكان يبعد عن زملائه ليس له صديق سوي رائد الذي توفي والديه منذ صغره وكبروا معا وعند حصولهم علي شهاده الثانويه العامه خرجوا من المدرسه وألتحق بكليه الطب وألتحق رائد بكليه التجاره وكانوا يعملوا أثناء الدراسه وبعد التخرج سافروا للعمل في الخارج واستطاعوا تكوين ثروه كبيره وبعد خروج شهاب الدين من السجن سافر إليهم وعملوا جميعا علي زياده أموالهم وعمل بدر علي زياده نفوذه لكي يعود وينتقم
Back
اخرج بدر الدين من ذكرياته دخول رائد مكتبه
رائد :بدر بدر ايه روحت فين
بدر :هه انت دخلت امتي
رائد :من بدري ايه يا بني كنت سرحان في ايه
بدر :انت عارف ان مفيش موضوع شاغلني غيره
رائد :انا خايف عليك يا بدر نار الغل والانتقام مش بتحرق اللي عايز تنتقم منه بس لا دي هتحرقك معاها
بدر :مش مهم المهم احرقهم كلهم بيها واعمل حسابك انا هروح اكلم عمي عشان اخطب ليالي وانت هتيجي معايا
رائد :وانا كمان هروح اقابل عمك واخطب سهر
بدر :انت برده مصمم تخطبها
رائد :ايوه طبعا
رائد :بس افتكر ان خطوبتك لسهر مش هتغير موقفي ولو وقفت قدامي معاهم انا ناري هتحرق الكل
رائد :اللي عايزه ربنا هو اللي هيكون
وقام بدر بالاتصال بعمه وتحديد موعد ليطلب يد ليالي ويطلب رائد يد سهر وتم تحديد موعد الخطوبه وكان حفل صغير لا نقول حفل لانه اقتصر علي بدو ورائد وزين الدين وساهر وسهر وليالي ووالدتهم وصديقتهم داليده التي أتت من الصباح الباكر لمساعدتهم
كانت الفتيات يجلسوا في غرفه ليالي
داليده :كده يا اندال مش كان اتفاقنا نتخطب مع بعض
ليالي :مهو انت اللي متشعبطه في ساهر وهو مش هنا
داليده :بقولك ايه ما تكبريهاش في دماغي واروح ادخل عليه اوضته واصوت والبسه مصيبه واخلي ابوكي يجوزهولي دلوقت حالا
سهر :تصدقي فكره يلا روحي واحنا شاهدين انه هو اللي استدرجك ودخلك الاوضه
ليالي :عصابه انتم والله
دلف عليهم ساهر
ساهر :والله وكبرتوا يا مفاعيص وهتتخطبوا
سهر :وكان نفسنا والله نتخطب مع بعض يا ساهر ونتجوز مع بعض هو انت مش ناوي تفرحنا بقي فيك قصدي بيك
ساهر :مش لما افرح بيكوا انتم الأول ثم نظر الي داليده :عقبالك يا انسه
سهر :هو انت يا حبيبي مش بتحس
ساهر:ليه بتقولي كده
سهر :لا ولا حاجه
وصل رائد وبدر وتمت الخطوبه وطلبت ليالي من داليده الغناء حيث أن صوتها جميل وقامت بغناء اغنيه لتعبر عن حبها لساهر لعله يشعر بها
ياشاغلنى وقلبك خالى
,,ومسهر عيني ليالي
كل الأحباب اتهنوا
عقبالي معاك
عقبالي
ياشاغلنى, ياشاغلنى
ياشاغلنى وقلبك خالي
حبك باين ف عنيا
وف لمس ايدك ل ايديا
اذا كنت مخبي عليا متقولي وترحم حالي
اعملك اية؟؟ ماعرفش
حيرتني ليه؟؟ ماعرفش؟؟
اة لو تفهمني يا غالي يا مسهر عيني ليالي,
كل الحباب اتهنوا عقبالي معاك
عقبالي ياشاغلنى ,ياشاغلنى,, ياشاغلنى و قلبك خالي
