سماح »» هاتي خليني نساعدك
انا »» لالا والله ماتقربي حاجه
سماح »» لا وحق ربي ماصارت
"قعدت تساعد فيا اما نا ابتسمت لطيبتها.....سبحان الله هيا الوحيدة اللي تفرق عن خواتها......ساعدتني سماح وروحوا الرجالة من الجامع....حطينا الغداء وقعمزنا نتغدو انا وعمتي وندي وفاتن وسماح"
ندى »» شنووووووو هذاااااااااا؟؟!!!!!!!!!!!!!
التفتنالها باستغراب
سماح »» شنووور كنك؟؟
ندى بقرف »» اععععع رز طعمته مالحه بكل
"انصدمت من كلمتها....ذقته مافيه شي وطعمه كويس"
سماح عقدت حواجبها »» لااا بالعكس سمح كنك انتي
ندى »» فااااتن ذوقيه بس "ونخصتها"
فاتن فهمت الجو وذاقاته »» اعععععي مالح بكل صح
انا بصدمة »» كيف مالح ماكثرتش بكل وسماح كانت قاعدة معايا
سماح »» صح
ندى »» شنو نكذبو نحنا مثلا
"تعالت الاصوات وعمتي ساكته"
عمتي بعياط »» خلااااااص اسسسسسس كملن غداء وكل وحدة تروح لحوشها هيا مش ناقصني نا
ندى وفاتن صبن »» الحمدلله
انقهرت في وسط خاطري وكان خاطري نقتلهن بيديا.....كملنا وشلت السفرة وخشيت للكوجينه لقيت ندى فيها ونااااضن عليا جنوني
جيت مسكت ندى من بلوزتها »» اسمعي كنك انتي من اول ماجييييت كارهتني احكييييي
ندى »» اطلقيني ياحقيرة اطلقي
مسكتها بكل قوتي وكريت شعرها....اما ندى قعدت تعيط
ندى »» ووووه عليا اطلقي ياحيوانه يابيئة ياحشرة ياساقطة
انا ضربتها كف بكل قوتي »» نا اشرف منك ومن كل هلك ياوسخة
خشن عمتي وسماح وفاتن يجارن وقعدت سماح تحز....وخشوا الرجاله
عمي بعياط »» اسكتوووووووووا
"كلنا جمدنا من الخوف وكانت اول مرة نخاف للدرجة هذي"
عمي بعياط »» هيا اللي هذا ياخذ مراته ويمشي "وبعياط" بسرررررررعة
"وتيت روحي وندى تبكي وتشكي لعبدالله ركبت في السيارة ومعتصم ركب وطبق الباب بكل قوته"
معتصم بعصبية »» شنووو هذا اللي درتيه طبيعية انتي ولا شنو فضحتي بيا قدام هلي الله يفضح بيك
انا بعصبية »» توووا طلع الحق عليا....انت اصلا مش عارف شن يديرن فيا الحقيرات خواتك وصبايا خوتك
YOU ARE READING
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
