مروا يـومين واليوم العرس!!!!!!!!!!!!
نضت الصبح بـدري فطـرت ونا خايفة ومتوترة....ناضوا الحوش كله....قعدن البنات يديرنلي في كريمات ومرطبات وحاجات اخرة.....مشيت الساعه 10 نا وليلى وهناء للحمام البخاري.....روحت الساعه 11 وقعدت نوتي في روحي والبنات يدربكن ويزغرتن وفرحانات....اذن الظهـر صليت وتغدينا بعدها مشيت للمزين مع هناء والبنات...
.
.
.
.
عنـد معتصم....
كان بايـت مع اصحابه في الاستراحه يبي يوتي ويلبس عندهم....قدموله كل ما لذ وطاب وكملت كلها هدرزة وضحك...
.
.
.
.
2 pm
"خوتي وضنـا عمي وخوالي وخالاتي وكلهم....وتوا سيارات شالو فيهـن الحلويات والموالح وحاجات الصاله كلهن ورفعوهن للصالة....مشت معاهم ماما وعماتي الاثنين لانهن مشـرفات عـ كل حاجة"
.
.
.
.
.
"مرررر الوقـت وجاء العصر.....ولعن البنات المنظومة وعلن الصوت وقعدن يرقصن ودارن جو يهبلل.....عالمغرب الكـل وتا روحه وطلعوا زفة كبيرة للصالة"
عندي....
انا بتوتر »» مـازال
المزينة »» مـازال شوي لمسات بسيطة....شن تبيها التسريحة؟
انا »» ديريها ليا بسيطه نفس هذي "طلعت فوني وريتلها تسريحه كانت عندي من قبل وكنت نبيها في عرسي"
المزينة »» حلـوة الحق....توا نبدالك فيها
هناء همستلي »» اشش يا موني ماتوتريش
انا بخوف »» خـ خايفة
هناء »» لا متخافيش كل حاجه حتمشي تمام
"قعدت تمكيج فيا ونا خايفه ومتوترة ويطني توجع فيا....معاش عرفت روحي فرحانه او لا او شعور مختلط بين الاثنين"
.
.
.
عنـد معتصم
"جابوا الحلاق وتى كـل حاجه ولبس البذلة وبخ من عطره وطلع يهبلللل بالبدلة السودة"
.
.
.
.
عندي....
واخييررررا كملت
هناء مصدومة »» الله اكبر الله اكبر طالعه تهبللللي
ساجدة »» لولولولولولولي
المزينة »» ماشاء الله طالعه جميلة
انا بإرتباك »» تـ تسلمي
"قعدن البنات يبخرن فيا اما هناء قرتلي المعوذات وشربت امية....بعد شوي رن عليا معتصم"
معتصم »» الو ياعيوني
انا »» اا الو
معتصم »» كملتي نجيك توا؟
انا »» ا اها تعال
"بعد شوي سمعت صوت سيارة وطلق برا والعاب نارية....حسيت قلبي وقف والبنات بدن يزغرتن عرفت انه معتصم وصل....لبست الكاب وغطيت روحي والبنات قعدن يمشن معايا لعند الباب ومسك معتصم يدي وفتحلي الباب وركبت السيارة وهوا ركب"
معتصم حول الكاب وابتسم »» مبروك علينا ياعيوني
"رفعت عيني فيه وانصدددمت....طالع يهبل بكل معنى الكلمة....اما هوا شافني وانصدم "
YOU ARE READING
سجينـة المـاضي
Teen Fictionرواية باللهجة الليبية للكاتبة سرو الحاسي ❤✨تحكي عن بنت وحياتها بعد ماتركها اعز الناس ورحل عنها...تمر بصعوبات وعذاب في حياتها بسبب هالشخص...هل ربي حـ يعوضها بشخص غيره او مستحيل تنساه ويقعد ذكـرى خالدة في ذهنها؟..كل شي حتعرفوه مع احداث القصة💜ان شالله...
