- اي ان شاءالله للكبر اروح واخلص حتى
صدك اصير فاتحة
ورجعت اداوم وكملت السادس
ثائر لا اجه ولا وصل الي يشوف وضعنا ايكول هو المجبور مو اني هم كيفت كلت بلكي الله
ويتركني سافر ثائر تهريب عبر البحر
بعده عمي من امن بيه سافر هو هم رجع
لبريطانيا انه كملت امتحانات ونجحت
ابمعدل ٨٠ بس احس فرحتي كلش ناقصة
بعد فترة صار التقديم جبت استمارة وانه مليتها
بعد ماخابرت خالتي بيداء وعلمتني مليتها
على كلية تربية القادسية قسم تاريخ
من رجعت اتلكتني أمي
- هايمة قدمتي
- كعدت وانه. تعبانة اي يمة قدمت تربية القادسية تاريخ بس هوسه والبنات. كلهن جايات
جان ابوي كاعد بالهول سمعته يصيحني
- كومي شوفي ابوج. جا عدي وين
- ماادري راح لبيت باجي على اخوتي عفتها
ودخلت للهول هاا بوية
- اكول آماسي منو كالج تروحين تقدمين
وتملين استمارة
- ضليت امتمت بوية كلت لاامي ورخصتني
حتى عدي راح ويايه
- انعل ابوج لا ابو امج لا ابو عدي ردتي تكملين سادس وكملتي لهنا وماكو بعد دراسة مكانج
البيت منا لما يوصل خطيبج وتلحكي
- كمت ابجي بس بوية والله انه حلمي اكمل
حرامات معدلي زين وانه شاطرة اقلها مستقبل
الي وياه هذا الي انطيتي اله لا شغل ولا عمل
- قسماً بالله هاي كلها سوالف خالاتج هنا طلعن
عينج مثل ما كَوان امج عليه ولسننها
روحي من وجهي لا احرك البيت على روسجن
رووووحي
- طبت أمي
چا خوش قيصر ماطول دراسة ماكو زواج همات
ماكو بتي مانطيها لاابن اخوك الفاهي
- اي طلعي طلعي سوالفج امونة منو هذا الي
مخليته ياكواد جوا اباطج الها منو انعل ابوجن لابو كان وكف ويعد بصابيعة دراسة ماكو
وتاخذ ابنه عمها واريد بعد يا بت ابوها تحجي
- احجججججي واكول بتي ماتطيها. لو تنكلب الدنيا كافي بس علينا كادر ما انطه ياسر بته مو بت خالته شجايبة عليه هذا
- ضلو هو وامي يتعاركون عافنا وطلع
بعد مدة خابر ثائر واصل سورية ونطاهم
لااهله الرقم صار البجي عادي عندي كل يوم نفس الشيء انسليت سل كل الي يشوفني يضحك
يكول اي عيني راح اسافر وعرس وجاي اترشق بروحها مايدرن من الضيم والقهر
خابرت أمي على جدتي وكالتها
- وج يمة لاتنطين بتج لذولة وترثتهم الجايفة
ليش اضلميها ليش. هي آموسه وين تكدر
تعيش يم حمده الوكحة هيَ وبتها ايشلعن الكاشي من وكاحتهن
الحلقة 51
Start from the beginning
