إمبراطورية الأسود

البارت 157

ﻭﻟﻜﻦ ﻣﺎ ﺍﻥ ﺣﻼﺗﻮ ﺣﺘﻰ ﺗﺼﺪﻣﺎﺕ ﺑﺎﻟﺠﻮ ﺍﻟﻤﺸﻤﺲ .. ﺳﻤﻌﺎﺕ ﺻﻮﺕ ﻣﻦ ﻣﻮﺭﺍﻫﺎ
ﺃﺭﺳﻼﻥ : ﺗﻴﻘﺘﻲ ﺩﺍﺑﺎ
ﺭﻳﻤﺎﺱ : ﻭ ﻫﺎﺩ ﺍﻟﺮﻳﺤﺔ ﻣﻨﻴﻦ ﺟﺎﺕ؟؟
ﺃﺭﺳﻼﻥ : ‏( ﻋﻨﻘﻬﺎ ﻣﻦ ﺍﻟﻠﻮﺭ ‏) ﻛﺎﻳﺴﻘﻴﻮ ﺍﻟﺠﺮﺩﺓ
ﺭﻳﻤﺎﺱ : ‏( ﺿﺎﺭﺕ ﻟﻌﻨﺪﻭ ‏) ﻻ ﻫﺎﺩﻱ ﻣﺎﺷﻲ ﺭﻳﺤﺔ ﺍﻟﺴﻘﻲ .. ﻫﺎﺩﻱ ﺭﻳﺤﺔ ﺍﻟﺸﺘﺎ ... ﻣﺎﺑﻐﺎﺵ ﻳﺰﻳﺪ ﻳﺠﺎﺩﻟﻬﺎ ﺣﻴﺖ ﻫﻮ ﻓﻨﻈﺮﻭ ﻫﺎﺩ ﺍﻟﺮﻳﺤﺔ ﺭﻳﺤﺔ ﺍﻟﺴﻘﻲ ﻟﻲ ﻏﺎﺗﻜﻮﻥ ﺷﻤﺎﺕ ... ﺑﺪﻻﺕ ﺣﻮﺍﻳﺠﻬﺎ ﻭ ﺍﻟﻔﺎﺻﻤﺔ ﻟﻴﺪﻳﻬﺎ ﻭ ﻫﺒﻄﻮ ﺑﺎﺵ ﻳﻔﻄﺮﻭ ﻭ ﺑﻴﺎﻥ ﺳﻴﻎ ﺣﺘﻰ ﻫﺎﺩ ﺍﻟﻨﻬﺎﺭ ﻣﺮﺕ ﻏﺎﺑﺮﻳﺎﻝ ﻣﺎﺧﺮﺟﺎﺗﺶ
ﺃﺭﺳﻼﻥ : ﻋﻴﻂ ﻟﻤﺮﺗﻚ ﺍ ﺳﻲ ﻏﺎﺑﺮﻳﺎﻝ
ﻏﺎﺑﺮﻳﺎﻝ : ﺭﺍﻫﺎ ﻋﻴﺎﻧﺔ ﻫﺎﺩ ﺍﻟﻨﻬﺎﺭ
ﺃﺭﺳﻼﻥ : ﻫﻤﻢ
ﺭﻳﻤﺎﺱ : ‏( ﺧﺼﺮﺍﺕ ﺳﻴﻔﺘﻬﺎ ‏) ﺍﺵ ﺩﺍﻳﺮﻳﻦ ﻓﻬﺎﺩ ﺍﻟﻘﻬﻮﺓ ﻫﺎﺩ ﺍﻟﻨﻬﺎﺭ؟؟ ... ﺷﺎﻑ ﻓﻴﻬﺎ ﺑﺈﺳﺘﻐﺮﺍﺏ ﺣﻴﺖ ﺍﻟﻘﻬﻮﺓ ﻟﻲ ﻛﺎﻳﺸﺮﺏ ﻫﻲ ﻧﻔﺴﻬﺎ ﻟﻲ ﻛﺎﺗﺸﺮﺏ ﺣﺘﻰ ﻫﻲ ﺩﺧﻠﻮ ﺍﻟﺸﻚ ﻳﺎﻛﻤﺎ ﺩﺍﺭﻭ ﻟﻬﺎ ﺷﻲ ﺣﺎﺟﺔ ﻓﺎﻟﻘﻬﻮﺓ
ﺃﺭﺳﻼﻥ : ‏( ﺑﺸﻚ ‏) ﻣﺎﻋﺠﺒﺎﺗﻜﺶ !. ﺍ
ﺭﻳﻤﺎﺱ : ﻫﺎﻙ ﺷﻮﻑ ﻭﺍﺵ ﻫﺎﺩ ﺍﻟﻘﻬﻮﺓ ﺗﺘﺸﺮﺏ .. ﺍﻟﻠﻮﻏﻮ ﺩﻳﺎﻟﻬﺎ ﻓﺸﻲ ﺷﻜﻞ ، ﺍﺷﺎﺭ ﻟﻠﺨﺪﺍﻣﺔ ﻟﻲ ﻭﺍﻗﻔﺔ ﺣﺪﺍﻩ ﻭ ﺟﺎﺕ ﻟﻌﻨﺪﻭ
ﺃﺭﺳﻼﻥ : ﻋﻴﻄﻲ ﻟﻲ ﻭﺟﺪ ﺍﻟﻔﻄﻮﺭ
ﺍﻟﺨﺪﺍﻣﺔ : ﻭﺍﺧﺎ ﺍ ﺳﻲ ﺍﺭﺳﻼﻥ .. ﻣﺸﺎﺕ ﻋﻴﻄﺎﺕ ﻋﻠﻰ ﺍﻟﻤﺮﺍ ﻟﻲ ﻣﻜﻠﻔﺔ ﺑﺎﻟﻔﻄﻮﺭ ﻫﺎﺩ ﺍﻟﺼﺒﺎﺡ .. ﺟﺎﺕ ﻟﻌﻨﺪﻭ ﻭ ﺣﺪﺭﺍﺕ ﺭﺍﺳﻬﺎ
ﺍﻟﺨﺪﺍﻣﺔ 2 : ﺳﻲ ﺃﺭﺳﻼﻥ ﻋﻴﻄﺘﻲ ﻟﻲ
ﺃﺭﺳﻼﻥ : ﺷﺮﺑﻲ ... ﺍﺷﺎﺭ ﺑﻴﺪﻳﻪ ﻟﻠﻔﻨﺠﺎﻥ ﺩﻳﺎﻝ ﺭﻳﻤﺎﺱ ، ﺷﺮﺑﺎﺗﻮ ﻋﺎﺩﻱ ﺑﻘﺎ ﻛﺎﻳﻘﺮﺍ ﻣﻼﻣﺤﻬﺎ ﻭﻟﻜﻦ ﻣﺎﻭﻗﻊ ﻭﺍﻟﻮ ﻭ ﺭﺩﺓ ﻓﻌﻠﻬﺎ ﻛﺎﻧﺖ ﻋﺎﺩﻳﺔ .. ﻋﻄﺎﻫﺎ ﺍﺷﺎﺭﺓ ﺑﺎﺵ ﺗﻤﺸﻲ ﻭ ﺍﻟﺨﺪﺍﻣﺔ ﻟﻲ ﻛﺎﻧﺖ ﻭﺍﻗﻔﺔ ﺣﺪﺍﻫﻢ ﺧﻮﺍﺕ ﻓﻨﺠﺎﻥ ﺍﺧﺮ ﻟﺮﻳﻤﺎﺱ ﻭﻟﻜﻦ ﻫﺎﺩ ﺍﻟﻤﺮﺓ ﻏﻴﺮ ﺑﻐﺎﺕ ﺗﺸﺮﺑﻮ ﻭ ﻫﻮ ﻳﺠﻴﺐ ﻟﻬﺎ ﺗﺒﻮﻳﻌﺔ ﻧﺎﺿﺖ ﻛﺎﺗﺠﺮﻱ ﻷﻗﺮﺏ ﺣﻤﺎﻡ ﺗﺒﻌﻬﺎ ﺃﺭﺳﻼﻥ ﻳﺸﻮﻑ ﻣﺎﻟﻬﺎ ﻭ ﺑﻘﺎﻭ ﺍﻟﻌﺎﺋﻠﺔ ﻣﺘﺒﻌﻴﻦ ﻟﻬﻢ ﺍﻟﻌﻴﻨﻴﻦ
ﺃﺩﻳﺮﺓ : ‏( ﺑﻔﺮﺡ ‏) ﺑﻨﺘﻲ ﺇﻳﻠﻴﻨﺎ ﻭﺍﺵ ﻣﺸﻬﻴﺔ ﺷﻲ ﺣﺎﺟﺔ
ﺇﻳﻠﻴﻨﺎ : ﻻ ﺍ ﺧﺎﻟﺘﻲ .. ﺍﺳﻮﺍﺭ ﻣﺎﻛﺎﻳﺨﻠﻴﻨﻲ ﻧﺘﺸﻬﻰ ﺣﺘﻰ ﺣﺎﺟﺔ ﻛﻠﺸﻲ ﻛﺎﻳﺠﻴﺒﻮ ﻟﻲ
ﺳﻲ ﺇﻳﺘﺎﻥ : ﻭﻱ ﺑﺎﻳﻨﺎ
ﺟﻮﻟﻴﺎﻧﺎ : ‏( ﻣﻮﺟﻪ ﺍﻟﻬﻀﺮﺓ ﻷﺩﻳﺮﺓ ‏) ﻣﺎﻣﺎ ﻣﺎﻋﺮﻓﺘﺶ ﻣﺎﻝ ﺭﻳﻤﺎﺱ ﻭﺍﺵ ﺑﺎﻗﺎ ﻋﻴﺎﻧﺔ؟
ﺇﻳﻼﻡ : ﻫﺎﺩﻳﻚ ﺭﺍﻩ ﻗﺎﺗﻠﻬﺎ ﺍﻟﻔﺸﻮﺵ ﻛﻞ ﺷﻮﻳﺔ ﻣﺮﻳﻀﺔ
♚ ﺑﻘﺎ ﺷﺎﺩ ﻟﻬﺎ ﺷﻌﺮﻫﺎ ﺣﺘﻰ ﺳﺎﻻﺕ ﻭ ﺑﺪﺍﺕ ﻛﺎﺗﻐﺴﻞ ﻓﻤﻬﺎ
ﺃﺭﺳﻼﻥ : ﻃﻠﻌﻲ ﻭ ﻏﺎﺗﺠﻲ ﻟﻌﻨﺪﻙ ﺍﻟﻄﺒﻴﺒﺔ
ﺭﻳﻤﺎﺱ : ﺭﺍﻩ ﺑﺎﻗﻲ ﺧﺎﺻﻨﻲ .. ... ﻭﻗﻔﻬﺎ ﺑﺼﺒﻌﻮ
ﺃﺭﺳﻼﻥ : ﻃﻠﻌﻲ
ﺭﻳﻤﺎﺱ : ﺭﺍﻩ ﻣﺎ ﻓﻴﺎ ﻭﺍﻟﻮ ﻋﻼﺵ ﻏﺎﻃﻠﻊ ﻋﻨﺪﻱ؟؟؟ ... ﻳﻼﻩ ﻛﻤﻼﺕ ﻫﻀﺮﺗﻬﺎ ﻭ ﻫﻲ ﺗﺮﺟﻊ ﻟﻬﺎ ﺗﺒﻮﻳﻌﺔ .. ﺭﺩﺍﺕ ﻣﺼﺎﺭﻧﻬﺎ ﻣﺎﺣﺒﺴﺎﺕ ﺗﺎ ﻭﻻ ﻭﺟﻬﻬﺎ ﺻﻔﺮ ﻫﺒﻄﻬﺎ ﻟﻠﻤﺴﺘﺸﻔﻰ ﻟﺘﺤﺖ ﻭ ﺟﺎﺕ ﺍﻟﻄﺒﻴﺒﺔ ﺑﺎﺵ ﺗﻔﺤﺼﻬﺎ .. ﺃﺭﺳﻼﻥ ﻛﺎﻥ ﺷﺎﻙ ﻓﺸﻲ ﺣﺎﺟﺔ ﻭﻟﻜﻦ ﻣﺎﻣﺘﺄﻛﺪﺵ ﻣﻨﻬﺎ .. ﺳﺎﻻﺕ ﺍﻟﻄﺒﻴﺒﺔ ﻭ ﻋﻠﻰ ﻭﺟﻬﻬﺎ ﺇﺑﺘﺴﺎﻣﺔ
ﺍﻟﻄﺒﻴﺒﺔ : ‏( ﺑﺈﺑﺘﺴﺎﻣﺔ ‏) ﻣﻴﺴﺘﺮ ﺃﺭﺳﻼﻥ ﻣﺒﺮﻭﻙ ﻋﻠﻴﻚ ﺍﻟﻤﺪﺍﻡ ﺣﺎﻣﻠﺔ ﻓﺎﻷﺳﺒﻮﻉ ﺍﻟﺜﺎﻧﻲ ... ﻫﺎﺩ ﺍﻟﺠﻤﻠﺔ ﻛﺎﻧﺖ ﺑﻤﺜﺎﺑﺔ ﺻﺪﻣﺔ ﻟﻴﻬﻢ ﺑﺠﻮﺝ ﺣﻴﺖ ﻣﺎﻛﺎﻧﻮﺵ ﻣﺘﻮﻗﻌﻴﻨﻬﺎ ﺍﻭﻻ ﺭﻳﻤﺎﺱ ﻟﻲ ﻛﺎﻧﺖ ﻧﺎﻭﻳﺔ ﺩﻳﺮ ﺷﺤﺎﻝ ﻣﻦ ﺣﺎﺟﺔ ﻭ ﻣﺎﻛﺎﺗﻔﻜﺮﺵ ﻓﺎﻟﻮﻻﺩ ﺩﺍﺑﺎ ﺣﻴﺖ ﺿﺎﺭﺑﺔ ﺍﻟﺤﺴﺎﺏ ﻷﺭﺳﻼﻥ ﻏﺎﻳﻮﻟﻲ ﻛﺎﻳﺤﻜﺮ ﺑﺰﺍﺍﻑ ﻭ ﺛﺎﻧﻴﺎ ﺃﺭﺳﻼﻥ ﻟﻲ ﻛﺎﻥ ﻣﺄﺟﻞ ﺍﻟﻤﻮﺿﻮﻉ ﺩﻳﺎﻝ ﻳﻘﻠﺐ ﻋﻠﻰ ﺷﻲ ﺣﻞ ﻟﻲ ﻳﺨﻠﻲ ﺭﻳﻤﺎﺱ ﻣﺎﺗﻮﻟﺪﺵ ﺍﻟﺬﻛﻮﺭ .. ﻭﻱ ﺣﺎﺟﺔ ﻣﺴﺘﺤﻴﻠﺔ ﻭ ﺧﺎﺭﺟﺔ ﻋﻠﻰ ﺍﻟﻄﺒﻴﻌﺔ ﻭﻟﻜﻦ ﻫﻮ ﻫﺎﻛﺎ ﻛﺎﻥ ﻛﺎﻳﻔﻜﺮ ﺣﺘﻰ ﺻﺪﻣﺎﺗﻬﻢ ﺍﻟﻄﺒﻴﺒﺔ ﺑﺤﺎﺟﺔ ﻣﺎﻛﺎﻧﻮﺵ ﺿﺎﺭﺑﻴﻦ ﻟﻴﺎ ﺍﻟﺤﺴﺎﺏ .. ﻣﻦ ﺟﻬﺔ ﺑﺠﻮﺟﻬﻢ ﻓﺮﺣﺎﻧﻴﻦ ﻭ ﻣﻦ ﺟﻬﺔ ﻛﻞ ﻭﺍﺣﺪ ﻓﻴﻬﻢ ﺷﺎﻃﻨﺎﻩ ﺣﺎﺟﺔ ﻭ ﺑﺠﻮﺟﻬﻢ ﻻﺣﻈﻮ ﺑﻠﻲ ﻣﺎﻛﺎﻳﻨﺎﺵ ﺩﻳﻚ ﺍﻟﻔﺮﺣﺔ ﻟﻲ ﺍﻟﻤﻔﺮﻭﺽ ﺧﺎﺹ ﺗﻜﻮﻥ
ﺭﻳﻤﺎﺱ : ﻋﺎﻭﺩﻱ ﺗﺄﻛﺪﻱ ﺣﻴﺖ ﺭﺍﻩ ﻳﻼﻩ ﺷﻬﺮ ﻭ ﺷﻲ ﻳﺎﻣﺎﺕ ﺑﺎﺵ ﺟﺎﺗﻨﻲ ﻻ ﻏﻴﻜﻞ
ﺍﻟﻄﺒﻴﺒﺔ : ﻭﻱ ﻣﺪﺍﻡ ﺭﻳﻤﺎﺱ ﺣﺎﺟﺔ ﻃﺒﻴﻌﻴﺔ ﺣﻴﺖ ﺍﻟﺤﻤﻞ ﻳﻼﻩ ﻏﺎﻳﺪﺧﻞ ﻓﺄﺳﺒﻮﻋﻮ ﺍﻟﺜﺎﻧﻲ ‏( ﺷﺎﻓﺖ ﻓﻴﻬﻢ ﺑﺠﻮﺝ ‏) ﺧﺎﺹ ﺗﺮﺩﻭ ﺍﻟﺒﺎﻝ ﻣﺰﻳﺎﻥ ﻟﻤﺪﺍﻡ ﺭﻳﻤﺎﺱ ﻓﻬﺎﺩ ﺍﻟﻔﺘﺮﺓ ... ﺍﻟﺤﻤﻞ ﻣﺰﺍﻝ ﻳﻼﻩ ﻓﺄﺳﺒﻮﻋﻮ ﺍﻟﺜﺎﻧﻲ ﻳﻌﻨﻲ ﻣﺎﻣﺴﺘﻘﺮﺵ .. ﻣﺎﺧﺎﺻﻬﺎﺵ ﺗﺒﻘﺎ ﺗﺠﻬﺪ ﺭﺍﺳﻬﺎ ﻭ ﺗﺒﻌﺪ ﻣﻦ ﺍﻟﺜﻘﻞ ﻭ ﺗﻌﻄﻲ ﺍﻟﺮﺍﺣﺔ ﻟﺮﺍﺳﻬﺎ ... ﻏﺎﺩﻱ ﻧﻌﻄﻴﻚ ﻧﻈﺎﻡ ﻏﺬﺍﺋﻲ ﻭ ﻗﺎﺋﻤﺔ ﻋﻠﻰ ﺷﻨﻮ ﺧﺎﺻﻬﺎ ﺩﻳﺮ ﻭ ﺷﻨﻮ ﻣﺎﺧﺎﺻﻬﺎﺵ ﺩﻳﺮ ﺑﺎﺵ ﻧﺘﺠﻨﺒﻮ ﺗﻮﻗﻊ ﻟﻬﺎ ﺷﻲ ﺣﺎﺟﺔ ﺗﺘﺴﺒﺐ ﻟﻬﺎ ﺷﻲ ﺣﺎﺟﺔ ﻭ ﺧﺎﺻﺔ ﺍﻥ ﻣﺪﺍﻡ ﺭﻳﻤﺎﺱ ﺻﺤﺘﻬﺎ ﺣﺎﻟﻴﺎ ﻣﺰﺍﻝ ﺿﻌﻴﻔﺔ
ﺭﻳﻤﺎﺱ : ﺳﺒﻖ ﻟﻲ ﻛﻨﺖ ﻣﺮﻳﻀﺔ ﺑﺎﻟﺴﺮﻃﺎﻥ ﻭﺍﺵ ﻫﺎﺩﺷﻲ ﻣﺎﻋﻨﺪﻭ ﺣﺘﻰ ﺷﻲ ﺧﻄﻮﺭﺓ ﻋﻠﻴﺎ ﻭ ﻋﻠﻰ ﺍﻟﺒﻴﺒﻲ؟؟
ﺍﻟﻄﺒﻴﺒﺔ : ﻛﺎﻳﻦ ﻭﺍﺣﺪ ﺍﻹﺣﺘﻤﺎﻝ ﺿﺌﻴﻞ ﺣﻴﺖ ﻋﻠﻰ ﻣﺎﺷﻔﺖ ﻓﺎﻟﺘﻘﺎﺭﻳﺮ ﺩﻳﺎﻟﻚ ﺍﻟﺪﻭﺍ ﺑﺎﺵ ﺗﻌﺎﻟﺠﺘﻲ ﻣﺎﻛﺎﻧﺶ ﻛﻴﻤﺎﻭﻱ %100 ﻭ ﺍﻟﻤﺮﺽ ﻣﺎﺑﻘﺎ ﻋﻨﺪﻭ ﺣﺘﻰ ﺷﻲ ﺍﺛﺮ ﻓﺎﻟﺠﺴﻢ ﺩﻳﺎﻟﻚ
ﺃﺭﺳﻼﻥ : ﺷﻨﻮ ﺍﻟﺠﻨﺲ ﺩﻳﺎﻝ ﺍﻟﺠﻨﻴﻦ
ﺍﻟﻄﺒﻴﺒﺔ : ﻓﺎﻟﻮﻗﺖ ﺍﻟﺤﺎﻟﻲ ﻣﺎﻧﻘﺪﺭﻭﺵ ﻧﻌﺮﻓﻮ ﺍ ﻣﻴﺴﺘﺮ ﺃﺭﺳﻼﻥ ﺣﻴﺖ ﻣﺰﺍﻝ ﻣﺎﻧﻘﺪﺭﻭ ﻧﺤﺪﺩﻭﻩ
ﺭﻳﻤﺎﺱ : ﺍﻩ ﺍﺣﺴﻦ ﺣﺎﺟﺔ ﺍﺻﻼ ﻣﺎﺑﻐﻴﺘﺶ ﻧﻌﺮﻓﻮ ﻣﻦ ﺩﺍﺑﺎ .. ﺧﻠﻲ ﺣﺘﻰ ﻳﺘﺰﺍﺩ .. ﺧﺮﺟﺎﺕ ﺍﻟﻄﺒﻴﺒﺔ ﻭ ﺧﻼﺗﻬﻢ ﺑﺠﻮﺝ .. ﻗﺮﺏ ﻟﻌﻨﺪﻫﺎ ﺑﺨﻄﻮﺍﺕ ﻭ ﺣﻂ ﻳﺪﻳﻪ ﻓﻮﻕ ﺭﺍﺳﻬﺎ ﻛﺎﻧﺖ ﻣﺘﻮﻗﻌﺔ ﻏﺎﻳﻜﻮﻥ ﻓﺮﺣﺎﻥ ﺣﺘﻰ ﺻﺪﻣﻬﺎ ﺑﻬﻀﺮﺗﻮ
ﺃﺭﺳﻼﻥ : ﻣﺎﻏﺎﻧﻀﻐﻄﺶ ﻋﻠﻴﻚ ﺍﻳﻼ ﺑﻐﻴﺘﻲ ﺗﺤﻴﺪﻳﻪ
ﺣﻴﺪﺍﺕ ﻳﺪﻳﻪ ﻭ ﺑﻌﺪﺍﺕ ﻋﻠﻴﻪ ﻭ ﻋﻘﺪﺍﺕ ﺣﺠﺒﺎﻧﻬﺎ
ﺭﻳﻤﺎﺱ : ﻭ ﻋﻼﺵ ﻏﺎﻧﺒﻐﻲ ﻧﺤﻴﺪ ﻭﻟﺪﻧﺎ؟؟؟
ﺃﺭﺳﻼﻥ : ﺑﻨﺘﻨﺎ
ﺭﻳﻤﺎﺱ : ﻭﻟﺪﻧﺎ ﻭﻻ ﺑﻨﺘﻨﺎ ﻣﺎﻏﺎﻧﺤﻴﺪﻭﺵ
ﺃﺭﺳﻼﻥ : ‏( ﺑﺠﺪﻳﺔ ‏) ﻣﺎﺷﻲ ﺑﺰﺍﻑ ﺑﺎﺵ ﺗﺤﻴﺪ ﻟﻚ ﺍﻟﺴﻢ ﻭ ﻣﺰﺍﻝ ﻣﺎ ﺷﺎﺩﺓ ﻓﺮﺍﺳﻚ ‏( ﺧﺸﺎ ﻳﺪﻳﻪ ﻓﺠﻴﺒﻮ ‏) ﺑﺎﻗﻲ ﺍﺣﺘﻤﺎﻝ ﻳﻜﻮﻥ ﺍﻟﺤﻤﻞ ﺧﻄﺮ ﻋﻠﻴﻚ
ﺭﻳﻤﺎﺱ : ‏( ﺷﺪﺍﺕ ﻓﻴﺪﻳﻪ ‏) ﻣﺎﻋﻨﺪﻙ ﻋﻼﺵ ﺗﺨﺎﻑ ﻋﻠﻴﺎ ﻣﺮﺽ ﺍﻟﺴﺮﻃﺎﻥ ﺑﺮﻳﺖ ﻣﻨﻮ ﻫﺎﺩﻱ ﻣﺪﺓ ﻭ ﺭﺍﻙ ﺳﻤﻌﺘﻲ ﺍﻟﻄﺒﻴﺒﺔ
ﺃﺭﺳﻼﻥ : ﻫﻀﺮﺓ ﺍﻟﻄﺒﻴﺒﺔ ﻫﻲ ﻟﻲ ﻭﺻﻼﺗﻚ ﻟﻬﺎﺩ ﺍﻟﺤﺎﻟﺔ
ﺭﻳﻤﺎﺱ : ﻭﺍ ﺻﺎﻓﻲ ﻧﺘﺎ ﻋﺎﺭﻑ ﺍﻻﻃﺒﺎﺀ ﺑﻌﺾ ﺍﻟﻤﺮﺍﺕ ﻛﺎﻳﻐﻠﻄﻮ .. ﺍﻟﺤﻤﻞ ﻣﺎﻋﻨﺪﻭ ﻣﺎﻳﺪﻳﺮ ﻟﻴﺎ ‏( ﻫﺒﻄﺎﺕ ﻋﻴﻨﻴﻬﺎ ﻟﻜﺮﺷﻬﺎ ‏) ﻭﺍﺧﺎ ﺟﺎ ﺑﻜﺮﻱ ﻭﻟﻜﻦ ﻛﺎﻳﺒﻘﺎ ﻭﻟﺪﻧﺎ
ﺃﺭﺳﻼﻥ : ﺑﻨﺘﻲ
ﺭﻳﻤﺎﺱ : ﻫﺎ ﻧﺘﺎ ﻗﻠﺘﻴﻬﺎ .. ﺑﻨﺘﻚ ﻭ ﻛﺎﺗﻘﻮﻟﻴﺎ ﻭﺍﺵ ﻧﺤﻴﺪﻫﺎ
ﺃﺭﺳﻼﻥ : ‏( ﺍﺷﺎﺭ ﺑﺼﺒﻌﻮ ﻟﻜﺮﺷﻬﺎ ‏) ﻣﺎﻋﻨﺪﻳﺶ ﻣﺸﻜﻞ ﻣﻊ ﺍﻟﺠﻨﻴﻦ .. ﻋﻨﺪﻱ ﺍﻟﻤﺸﻜﻞ ﻣﻊ ﺻﺤﺘﻚ ﻟﻲ ﻣﺰﺍﻝ ﻣﺎﺭﺟﻌﺘﻴﻬﺎ ... ﻣﺎﻏﺎﻧﺨﺎﻃﺮﺵ ﺑﺤﻴﺎﺗﻚ
ﺭﻳﻤﺎﺱ : ﻣﺎﻏﺎﺗﺨﺎﻃﺮﺵ ﺑﺤﻴﺎﺗﻲ ﺭﺍﻧﻲ ﺑﻴﻴﻴﺨﻴﺮ ﺭﺍﻙ ﺷﻔﺘﻲ ﺍﻟﺒﺎﺭﺡ ... ﺑﻘﺎ ﻛﺎﻳﺸﻮﻑ ﻓﻴﻬﺎ ﻣﺪﺓ ﻋﺎﺩ ﺟﺎﻭﺑﻬﺎ
ﺃﺭﺳﻼﻥ : ﻏﺪﺍ ﻏﺎﺗﻤﺸﻲ ﻟﻠﻜﻠﻴﻨﻴﻚ
ﺭﻳﻤﺎﺱ : ﻏﺎﺍﺍ ﻧﻤﺸﻲ
ﺃﺭﺳﻼﻥ : ﺍﻳﻼ ﻟﻘﻴﺖ ﺧﻄﺮ ﻭﺍﺧﺎ ﻳﻜﻮﻥ ﺑﻨﺴﺒﺔ %1 ﻏﺎﺗﺤﻴﺪﻳﻪ
ﺭﻳﻤﺎﺱ : ﺍﻥ ﺷﺎﺀ ﺍﻟﻠﻪ
ﺃﺭﺳﻼﻥ : ﻋﺎﺭﻓﺔ ﺭﺍﺳﻚ ﻏﺎﺗﺰﻳﺪﻱ ﺿﻌﺎﻓﻲ ﻭ ﺗﺘﻘﻠﻲ
ﺭﻳﻤﺎﺱ : ﺃﺭﺳﻼﻧﻲ ﻣﺎﻋﻨﺪﻳﺶ ﻣﺸﻜﻞ ﻭ ﺍﻟﺠﻨﻴﻦ ﻣﺎﻏﺎﻳﺘﻘﻠﻨﻴﺶ ... ﻛﺎﻧﺖ ﻣﺼﻤﻤﺔ ﻋﻠﻰ ﻗﺮﺍﺭ ﺗﺤﺘﺎﻓﺾ ﺑﻴﻪ ﻭﺍﺧﺎ ﻳﻮﻗﻊ ﻟﻲ ﻳﻮﻗﻊ ﻓﺤﻴﻦ ﺍﺭﺳﻼﻥ ﻛﺎﻥ ﻣﺸﻄﻮﻥ ﻋﻠﻰ ﺻﺤﺘﻬﺎ ﻛﺴﺒﺐ ﺍﻭﻝ ﺣﻴﺖ ﻫﻮ ﻋﺎﺭﻑ ﻣﺰﻳﺎﻥ ﺷﺤﺎﻝ ﻣﻦ ﺣﺎﺟﺔ ﺩﺍﺯﺕ ﻣﻨﻬﺎ ﻭ ﺍﻷﻣﺮﺽ ﻭ ﺍﻟﺴﻤﻮﻡ ﻭ ﺍﻟﻨﺰﻳﻒ ﻟﻲ ﻛﺎﻥ ﻏﺎﻳﻮﻗﻊ ﻟﻬﺎ ﺑﺴﺒﺐ ﺍﻟﺮﻗﺎﻗﺔ ﻭ ﺯﻳﺪ ﻭ ﺯﻳﺪ ﻳﻌﻨﻲ ﺍﻟﺨﻼﺻﺔ ﻣﺎﺑﺎﻏﻴﺶ ﻳﺨﺎﻃﺮ ﺑﺤﻴﺎﺗﻬﺎ ﻭﺍﺧﺎ ﻳﻌﺮﻑ ﻳﻌﻴﺸﻮ ﺑﻼ ﻭﻻﺩ ﻭ ﻋﺎﺩ ﻛﺎﻳﺠﻲ ﺍﻟﺴﺒﺐ ﺍﻟﺜﺎﻧﻲ ﺩﻳﺎﻝ ﻣﺎﺑﺎﻏﻴﻬﺎﺵ ﺗﻮﻟﺪ ﻭﻟﺪ ... ﻧﻮﺿﻬﺎ ﻭ ﺧﺮﺟﻮ ﺑﺎﺵ ﻳﻤﺸﻴﻮ ﻟﻠﻜﻠﻴﻨﻴﻚ ﺑﻼ ﻣﺎﺗﻌﺮﻑ ﺍﻟﻌﺎﺋﻠﺔ .. ﺍﻱ ﻛﻠﻴﻨﻴﻚ ﻛﺎﻧﻮ ﻛﺎﻳﻤﺸﻴﻮ ﻟﻴﻪ ﻛﺎﻧﺖ ﻛﺎﺗﻜﻮﻥ ﻋﻨﺪﻭ ﻧﻔﺲ ﺍﻟﻬﻀﺮﺓ ﻣﺎﻛﺎﻳﻨﺶ ﺧﻄﺮ ﻋﻠﻴﻬﺎ ﻧﻬﺎﺋﻴﺎ ﺣﻴﺖ ﺫﺍﺗﻬﺎ ﺗﺼﻔﺎﺕ ﻭﻟﻜﻦ ﻛﺎﻳﻦ ﺇﺣﺘﻤﺎﻝ ﺑﻨﺴﺒﺔ ﻗﻠﻴﻠﺔ ﻳﺘﺰﺍﺩ ﺍﻟﺠﻨﻴﻦ ﻓﻴﻪ ﺷﻲ ﻋﺎﻫﺔ ... ﺭﺟﻌﻮ ﻟﻠﻘﺼﺮ ﻣﻦ ﻣﻮﺭ ﻣﺎ ﺿﺎﺭﻭ ﻋﻠﻰ ﺷﺤﺎﻝ ﻣﻦ ﻛﻠﻴﻨﻴﻚ ﺣﺘﻰ ﺗﺄﻛﺪ ﺑﻠﻲ ﻣﺎﻏﺎﻳﻜﻮﻥ ﺣﺘﻰ ﺷﻲ ﺗﺄﺛﻴﺮ ﻋﻠﻰ ﺭﻳﻤﺎﺱ ﺣﺲ ﺑﺎﻟﺮﺍﺣﺔ ﻭ ﺑﻮﺍﺣﺪ ﺍﻟﻔﺮﺣﺔ ﻭﺍﺧﺎ ﻣﺎﻛﺎﻧﺘﺶ ﻛﺒﻴﺮﺓ ﺣﻴﺖ ﻣﺎﻋﺮﻓﺶ ﺟﻨﺲ ﺍﻟﺠﻨﻴﻦ ﻭﻟﻜﻦ ﻛﺎﻥ ﺑﺎﻗﻲ ﺍﻣﻞ ﺻﻐﻴﻴﻮﺭ ﻋﻠﻰ ﺣﺴﺐ ﻣﻤﻜﻦ ﺗﻜﻮﻥ ﺑﻨﺖ ﻫﻲ ﺛﻤﺮﺓ ﺯﻭﺍﺟﻬﻢ ﻭ ﺍﻟﺤﺐ ﺩﻳﺎﻟﻬﻢ
ﺃﺭﺳﻼﻥ : ‏( ﺑﻨﺒﺮﺓ ﻓﻴﻬﺎ ﺷﻴﺊ ﻣﻦ ﺍﻟﺤﻨﺎﻥ ‏) ﻏﺎﺗﺤﺒﺴﻲ ﺍﻟﺨﺪﻣﺔ ﻓﻔﺘﺮﺓ ﺍﻟﺤﻤﻞ
ﺭﻳﻤﺎﺱ : ﻻ ﻻ ﻻ ... ﻭﺍﺵ ﺑﺎﻏﻲ ﺗﻮﻟﻔﻨﻲ ﺍﻟﻌﻜﺰ
ﺃﺭﺳﻼﻥ : ﺭﻳﻤﺎﺱ ﺍﻟﺨﺪﻣﺔ ﻏﺎﺗﻘﻄﻌﻲ ﻣﻨﻬﺎ ﺭﺟﻠﻴﻚ ﻣﺎﺑﺎﻗﻴﺶ ﻧﺸﻮﻓﻚ ﻛﺎﺗﻤﺸﻲ
ﺭﻳﻤﺎﺱ : ﻋﻼﺵ ﻣﺎﻏﺎﻧﻤﺸﻴﺶ؟؟؟؟ ﻭﺍﺵ ﺑﺎﻏﻲ ﺗﻬﺮﺳﻨﻲ ﻭ ﺍﻧﺎ ﻣﺰﺍﻝ ﻳﻼﻩ ﻓﺎﻟﺒﺪﺍﻳﺔ .. ﻛﺎﺩﻳﺮﻫﺎ ﺑﻠﻌﺎﻧﻲ ﻳﺎﻙ ﻭ ﻟﻘﻴﺘﻴﻬﺎ ﺳﺒﺔ ﺩﺍﺑﺎ ﺟﺎﺕ ﻋﻠﻰ ﻛﺎﻧﺘﻚ .. ﻏﺎﻧﻤﺸﻲ ﻭ ﻧﺘﺎ ﺳﺪ ﺍﻟﺒﺎﺏ ﻭ ﺍﻧﺎ ﻧﺨﺮﺝ ﻣﻦ ﺍﻟﺸﺮﺟﻢ ... ﻭ ﺳﺪ ﺍﻟﺸﺮﺟﻢ ﻭ ﺍﻧﺎ ﻧﺘﻘﺐ ﺍﻟﺤﻴﻂ ﺑﺎﻏﻲ ﺗﺮﺟﻌﻨﻲ ﺑﺤﺎﻝ ﺩﻭﻙ ﻟﻲ ﻟﺘﺤﺖ ﻳﺎﻙ ﻗﺒﻞ ﻣﺎﻧﺘﺰﻭﺟﻮ ﻋﻄﻴﺘﻴﻨﻲ ﻛﻠﻤﺘﻚ
ﺃﺭﺳﻼﻥ : ﻭﻟﺪﻱ ﻭ ﺭﺗﺎﺣﻲ ﻭ ﺭﺟﻌﻲ ﻣﺎﻏﺎﻧﻤﻨﻌﻜﺶ
ﺭﻳﻤﺎﺱ : ﻭ ﻧﻌﺎﻭﺩﻣﻦ ﺍﻟﺰﻳﺮﻭ ﻳﺎﻙ .. ﺍﻧﺎ ﻧﺒﻘﺎ ﺩﻳﻤﺎ ﻧﻌﺎﻭﺩ ﻣﻦ ﺯﻳﺮﻭ ﺍﻟﻨﺎﺱ ﻛﺎﻳﺘﻘﺪﻣﻮ ﻭ ﺍﻧﺎ ﻧﺒﻘﺎ ﻭﺍﺣﻠﺔ ﻓﺒﻼﺻﺘﻲ ... ﻭ ﻳﺠﻲ ﺷﻲ ﺣﻤﻞ ﺍﺧﺮ ﻭ ﻧﻌﺎﻭﺩ ﻧﺤﺒﺲ ﻭ ﻧﻌﺎﻭﺩ ﻧﻮﻗﻒ ﻣﻦ ﺯﻳﺮﻭ .. ﺻﺎﻓﻲ ﺑﻨﺎﻗﺺ ﻣﻦ ﺷﻲ ﺧﺪﻣﺔ ﺗﻬﻨﻴﺘﻲ ﺩﺍﺑﺎ
ﺃﺭﺳﻼﻥ : ﻣﺎﻏﺎﺗﺤﺒﺴﻲ ﺍﻟﺨﺪﻣﺔ؟
ﺭﻳﻤﺎﺱ : ﻭﻱ ﻏﺎﻧﺤﺒﺴﻬﺎ ﻭ ﻓﻤﺮﺓ
ﺃﺭﺳﻼﻥ : ﻋﺠﺒﻨﻲ ﻗﺮﺍﺭﻙ
ﺭﻳﻤﺎﺱ : ﻛﺎﺿﺤﻚ ﻣﻌﺎﻳﺎ ﺩﺍﺑﺎ ﻳﺎﻙ؟؟؟ ﺑﻠﻌﺎﻧﻲ ﺑﺎﻏﻴﻨﻲ ﻣﺎﻧﺒﻘﺎﺵ ﻧﺨﺪﻡ ﻭ ﺑﺎﻏﻴﻨﻲ ﻧﺒﺪﻝ ﺍﻟﺮﺃﻱ ﺩﻳﺎﻟﻲ ‏( ﺭﺑﻌﺎﺕ ﻳﺪﻳﻬﺎ ‏) ﺍﻳﻮﺍ ﺷﺘﻲ ﻏﻴﺮ ﺍﻟﺨﺪﻣﺔ ﻣﺎﻏﺎﻧﺤﺒﺴﻬﺎﺵ
ﺃﺭﺳﻼﻥ : ﻧﻮﺿﻲ ﺗﺮﺗﺎﺣﻲ ﻣﻦ ﺑﻌﺪ ﻭ ﻧﻬﻀﺮﻭ ﻓﻬﺎﺩﺷﻲ ...
ﻣﻼﺣﻈﺔ : ﻓﺎﻷﺣﺪﺍﺙ ﺍﻟﺠﺎﻳﺔ ﺷﺨﺼﻴﺔ ﺭﻳﻤﺎﺱ ﻏﺎﻳﻮﻗﻊ ﻓﻴﻬﺎ ﺗﻐﻴﻴﺮ ﻭ ﻫﺎﺩﻱ ﺣﺎﺟﺔ ﻃﺒﻴﻌﻴﺔ ﻋﻠﻰ ﻭﺩ ﺍﻟﺤﻤﻞ .. ﺍﻣﺎ ﺍﻟﺘﻐﻴﻴﺮ ﻟﻲ ﻭﺍﻗﻊ ﻟﻬﺎ ﺭﺍﻩ ﺷﺮﺣﺘﻮ ﻟﻜﻢ ﺩﻳﻚ ﺍﻟﻤﺮﺓ .. ﺑﺎﺵ ﻳﻘﻼﻟﻮ ﺍﻟﻤﺸﺎﻛﻞ .
•• ﻓﻮﻕ ﺍﻟﻄﺒﻠﺔ ﺩﻳﺎﻝ ﺍﻟﻌﺸﺎ ••
ﻛﺎﻧﻮ ﺟﺎﻟﺴﻴﻦ ﻭ ﻫﺎﺩ ﺍﻟﻤﺮﺓ ﻋﻠﻰ ﻏﻴﺮ ﺍﻟﻌﺎﺩﺓ .. ﻛﺎﻧﻮ ﻣﺤﻄﻮﻃﻴﻦ ﻓﺎﻟﻄﺒﻠﺔ ﺍﻃﺒﺎﻕ ﻣﻐﺮﺑﻴﺔ ﻭ ﻣﻨﻬﻢ ﺍﻟﻄﺎﺟﻴﻦ ﺍﻟﻤﻐﺮﺑﻲ ﻟﻲ ﻭﺻﺎ ﻋﻠﻴﻪ ﺃﺭﺳﻼﻥ ﻋﻦ ﻗﺼﺪ ﻣﺎﻏﺎﻧﻘﻮﻟﺶ ﻟﻜﻢ ﺍﻟﻌﺎﺋﻠﺔ ﻛﺎﻥ ﻋﻨﺪﻫﻢ ﺷﻲ ﺗﺴﺎﺅﻝ ﺣﻴﺖ ﺑﻘﻮﺓ ﻟﻲ ﻭﻻﻭ ﻋﻨﺪﻫﻢ ﺗﺴﺎﺅﻻﺕ ﻛﺜﻴﺮﺓ ﻣﺎﺑﻘﺎﻭﺵ ﻛﺎﻳﺴﺘﻐﺮﺑﻮ ﻣﻦ ﺗﺼﺮﻓﺎﺗﻬﻢ ﺍﻻﺧﻴﺮﺓ
ﺃﺳﻮﺍﺭ : ‏( ﺑﺈﺑﺘﺴﺎﻣﺔ ﺑﺎﻫﺘﺔ ‏) ﺧﺘﻲ ﺭﻳﻤﺎﺱ ﺧﻼﺗﻚ ﺗﻮﻟﻲ ﺗﺒﻐﻲ ﺍﻻﻃﺒﺎﻕ ﺍﻟﻤﻐﺮﺑﻴﺔ
ﺃﺭﺳﻼﻥ : ‏( ﺷﺪ ﻟﻬﺎ ﻳﺪﻳﻬﺎ ‏) ﻧﻮﺭﻣﺎﻝ
ﺭﻳﻤﺎﺱ : ﻭﻟﻜﻦ ﻳﺎﻙ ﻣﺎﻛﺎﺗﻌﺮﻓﺶ ﺗﻐﻤﺲ
ﺃﺭﺳﻼﻥ : ‏( ﺑﺈﺑﺘﺴﺎﻣﺔ ﻭ ﻋﻴﻨﻴﻪ ﻓﺄﺳﻮﺍﺭ ‏) ﻣﺮﺗﻲ ﻏﺎﺗﻮﻛﻠﻨﻲ
ﺃﺳﻮﺍﺭ : ﺍﻩ ﻣﺰﻳﺎﻥ .. ﺑﻐﺎ ﻳﻨﻮﺽ ﻭ ﻭﻗﻔﻮ ﺑﻬﻀﺮﺗﻮ
ﺃﺭﺳﻼﻥ : ﺟﻠﺲ ﻛﻤﻞ ﻣﺎﻛﻠﺘﻚ ﻣﺰﺍﻝ ﻋﻨﺪﻱ ﻭﺍﺣﺪ ﺍﻟﺨﺒﺎﺭ ﻣﻦ ﻣﻮﺭ ﺍﻟﻌﺸﺎ ... ﺟﻠﺲ ﺃﺳﻮﺍﺭ ﻭ ﺷﺎﻑ ﻓﺮﻳﻤﺎﺱ ﻟﻘﺎﻫﺎ ﻛﺎﺗﺸﻮﻑ ﻓﻴﻪ ﻫﻮ ﻭ ﺇﻳﻠﻴﻨﺎ ﺑﺘﺤﺴﺮ ... ﺭﺟﻊ ﻟﺒﻼﺻﺘﻮ ﻭ ﺿﺎﺭ ﻟﻌﻨﺪ ﺇﻳﻠﻴﻨﺎ
ﺃﺳﻮﺍﺭ : ﻛﺎﺗﺤﺴﻲ ﺑﺮﺍﺳﻚ ﻫﻲ ﻫﺎﺩﻳﻚ
ﺇﻳﻠﻴﻨﺎ : ﺍﻟﺤﻤﺪ ﺍﻟﻠﻪ
ﺭﻳﻤﺎﺱ : ﺃﺭﺳﻼﻧﻲ ﺣﻞ ﻓﻤﻚ ... ﺗﻌﻤﺪﺍﺕ ﺑﺎﺵ ﺩﻳﺮ ﻫﺎﻛﺎ ﻗﺪﺍﻡ ﺃﺳﻮﺍﺭ ﺑﺎﺵ ﻳﺪﻳﻬﺎ ﻓﻤﺮﺗﻮ ﻭ ﻣﺎﻳﺒﻘﺎﺵ ﻳﺸﻮﻑ ﻓﻴﻬﺎ ﻭ ﻫﺎﺩﺷﻲ ﻓﻤﺼﻠﺤﺔ ﺍﻟﺠﻤﻴﻊ ... ﺑﻘﺎﺕ ﻛﺎﺗﻮﻛﻞ ﺃﺭﺳﻼﻥ ﻭ ﺃﺭﺳﻼﻥ ﻛﺎﻳﻮﻛﻠﻬﺎ ﺑﺎﻟﻔﺮﺷﻴﻄﺔ ﺗﺤﺖ ﻧﻈﺮﺍﺕ ﺟﻤﻴﻊ ﺍﻓﺮﺍﺩ ﺍﻟﻌﺎﺋﻠﺔ ﺣﺘﻰ ﻣﻦ ﺍﻳﺘﺎﻥ ﻟﻲ ﻛﺎﻳﻤﻮﺕ ﻋﻠﻰ ﺃﺩﻳﺮﺓ ﻭ ﻋﻤﺮﻭ ﺩﺍﺭﻫﺎ ﻗﺪﺍﻣﻬﻢ ﻛﺈﺣﺘﺮﺍﻡ ﻟﻴﻬﻢ ... ﺑﻐﺎ ﻳﺰﻳﺪ ﻳﻮﻛﻠﻬﺎ ﻭ ﺑﻌﺪﺍﺕ ﺭﺍﺳﻬﺎ
ﺭﻳﻤﺎﺱ : ﺻﺎﻓﻲ ﺷﺒﻌﺖ ﻣﺎﺑﻘﻴﺘﺶ ﻗﺎﺩﺭﺓ ﻧﺰﻳﺪ ﺣﺘﻰ ﺩﻏﻤﺔ
ﺃﺭﺳﻼﻥ : ﺑﻨﺖ ﺑﺎﺑﺎﻫﺎ ﻣﺰﺍﻝ ﻣﺎﺷﺒﻌﺎﺕ ﺯﻳﺪﻱ ﻫﺎﺩﻱ
ﺭﻳﻤﺎﺱ : ﺭﺍﻩ ﻻﺯﺩﺗﻬﺎ ﻏﺎﻧﺮﺩ ﻛﻠﺸﻲ
ﺃﺭﺳﻼﻥ : ﺷﺸﺶ ﺯﻳﺪﻱ ﻏﻴﺮ ﻫﺎﺩﻱ ... ﻛﻼﺗﻬﺎ ﻣﻦ ﻋﻨﺪﻭ ﻭ ﻣﺎ ﺑﻠﻌﺎﺗﻬﺎ ﻏﻴﺮ ﺑﺰﺯ .. ﻣﺎﺟﺎﺕ ﻓﻴﻦ ﺗﻮﺻﻠﻬﺎ ﻟﻠﻤﻌﺪﺓ ﺣﺘﻰ ﻧﺎﺿﺖ ﻛﺎﺗﺠﺮﻱ ﺗﺎﻧﻲ ﻭﻟﻜﻦ ﻫﺎﺩ ﺍﻟﻤﺮﺓ ﻣﺎﺷﻲ ﺍﺭﺳﻼﻥ ﻟﻲ ﻧﺎﺽ .. ﺳﻲ ﺍﻳﺘﺎﻥ ﻟﻲ ﺍﺷﺎﺭ ﻷﺩﻳﺮﺓ ﺑﺎﺵ ﺗﺘﺒﻌﻬﺎ ﻭ ﺗﺸﻮﻑ ﻣﺎﻟﻬﺎ ﻭ ﺩﺍﻛﺸﻲ ﻧﻴﺖ ﻟﻲ ﻛﺎﻥ ﺗﺒﻌﺎﺗﻬﺎ ﻭ ﺑﻘﺎﺕ ﻛﺎﺗﺘﺴﻨﺎﻫﺎ ﺗﺨﺮﺝ ... ﺧﺮﺟﺎﺕ ﻣﻦ ﺍﻟﺪﻭﺵ ﻭ ﻭﺟﻬﻬﺎ ﺻﻔﺮ .. ﻣﻊ ﺍﻟﺨﺮﺟﺔ ﻟﻘﺎﺕ ﺃﺩﻳﺮﺓ ﻛﺎﺗﺘﺴﻨﺎﻫﺎ ﻭ ﺍﺑﺘﺴﺎﻣﺔ ﻛﺒﻴﺮﺓ ﻓﻮﺟﻬﻬﺎ ﺑﻼ ﻣﻘﺪﻣﺎﺕ ﺩﺧﻼﺕ ﻟﻬﺎ ﻧﻴﺸﺎﻥ ﻓﺎﻟﻤﻮﺿﻮﻉ
ﺃﺩﻳﺮﺓ : ﺣﺎﻣﻠﺔ؟؟؟
♚ ﺃﺳﻮﺍﺭ : ﻣﺎﻝ ﻣﺮﺗﻚ؟؟؟ ... ﺷﺎﻑ ﻓﺈﻳﻠﻴﻨﺎ ﻭ ﻋﺎﻭﺩ ﺷﺎﻑ ﻓﻴﻪ ﻭ ﺭﺟﻊ ﺿﻬﺮﻭ ﺑﺎﻟﻠﻮﺭ ﺭﻛﺰ ﺍﻟﺸﻮﻓﺔ ﻓﻴﻪ
ﺃﺭﺳﻼﻥ : ﻣﺒﺮﻭﻙ .. ﺳﻤﻌﺖ ﻏﺎﻳﺘﺰﺍﺩ ﻋﻨﺪﻙ ﻭﻟﺪ
ﺃﺳﻮﺍﺭ : ﺍﻟﻠﻪ ﻳﺒﺎﺭﻙ ﻓﻴﻚ
ﺃﺭﺳﻼﻥ : ﺍﻟﻌﺠﺐ 6 ﺷﻬﻮﺭ ﻋﺎﺩ ﻋﺮﻓﺘﻲ ﻣﺮﺗﻚ ﺣﺎﻣﻠﺔ ﻣﺎ ﻻﺣﻈﺘﻲ ﻣﺮﺿﻬﺎ ﻣﺎ ﻻﺣﻈﺘﻲ ﺣﺘﻰ ﺷﻲ ﺗﻐﻴﻴﺮ ﻓﻴﻬﺎ .. ﻓﻴﻦ ﻛﺎﻥ ﻋﻘﻠﻚ
ﺃﺳﻮﺍﺭ : ﺍﻟﻤﺸﺎﻏﻞ ﻭ ﺻﺎﻓﻲ
ﺃﺭﺳﻼﻥ : ﺷﻐﻞ ﻭﻻ ﻣﺸﺎﻏﻞ !.
ﺃﺳﻮﺍﺭ : ﻣﺸﺎﻏﻞ ﻫﻤﺎ
ﺃﺭﺳﻼﻥ : ﻋﻨﺪﻱ ﺷﻚ ﻓﻬﺎﺩﺷﻲ ... ﺣﺲ ﺑﻴﺪ ﺗﺤﻄﺎﺕ ﻓﺎﻟﻜﺮﺳﻲ ﻟﻲ ﺟﺎﻟﺲ ﻓﻴﻪ ﻭﻗﻒ ﻭ ﻗﻄﺐ ﺣﺠﺒﺎﻧﻮ ﻣﻦ ﻣﻮﺭ ﻣﺎ ﺷﺎﻑ ﻭﺟﻬﻬﺎ ﻛﻲ ﺭﺟﻊ ﺻﻔﺮ ﺗﺎﻧﻲ
ﺭﻳﻤﺎﺱ : ﻗﻠﺖ ﻟﻚ ﻣﺎﺗﺰﻳﺪﻧﻴﺶ ﻭ ﻟﻲ ﻓﺮﺍﺳﻚ ﻓﺮﺍﺳﻚ ... ﺷﺪ ﻭﺟﻬﻬﺎ ﺑﻴﻦ ﻳﺪﻳﻪ ﻭ ﺑﺎﺱ ﻟﻬﺎ ﺟﺒﻬﺘﻬﺎ
ﺃﺭﺳﻼﻥ : ﺷﻮﻳﺔ ﻭ ﻧﻄﻠﻌﻚ ﺗﺮﺗﺎﺣﻲ ... ﺷﺎﻑ ﻓﺎﻟﺨﺪﺍﻣﺔ ﻭ ﻋﻄﺎﻫﺎ ﺍﺷﺎﺭﺓ ﺑﺎﺵ ﺩﻳﺮ ﺩﺍﻛﺸﻲ ﻟﻲ ﻭﺻﺎﻫﺎ ﻋﻠﻴﻪ ... ﻋﻴﻄﺎﺕ ﻋﻠﻰ ﺍﻟﺨﺪﺍﻣﺎﺕ ﻟﻲ ﻣﻌﺎﻫﺎ ﺟﻤﻌﻮ ﺍﻟﻄﺒﻠﺔ ﻭ ﻋﺎﻭﺩﻭ ﺭﺟﻌﻮ ﻟﻠﻜﻮﺯﻳﻨﺔ
ﺭﻳﻤﺎﺱ : ﻋﻼﺵ ﻭﺍﻗﻔﻴﻦ؟؟
ﺃﺭﺳﻼﻥ : ﺻﺒﺮﻱ ﺷﻮﻳﺔ ﺍ ﻟﺒﺆﺗﻲ ... ﺭﺟﻌﺎﺕ ﻭ ﺟﺎﺭﺓ ﻗﺪﺍﻣﻬﺎ ﻃﺎﺭﻁ ﻛﺒﻴﺮﺓ ﺣﻄﺎﺗﻬﺎ ﻓﻮﻕ ﺍﻟﻄﺒﻠﺔ ﻭ ﻋﺎﻭﺩﻭ ﺟﺎﻭ ﺑﺎﻗﻲ ﺍﻟﺨﺪﺍﻣﺎﺕ ﺣﻄﻮ ﺍﻟﻄﺒﺎﺳﻞ
ﺭﻳﻤﺎﺱ : ﻭﺍﺵ ﻏﺎﺗﻘﻮﻟﻬﺎ ﻟﻠﻌﺎﺋﻠﺔ؟
ﺃﺭﺳﻼﻥ : ﻧﺸﺎﺭﻛﻮ ﻓﺮﺣﺘﻨﺎ ﻣﻌﺎﻫﻢ ‏( ﺿﺎﺭ ﻟﻌﻨﺪﻫﻢ ﻭ ﺷﺎﻑ ﻓﻴﻬﻢ ﻭﺍﺣﺪ ﺑﻮﺍﺣﺪ ‏) ...
ﺃﺭﺳﻼﻥ : ‏( ﺣﺎﻭﻁ ﺭﻳﻤﺎﺱ ﻣﻦ ﺍﻟﻠﻮﺭ ‏) ﻛﺎﻧﻈﻦ ﻏﺎﻳﻮﻟﻲ ﺧﺎﺻﻜﻢ ﺗﻮﺟﺪﻭ ﺟﻮﺝ ﺣﻔﻼﺕ ﻣﺎﺷﻲ ﻭﺣﺪﺓ .. ﻭﺣﺪﺓ ﻟﻤﺮﺗﻲ ﻭ ﻭﺣﺪﺓ ﻟﻤﺮﺕ ﺧﻮﻳﺎ ... ﺍﺳﻮﺍﺭ ﺑﺤﺎﻻ ﺑﺪﺍ ﻛﺎﻳﻔﻬﻢ ﻭﻟﻜﻦ ﻣﺎﺑﻐﺎﺵ ﻳﺴﺒﻖ ﺍﻟﺼﺪﻣﺔ
ﺃﺳﻮﺍﺭ : ﻣﺎﻓﻬﻤﺘﺶ ﺍﻳﻨﺎ ﺣﻔﻠﺔ ﻭ ﺷﻨﻮ ﻛﺎﺗﻘﺼﺪ؟؟
ﺃﺭﺳﻼﻥ : ﻣﺎﻧﺎﻭﻳﺶ ﺗﺤﺘﺎﻓﻞ ﺑﺤﻤﻞ ﻣﺮﺗﻚ؟
ﺃﺳﻮﺍﺭ : ﻏﺎﻧﺤﺘﺎﻓﻠﻮ ﻭﻟﻜﻦ ﻋﻼﺵ ﻏﺎﺗﺤﺘﺎﻓﻞ ﻧﺘﺎ ﻭ ﺭﻳﻤﺎﺱ ‏( ﺳﻜﺖ ﻭﺍﺣﺪ ﺷﻮﻳﺔ ‏) ﺑﻼﺗﻲ ﻭﺍﺵ ﻣﺮﺗﻚ ﺭﻳﻤﺎﺱ ...
ﺃﺭﺳﻼﻥ : ﻧﻬﻨﻴﻚ ﺑﺎﺵ ﻣﺎﻳﺒﻘﺎﺵ ﺭﺍﺳﻚ ﺿﺎﺭﻙ ﺍ ﺧﻮﻳﺎ ﺍﻟﻌﺰﻳﺰ .. ‏( ﺑﺈﺑﺘﺴﺎﻣﺔ ﺟﺎﻧﺒﻴﺔ ‏) ﻣﺮﺗﻲ ﺣﺎﻣﻠﺔ ﺑﺄﺳﺒﻮﻋﻴﻦ .. ﻫﺎﺩﺷﻲ ﻋﻼﺵ ﺗﻌﺠﺒﺖ ﻓﺎﺵ ﻋﺮﻓﺘﻚ ﻣﺎﻋﺮﻓﺘﻲ ﺑﻠﻲ ﻏﺎﻳﻜﻮﻥ ﻋﻨﺪﻙ ﻭﻟﺪ ﺣﺘﻰ ﻟﻠﺸﻬﺮ ﺍﻟﺴﺎﺩﺱ ... ﻭﻗﻒ ﺳﻲ ﺍﻳﺘﺎﻥ ﻭ ﺑﻘﺎ ﻛﺎﻳﺸﻮﻑ ﻓﻴﻬﻢ ﻭ ﻋﻴﻨﻴﻪ ﻛﺎﻳﻠﻤﻌﻮ ﺑﺎﻟﻔﺮﺣﺔ
ﺳﻲ ﺇﻳﺘﺎﻥ : ﻏﺎﻳﺠﻴﻨﻲ ﺣﻔﻴﺪ؟؟؟
ﺃﺭﺳﻼﻥ : 2 ﺣﻔﺎﺩ
ﺃﺳﻮﺍﺭ : ‏( ﻧﻄﻘﻬﺎ ﺑﺰﺯ ‏) ﻣﺒﺮﻭﻙ ... ﻧﺎﺽ ﻣﻦ ﺗﻤﺎ ﺑﺎﻟﺰﺭﺑﺔ ﻭ ﺑﻘﺎ ﺍﺭﺳﻼﻥ ﻣﺘﺒﻊ ﻟﻴﻪ ﺍﻟﻌﻴﻦ
ﺳﻲ ﺇﻳﺘﺎﻥ : ‏( ﺑﻔﺮﺣﺔ ‏) ﻫﺪﺍ ﺍﺣﺴﻦ ﺧﺒﺎﺍﺭ ﻧﻘﺪﺭ ﻧﺨﺘﺎﺗﻢ ﺑﻴﻪ ﻫﺎﺩ ﺍﻟﻨﻬﺎﺭ ﻭ ﺍﺧﻴﻴﺮﺍ ﻏﺎﻧﻜﻮﻥ ﺟﺪ ﻝ 2 ﺣﻔﺎﺩ ... ﻭﺍﺵ ﺍﻟﻤﺮﺽ ﻭ ﺩﺍﻛﺸﻲ ﻟﻲ ﺩﺍﺯ ﻋﻠﻴﻬﺎ ﻣﺎﻏﺎﻳﺄﺛﺮ ﺑﻮﺍﻟﻮ ﻋﻠﻰ ﺣﻔﻴﺪﻱ؟؟؟؟
ﺃﺭﺳﻼﻥ : ﻣﺎﻏﺎﻳﺄﺛﺮﺵ ﻋﻠﻰ ﺻﺤﺔ ﻣﺮﺗﻲ ﻋﻤﻮﻣﺎ ﺷﺎﺭﻛﺘﻜﻢ ﻭ ﺍﻟﻄﺎﺭﻁ ﻛﻤﻠﻮ ﺑﻴﻬﺎ ﻫﺎﺩ ﺍﻷﻣﺴﻴﺔ ... ‏( ﺷﺪ ﻓﻴﺪﻳﻦ ﺭﻳﻤﺎﺱ ﻭ ﺣﺘﻰ ﻛﺎﻧﻮ ﻏﺎﺩﻳﻴﻦ ﻭ ﻋﺎﻭﺩ ﻭﻗﻒ ‏) ﺍﻟﺤﻔﻠﺔ ﻟﻲ ﻏﺎﺩﻳﺮﻭ ﺗﻜﻮﻥ ﻋﺎﺋﻠﻴﺔ ﻣﺎﺑﻐﻴﺘﺶ ﻗﻮﺓ ﺍﻟﻬﺮﺍﺝ ... ﻃﻠﻌﻮ ﻭ ﺧﻼﻭ ﺍﻟﻌﺎﺋﻠﺔ ﻓﺮﺣﺎﻧﺔ ﺑﻬﺎﺩ ﺍﻟﺨﺒﺮ ﻭ ﺍﻛﺜﺮ ﻭﺍﺣﺪ ﻓﺮﺣﺎﻥ ﻫﻮ ﺳﻲ ﺍﻳﺘﺎﻥ ﻟﻲ ﻏﺎﻳﺠﻴﻮﻩ 2 ﺣﻔﺎﺩ ... ﺑﺪﺍ ﻛﺎﻳﻌﻄﻲ ﻓﺎﻟﺘﻮﺻﻴﺎﺕ ﻷﺩﻳﺮﺓ ﺑﺎﺵ ﺗﻬﺘﻢ ﺑﺮﻳﻤﺎﺱ ﻭ ﺇﻳﻠﻴﻨﺎ ﻓﻬﺎﺩ ﺍﻟﻮﻗﺖ ﻭ ﺗﺮﺩ ﻟﻬﻢ ﺍﻟﺒﺎﻝ ﺍﻣﺎ ﺑﺎﻗﻲ ﺍﻓﺮﺍﺩ ﺍﻟﻌﺎﺋﻠﺔ ﺑﺎﺭﻛﻮ ﻟﻴﻪ ﻋﻠﻰ ﺍﻻﺣﻔﺎﺩ ﻭ ﺍﻣﻨﻴﺘﻬﻢ ﻛﺎﻧﺖ ﻫﻲ ﻳﻜﻮﻧﻮ ﺍﻻﺣﻔﺎﺩ ﻭﻻﺩ ﻭ ﺧﺎﺻﺔ ﻣﻦ ﻋﻨﺪ ﺍﺭﺳﻼﻥ .. ﻛﻼﻭ ﻣﻦ ﺍﻟﻄﺎﺭﻃﺔ ﻟﻲ ﻛﺎﻧﺖ ﺑﻤﻨﺎﺳﺒﺔ ﺍﻟﺨﺒﺮ ﻭ ﻣﻮﺭﺍﻫﺎ ﻛﻞ ﻭﺍﺣﺪ ﻣﺸﺎ ﻟﻠﺸﻮﻣﺒﺮ ﺩﻳﺎﻟﻮ
♚ ﻛﺎﻧﻮ ﺟﺎﻟﺲ ﻓﻮﻕ ﺍﻟﻜﻨﺒﺔ ﻭ ﺭﻳﻤﺎﺱ ﺣﺎﻃﺔ ﺭﺍﺳﻬﺎ ﻋﻠﻰ ﺭﻛﺒﻴﻪ .. ﻛﺎﻳﺪﻭﺯ ﻳﺪﻳﻪ ﻋﻠﻰ ﺷﻌﺮﻫﺎ
ﺃﺭﺳﻼﻥ : ﻣﺎﻏﺎﻧﻤﻨﻌﻜﺶ ﻣﻦ ﺍﻟﺨﺪﻣﺔ ﻭﻟﻜﻦ ﺑﺸﺮﻁ
ﺭﻳﻤﺎﺱ : ﺷﻨﻮ ﻫﻮ ﻫﺎﺩ ﺍﻟﺸﺮﻁ
ﺃﺭﺳﻼﻥ : ﻏﺎﺗﻮﺻﻠﻲ ﻟﻠﺸﻬﺮ ﺍﻟﺴﺎﺑﻊ ﻏﺎﺗﺠﻠﺴﻲ ﻓﺎﻟﻘﺼﺮ
ﺭﻳﻤﺎﺱ : ﻭﺍﺍﺍﺧﺎ
ﺃﺭﺳﻼﻥ : ﻣﺎﺗﻬﺰﻳﺶ ﺍﻟﺜﻘﻞ ﻭ ﺑﻌﺪﻱ ﻣﻦ ﺍﻱ ﺣﺎﺟﺔ ﻏﺎﺗﺠﻬﺪﻱ ﺭﺍﺳﻚ ﻓﻴﻬﺎ
ﺭﻳﻤﺎﺱ : ﻭﺍﺍﺧﺎ
ﺃﺭﺳﻼﻥ : ﻧﻘﻄﺔ ﻣﻬﻤﺔ ... ﻣﺎﻧﺒﻐﻴﺶ ﻧﺸﻮﻓﻚ ﻛﺎﺗﺮﺑﻲ ﺩﻳﻚ ﺍﻟﺒﻨﺖ ﻣﻊ ﺑﻨﺘﻲ
ﺭﻳﻤﺎﺱ : ﻋﻼﺵ ﻳﺎﻙ ﺣﺘﻰ ﻫﻲ ﺑﻨﺎﺩﻡ ﺑﺤﺎﻟﻨﺎ ﺑﺤﺎﻟﻬﺎ؟؟؟
ﺃﺭﺳﻼﻥ : ﺃﻟﻤﺎﺳﺘﻲ ﻣﺎﻳﻐﺮﻛﺶ ﺻﻐﺮﻫﺎ .. ﻣﺰﺍﻝ ﻏﺎﺗﻜﺒﺮ ﻭ ﻏﺎﺗﻨﺪﻣﻲ ﻋﻼﺵ ﻋﺘﻘﺘﻴﻬﺎ
ﺭﻳﻤﺎﺱ : ‏( ﺗﻨﻔﻀﺎﺕ ﻣﻨﻮ ‏) ﻣﻨﻴﻦ ﺟﺒﺪﺗﻲ ﺍﻟﻤﻮﺿﻮﻉ .. ﺑﺎﻏﺎ ﻧﻬﻀﺮ ﻣﻌﺎﻙ
ﺃﺭﺳﻼﻥ : ﻛﺎﻧﺴﻤﻌﻚ ﺍ ﻟﺒﺆﺗﻲ
ﺭﻳﻤﺎﺱ : ﻣﺎﻧﺴﻴﺘﺶ ﺷﺤﺎﻝ ﻣﻦ ﺭﻭﺡ ﻗﺘﻠﺘﻲ ﺍﻟﺒﺎﺭﺡ ﻭ ﻣﺎﻧﺴﻴﺘﺶ ﻛﻨﺘﻲ ﻏﺎﺗﻘﺘﻞ ﻣﺮﺕ ﻋﻤﺮﻙ
ﺃﺭﺳﻼﻥ : ﻭ ﻣﺰﺍﻝ ﻏﺎﺗﺘﺒﻌﻬﻢ ... ﻧﺎﺿﺖ ﻣﻦ ﺣﺪﺍﻩ ﻭ ﺟﺎﺑﺖ ﺍﻟﻤﺼﺤﻒ
ﺭﻳﻤﺎﺱ : ﻻ ﻣﺎﻏﺎﺗﺘﺒﻌﺶ ﻭ ﺩﺍﺑﺎ ﻏﺎﺗﺤﻠﻒ ﻟﻲ ﻣﺎﺗﻌﺎﻭﺩ ﺗﻘﺘﻞ ﺷﻲ ﺣﺪ
ﺃﺭﺳﻼﻥ : ﺑﺎﻏﺎﻧﻲ ﻧﻌﻄﻴﻚ ﺍﻟﻜﻠﻤﺔ
ﺭﻳﻤﺎﺱ : ﺑﺎﻏﺎﻙ ﺗﺤﻠﻒ ﻟﻲ ﻭ ﺍﻟﻘﺴﻢ ﻛﺘﺮ ﻣﻦ ﺍﻟﻜﻠﻤﺔ .. ﻏﺎﻳﻮﻟﻴﻮ ﻋﻨﺪﻧﺎ ﺩﺭﺍﺭﻱ ﻣﺎﺑﻐﻴﺘﻬﻤﺶ ﻳﻜﻤﻠﻮ ﻋﻠﻰ ﻫﺎﺩﺷﻲ ﻟﻲ ﺑﺎﺩﻳﻪ ﻧﺘﺎ .. ﻣﺎﺑﻐﻴﺘﺶ ﻳﻜﺒﺮﻭ ﻗﺘﺎﻟﻴﻦ ﺍﻳﻼ ﻛﻨﺘﻲ ﺑﺼﺢ ﻛﺎﺗﺒﻐﻴﻨﻲ ﻛﻲ ﻛﺎﺗﻘﻮﻝ ﺑﻌﺪ ﻣﻦ ﺍﻟﻘﺘﻞ ﺭﺍﻙ ﺳﻠﻤﺘﻲ ﺍ ﺃﺭﺳﻼﻥ ﻭ ﺍﻟﻘﺘﻞ ﺭﺍﻩ ﺣﺮﺍﺍﺍﺍﻡ ﻭ ﺍﺳﻮﺃ ﺣﺎﺟﺔ ﺗﻘﺪﺭ ﺩﻳﺮﻫﺎ .. ﺑﻐﻴﺖ ﻏﻴﺮ ﻧﻌﺮﻑ ﻭﺍﺵ ﻫﺎﺩﺷﻲ ﻋﻼﺵ ﺳﻠﻤﺘﻲ؟؟ ﺳﻠﻤﺘﻲ ﻏﻴﺮ ﺑﺎﺵ ﻧﺘﺴﻤﺎﻭ ﻣﺰﻭﺟﻴﻦ ﻓﺎﻟﺤﻼﻝ ﻭ ﺑﺎﺵ ﺗﺒﻐﻲ ﻃﺒﻖ ﻏﻴﺮ ﺩﺍﻛﺸﻲ ﻟﻲ ﺭﺷﻘﺎﺕ ﻟﻴﻚ ﻋﻠﻴﻪ ‏( ﺭﺟﻌﺎﺕ ﻛﺎﺗﻬﻀﺮ ﺑﻬﺪﻭﺀ ‏) ﺍﻧﺎ ﻋﻴﻴﺖ ﻣﻦ ﺩﻧﻮﺏ ﻋﺒﺎﺩ ﺍﻟﻠﻪ ﺍﻳﻼ ﻣﺎﻋﻴﻴﺘﻴﺶ ﻣﻨﻬﻢ ﻧﺘﺎ .. ﺭﺍﻩ ﺷﺤﺎﻝ ﻣﺎ ﺑﻘﺎ ﻫﺎﺩﺷﻲ ﻏﺎﻳﺮﺟﻊ ﻟﻴﻨﺎ ﻭﻻ ﻏﺎﻳﺨﺮﺝ ﻓﻮﻻﺩﻧﺎ ﻭ ﺍﻧﺎ ﻣﺎﺑﺎﻏﺎﺵ ﻫﺎﺩﺷﻲ .. ﺑﺎﻏﺎ ﻧﻌﻴﺸﻮ ﺣﻴﺎﺓ ﻫﺎﺩﺋﺔ ﻏﻴﺮ ﺍﻧﺎ ﻭﻳﺎﻙ ﻭ ﻭﻻﺩﻧﺎ ﺑﻌﻴﺪ ﻋﻠﻰ ﺍﻟﺪﻋﺎﻭﻱ ﺩﻳﺎﻝ ﻋﺒﺎﺩ ﺍﻟﻠﻪ ﻓﻬﻤﻨﻲ ﺍ ﺍﺭﺳﻼﻥ ... ﺣﻴﺪ ﻟﻬﺎ ﺍﻟﻤﺼﺤﻒ ﻭ ﺣﻄﻮ
ﺃﺭﺳﻼﻥ : ﻣﺎﻏﺎﻧﻮﺍﻋﺪﻙ ﺑﻮﺍﻟﻮ ﻓﻬﺎﺩ ﺍﻟﺴﺎﻋﺔ
ﺭﻳﻤﺎﺱ : ﻣﺎﺑﻐﻴﺘﻜﺶ ﺗﻮﺍﻋﺪﻧﻲ ﺑﻐﻴﺘﻚ ﺗﺤﻠﻒ ﻟﻲ ﺑﺎﺵ ﻧﺸﻮﻑ ﻭﺍﺵ ﻓﻌﻼ ﻧﺘﺎ ﻣﻘﺘﺎﻧﻊ ﺑﺎﻻﺳﻼﻡ .. ﻭﺍﺵ ﻓﻌﻼ ﻣﺎﻏﺎﺗﺨﺎﻟﻔﺶ ﺍﻟﻘﺴﻢ ﺩﻳﺎﻟﻚ ﻭﻻ ﻋﻨﺪﻙ ﺯﺍﻳﺪ ﻧﺎﻗﺺ
ﺃﺭﺳﻼﻥ : ﻣﺎﺗﺴﻨﺎﻳﺶ ﻣﻨﻲ ﻫﺎﺩﺷﻲ ﺍ ﺭﻳﻤﺎﺱ
ﺭﻳﻤﺎﺱ : ﻟﻬﺎﺩ ﺍﻟﺪﺭﺟﺔ؟؟ ﻋﻤﺮﻧﻲ ﻃﻠﺒﺘﻚ ﻭ ﻧﻬﺎﺭ ﻃﻠﺒﺘﻚ ﺭﺩﻳﺘﻴﻬﺎ ﻓﻮﺟﻬﻲ .. ﺍﻟﻤﻬﻢ ﻋﺎﺭﻓﺔ ﺑﻠﻲ ﻫﺎﺩﻱ ﻣﺎﺷﻲ ﺍﻭﻝ ﻣﺮﺓ ﻧﻄﻠﺒﻚ ﻭﻟﻜﻦ ﻫﺎﺩﻱ ﺍﺧﺮ ﻣﺮﺓ ﻏﺎﻧﻄﻠﺒﻚ ﻓﻴﻬﺎ ﻋﻠﻰ ﺷﻲ ﺣﺎﺟﺔ ﻭ ﺗﻴﻖ ﺑﻴﺎ ﻣﺎﻏﺎﻧﻌﺎﻭﺩ ﻧﻄﻠﺐ ﻣﻨﻚ ﻭﺍﻟﻮ ﺑﺎﺵ ﻣﺎﻧﻜﺘﺮﺵ ﻋﻠﻴﻚ ... ﺷﺪ ﻟﻬﺎ ﻳﺪﻳﻬﺎ ﻭ ﺟﻠﺴﻬﺎ ﻓﻮﻕ ﺣﺠﺮﻭ ﺑﻘﺎ ﺳﺎﻛﺖ ﻣﺪﺓ ﻋﺎﺩ ﺟﺎﻭﺑﻬﺎ
ﺃﺭﺳﻼﻥ : ﻏﺎﻧﺤﺎﻭﻝ
ﺭﻳﻤﺎﺱ : ﺣﻠﻒ ﻟﻴﺎ
ﺃﺭﺳﻼﻥ : ﻋﻄﻴﺘﻚ ﺍﻟﻜﻠﻤﺔ
ﺭﻳﻤﺎﺱ : ﻧﺘﻤﻨﻰ ﻣﺎﺗﺮﺟﻌﺶ ﻓﻴﻬﺎ ..
ﺃﺭﺳﻼﻥ : ﻟﺒﺆﺗﻲ ﻣﺎ ﻣﺸﻬﻴﺔ ﻭﺍﻟﻮ ... ﺭﺟﻌﺎﺕ ﺭﺍﺳﻬﺎ ﻟﺮﻛﺎﺑﻴﻪ ﻭ ﺗﺄﻓﺄﻓﺎﺕ
ﺭﻳﻤﺎﺱ : ﺑﻐﻴﺖ ﺍﻟﻤﺎ ﺩﻳﺎﻝ ﺍﻟﺸﺘﺎ
ﺃﺭﺳﻼﻥ : ﻏﺎﻧﺴﻴﻔﻄﻬﻢ ﻳﺠﻴﺒﻮﻩ ﻟﻚ
ﺭﻳﻤﺎﺱ : ﻣﺎﺑﻐﻴﺘﻮﺵ ﻓﺎﻟﻘﺮﺍﻋﻲ ... ﺑﻐﻴﺖ ﻳﻜﻮﻥ ﻳﻼﻩ ﻧﺎﺯﻝ ﻣﻦ ﺍﻟﺴﻤﺎ
ﺃﺭﺳﻼﻥ : ﻭ ﺷﻨﻮ ﺍﻟﻔﺮﻕ
ﺭﻳﻤﺎﺱ : ﻫﺎﻛﺎﻙ ﻣﺸﻬﻴﺎﻩ ... ﺑﺎﻏﺎﻩ ﻳﻜﻮﻥ ﻳﻼﻩ ﻧﺎﺯﻝ ﻣﻦ ﺍﻟﺴﻤﺎ ﺑﺎﺵ ﻧﺸﻢ ﺭﻳﺤﺔ ﺍﻟﺘﺮﺍﺏ ﻣﻌﺎﻩ ‏( ﺗﻨﻬﺪﺍﺕ ‏) ﻭﻟﻜﻦ ﻣﺰﺍﻝ ﻣﺎﻏﺎﻃﻴﺢ ﺍﻟﺸﺘﺎ .. ﺗﻘﻠﺒﺎﺕ ﻋﻠﻰ ﻛﺮﺷﻬﺎ ﻭ ﻃﻠﻘﺎﺕ ﻳﺪﻳﻬﺎ
ﺃﺭﺳﻼﻥ : ﻏﺪﺍ ﺟﻤﻌﻲ ﺣﻮﺍﻳﺠﻚ
ﺭﻳﻤﺎﺱ : ﻋﻼﺵ؟
ﺃﺭﺳﻼﻥ : ‏( ﺑﺈﺑﺘﺴﺎﻣﺔ ﺻﻐﻴﺮﺓ ‏) ﻧﻤﺸﻴﻮ ﺑﺎﺵ ﺗﺸﺮﺑﻲ ﺍﻟﻤﺎ ﺩﻳﺎﻝ ﺍﻟﺸﺘﺎ ... ﺟﻤﻌﺎﺕ ﺍﻟﻮﻗﻔﺔ ﻭ ﺭﺑﻌﺎﺕ ﺭﺟﻠﻴﻬﺎ
ﺭﻳﻤﺎﺱ : ‏( ﺑﻔﺮﺣﺔ ‏) ﺣﻠﻒ ﺑﺎﻟﻠﻪ ﻭﺍﺵ ﻛﺎﺩﻭﻱ ﺑﺼﺎﺡ
ﺃﺭﺳﻼﻥ : ﻣﻮﺍﻟﻒ ﻧﻜﺪﺏ ﻋﻠﻴﻚ ! ... ﻋﻨﻘﺎﺗﻮ ﺑﺠﻬﺪ ﻭ ﺑﺪﺍﺕ ﻛﺎﺗﺒﻮﺱ ﻟﻴﻪ ﻓﻮﺟﻬﻮ ﺑﺤﺎﻻ ﺭﺍﻩ ﻏﺎﻳﻌﻄﻴﻬﺎ ﺍﻟﺪﻧﻴﺎ ﻛﺎﻣﻠﺔ .. ﻣﺎﻛﺎﻧﺶ ﻣﺘﻮﻗﻌﻬﺎ ﻏﺎﺗﻔﺮﺡ ﻟﻬﺎﺩ ﺍﻟﺪﺭﺟﺔ ﻭ ﺗﻨﻮﺽ ﻛﺎﺗﺒﻮﺱ ﻓﻴﻪ .. ﺿﻮﺭ ﺿﻬﺮﻫﺎ ﺑﻴﺪﻳﻪ ﻭ ﺗﻜﺎﻫﺎ ﻋﻠﻰ ﺍﻟﻜﻨﺒﺔ ﻃﻠﻊ ﻣﻦ ﻓﻮﻗﻬﺎ ﻭ ﻗﺎﺑﻞ ﻋﻴﻨﻴﻪ ﻣﻊ ﻋﻴﻨﻴﻬﺎ
ﺃﺭﺳﻼﻥ : ‏( ﺑﺨﺒﺚ ‏) ﻫﺎﺩﺷﻲ ﻛﺎﻣﻞ ﻋﻠﻰ ﺍﻟﺸﺘﺎ ﻭﻻ ﻛﺎﻳﻨﺎ ﺷﻲ ﺣﺎﺟﺔ ﺧﺮﺍ
ﺭﻳﻤﺎﺱ : ﻋﻠﻰ ﺣﻮﺍﻳﺞ ﺧﺮﻳﻦ .. ﻣﺜﻼ ﻏﺎﻧﻌﺎﻭﺩﻭ ﻧﺒﺪﻟﻮ ﺍﻟﺠﻮ ﺍﻧﺎ ﻭ ﺃﺭﺳﻼﻧﻲ .. ﻭ ﻏﺎﻧﻤﺸﻲ ﻧﺸﺮﺏ ﺍﻟﻤﺎ ﺩﻳﺎﻝ ﺍﻟﺸﺘﺎ ﻭ ﻧﺸﻢ ﺭﻳﺤﺔ ﺍﻟﺘﺮﺍﺏ ﻭ ﺍﻫﻢ ﺣﺎﺟﺔ ﻋﻠﻰ ﻭﻟﺪﻧﺎ ﻭﻻ ﺑﻨﺘﻨﺎ ﻟﻲ ﺟﺎﻱ ﻓﺎﻟﻄﺮﻳﻖ
ﺃﺭﺳﻼﻥ : ﺑﻨﺘﻨﺎ
ﺭﻳﻤﺎﺱ : ‏( ﺿﻮﺭﺍﺕ ﻳﺪﻳﻬﺎ ﻋﻠﻰ ﻋﻨﻘﻮ ‏) ﻟﻲ ﺑﻐﺎ ﻳﻜﻮﻥ ﻳﻜﻮﻥ ﺍﻟﻤﻬﻢ ﺗﺠﻲ ﺑﺼﺤﺔ ﻣﺰﻳﺎﻧﺔ ... ﺃﺭﺳﻼﻧﻲ ﺑﻐﻴﺖ ﻧﺴﻮﻟﻚ ... ﺗﻘﻠﺐ ﻟﻠﺘﺤﺖ ﻭ ﻧﻌﺴﻬﺎ ﻣﻦ ﻓﻮﻗﻮ ﺑﺎﺵ ﻣﺎﻳﺘﻘﻠﺶ ﻋﻠﻴﻬﺎ
ﺃﺭﺳﻼﻥ : ﺳﻮﻟﻲ ﺍ ﻟﺒﺆﺗﻲ
ﺭﻳﻤﺎﺱ : ﺍﻳﻼ ﻭﻟﺪﺕ ﻭﻟﺪ ﻭﺍﺵ ﻏﺎﺗﺒﻐﻴﻪ ﻛﻴﻔﻤﺎ ﻏﺎﺗﺒﻐﻲ ﺍﻟﺒﻨﺖ ﻭﻻ ﻏﺎﺗﺤﺎﻭﻝ ﺗﻘﺘﻠﻮ ... ﺑﻘﺎ ﺳﺎﻛﺖ ﻣﺪﺓ ﻗﺒﻞ ﻣﺎﻳﺠﺎﻭﺑﻬﺎ ﺑﺤﺎﻻ ﻛﺎﻳﺤﻠﻞ ﻫﻀﺮﺗﻬﺎ ﻣﺎﺩﺍﻣﺶ ﺻﻤﺘﻮ ﺑﺰﺍﻑ ﺑﺎﺵ ﺟﺎﻭﺑﻬﺎ
ﺃﺭﺳﻼﻥ : ﻧﻜﻮﻥ ﻗﺘﺎﻝ ﻭﻻ ﺷﻴﻄﺎﻥ ﻭﻻ ﻣﺠﺮﻡ ﻣﺎﻏﺎﺗﻮﺻﻠﺶ ﺑﻴﺎ ﻧﻘﺘﻞ ﻟﻲ ﻣﻦ ﺻﻠﺒﻲ .. ﻣﻦ ﺍﻷﺣﺴﻦ ﺗﻜﻮﻥ ﺑﻨﺖ ... ﺗﻨﻬﺪﺍﺕ ﺑﺮﺍﺣﺔ ﻣﻨﻴﻦ ﻋﺮﻓﺎﺕ ﻭﺍﺧﺎ ﻳﻜﻮﻥ ﻗﺎﺳﻲ ﻛﺘﺮ ﻣﻦ ﺍﻟﺤﺠﺮ ﺍﻻ ﻭ ﺍﻧﻪ ﻣﺎﻳﻤﻜﻨﺶ ﻳﻘﺘﻞ ﻭﺍﺣﺪ ﻣﻦ ﻭﻻﺩﻭ ﻭﻟﻜﻦ ﺩﺍﺑﺎ ﻛﺎﺗﺒﻘﺎ ﻓﺎﻟﺘﻌﺎﻣﻞ ﺩﻳﺎﻟﻮ ﻣﻊ ﻭﻻﺩﻭ .. ﺯﺍﺩﺕ ﻋﻨﻘﺎﺗﻮ ﺣﻴﺖ ﻫﺎﺩﺷﻲ ﻟﻲ ﻛﺎﻧﺖ ﺑﺎﻏﺎ ﺗﻌﺮﻑ
ﺭﻳﻤﺎﺱ : ﺃﺭﺳﻼﻧﻲ ﺍﻳﻼ ﻛﺎﻥ ﻭﻟﺪ ﺷﻨﻮ ﻏﺎﻧﺴﻤﻴﻮﻩ
ﺃﺭﺳﻼﻥ : ﻏﺎﺗﻜﻮﻥ ﺑﻨﺖ
ﺭﻳﻤﺎﺱ : ﻭ ﺍﻳﻼ ﻛﺎﻥ ﻭﻟﺪ
ﺃﺭﺳﻼﻥ : ﻏﺎﺗﻜﻮﻥ ﺑﻨﺖ
ﺭﻳﻤﺎﺱ : ﺩﺍﺑﺎ ﺣﻨﺎ ﻗﻠﻨﺎ ﺍﻳﻼ ﻛﺎﻥ ﻭﻟﺪ
ﺃﺭﺳﻼﻥ : ﺑﻐﻴﺘﻲ ﺗﻌﺮﻓﻲ ﺍﻳﻼ ﻛﺎﻥ ﻭﻟﺪ؟ !
ﺭﻳﻤﺎﺱ : ﻭﻱ ﺑﻐﻴﺖ ﻧﻌﺮﻑ
ﺃﺭﺳﻼﻥ : ﻏﺎﻧﺠﻴﺒﻮ ﻟﻴﻪ ﻣﺮﺑﻴﺔ ﻫﻲ ﻟﻲ ﺗﺮﺿﻌﻮ
ﺭﻳﻤﺎﺱ : ﻭ ﺷﻨﻮ ﺍﻟﺪﻭﺭ ﺩﻳﺎﻟﻲ ﺍﻧﺎ؟ ﺍﻧﺎ ﻧﻮﻟﺪ ﻭ ﺷﻲ ﻳﺮﺑﻲ ﺑﺎﺵ ﻭﻻﺩﻱ ﻳﺮﺑﻴﻮ ﺍﻟﻜﺒﺪﺓ ﻋﻠﻰ ﻣﺮﺍ ﺧﺮﺍ
ﺃﺭﺳﻼﻥ : ﻣﺰﺍﻝ ﺍﻟﺤﺎﻝ ﻋﻠﻰ ﻫﺎﺩﺷﻲ ﺣﺘﻰ ﻧﻌﺮﻓﻮ ﺟﻨﺲ ﺍﻟﺠﻨﻴﻦ
ﺭﻳﻤﺎﺱ : ﺍﻧﺎ ﻣﺎﺑﻐﻴﺘﺶ ﻧﻌﺮﻓﻮ ﻣﻦ ﺩﺍﺑﺎ
ﺃﺭﺳﻼﻥ : ﺧﺎﻳﻔﺔ ﻋﻠﻴﻪ ﻣﻨﻲ !.
ﺭﻳﻤﺎﺱ : ﻻ ﺑﻄﺒﻴﻌﺔ ﺍﻟﺤﺎﻝ ﻣﺎﻏﺎﻧﺨﺎﻓﺶ ﻭﻟﻜﻦ ﻛﺎﻧﻔﻀﻞ ﻳﺒﻘﺎ ﻛﻠﺸﻲ ﻣﺴﺘﻮﺭ ﺣﺘﻰ ﻳﺘﺰﺍﺩ
ﺃﺭﺳﻼﻥ : ﻟﻲ ﺭﺗﺎﺣﻴﺘﻲ ﻓﻴﻬﺎ
ﺭﻳﻤﺎﺱ : ﻋﻨﺪﻱ ﻭﺍﺣﺪ ﺍﻟﻄﻠﺐ ﺍﺧﺮ
ﺃﺭﺳﻼﻥ : ﻏﺎﺗﺘﻌﺎﻗﺐ
ﺭﻳﻤﺎﺱ : ﺑﺎﺵ ﻋﺮﻓﺘﻴﻨﻲ ﻏﺎﻧﻬﻀﺮ ﻋﻠﻰ ﻣﺮﺕ ﻏﺎﺑﺮﻳﺎﻝ؟؟
ﺃﺭﺳﻼﻥ : ﻫﻲ ﻟﻲ ﺑﻘﺎﺕ ﻟﻚ
ﺭﻳﻤﺎﺱ : ﺍﻧﺎ ﻣﺎﻗﻠﺘﺶ ﻛﺎﺗﺘﻌﺎﻗﺒﺶ ﻭﻟﻜﻦ ﺑﻼﺵ ﻣﻦ ﺍﻟﻘﺘﻞ ﻣﺎﺗﻨﺴﺎﺵ ﺑﻨﺖ ﺍﻳﻠﻴﻨﺎ ﺣﺎﻣﻠﺔ ﻭ ﻏﺎﺗﻜﻮﻥ ﻣﺤﺘﺎﺟﺔ ﻣﺎﻣﺎﻫﺎ ﺗﻜﻮﻥ ﻓﺠﻨﺒﻬﺎ ‏( ﺗﻨﻬﺪﺍﺕ ‏) ﻣﺎﺷﻲ ﺑﺤﺎﻟﻲ ﺍﻧﺎ ... ﺣﺲ ﺑﻴﻬﺎ ﺣﺴﺎﺕ ﺑﺎﻟﻔﺮﺍﻍ ﻣﻨﻴﻦ ﻣﺎﻟﻘﺎﺗﺶ ﺍﻻﻡ ﺩﻳﺎﻟﻬﺎ ﻟﻲ ﺗﻨﺼﺤﻬﺎ ﻭ ﺗﻌﺘﺎﻧﻲ ﺑﻴﻬﺎ ﻓﻬﺎﺩ ﺍﻟﻔﺘﺮﺓ ... ﻋﻨﻘﻬﺎ ﻭ ﺷﺪ ﻟﻬﺎ ﻳﺪﻳﻬﺎ ﻭ ﻫﻲ ﻣﺘﻜﻴﺔ ﻋﻠﻴﻪ
ﺃﺭﺳﻼﻥ : ﻧﺘﻲ ﻣﻌﺎﻙ ﺭﺍﺟﻠﻚ ‏( ﺑﺎﺱ ﻟﻬﺎ ﺭﺍﺳﻬﺎ ‏) ﻭ ﻣﻌﺎﻙ ﺣﻤﺎﺗﻚ
ﺭﻳﻤﺎﺱ : ﺷﻜﻮﻥ ﺣﻤﺎﺗﻲ
ﺃﺭﺳﻼﻥ : ﺃﺩﻳﺮﺓ
ﺭﻳﻤﺎﺱ : ﻛﻴﻔﺎﺵ ﻏﺎﺗﻜﻮﻥ ﺣﻤﺎﺗﻲ ﻭ ﻧﺘﺎ ﻛﺎﺗﻌﻴﻂ ﻟﻬﺎ ﺑﺴﻤﻴﺘﻬﺎ .. ﻛﺎﻧﺤﺲ ﺑﺮﺍﺳﻲ ﻭﺳﻂ ﻋﺎﺋﻠﺔ ﻣﺘﺸﺘﺘﺔ ﻭ ﻛﺎﻉ ﻟﻲ ﻓﺎﻟﻘﺼﺮ ﻏﺮﺑﺎﺀ .. ﻧﺘﺎ ﺑﻌﻴﺪ ﻋﻠﻰ ﻭﺍﻟﻴﺪﻳﻚ ﻭ ﻋﺎﺋﻠﺘﻚ ﻧﻔﺲ ﺍﻟﺸﻲ
ﺃﺭﺳﻼﻥ : ﺷﻨﻮ ﺍﻟﻤﻄﻠﻮﺏ
ﺭﻳﻤﺎﺱ : ﺧﻠﻴﻨﻲ ﻧﺤﺲ ﺑﻠﻲ ﺭﺍﻧﻲ ﻭﺳﻂ ﻋﺎﺋﻠﺔ ﺭﺍﺟﻠﻲ ﻭ ﻟﻮ ﻣﺮﺓ ﻭﺣﺪﺓ ﻣﺎﺷﻲ ﻧﺤﺲ ﺑﺮﺍﺳﻲ ﻏﺮﻳﺒﺔ ﻋﻠﻴﻬﻢ
ﺃﺭﺳﻼﻥ : ﻣﺎﻋﻨﺪﻙ ﻣﺎﺩﻳﺮﻱ ﺑﻴﻬﻢ
ﺭﻳﻤﺎﺱ : ﻣﺎﻗﻠﺘﺶ ﻋﻨﺪﻱ ﻣﺎﻧﺪﻳﺮ ﺑﻴﻬﻢ ‏( ﺣﺒﺴﺎﺕ ﻫﻀﺮﺗﻬﺎ ‏) ﺻﺎﻓﻲ ﺩﻳﺮ ﺭﺍﺳﻚ ﻣﺎﻗﻠﺖ ﻭﺍﻟﻮ ...