سماح : امنة عندي موضوع نبي نحكيه لك!
انا : شنو؟
سماح : بصرااحه بصرراحة عندي خوي اسمه معتصم عمره 26 سنة....من قبل جيتي وقعد يشوف فيك ديمة ويراقب فيك وحتى سألني عليك وقتله مش مخطوبة.....وبصراحة "مدتلي ورقة" هذا رقمـه ويبيك غير تتعرفي عليه وفي اقل من شهر وعـد نجوا نا وماما نخطبوك اصلا انتي عاجبتيه
انا تنهدت : اسفة ياسماح....بس والله مانبي...نبي نكمل قرايتي ومانبيش حاجة تشغلني وبعـدين مش مقتنعه بفكرة الخطبة والزواج ومش حاطته في بالي
سماح »» عارفة...وع فكـرة كان عالقراية هوا مش معترض عليها ومتخرج من هندسة...انتي بس حاولي تفكري فالموضوع
"فتحت نقالها وورتني صورته....ماكانش حلو واجد بس فيه حاجة جذااابة وبالاخص عيونه سوود ويلمعو....سرحت فالصورة وسماح ضحكت وقالت"
سماح »» هههه المهم فكري وصدقيني معتصم مايتعوضش
"عرفت ان المحـاولة معاها مفيهـش فايدة ومسكـرة راسها...."
انا »» تمام يصير خيـر
"جتنا انتصار وقعدت معانا شوي وصبت سماح واستأذنت....مشت حكت لخوها كل حاجه وفـرررح واااجد....اما نا جاني بابا وروحت معاه"
في الطريق...
بابا »» شن الجو عند انتصار
انا »» تمام الحمدلله
بابا »» كثرن بيتاتك عندها اخرر مرة راه وقوليلها الكلام هذا
"وجعتني بس سكتت....وكأني بايته عند حد غريب....فالنهاية اختي ومش برانية عليا....اااخ وخلاص.....روحنا للحوش وهدرزت مع ماما واماني وكانت الساعة 8....درت فنجان قهـوة وخشيت لداري وقعدت نقرررا ونقررررا....قرررريت لعند الساعه 9 وجتني اماني بس قلتلها منبيش نتعشا.......كملت قرايتي عالساعه 12 وربع....عالاقل قرايتي هيا الوحيدة اللي تغير في جوي وماتخلينيش نحس بالملل.....كان حلمـي نخش علمي ونطلع دكتورة نساء بس بابا دمر حلمي....رفض وياما زعلت وبكيت بس فالاخير تقبلت الامر......نعست من كثر القراية وغيرت جدولي ورقدت"
...
7:00ص
رن منبهي....طفيته ونضت....توضيت وصليت الصبح خشيت للكوجينه لقيت ماما ادير فالفطور
انا »» صباح الخير
ماما ابتسمت »» صباح الانوار
"قعمزت قعدت نشرب في الحليب وخش سليم يحك فـ عيونه وقمعز بدون مايقول حتى حرف"
سليم باستفزاز »» امنة صبيلي حليب
ماما »» غير قول صباح الخير قبل!
سليم بنفترة »» صباح الخير
"صبيتله ونا راقيتلي منه وقررت نديرله حاجة نمسح كبدي....عبيت الكباية حليب ومديتها له وكبيتها ع دبشه"
أنت تقرأ
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
