إمبراطورية الأسود

البارت 134

شوية كايبان لها سي راضي جاي لجهتهم تصدمات صدمة كبيرة منين شافتو و فاش شافت الجهة لي كان جاي منها هنا كانت صدمة خرا حيت كانو جميييع افراد عائلتها من صغيرهم لكبيرهم حاضرين للعرس و حتى ولاد سي راضي .. شافت فأرسلان لي كان ملاحظ فرحتها مالقاتش شي كلمة لي تشكرو بيها حيت فعلا فرحات بلا قياس منين شافت عائلتها حاضرة .. كايحس بيها بلا ماتهضر و كايعرف شنو لي ضارها بلا ماتهضر
ريماس : ( بفرحة ) ماعرفتش واش كلمة شكرا كافيا ولا لا ولكن تسالات لي الهضرة
أرسلان : ( قرب لودنيها و همس ) الشكر غاناخدو هاد الليلة .. جمعات ضحكتها و عقدات حجبانها
ريماس : حقير علاش عزيز عليك تجي حتى اللخر و تفسدها
أرسلان : سلمي من بعيد .. بلاش من سلام الوجه و سلام اليد
ريماس : و عائلتي؟
أرسلان : السلام من بعيد كافي
سي راضي : ( بفرح ) بنتي رييماس
ريماس : ( بإبتسامة فرح ) عمي راضي .. بغات تنوض تسلم عليه ولكن وقفها بعينيه .. قرااوه مزيان لا هو لا العائلة السلام باليد و الوجه و التعناق و المبالغة فالمدح بلي جات زوينة ماكاينينش
سي راضي : غير خليك جالسة ا بنتي .. ااه و شحال فرحت فاش عرفتك باقا عايشة نتي و ريناد و فادي تيقيني ا بنتي ماخليت فين قلبت عليك .. عاام و انا كانقلب عليك و كلشي كايقلب عليك
ريماس : عارفا ا عمي بلي غاتكون درتي جهدك كامل باش تقلب عليا .. مالقيتش شي كلمة لي نوصف لك بيها فرحتي قداش منين شفتك .. جلس فبلاصة الشاهد باش مايزيدوش يعطلو العقد
سي راضي : اهم حاجة هي نتي و خوتك بصحتكم و ماوقع لكم والو .. حوارهم كان كامل بالعربية
سي ايتان : ( بالعبرية ) ايمتا غانبداو
ارسلان : ( بالعبرية ) دابا .. سالات ريماس و سي راضي هضرتهم و جا وقت العقد المغربي ... وقعو على العقد و اخييرا دابا ولاو راجل و مراتو .. اسد و لبؤتي ماتفرقهم الا الموت .. بارك لهم سي راضي و سي ايتان و العدول .. ناضو من تما و مشاو لجهة الباب ديال الجردة
أرسلان : و اخيرا وليتي مرتي
ريماس : عاقل على اول نهار طلاقيتك .. كنت كانظن نتا اسير .. ماعرفتش واش كون ماطلاقيناش فديك الليلة كان ممكن نكونو مزوجين دابا
أرسلان : ماكانتش هاديك اول مرة نشوف فيها لبؤتي
ريماس : ( بتساؤل ) علاش ايمتا شفتيني؟
أرسلان : فأول دقيقة حطيتي فيها رجليك فالمعسكر
ريماس : ولكن ماكنتيش ديك الساعة
أرسلان : طلعي تلبسي لاغوب ديالك
ريماس : غانلبسها دابا؟
أرسلان : كون تبقاي بهادي فالعرس كامل غايكون حسن
ريماس : لاا هاني طالعة .. بلعاني صدرها تبدل الكسوة باش يتلقى المباركات بدون مايسمع عبارات المدح و الغزل المخبع من مور كلمات المجاملة .. طلعات للشومبر لقات البنات كايتسناوها .. مع وصلات بدات كاتحيد الكسوة عاونوها فيها البنات .. حيداتها هي و اكسسواراتها و بداو كايلبسو لها لاغوب لي ختار لها ارسلان جاتها بحال الأميرة .. ذوقو فالاختيار كان جد راقي كان عارف شنو غايناسب ريماس كتر من معرفتها لراسها مع انه قدم واحد التنازل بسيط و ماخلاش الكسوة طالعة حتى للعنق باش ريماس ماتحسش بيه كايخنقها .. بداو البنات كايقادو لها اكسسواراتها لي كانو عبارة على حلقات طوال فالبيض ناسبو وجهها و سلسلة بيضة .. خلاو نفس المكياج ولكن الشعر قررات ريماس تبدل ليه المشطة .. طلقاتو و جمعات غير لافخونش رجعاتها اللور .. رشات البارفان ديالها و دارت اخر اللمسات و ها هي دابا لابسة لاغوب البيضة و راضية عليها كل الرضى .. جات فعلا كالملكة فيها .. البنات علامات الاعجاب بانت فوجههم و بقاو كايمدحو فجمالها و فجمال الفستان حتى لواحد الشوية تحلات الباب و دخلات أديرة .. مع الدخلة بقات كاتشوف فريماس بإنبهار ماكانتش متوقعة لاغوب غاتجي معاها حتى لهاد الدرجة
أديرة : خرجو بغيت نهضر مع عروستي
البنات : واخا ا مدام .. خرجو و سدو الباب موراهم .. قربات اديرة لعند ريماس
اديرة : خلينا نجلسو بغيت نهضر معاك .. جلسو فوق الناموسية و ريماس كاتتسنا اش غاتقول ليها اديرة
ريماس : كانسمعك ا خالتي اديرة
أديرة : اول حاجة ا بنتي ماتبقايش تعتابريني غريبة عليك .. دابا راك وليتي مرت ولدي ارسلان و بحال بنتي لي ضراتك قوليها لي واخا انا عارفة بلي ماغاضرك حتى شي حاجة بارك الرب فيك
ريماس : بالعكس مامعتابراكش غريبة عليا
أديرة : بغيت نشكرك على شنو درتي اليوم ا بنتي و شنو كاديري باش تصلحي علاقتي مع ولدي .. درتي حوايج لي ماقدرناش نديروهم حنا سنين طويلة ( عينيها دمعو ) قربتيني من ولدي لي نفر مني انا و عائلتو بسبب جدو الله يسمح ليه خلاه يولف يعيش بلا واليديه .. سنين طويلة مابقيت عنقتو ولا شميت ريحتو حتى لليوم .. اول مرة جيتي للقصر خديت عليك نظرة خايبة ا بنتي ولكن شوية بشوية بدلتيها و درتي بلاصتك عندي .. عمرك تعتابري راك فدار راجلك و عائلتو .. عتابري راسك فدارك بين عائلتك و انا ماماك .. عارفة بلي الام ديالك ماتت و ماقدراتش تحضر لعرس بنتها ولكن ديريني فمقام ماماك .. هزات ريماس يديها و مسحات دموع اديرة ...