إمبراطورية الأسود

البارت 155

ﺩﻭﺷﻮ ﻭ ﻛﻼﻭ ﻭ ﻋﺎﻭﺩﻭ ﺷﺪﻭ ﺍﻟﻄﺮﻳﻖ ﻹﺳﺮﺍﺋﻴﻞ ﺑﻘﺎﻭ ﺳﺎﻋﺎﺕ ﻭ ﻫﻤﺎ ﻓﺎﻟﺴﻤﺎ .. ﻭﺻﻠﻮ ﻟﻠﺠﺰﻳﺮﺓ ﻭ ﺷﺪﻭ ﺍﻟﻄﺮﻳﻖ ﻟﻠﻘﺼﺮ
ﺃﺭﺳﻼﻥ : ﻏﻴﺮ ﻧﻮﺻﻠﻮ ﻣﺎﻧﻠﻘﺎﻛﺶ ﻧﺎﻳﻀﺔ ﻣﻦ ﺑﻼﺻﺘﻚ ﺗﻔﺎﻫﻤﻨﺎ؟ !
ﺭﻳﻤﺎﺱ : ﺍﻥ ﺷﺎﺀ ﺍﻟﻠﻪ ﻣﺎﻏﺎﻧﻮﺿﺶ
ﺃﺭﺳﻼﻥ : ﻓﻬﺎﺩ ﺍﻟﻤﻮﺿﻮﻉ ﻣﺎﺗﻨﺎﻗﺸﻴﻨﻴﺶ ﻭ ﺑﻘﺎﻱ ﻓﺎﻟﺠﻨﺎﺡ
ﺭﻳﻤﺎﺱ : ﻭ ﻧﺘﺎ ﻓﻴﻦ ﻏﺎﺩﻱ؟؟
ﺃﺭﺳﻼﻥ : ﻏﺎﻧﻘﻀﻲ ﻭﺍﺣﺪ ﺍﻟﻐﺮﺽ
ﺭﻳﻤﺎﺱ : ﺷﻲ ﺷﻬﺮ ﻋﺎﻭﺗﺎﻧﻲ ﻳﺎﻙ
ﺃﺭﺳﻼﻥ : ﻏﺎﻧﻐﺒﺮ 6 ﺩﻳﺎﻝ ﺳﻮﺍﻳﻊ .. ﻣﺎﻛﻠﺘﻚ ﻏﺎﺗﻮﺻﻠﻚ ﻟﻠﺠﻨﺎﺡ .. ﻣﺎﺗﺸﺪﻱ ﺍﻟﻤﺎﻛﻠﺔ ﻣﻦ ﻋﻨﺪ .. ﺑﺎﺏ ﺍﻟﺠﻨﺎﺡ ﻣﺎﺗﻔﻮﺗﻴﻬﺎﺵ .. ﺍﻳﻼ ﺣﺴﻴﺘﻲ ﺑﺸﻲ ﺣﺎﺟﺔ ﻣﺎﺷﻲ ﻫﻲ ﻫﺎﺩﻳﻚ ﻋﻴﻄﻲ ﻟﻲ ﺗﻔﺎﻫﻤﻨﺎ؟
ﺭﻳﻤﺎﺱ : ﻭﺍﺧﺎ
ﺃﺭﺳﻼﻥ : ﻛﻨﺤﺬﺭﻙ
ﺭﻳﻤﺎﺱ : ﻋﺮﻓﺘﻮ ﺗﺤﺬﻳﺮ
ﺃﺭﺳﻼﻥ : ﺍﻟﻬﻀﺮﺓ ﻣﺎﺷﻲ ﻣﻌﺎﻙ ... ﻫﺰ ﺗﻴﻠﻴﻔﻮﻥ ﻭ ﻋﻴﻂ ﻟﻤﺎﻟﻚ ﻭﺻﺎﻩ ﺑﺎﺵ ﻳﺠﻴﺐ ﺍﻟﺤﺮﺍﺳﺔ ﺑﺎﻟﺰﺍﻳﺪ ﻭ ﻳﺰﻳﺪﻭ ﺍﻧﻈﻤﺔ ﺍﻻﻣﺎﻥ ﻓﺎﻟﻄﺎﺑﻖ ﻭ ﻗﺪﺍﻡ ﺍﻟﺒﺎﺏ ﺑﺎﺵ ﻣﺎﺗﺨﺮﺟﺶ .. ﻋﺎﺭﻓﻬﺎ ﻣﺎﻳﻤﻜﻨﺶ ﺗﺠﻠﺲ ﻭ ﺩﻳﻚ ﻭﺍﺧﺎ ﺩﻳﺎﻟﻬﺎ ﻏﻴﺮ ﺑﺎﺵ ﻳﺴﺤﺎﺑﻠﻮ ﺑﻠﻲ ﺭﺍﻩ ﻓﻌﻼ ﻏﺎﺗﺠﻠﺲ ﻋﺎﻗﻠﺔ .. ﺳﺎﻻ ﺍﻟﻤﻜﺎﻟﻤﺔ ﺩﻳﺎﻟﻮ ﻭ ﺿﺎﺭ ﻟﻌﻨﺪﻫﺎ ﻟﻘﺎﻫﺎ ﻛﺎﺗﺸﻮﻑ ﻓﻴﻪ ﻭ ﺍﺑﺘﺴﺎﻣﺔ ﻋﺮﻳﻀﺔ ﻋﻠﻰ ﻭﺟﻬﻬﺎ
ﺭﻳﻤﺎﺱ : ﺣﺒﻴﺒﻲ ﻋﻼﺵ ﻣﺎﻗﻠﺘﻴﺶ ﻟﻴﻪ ﻳﺴﺪﻭ ﻻﻃﻴﺮﺍﺱ ﻭ ﻳﺪﻳﺮﻭ ﺷﺒﻴﻚ ﻟﻠﺸﺮﺍﺟﻢ ﻟﻲ ﻓﺎﻟﺠﻨﺎﺡ ﻭ ﻳﺰﻳﺪﻭ ﺷﻲ 2 ﺩﻭﺑﻴﺮﻣﺎﻥ ﺣﺪﺍ ﺍﻟﺠﻨﺎﺡ ﻛﺎﻥ ﻏﺎﻳﻜﻮﻥ ﺣﺴﻦ
ﺃﺭﺳﻼﻥ : ‏( ﺑﺈﺑﺘﺴﺎﻣﺔ ﺻﻐﻴﺮﺓ ‏) ﻋﺠﺒﻨﻲ ﺗﻔﻜﻴﺮﻙ .. ﻫﺰ ﺗﻴﻠﻴﻔﻮﻥ ﺑﺎﺵ ﻳﻌﻴﻂ ﻟﻤﺎﻟﻚ ﻭ ﻫﻲ ﺗﺤﻴﺪﻭ ﻟﻴﻪ ﺷﺎﻑ ﻓﻴﻬﺎ ﺑﻨﻈﺮﺓ ﻏﺮﻳﺒﺔ ﻋﻠﻰ ﻫﺎﺩ ﺍﻟﺘﺼﺮﻑ ﻭ ﻋﺎﻭﺩ ﺣﻴﺪﻭ ﻟﻬﺎ
ﺭﻳﻤﺎﺱ : ﻭﺍﺵ ﻧﺎﻭﻱ ﺗﺤﺒﺴﻨﻲ ﺣﺘﻰ ﺗﺠﻲ؟؟ ﻣﺎﻛﺎﺗﻴﻘﺶ ﻓﻴﺎ ﻭﻻ ﺷﻨﻮ؟؟؟ ﺭﺍﻩ ﻋﻄﻴﺘﻚ ﺍﻟﻜﻠﻤﺔ
ﺃﺭﺳﻼﻥ : ﻓﺒﺤﺎﻝ ﻫﺎﺩ ﺍﻟﺤﻮﺍﻳﺞ ﻣﺎﻛﺎﻧﺘﻴﻘﺶ ﻓﻴﻚ ‏( ﻫﺰ ﺻﺒﻌﻮ ﻭ ﺍﺷﺎﺭ ﻟﻔﻤﻬﺎ ‏) ﻫﺪﺍ ﻛﺎﻳﻔﻀﺤﻚ
ﺭﻳﻤﺎﺱ : ﺍﻳﻮﺍ ﻭﻻ ﺑﻐﻴﺖ ﻧﺸﻮﻑ ﺧﺎﻟﺘﻲ ﺍﺩﻳﺮﺓ
ﺃﺭﺳﻼﻥ : ﺣﺘﻰ ﻧﺠﻲ
ﺭﻳﻤﺎﺱ : ﺍﻥ ﺷﺎﺀ ﺍﻟﻠﻪ .. ﻭﺻﻠﻮ ﻟﻠﻘﺼﺮ ﺩﺧﻠﻮ ﻛﺎﻥ ﺍﻏﻠﺐ ﺭﺟﺎﻝ ﺍﻟﻌﺎﺋﻠﺔ ﻓﻤﺸﺎﻏﻠﻬﻢ ﻣﺎ ﻋﺪﺍ ﺍﻻﻋﻤﺎﻡ ﻭ ﺍﻟﻨﺴﺎﺀ ﺍﻣﺎ ﺧﻮﺕ ﺭﻳﻤﺎﺱ ﻭ ﻟﻲ ﻓﺒﺤﺎﻝ ﻋﻤﺮﻫﻢ ﺭﺟﻌﻮ ﻷﻣﺮﻳﻜﺎ .. ﻃﻠﻌﻮ ﻟﻠﺠﻨﺎﺡ ﻭ ﻣﺎﺗﺼﺎﺩﻓﻮ ﻣﻊ ﺣﺪ .. ﺩﺧﻞ ﺑﺪﻝ ﺣﻮﺍﻳﺠﻮ ﺷﻮﻳﺔ ﺟﺎﻩ ﻣﻴﺴﺎﺝ ﻓﺘﻴﻠﻴﻔﻮﻧﻮ ﻫﺰﻭ ﻗﺮﺍﻩ ﻭ ﺭﺟﻌﻮ ﻟﺠﻴﺒﻮ ﻣﺎﻋﻄﺎﻫﺎﺵ ﺍﻟﻔﺮﺻﺔ ﺗﻘﻠﺐ ﻓﻴﻪ .. ﺣﻞ ﻭﺍﺣﺪ ﺍﻟﺨﺰﻧﺔ ﻛﺎﻧﺖ ﻋﻨﺪﻭ ﻓﺎﻟﺠﻨﺎﺡ ﻭ ﺟﺒﺪ ﻣﺠﻤﻮﻋﺔ ﺩﻳﺎﻝ ﺍﻟﻮﺭﺍﻕ ﺧﺮﺝ ﻟﻘﺎﻫﺎ ﻣﺘﻜﻴﺔ ﻋﻠﻰ ﺍﻟﺒﺎﺏ ﻭ ﻣﺮﺍﻗﺒﺔ ﺑﻌﻴﻨﻴﻬﺎ ﺍﻟﻜﺎﺭﺩ ﻟﻲ ﺣﺪﺍ ﺍﻟﺒﺎﺏ ﻭ ﻫﺎﺩ ﺍﻟﺘﺠﻬﻴﺰﺍﺕ ﻟﻲ ﻛﺎﻳﺪﻳﺮﻭ ﺩﻳﺎﻝ ﺍﻻﻣﺎﻥ
ﺃﺭﺳﻼﻥ : ‏( ﺑﺈﺑﺘﺴﺎﻣﺔ ﺧﻔﻴﻔﺔ ‏) ﻟﺒﺆﺗﻲ .. ﻣﺎﺩﻳﺮﻳﺶ ﺷﻲ ﺣﺎﺟﺔ ﺗﺨﻠﻴﻨﻲ ﻧﻐﻀﺐ ﻋﻠﻴﻚ
ﺭﻳﻤﺎﺱ : ﺍﺷﻤﻦ ﻏﺮﺽ ﻋﻨﺪﻙ؟؟ ﻭ ﻓﻴﻦ ﻏﺎﺩﻱ .. ﺭﺟﻊ ﻟﻌﻨﺪﻫﺎ ﺑﺎﺳﻬﺎ ﻭ ﺧﺮﺝ ﺳﺪ ﺍﻟﺒﺎﺏ ﻭﺻﺎ ﺍﻟﻜﺎﺭﺩ ﺑﺎﺵ ﻳﺮﺩﻭ ﻟﻬﺎ ﺍﻟﺒﺎﻝ .. ﻏﻴﺮ ﺧﺮﺝ ﺩﺧﻼﺕ ﻟﻠﺪﻭﺵ ﺑﺨﻄﻮﺍﺕ ﻋﺎﺩﻳﺔ ﺳﺪﺍﺕ ﺍﻟﺒﺎﺏ ﻭ ﻣﺸﺎﺕ ﻟﻮﺍﺣﺪ ﺍﻟﺒﻼﻛﺎﺭ ﻓﻴﻪ ﺷﻤﺒﻮﺍﻧﺎﺕ ﻭ ﺟﻴﻞ ﺩﻭﺵ ﻭ ﺩﺍﻙ ﺗﺨﺮﺑﻴﻖ ﺩﺍﻛﺸﻲ ﺍﻻﺣﺘﻴﺎﻃﻲ ﺑﺪﺍﺕ ﻛﺎﺗﺤﻴﺪﻫﻢ ﺣﺘﻰ ﻭﺻﻼﻥ ﻟﻮﺍﺣﺪ ﺍﻟﻘﺮﻋﺔ ﻋﺮﻳﻀﺔ ﻣﺎﻛﺎﺗﺨﺪﻣﺶ ﺑﻴﻬﺎ ﺑﺰﺍﻑ ﻫﺰﺍﺗﻬﺎ ﻭ ﻗﻠﺒﺎﺗﻬﺎ ﺑﺪﺍﺕ ﻛﺎﺗﺤﻠﻬﺎ ﻣﻦ ﺍﻟﺠﻬﺔ ﺍﻟﺘﺤﺘﺎﻧﻴﺔ ﻛﺎﻧﺖ ﻓﺎﻻﺻﻞ ﺣﺎﻻﻫﺎ .. ﺟﺒﺪﺍﺕ ﻣﻨﻬﺎ ﻃﻴﻠﻲ ﻟﻲ ﻛﺎﺗﺠﺴﺲ ﺑﻴﻪ ﻋﻠﻰ ﺍﺭﺳﻼﻥ .. ﺷﻌﻼﺗﻮ ﻭ ﺑﺪﺍﺕ ﻛﺎﺗﻘﻠﺐ ﺣﺘﻰ ﻟﻘﺎﺕ ﺍﻟﻤﻴﺴﺎﺝ ﻟﻲ ﻭﺻﻞ ﻷﺭﺳﻼﻥ ﻓﺘﻴﻠﻴﻔﻮﻥ ﻛﺎﻥ ﻣﻜﺘﻮﺏ ﻓﻴﻪ " ﺭﺍﻫﻢ ﺗﺠﻤﻌﻮ ﺍ ﻣﻴﺴﺘﺮ ﺍﺭﺳﻼﻥ " .. ﻣﺸﺎ ﺍﻟﺸﻚ ﺩﻳﺎﻟﻬﺎ ﻟﻠﻤﻨﻈﻤﺔ ﺣﺘﻰ ﺑﻐﺎﺕ ﺗﻄﻔﻴﻪ ﺑﺎﺵ ﺗﺮﺟﻌﻮ ﺷﻮﻳﺔ ﺻﻮﻧﺎ ﺗﻴﻠﻴﻔﻮﻥ ﺑﻤﻌﻨﻰ ﺍﻟﻤﻜﺎﻟﻤﺔ ﺟﺎﻳﺎ ﻷﺭﺳﻼﻥ .. ﺧﻼﺗﻮ ﻳﺠﺎﻭﺏ ﻫﻮ ﺑﺎﺵ ﻣﺎﻳﻌﻴﻘﺶ ﺑﻴﻬﺎ .. ﻣﺎﺩﺍﻣﺘﺶ ﺍﻟﻤﺼﻮﻧﻴﺔ ﺑﺰﺍﻑ ﻭ ﺟﺎﻭﺏ
ﺃﺭﺳﻼﻥ : ﻛﺎﻧﺘﺴﻨﺎ
ﻣﺎﻟﻚ : ﻣﻴﺴﺘﺮ ﺍﺭﺳﻼﻥ ﺭﺍﻫﻢ ﻛﻠﻬﻢ ﺗﺠﻤﻌﻮ ﻧﺎﻗﺼﻴﻦ ﻏﻴﺮ ﺷﻲ ﻭﺣﺪﻳﻦ ﻓﻌﺎﺋﻠﺔ ﺭﻭﻛﻔﻠﺮ ﻭﻟﻜﻦ ﻣﺎﺑﻌﺎﺩﺵ ﻋﻠﻰ ﺍﻟﻤﺪﻳﻨﺔ ﺑﺰﺍﻑ
ﺃﺭﺳﻼﻥ : ﺷﺤﺎﻝ !.
ﻣﺎﻟﻚ : ﻣﺮﺍ ﻣﻦ ﻋﺎﺋﻠﺘﻬﻢ ﻋﺎﺩ ﻭﻟﺪﺍﺕ ﻭ ﺍﻟﺮﺿﻴﻊ ﺩﻳﺎﻟﻬﺎ
ﺃﺭﺳﻼﻥ : ﺟﻴﺒﻬﻢ ﻣﻊ ﻣﺮﺕ ﻏﺎﺑﺮﻳﺎﻝ
ﻣﺎﻟﻚ : ﻓﻴﻦ ﺍ ﻣﻴﺴﺘﺮ ﺍﺭﺳﻼﻥ
ﺃﺭﺳﻼﻥ : ﻟﻠﻘﺼﺮ ﺩﻳﺎﻝ ﺭﻭﻛﻔﻠﺮ ... ﺗﻮﺳﻌﻮ ﻋﻴﻨﻴﻬﺎ ﻓﺎﺵ ﺳﻤﻌﺎﺕ ﻫﺎﺩ ﺍﻟﻬﻀﺮﺓ ﻭ ﻋﺮﻓﺎﺗﻮ ﻣﺎﻧﺎﻭﻳﺶ ﻋﻠﻰ ﺍﻟﺨﻴﺮ
ﻣﺎﻟﻚ : ﻭﺍﺧﺎ ﺍ ﻣﻴﺴﺘﺮ ﺃﺭﺳﻼﻥ .. ﺷﻲ ﺍﻭﺍﻣﺮ ﺧﺮﺍ
ﺃﺭﺳﻼﻥ : ﻣﺎﺗﺘﻌﻄﻠﺶ ...
ﺃﺭﺳﻼﻥ : ﻣﻮﺭﻏﺎﻥ ﻛﻠﻬﻢ ﻣﺠﻤﻮﻋﻴﻦ !.
ﻣﺎﻟﻚ : ﻭﻱ ﻣﻴﺴﺘﺮ ﺍﺭﺳﻼﻥ ﻛﻠﻬﻢ ﺣﺎﺿﺮﻳﻦ ﻓﻘﺼﺮﻫﻢ ﻫﺎﺩ ﺍﻟﻨﻬﺎﺭ
ﺃﺭﺳﻼﻥ : ﻣﺰﻳﺎﻥ ... ﻗﻄﻊ ﺗﻴﻠﻴﻔﻮﻥ ﻭ ﺗﻘﻄﻊ ﺣﺘﻰ ﻣﻦ ﻋﻨﺪ ﺭﻳﻤﺎﺱ ﻟﻲ ﺑﻘﺎﺕ ﻣﺒﻠﻮﻛﻴﺔ ﺷﺤﺎﻝ ﻭ ﻛﺎﺗﻜﺪﺏ ﺩﺍﻛﺸﻲ ﻟﻲ ﻓﺒﺎﻟﻬﺎ .. ﺍﺵ ﺟﺎﺏ ﺍﻟﺮﺿﻴﻊ ﻟﻠﻬﻀﺮﺓ ﻭ ﺍﺵ ﺟﺎﺏ ﻣﺮﺕ ﻏﺎﺑﺮﻳﺎﻝ ﻭ ﻋﻼﺵ ﻗﺎﻟﻮ ﻳﺠﻴﺒﻬﻢ ﻟﻠﻘﺼﺮ ﺩﻳﺎﻝ ﺭﻭﻛﻔﻠﺮ ﻭ ﺍﺵ ﺑﻐﺎ ﻋﻨﺪ ﻣﻮﺭﻏﺎﻥ ﺣﺘﻰ ﻫﻤﺎ .. ﻫﺎﺩﺷﻲ ﻋﻨﺪﻭ ﻣﻌﻨﻰ ﻭﺍﺣﺪ .. ﺍﻟﺸﻚ ﺩﻳﺎﻟﻬﺎ ﻓﻤﺮﺕ ﻏﺎﺑﺮﻳﺎﻝ ﻣﺎﻛﺎﻧﺶ ﻏﺎﻟﻂ ، ﺍﻻﺳﺌﻠﺔ ﻛﺜﺎﺭﻭ ﻋﻠﻴﻬﺎ ﻭﻟﻜﻦ ﻟﻲ ﻣﺘﺄﻛﺪﺓ ﻣﻨﻮ ﻫﻮ ﻏﺎﻳﺪﻳﺮ ﺷﻲ ﻛﺎﺭﺛﺔ ﺍﻟﻴﻮﻡ ﻭ ﺑﺎﺵ ﺗﻠﺤﻖ ﻋﻠﻴﻪ ﻗﺒﻞ ﻣﺎﻳﺪﻳﺮ ﺷﻲ ﺣﺎﺟﺔ ﺧﺎﺻﻬﺎ ﺿﺮﻭﺭﻱ ﺗﺘﺒﻊ ﻣﺎﻟﻚ ﻟﻲ ﻏﺎﻳﺠﻲ ﻟﻠﻘﺼﺮ ﺑﺎﺵ ﻳﺪﻱ ﻣﻌﺎﻩ ﻣﺮﺕ ﻏﺎﺑﺮﻳﺎﻝ .. ﺭﺟﻌﺎﺕ ﺩﺍﻛﺸﻲ ﺑﺎﻟﺰﺭﺑﺔ ﻟﺒﻼﺻﺘﻮ ﻭ ﻣﺸﺎﺕ ﻟﺠﻬﺔ ﺍﻟﺒﺎﺏ ﺣﻄﺎﺕ ﻭﺩﻧﻴﻬﺎ ﻛﺎﻥ ﺻﻮﺕ ﺍﻟﺨﻄﻮﺍﺕ ﺑﺰﺍﻑ ﻳﻌﻨﻲ ﻛﺎﻳﻦ ﺍﻟﻐﺎﺷﻲ ... ﻣﺸﺎﺕ ﻃﻼﺕ ﻣﻦ ﺟﻬﺔ ﺍﻟﺸﺮﺟﻢ ﻛﺎﻧﻮ ﺍﻟﻜﺎﺭﺩ ﻣﺠﻤﻮﻋﻴﻦ ﻃﻼﺕ ﻣﻦ ﻻﻃﻴﺮﺍﺱ ﻛﺎﻥ ﻧﻔﺲ ﺍﻟﺸﻲ ﺍﻟﺤﺮﺍﺳﺔ ﻭ ﺍﻟﻜﻼﺏ ﻣﻦ ﺍﻟﻔﻮﻕ .. ﻋﺎﻭﺩﺍﺕ ﻣﺸﺎﺕ ﻛﺎﺗﺠﺮﻱ ﻟﺸﺮﺟﻢ ﺍﺧﺮ ﻭﻟﻜﻦ ﻣﻦ ﺣﺴﻦ ﺣﻈﻬﺎ ﻛﺎﻧﻮ ﻏﻴﺮ ﺍﻟﻜﻼﺏ ﻭ ﻣﻦ ﻟﺘﺤﺖ ﻛﺎﻥ ﻻﺑﻴﺴﻴﻦ .. ﻣﺸﺎﺕ ﺑﺪﻻﺕ ﻋﻠﻴﻬﺎ ﻭ ﻫﺰﺍﺕ ﺳﻮﺭﻓﻴﻂ ﻭ ﺳﺒﺮﺩﻳﻠﺔ ﻭ ﻃﺮﺑﻮﺵ ﺧﺸﺎﺗﻬﻢ ﻓﺼﺎﻙ ﻭ ﻻﺣﺘﻬﻢ ﻟﺠﻬﺔ ﺍﻟﺸﺠﺮ ﺟﺎﺑﺘﻬﻢ ﻧﻴﺸﺎﻥ ﻓﺎﻟﺸﺠﺮ .. ﻏﻄﺎﺕ ﺷﻌﺮﻫﺎ ﺑﺎﻟﻔﻮﻻﺭ ﻭ ﺩﺍﺭﺕ ﺭﺟﻠﻴﻬﺎ ﻓﺎﻟﺤﺎﻓﺔ ﺩﻳﺎﻝ ﺍﻟﺸﺮﺟﻢ ﺑﺪﺍﺕ ﻛﺎﺗﻌﺒﺮ ﺑﻌﻴﻨﻴﻬﺎ ﺑﺎﺵ ﻣﺎﺗﺼﺪﻗﺶ ﺟﺎﻳﺎ ﻓﺎﻻﺭﺽ .. ﺣﻄﺎﺕ ﺍﻟﺮﺟﻞ ﺍﻟﺜﺎﻧﻴﺔ ﻓﺎﻟﺤﺎﻓﺔ ﻭ ﺧﺪﺍﺕ ﻧﻔﺲ ﻋﻤﻴﻖ ﻭ ﺗﻼﺣﺖ ﻟﻠﺘﺤﺖ ﺟﺎﺕ ﻧﻴﺸﺎﻥ ﻓﺎﻟﻤﺎ ﺣﺘﻰ ﺗﺴﻤﻊ ﺻﻮﺕ ﺷﻲ ﺣﺎﺟﺔ ﻃﺎﺣﺖ ﻓﺎﻟﻤﺎ ﺟﺎﻭ ﺍﻟﻜﺎﺭﺩ ﻛﺎﻳﺠﺮﻳﻮ ﻛﺎﻳﻘﻠﺒﻮ ﺍﺵ ﻃﺎﺡ ﺷﺎﻓﻮ ﺑﻠﻲ ﺍﻟﻜﻼﺏ ﻣﺎﻧﺒﺤﻮﺵ ﻭ ﻋﺎﻭﺩﻭ ﺭﺟﻌﻮ .. ﺑﻘﺎﺕ ﺷﺤﺎﻝ ﻣﻦ ﺗﺤﺖ ﺍﻟﻤﺎ ﺣﺎﺑﺴﺔ ﺍﻟﻨﻔﺲ ﺣﺘﻰ ﺗﺄﻛﺪﺍﺕ ﺑﻠﻲ ﻣﺸﺎﻭ ﻋﺎﺩ ﻃﻠﻌﺎﺕ ﻭ ﻣﻦ ﺣﺴﻦ ﺣﻈﻬﺎ ﺩﺭﻳﺴﺎﻭ ﺍﻟﻜﻼﺏ ﺑﺎﺵ ﻳﻨﺒﺤﻮ ﻭ ﻳﻌﻀﻮ ﻏﻴﺮ ﺍﻳﻼ ﻛﺎﻥ ﺍﻟﻐﺮﻳﺐ ﺍﻣﺎ ﺍﻳﻼ ﻛﺎﻥ ﺍﺭﺳﻼﻥ ﻭ ﺭﻳﻤﺎﺱ ﻭ ﻣﺎﻟﻚ ﻭ ﺍﺑﺮﺍﻫﺎﻡ ﻣﺎﻳﻌﻀﻮﺵ .. ﻣﺸﺎﺕ ﻛﺎﺗﺠﺮﻱ ﻟﺠﻬﺔ ﺍﻟﺸﺠﺮ ﺣﻴﺪﺍﺕ ﺍﻟﺤﻮﺍﻳﺞ ﺍﻟﻔﺎﺯﻛﻴﻦ ﻭ ﻟﺒﺴﺎﺕ ﻟﻲ ﻓﺎﻟﺼﺎﻙ ﻧﺎﻭﻳﺔ ﻫﺎﺩ ﺍﻟﻨﻬﺎﺭ ﺗﺸﻮﻑ ﺍﺭﺳﻼﻥ ﺍﺷﻤﻦ ﻣﻮﺻﻴﺒﺔ ﻏﺎﻳﺪﻳﺮ ﻭﻟﻜﻦ ﺩﺍﺑﺎ ﺍﻟﻤﺸﻜﻠﺔ ﻛﺎﻳﻨﺎ ﻓﻜﻴﻔﺎﺵ ﻏﺎﺗﺨﺮﺝ ﻣﻦ ﺍﻟﻘﺼﺮ ﻭ ﺍﺭﺳﻼﻥ ﻣﻜﺜﻒ ﺍﻟﺤﺮﺍﺳﺔ .. ﺩﺧﻼﺕ ﻣﻦ ﺍﻟﺒﺎﺏ ﺩﻳﺎﻝ ﺯﺍﺝ ﻟﻲ ﻓﺎﻟﺠﺮﺩﺓ ﻭ ﺧﺮﺟﺎﺕ ﻓﺎﻟﻘﺼﺮ ﻟﺪﺍﺧﻞ .. ﺿﻮﺭﺍﺕ ﻋﻴﻨﻴﻬﺎ ﻣﺎﺑﺎﻥ ﻟﻬﺎ ﺣﺪ .. ﺑﻘﺎﺕ ﻏﺎﺩﺍ ﺑﺨﻄﻮﺍﺕ ﺣﺬﺭﺓ ﻭ ﺭﺍﺩﺓ ﺍﻟﺒﺎﻝ ﻣﻊ ﺍﻟﻜﺎﻣﻴﺮﺍﺕ ﺣﺘﻰ ﺳﻤﻌﺎﺕ ﺻﻮﺕ ﻣﺎﻟﻚ ﻭ ﺻﻮﺕ 2 ﺭﺟﺎﻝ ﻣﻌﺎﻩ
ﻣﺎﻟﻚ : ﺧﺮﺟﻮﻫﺎ ﻭ ﺣﻄﻮﻫﺎ ﻓﺎﻟﻠﻮﻃﻮ ﺭﺩﻭ ﺍﻟﺒﺎﻝ ﻻﻳﺸﻮﻓﻬﺎ ﺷﻲ ﺣﺪ
***** : ﻭﺍﺧﺎ ﺍ ﺳﻲ ﺃﺳﻮﺍﺭ ... ﺑﻘﺎﺕ ﻭﺍﻗﻔﺔ ﻓﺒﻼﺻﺘﻬﺎ ﻭ ﻛﺎﺗﺒﻼﻧﻲ ﻣﻮﺻﻴﺒﺔ ﻫﺎﺩﻱ ﻣﺎﺑﻘﺎ ﻟﻴﻪ ﻭﺍﻟﻮ ﻭ ﻳﺨﺮﺝ ﻭﻻ ﻣﺸﺎ ﺣﺘﻰ ﺧﺮﺝ ﻣﺎﻏﺎﺗﻌﺮﻓﺶ ﻓﻴﻦ ﺍﺭﺳﻼﻥ ﺑﺎﻟﻀﺒﻂ .. ﻫﺒﻄﻮ ﺍﻟﻜﺎﺭﺩ ﻛﺎﻳﺠﺮﻳﻮ ﻟﻌﻨﺪ ﻣﺎﻟﻚ ﻭ ﻋﻠﻰ ﻭﺟﻬﻬﻢ ﺗﻌﺎﺑﻴﺮ ﺍﻟﻬﻠﻊ
ﻣﺎﻟﻚ : ﺍﺵ ﻭﺍﻗﻊ؟؟؟ ﻋﻼﺵ ﻫﺎﺑﻄﻴﻦ ﻛﺎﺗﺠﺮﻳﻮ؟؟؟
ﺍﻟﻜﺎﺭﺩ 1 : ﻣﺪﺍﻡ ﺭﻳﻤﺎﺱ ﻣﺎﻛﺎﻳﻨﺎﺵ ﻓﺠﻨﺎﺣﻬﺎ .. ﻗﻠﺒﻨﺎ ﻋﻠﻴﻬﺎ ﺍﻟﻄﺎﺑﻖ ﻛﺎﻣﻞ ﻭ ﺍﺛﺮﻫﺎ ﻣﺎﻛﺎﻳﻨﺶ .. ﺗﻨﻬﺪ ﻣﺎﻟﻚ
ﻣﺎﻟﻚ : ﻋﺎﻭﺗﺎﻧﻲ ﺩﺭﺗﻴﻬﺎ ﺍ ﺭﻳﻤﺎﺱ ﻋﺎﻭﺗﺎﻧﻲ ... ﻗﻠﺒﻮ ﻋﻠﻴﻬﺎ ﻓﺎﻟﻘﺼﺮ ﻣﺎﻳﻤﻜﻨﺶ ﺗﻜﻮﻥ ﺧﺮﺟﺎﺕ ﻣﻦ ﺍﻟﻘﺼﺮ
***** : ﺳﻲ ﻣﺎﻟﻚ ﻛﺎﻳﻨﺎ ﺍﺵ ﻧﺪﻳﺮﻭ ﺩﺍﺑﺎ ﻟﻬﺎﺩﻱ
ﻣﺎﻟﻚ : ﻏﻄﻴﻮﻫﺎ ﺑﺸﻲ ﻟﻴﺰﺍﺭ ﻭ ﺣﻄﻮﻫﺎ ﻟﻬﻴﻪ ‏( ﻧﻌﺖ ﻟﻬﻢ ﻟﻮﺍﺣﺪ ﺍﻟﺠﻬﺔ ﻣﺨﺒﻌﺔ ‏) ﺣﺘﻰ ﻧﻠﻘﺎﻭ ﻣﺪﺍﻡ ﺭﻳﻤﺎﺱ ﻋﺎﺩ ﻧﻤﺸﻴﻮ ... ﺩﺍﺭﻭ ﺩﺍﻛﺸﻲ ﻟﻲ ﻗﺎﻝ ﻟﻬﻢ ﻭ ﻣﺸﺎﻭ ﻛﺎﻳﻘﻠﺒﻮ ﻋﻠﻰ ﺭﻳﻤﺎﺱ ﻟﻲ ﻫﻲ ﻓﺎﻻﺻﻞ ﻛﺎﻧﺖ ﻗﺮﻳﺒﺔ ﻟﻴﻬﻢ ﻭ ﺣﺎﺿﻴﺎﻫﻢ ﻏﻴﺮ ﺷﺎﻓﺘﻬﻢ ﺑﻌﺪ ﻭ ﻫﻲ ﺗﻤﺸﻲ ﻛﺎﺗﺠﺮﻱ ﻟﺠﻬﺔ ﻣﺮﺍﺕ ﻏﺎﺑﺮﻳﺎﻝ ﺣﻴﺪﺍﺕ ﻟﻬﺎ ﻟﻴﺰﺍﺭ ﻭ ﺑﺪﺍﺕ ﺟﺎﺭﺍﻫﺎ ﻣﻦ ﺭﺟﻠﻴﻬﺎ ﻛﺎﺗﺤﺎﻭﻝ ﺗﺴﺮﺑﻲ ﺣﺘﻰ ﻭﺻﻼﺗﻬﺎ ﻷﻗﺮﺏ ﺷﻮﻣﺒﺮ ﻛﺎﻧﺖ ﺗﻤﺎ ﻋﺎﺩ ﺭﺟﻌﺎﻩ ﻟﻠﺒﻼﺻﺔ ﻟﻲ ﻛﺎﻧﻮ ﺣﺎﻃﻴﻨﻬﺎ ﻓﻴﻬﺎ .. ﻏﻄﺎﺕ ﺭﺍﺳﻬﺎ ﺑﻠﻴﺰﺍﺭ ﻭ ﺑﻘﺎﺕ ﻛﺎﺗﺴﻨﺎﻫﻢ ﺩﺍﺯﺕ ﺭﺑﻊ ﺳﺎﻋﺔ ﻭ ﺭﺟﻌﻮ
ﻣﺎﻟﻚ : ﺣﺎﻭﻟﻮ ﺗﻠﻘﺎﻭﻫﺎ ﻓﺄﻗﺮﺏ ﻭﻗﺖ ﺍﻧﺎ ﻣﺎﻧﻘﺪﺭﺵ ﻧﺰﻳﺪ ﻧﺘﻌﻄﻞ ﻋﻠﻰ ﻣﻴﺴﺘﺮ ﺍﺭﺳﻼﻥ .. ﺩﻳﺮﻭ ﻓﺒﺎﻟﻜﻢ ﺍﻳﻼ ﻣﺎﻟﻘﻴﺘﻮﻫﺎﺵ ﺣﻴﺎﺗﻜﻢ ﻫﻨﺎ ﻓﻴﻦ ﻏﺎﺗﺘﺴﺎﻻ .. ﻫﺰﻭ ﺟﻮﺝ ﻣﻦ ﺍﻟﻜﺎﺭﺩ ﺭﻳﻤﺎﺱ ﻟﻲ ﻛﺎﻥ ﻳﺴﺤﺎﺑﻠﻬﻢ ﻣﺮﺍﺕ ﻏﺎﺑﺮﻳﺎﻝ .. ﺣﻄﻮﻫﺎ ﻓﺎﻟﻠﻮﻃﻮ ﻭ ﺩﻳﻤﺎﺭﺍ ﻣﺎﻟﻚ ﺣﺘﻰ ﻭﺻﻠﻮ ﻟﻠﻴﺨﺖ ﻭ ﻋﺎﻭﺩﻭ ﻫﺰﻭﻫﺎ ﺑﻠﻴﺰﺍﺭ ﺩﻳﺎﻟﻬﺎ ﺣﻄﻮﻫﺎ ﻓﺎﻟﻴﺨﺖ ﻭ ﺷﺪﻭ ﺍﻟﻄﺮﻳﻖ ﺗﺎﻧﻲ ﻟﺘﻞ ﺍﺑﻴﺐ ﻏﻴﺮ ﻭﺻﻠﻮ ﻟﻠﻤﻴﻨﺎﺀ ﺧﺮﺟﻮﻫﺎ ﺑﺎﻟﺰﺭﺑﺔ ﻭ ﺩﺧﻠﻮﻫﺎ ﻟﻮﺍﺣﺪ ﺍﻟﻠﻮﻃﻮ ﻛﺎﻧﺖ ﻓﻴﻬﺎ ﻣﺮﺍ ﺧﺮﺍ ﻭ ﻭﺍﺣﺪ ﺍﻟﺮﺿﻴﻊ ﺑﺎﻗﻲ ﻳﻼﻩ ﺗﺰﺍﺩ ﻛﺎﺳﺮ ﺍﻟﺪﻧﻴﺎ ﺑﻐﻮﺍﺗﻮ ﻭﻟﻜﻦ ﺷﻜﻮﻥ ﺗﺴﻮﻕ ﻟﻴﻪ ﻣﻦ ﻏﻴﺮ ﺭﻳﻤﺎﺱ ﻟﻲ ﻣﺎﻟﻘﺎﺕ ﻛﻲ ﺩﻳﺮ ﺗﺸﻮﻑ ﻣﺎﻟﻮ ﺣﻴﺖ ﺩﺍﺭﻭﻫﺎ ﻓﺎﻟﻜﻮﻓﺮ ﻭ ﻣﺎﻟﻚ ﻟﻲ ﺑﻘﺎ ﻛﺎﻳﻐﻮﺕ ﻋﻠﻴﻬﻢ ﻋﻼﺵ ﻣﺎﺟﺎﺑﻮﺵ ﺍﻟﺒﻴﺒﺮﻭﻥ ﺩﻳﺎﻟﻮ ﺑﺎﺵ ﻳﺴﻜﺖ .. ﺑﻘﺎﻭ ﻏﺎﺩﻳﻴﻦ ﺷﺤﺎﻝ ﺣﺘﻰ ﺑﺪﺍﻭ ﻛﺎﻳﺪﺧﻠﻮ ﻓﻮﺍﺣﺪ ﺍﻟﺸﺠﺮ ﻭ ﻣﻦ ﺑﻌﻴﺪ ﻛﺎﻥ ﻛﺎﻳﺒﺎﻥ ﻭﺍﺣﺪ ﺍﻟﻘﺼﺮ ﻣﺸﺎﻭ ﻣﻦ ﻣﻮﺭﺍﻩ ﺑﺎﺵ ﻣﺎﻳﺸﻮﻓﻬﻢ ﺣﺪ
.. ﺑﺪﺍﺕ ﻛﺎﺗﺤﺲ ﺑﺎﻟﺤﺮﻛﺔ ﺩﻳﺎﻝ ﺍﻟﻠﻮﻃﻮ ﻛﺎﺗﺘﻘﺎﻝ ﺣﻴﺪﺍﺕ ﻟﻴﺰﺍﺭ ﻭ ﻫﺰﺍﺕ ﺍﻟﺒﺎﺏ ﺩﻳﺎﻝ ﺍﻟﻜﻮﻓﺮ ﺷﻮﻳﺔ .. ﻣﺎﺑﺎﻧﺖ ﻟﻬﺎ ﺣﺘﻰ ﻟﻮﻃﻮ ﺗﺎﺑﻌﺎﻫﻢ .. ﺯﺍﺩﺕ ﺣﻼﺗﻮ ﻭ ﺑﺪﺍﺕ ﻛﺎﺗﺸﻮﻑ ﻛﻲ ﺩﻳﺮ ﺗﻨﻘﺰ ﺑﻼ ﻣﺎﺗﺨﺮﺝ ﺑﺸﻲ ﺗﻬﺮﻳﺴﺔ ﺧﺮﺟﺎﺕ ﺭﺟﻠﻴﻬﺎ ﻭ ﺩﺍﺭﺗﻬﺎ ﻓﻴﺪ ﺍﻟﻠﻪ ﻭ ﻧﻘﺰﺍﺕ ...
ﺟﺎﺕ ﻋﻠﻰ ﻳﺪﻳﻬﺎ .. ﺣﻔﻀﻬﺎ ﺭﺑﻲ ﻣﺎﺗﻬﺮﺳﺎﺗﺶ ﻋﺎﻭﺗﺎﻧﻲ .. ﺑﺪﺍﺕ ﻛﺎﺗﻨﻔﺾ ﺣﻮﺍﻳﺠﻬﺎ ﻭ ﺑﻌﺪﺍﺕ ﻣﻦ ﻃﺮﻳﻖ ﺑﺎﺵ ﻣﺎﻳﺤﺼﻠﻬﺎ ﺣﺪ ﺿﻮﺭﺍﺕ ﻋﻴﻨﻴﻬﺎ ﻓﺎﻟﺒﻼﺻﺔ ﻟﻘﺎﺕ ﺭﺍﺳﻬﺎ ﺣﺪﺍ ﻗﺼﺮ ﻭ ﺑﺎﺍﻳﻦ ﻳﺎ ﻗﺼﺮ ﺭﻭﻛﻔﻠﺮ ﻳﺎ ﻗﺼﺮ ﻣﻮﺭﻏﺎﻥ ﺍﻟﻤﻬﻢ ﻣﻨﻴﻦ ﺟﺎ ﻣﺎﻟﻚ ﻟﻬﻨﺎ ﻳﻌﻨﻲ ﻏﺎﻳﻜﻮﻥ ﺣﺘﻰ ﺍﺭﺳﻼﻥ ﻫﻨﺎ .. ﺑﺪﺍﺕ ﻛﺎﺗﺠﺮﻱ ﺑﺎﺵ ﻣﺎﺗﺘﻌﻄﻠﺶ ﺷﻮﻳﺔ ﺳﻤﻌﺎﺕ ﺻﻮﺕ ﺷﻲ ﻟﻮﻃﻮ ﺟﺎﻳﺔ .. ﺗﺨﺒﻌﺎﺕ ﻭ ﺑﻘﺎﺕ ﻣﺮﺍﻗﺒﺎ ﺷﻜﻮﻥ ﻏﺎﻳﺪﻭﺯ ﺗﺤﻠﻮ ﻋﻴﻨﻴﻬﺎ ﻣﻨﻴﻦ ﺷﺎﻓﺖ ﻟﻮﻃﻮ ﺩﻳﺎﻟﻮ ﻟﻲ ﺩﺍﻳﺰﺓ ﻣﻜﺴﻴﺮﻳﺎ ﻭ ﻋﺎﻭﺩﺍﺕ ﺗﺒﻌﻮﻩ 3 ﺩﻳﺎﻝ ﻛﺎﻁ ﻛﺎﻁ ﺧﺮﻳﻦ .. ﻏﻴﺮ ﺩﺍﺯ ﻭ ﻫﻲ ﺗﺨﺮﺝ ﻣﻦ ﺑﻼﺻﺘﻬﺎ ﺯﺍﺩﺕ ﻛﺎﺗﺠﺮﻱ ﺣﺘﻰ ﻭﺻﻼﺕ ﻟﻮﺍﺣﺪ ﺍﻟﺨﻼ ﻛﺎﻧﻮ ﻭﺍﻗﻔﻴﻦ ﻓﻴﻪ 5 ﻃﻮﻣﻮﺑﻴﻼﺕ .. ﺗﺨﺒﻌﺎﺕ ﻭ ﺑﻘﺎﺕ ﻣﺮﺍﻗﺒﺎﻫﻢ ﺑﺎﻧﻮ ﻟﻬﺎ ﺟﺎﺭﻳﻦ ﻣﺮﺍ ﻭ ﺩﺭﻱ ﺻﻐﻴﺮ ﺩﺧﻠﻮﻫﻢ ﻟﻠﻘﺼﺮ ﺯﺍﺩﺕ ﻗﺮﺑﺎﺕ ﻛﺘﺮ ﺑﺎﺵ ﺗﺰﻳﺪ ﺗﻔﻬﻢ ﺑﺎﻥ ﻟﻬﺎ ﺍﺭﺳﻼﻥ ﺟﻤﻊ ﺑﺘﺼﺮﻓﻴﻘﺔ ﻣﻊ ﻣﺎﻟﻚ ﻭ ﺗﻴﺮﺍ ﻓﺪﻭﻙ ﺍﻟﺠﻮﺝ ﻟﻲ ﻛﺎﻧﻮ ﻣﻌﺎﻩ ﺑﺎﻳﻦ ﺣﻴﺖ ﻣﺎﺩﺍﺭﻭﺵ ﺧﺪﻣﺘﻬﻢ ﻭﻟﻜﻦ ﻟﻲ ﺯﺍﺩ ﻋﺼﺒﻬﺎ ﻫﻮ ﺍﻟﻘﺘﻞ ﻟﻲ ﺑﺎﻗﻲ ﻛﺎﻳﻘﺘﻞ
♚ ﻋﻄﺎ ﺍﺷﺎﺭﺓ ﻟﻠﻜﺎﺭﺩ ﺑﺎﺵ ﻳﺠﺒﺪﻭ ﺷﻲ ﺣﺎﺟﺔ ﻣﻦ ﺍﻟﻄﻮﻣﻮﺑﻴﻼﺕ .. ﺑﺪﺍﻭ ﻛﺎﻳﺠﺒﺪﻭ ﺷﻲ ﺑﺮﺍﻣﻞ ﻣﻨﻬﻢ ﺗﻘﺮﻳﺒﺎ 25 ﺑﺮﻣﻴﻞ .. ﻛﻠﻔﻬﻢ ﺑﺎﺵ ﻳﺘﻔﺮﻗﻮ ﻭ ﻛﻞ ﻭﺍﺣﺪ ﻫﺰ ﺑﺮﻣﻴﻞ ﺷﻲ ﺩﺧﻞ ﻟﻠﻘﺼﺮ ﺷﻲ ﺑﻘﺎ ﻋﻠﻰ ﺑﺮﺍ ﻏﺎﺩﻳﻴﻦ ﻭ ﻛﺎﻳﺨﻮﻳﻮ ﺩﺍﻛﺸﻲ ﻟﻲ ﻓﺎﻟﺒﺮﺍﻣﻞ ﻋﻠﻰ ﺍﻟﻘﺼﺮ ﻛﺎﻣﻞ .. ﺷﻲ ﻏﺎﺩﻱ ﻭ ﺷﻲ ﺟﺎﻱ ﺣﺘﻰ ﺳﺎﻻﻭﻫﻢ ... ﻛﺎﻥ ﻭﺍﻗﻒ ﻭ ﻣﺮﺍﻗﺒﻬﻢ ﺑﻌﻴﻨﻴﻪ ﺣﺘﻰ ﺷﻢ ﻭﺍﺣﺪ ﺍﻟﺮﻳﺤﺔ ﻛﺎﻳﻤﻴﺰﻫﺎ ﻣﻦ ﺑﻴﻦ ﺃﻻﻑ ﺍﻟﺮﻭﺍﺋﺢ .. ﺿﺎﺭ ﻛﺎﻳﻘﻠﺐ ﺑﻌﻴﻨﻴﻪ ﻣﺎﺑﺎﻥ ﻟﻴﻪ ﻭﺍﻟﻮ ﺗﺮﺳﻤﺎﺕ ﺍﺑﺘﺴﺎﻣﺔ ﺷﻴﻄﺎﻧﻴﺔ ﻋﻠﻰ ﻭﺟﻬﻮ ﻫﻮ ﻣﺘﺄﻛﺪ ﺑﻠﻲ ﺭﺍﻫﺎ ﻫﻨﺎ ﻭ ﻣﻨﻴﻦ ﻣﺎﺟﺎﺑﻮﺵ ﻣﺮﺕ ﻏﺎﺑﺮﻳﺎﻝ ﻳﻌﻨﻲ ﺭﺍﻫﺎ ﺟﺎﺕ ﻣﻌﺎﻫﻢ
ﺃﺭﺳﻼﻥ : ﻣﺮﺗﻲ ﺧﺮﺟﻲ ﻧﺸﻮﻓﻚ ... ﺧﺮﺟﺎﺕ ﻣﻦ ﺑﻼﺻﺘﻬﺎ ﻭ ﻣﺸﺎﺕ ﻟﻨﺎﺣﻴﺘﻮ ﺑﻤﻼﻣﺢ ﻳﻜﺴﻮﻫﺎ ﺍﻟﻐﻀﺐ
ﺭﻳﻤﺎﺱ : ﺍﺵ ﻛﺎﺩﻳﺮ ﺍ ﺍﺭﺳﻼﻥ؟؟؟؟ ﻫﺪﺍ ﻫﻮ ﺍﻟﻐﺮﺽ؟؟؟ ﻳﺎﻙ ... ﻫﺎﺩﺷﻲ ﻋﻼﺵ ﻣﺎﺑﻐﻴﺘﻴﻨﻴﺶ ﻧﺨﺮﺝ .. ﺑﻐﺎ ﻳﺠﺮﻫﺎ ﻟﻌﻨﺪﻭ ﻭ ﺭﺟﻌﺎﺕ ﺑﺎﻟﻠﻮﺭ
ﺃﺭﺳﻼﻥ : ﺍﺟﻲ ﻟﻬﻨﺎ
ﺭﻳﻤﺎﺱ : ﻣﺎﻏﺎﻧﺠﻴﺶ ﻭ ﻣﺎﺗﻘﺮﺑﺶ ﻟﻴﺎ ... ﻏﺎﺗﺸﺮﺡ ﻟﻲ ﺍﺵ ﻭﺍﻗﻊ ﻫﻨﺎ ﺭﻳﺤﺔ ﺍﻟﻤﺎﺯﻭﻁ؟؟؟؟ .. ﻭﺻﻼﺕ ﺑﻴﻚ ﺑﺎﻏﻲ ﺗﺤﺮﻕ ﻋﺎﺋﻠﺔ ﻋﻠﻰ ﻗﺪﻫﺎ؟؟ ﻛﺎﻥ ﻳﺤﺴﺎﺑﻠﻲ ﺗﺒﺪﻟﺘﻲ ﻭ ﺍﻻﺳﻼﻡ ﺑﺪﻟﻚ ﻭﻟﻜﻦ ﺑﺎﻗﻲ ﻧﺘﺎ ﻫﻮ ﻧﺘﺎ .. ﺑﻌﺪ ﻣﻨﻲ ﻣﺎﺗﻘﺮﺑﺶ ﻟﻴﺎ ﺧﻠﻴﻚ ﺑﻌﻴﺪ ... ﺟﺮﻫﺎ ﻟﻌﻨﺪﻭ ﺑﻌﻨﻒ ﻭ ﻋﻨﻘﻬﺎ .. ﻗﻠﺒﻬﺎ ﻟﻠﺠﻬﺔ ﻻﺧﺮﺍ ﻭ ﺗﻘﺎﺑﻞ ﻫﻮ ﻣﻊ ﺍﻟﻘﺼﺮ
ﺃﺭﺳﻼﻥ : ‏( ﺑﻨﺒﺮﺓ ﻛﺘﺠﻤﺪ ﺍﻟﻤﺎ ﻓﺎﻟﺮﻛﺎﺑﻲ ‏) ﻣﺎﻏﺎﻧﺤﺮﻗﻬﻤﺶ ﺍ ﻟﺒﺆﺗﻲ .. ﻏﺎﻧﺪﻳﺮ ﻓﻴﻬﻢ ﺧﻴﺮ ﻭ ﻧﺠﻤﻊ ﻟﻬﻢ ﺍﻟﺠﻨﺎﺯﺍﺕ ﻓﺠﻨﺎﺯﺓ ﻭﺣﺪﺓ ... ﺑﺪﺍﺕ ﻛﺎﺗﺸﻢ ﻓﻴﻪ ﺷﻲ ﺣﺎﺟﺔ ﻣﺎﺷﻲ ﻫﻲ ﻫﺎﺩﻳﻚ .. ﻛﺎﻧﺖ ﺭﻳﺤﺔ ﺍﻟﺤﺮﻳﻖ ﻻﺻﻘﺔ ﻓﺤﻮﺍﻳﺠﻮ
ﺭﻳﻤﺎﺱ : ‏( ﺑﺼﺪﻣﺔ ‏) ﺷﻜﻮﻥ ﻗﺘﻠﺘﻲ؟؟؟ ... ﻭﺍﺵ ﺣﺮﻗﺘﻲ ﺷﻲ ﺣﺪ .. ﺟﺎﻭﺑﻨﻲ ﻋﻼﺵ ﺳﺎﻛﺖ
ﻣﺎﻟﻚ : ﻣﻴﺴﺘﺮ ﺍﺭﺳﻼﻥ ﻋﻴﻄﻮ ﻟﻲ ﺍﻟﺮﺟﺎﻝ ﻟﻲ ﺧﻠﻴﺘﻴﻬﻢ ﺣﺎﺿﻴﻴﻦ ﻗﺼﺮ ﻣﻮﺭﻏﺎﻥ .. ﻗﺎﻟﻮ ﻟﻲ ﺑﻠﻲ ﺭﺍﻫﻢ ﺗﺄﻛﺪﻭ ﺑﻠﻲ ﻛﺎﻉ ﻟﻲ ﻛﺎﻥ ﻓﺎﻟﻘﺼﺮ ﻣﺎﺗﻮ ﻻ ﺍﻟﺨﺪﻡ ﺍﻓﺮﺍﺩ ﻋﺎﺋﻠﺔ ﻣﻮﺭﻏﺎﻥ .. ﻭﺍﺵ ﺻﺎﻓﻲ ﻳﺮﺟﻌﻮ ﻟﻠﻘﺼﺮ
ﺃﺭﺳﻼﻥ : ‏( ﺑﺒﺮﻭﺩ ‏) ﺧﻠﻴﻬﻢ ﻳﺒﻘﺎﻭ ﺣﺘﻰ ﻳﻮﻟﻲ ﺍﻟﻘﺼﺮ ﺭﻣﺎﺩ ... ﺗﺼﻤﻜﻮ ﻋﻠﻴﻬﺎ ﻭﺩﻧﻴﻬﺎ ﻭ ﺩﻓﻌﺎﺗﻮ ﻭ ﻋﺎﻭﺩ ﺭﺟﻌﻬﺎ ﻟﻌﻨﺪﻭ
ﺭﻳﻤﺎﺱ : ﻛﻴﻔﺎﺵ ﻗﺘﻠﺘﻲ ﻧﺴﻞ ﻛﺎﻣﻞ؟؟ .. ﺍﺭﺳﻼﻥ ﻓﻴﻦ ﺍﻧﺴﺎﻧﻴﺘﻚ ﻭﺍﺵ ﻋﺎﺭﻑ ﺍﺵ ﺩﺭﺗﻲ ﻭﻻ ﻣﺎﻋﺎﺭﻓﺶ .. ﺭﺍﻙ ﺣﺮﻗﺘﻲ ﻋﺎﺋﻠﺔ ﻋﻠﻰ ﻗﺪﻫﺎ ﺍ ﺍﺭﺳﻼﻥ ... ﺭﺍﻩ ﻛﺎﻧﻮ ﺷﺮﻛﺎﺋﻜﻢ ﻓﺎﻟﻠﻮﻝ ﻛﻴﻔﺎﺵ ﻗﺪﺭﺗﻲ ﺗﻘﺘﻞ ﻋﺎﺋﻠﺔ ﺑﻜﺒﻴﺮﻫﻢ ﻭ ﺻﻐﻴﺮﻫﻢ
ﺃﺭﺳﻼﻥ : ﻏﺎﻧﺴﻴﻔﻂ ﻟﻬﻢ ﺍﻟﻮﻧﻴﺲ ﺍ ﻟﺒﺆﺗﻲ ﻣﺎﺗﺨﺎﻓﻴﺶ ﻋﻠﻴﻬﻢ
ﺭﻳﻤﺎﺱ : ﻛﻴﻔﺎﺵ؟؟ ... ﻣﻊ ﻛﻤﻼﺗﻬﺎ ﺣﺴﺎﺕ ﺑﻴﺪﻭ ﺗﺤﺮﻛﺎﺕ ﻭ ﻻﺣﺖ ﺷﻲ ﺣﺎﺟﺔ .. ﺷﻌﻞ ﺑﺮﻳﻜﺔ ﻭ ﻻﺣﻬﺎ ﺑﻘﺎﺕ ﺍﻟﻌﺎﻓﻴﺔ ﻏﺎﺩﺍ ﻭ ﻛﺎﺗﺸﻌﻞ ﺣﺘﻰ ﻭﻻﺕ ﻛﺎﺗﺸﺪ ﻓﺎﻟﺤﻴﻮﻁ ﺩﻳﺎﻝ ﺍﻟﻘﺼﺮ ﻭ ﺩﺧﻼﺕ ﻣﻊ ﺍﻟﺪﺧﻠﺔ ﺗﻔﻜﺮﺍﺕ ﺍﻟﻤﻮﻟﻮﺩ ﻟﻲ ﺑﺎﻗﻲ ﻳﻼﻩ ﻓﺄﻳﺎﻣﻮ ﺍﻟﻠﻮﻟﺔ ﻭ ﺭﺍﻩ ﻛﺎﻳﻦ ﻭﺳﻂ ﺍﻟﻘﺼﺮ ﻣﻌﺎﻫﻢ ﺩﺍﺑﺎ .. ﺍﻟﻤﻮﻟﻮﺩ ﻭ ﺩﺭﺍﺭﻱ ﺻﻐﺎﺭ ﻟﻲ ﻣﺎﻋﻨﺪﻫﻢ ﺣﺘﻰ ﺫﻧﺐ ﻭ ﻛﺎﻳﻨﻴﻦ ﻓﺎﻟﻘﺼﺮ .. ﺣﺴﺎﺕ ﺑﻘﺒﻀﺘﻮ ﺯﺍﺩﺕ ﻗﺼﺎﺣﺖ ﻋﺎﺭﻓﻬﺎ ﻏﺎﺗﺒﻐﻲ ﺩﻳﺮ ﺷﻲ ﺣﺎﺟﺔ ﻣﺎﺗﻌﺠﺒﻮﺵ
ﺭﻳﻤﺎﺱ : ﺍﻟﺮﺿﻴﻊ ﺍ ﺍﺭﺳﻼﻥ ... ﻃﻠﻖ ﻣﻨﻴﻲ ... ﺭﺍﻩ ﻏﺎﻳﺘﺤﺮﻕ ﻭ ﻳﻤﻮﺕ ﻣﻌﺎﻫﻢ .. ﺍﺭﺳﻼﻥ ﻃﻠﻖ ﻣﻨﻲ ﺧﻠﻴﻨﻲ ﻧﻌﺘﻘﻮﻭ ﺷﻨﻮ ﺩﻧﺒﻮ ﻫﻮ؟؟؟ ﺍﺭﺳﻼﻥ ﻃﻠﻖ ﻣﻦ ﻳﺪﻳﻲ ﺭﺍﻩ ﻏﺎﻳﺘﺨﻨﻖ ﺑﺎﻟﺪﺧﺎﻥ
ﺃﺭﺳﻼﻥ : ﺫﻧﺒﻮ ﻫﻮ ﻭﺍﺣﺪ ﻣﻨﻬﻢ ... ﻧﻄﺮﺍﺕ ﻳﺪﻳﻬﺎ ﺑﻌﻨﻒ ﻭ ﺩﻓﻌﺎﺗﻮ ﺩﺧﻼﺕ ﻛﺎﺗﺠﺮﻱ ﻟﻠﻘﺼﺮ ﺑﺎﻏﺎ ﺗﻌﺘﻘﻮ ﻏﻴﺮ ﺷﺎﻓﻬﺎ ﺩﺍﺧﻠﺔ ﻟﺠﻬﺔ ﺍﻟﻌﺎﻓﻴﺔ ﺗﺒﻌﻬﺎ ﻛﺎﻳﺠﺮﻱ ﺑﺎﺵ ﻣﺎﻳﻮﻗﻊ ﻟﻬﺎ ﻭﺍﻟﻮ .. ﺷﺪﻫﺎ ﻣﻦ ﺍﻟﻔﻴﺴﺘﺎ ﻭ ﺣﻴﺪﺍﺗﻬﺎ ﻗﺒﻞ ﻣﺎﻳﺸﺪﻫﺎ ﻭ ﺯﺍﺩﺕ ﻓﺎﻟﺴﺮﻋﺔ ﺩﻳﺎﻟﻬﺎ ﻣﺎﺑﺎﻏﺎﺵ ﺗﻌﻄﻞ ﻭ ﻳﻮﻗﻊ ﻟﻮ ﺷﻲ ﺣﺎﺟﺔ .. ﺑﺪﺍﺕ ﻛﺎﺗﻘﻠﺐ ﻣﻨﻴﻦ ﺗﺪﺧﻞ ﻭﻟﻜﻦ ﻟﻘﺎﺕ ﻛﻠﺸﻲ ﻣﺴﺪﻭﺩ ﻻ ﺷﺮﺍﺟﻢ ﻻ ﺑﻴﺒﺎﻥ ﻭ ﻫﺎﺩﺷﻲ ﻣﺎﺷﻲ ﺻﺪﻓﺔ ﻭﻟﻜﻦ ﺍﺭﺳﻼﻥ ﻟﻲ ﻭﺻﺎ ﻋﻠﻰ ﻫﺎﺩﺷﻲ
ﺃﺭﺳﻼﻥ : ‏( ﺑﺤﺪﺓ ‏) ﺭﻳﻤﺎﺱ ﻭﻗﻔﻲ
ﻣﺎﺟﺎﻭﺑﺎﺗﻮﺵ ﻭ ﺑﻘﺎﺕ ﺗﺎﺑﻌﻬﺎ ﺣﺘﻰ ﻟﻮﺍﺣﺪ ﺍﻟﻠﺤﻈﺔ ﺗﻠﻔﺎﺕ ﻟﻴﻪ .. ﺩﺧﻞ ﻛﺎﻳﻘﻠﺐ ﻋﻠﻴﻬﺎ ﺣﺘﻰ ﺳﻤﻊ ﺻﻮﺕ ﺷﻲ ﺣﺎﺟﺔ ﻛﺎﺗﺘﺰﺩﺡ .. ﻣﺸﺎ ﻛﺎﻳﺠﺮﻱ ﻧﺎﺣﻴﺔ ﺍﻟﺼﻮﺕ ﻟﻘﺎﻫﺎ ﻛﺎﺿﺮﺏ ﻭﺍﺣﺪ ﺍﻟﺒﺎﺏ ﺑﺤﺪﻳﺪﺓ ﻭ ﻣﺒﻌﺪﺓ ﻣﻦ ﺟﻬﺔ ﺍﻟﻌﺎﻓﻴﺔ .. ﻋﻴﺎ ﻣﺎﻳﻌﻴﻂ ﻟﻴﻬﺎ ﻭ ﻫﻲ ﻭﻻ ﻋﻠﻰ ﺑﺎﻟﻬﺎ .. ﺑﺎﻏﺎ ﺗﻌﺘﻖ ﻏﻴﺮ ﺍﻟﻤﻮﻟﻮﺩ .. ﺩﺧﻼﺕ ﺷﻮﻳﺔ ﻭ ﻫﻲ ﺗﺴﻤﻊ ﺻﻮﺕ ﺍﻟﻐﻮﺍﺕ ﺩﻳﺎﻝ ﺩﺭﻱ ﺻﻐﻴﺮ ﺩﺧﻼﺕ ﻛﺎﺗﺠﺮﻱ ﻭ ﻋﺎﻭﺩ ﺗﺒﻌﻬﺎ ﻧﺒﺮﺓ ﺻﻮﺗﻮ ﻛﺎﺗﺰﻳﺪ ﺗﺮﺗﺎﻓﻊ ﻓﻬﺎﺩ ﺍﻟﻠﺤﻈﺔ ﻣﺎﻛﺮﻫﺶ ﻳﺸﺪﻫﺎ ﻭ ﻳﺤﺶ ﻟﻬﺎ ﺍﻟﺮﺟﻠﻴﻦ ﺑﺎﺵ ﻣﺎﺗﺒﻘﺎﺵ ﺩﻳﺮ ﻟﻲ ﻓﺮﺍﺳﻬﺎ
ﺃﺭﺳﻼﻥ : ‏( ﺑﺤﺪﺓ ‏) ﺣﺮﻣﺖ ﺩﻳﻨﻲ ﻭ ﻣﺎ ﺍﻋﺒﺪ ﻭ ﻣﺎﺗﺮﺟﻌﻲ ﺣﺘﻰ ﻧﺪﻓﻨﻚ ﻣﻌﺎﻫﻢ ﻫﻨﺎ ... ﺗﺠﺎﻫﻼﺕ ﻫﻀﺮﺗﻮ ﻭ ﺑﻘﺎﺕ ﺩﺍﺧﻠﺔ ﻭ ﺗﺎﺑﻌﺔ ﺍﻟﺼﻮﺕ ﺣﺘﻰ ﺑﺎﻧﺖ ﻟﻬﺎ ﺟﺜﺔ ﻃﺎﻳﺤﺔ ﻭ ﺷﺎﺩﺓ ﻓﻴﻬﺎ ﺍﻟﻌﺎﻓﻴﺔ ﻭ ﻓﺠﻨﺒﻬﺎ ﻛﺎﻳﻦ ﻛﺘﻠﺔ ﺻﻐﻴﺮﺓ ﻣﻠﻮﻳﺔ ﻓﻤﺎﻧﻄﺔ ﻭ ﺍﻟﻤﺸﻜﻠﺔ ﺍﻟﻤﺎﻧﻄﺔ ﺷﺎﺩﺓ ﻓﻴﻬﺎ ﺍﻟﻌﺎﻓﻴﺔ ﻭ ﺻﻮﺕ ﺍﻟﻤﻮﻟﻮﺩ ﻛﺎﻳﺘﻘﺐ ﺍﻟﻮﺩﻧﻴﻦ ﻣﺸﺎﺕ ﻛﺎﺗﺠﺮﻱ ﻟﺠﻬﺘﻮ ﺗﺤﻨﺎﺕ ﻋﻠﻰ ﺭﻛﺎﺑﻴﻬﺎ ﻣﺎﻟﻘﺎﺕ ﺑﺎﺵ ﻃﻔﻲ ﺍﻟﻌﺎﻓﻴﺔ ﻓﻤﺎ ﻛﺎﻥ ﻗﺪﺍﻣﻬﺎ ﻏﻴﺮ ﻃﻔﻴﻬﺎ ﺑﻴﺪﻳﻬﺎ ﻗﺒﻞ ﻣﺎﺗﺤﺮﻕ ﺍﻟﻮﻟﺪ .. ﺭﻳﺤﺔ ﺍﻟﺪﺧﺎﻥ ﺧﻨﻘﺎﺗﻬﺎ ... ﻛﺎﺗﻜﺤﺐ ﻭ ﻛﺎﻃﻔﻲ ﺍﻟﻌﺎﻓﻴﺔ ﻟﻲ ﻛﺎﻧﺖ ﺷﺎﺩﺓ ﻓﻴﻪ ﺷﺎﻓﺖ ﻓﻮﺟﻬﻮ ﻟﻘﺎﺕ ﺍﻟﻨﺺ ﺩﻳﺎﻟﻮ ﺗﺤﺮﻕ ﻗﻠﺒﻬﺎ ﺿﺮﻫﺎ ﻋﻠﻴﻪ ﻭ ﻓﻜﺮﻫﺎ ﻏﻴﺮ ﻓﺎﻟﺤﺎﺩﺛﺔ ﻟﻲ ﺧﺴﺮﺍﺕ ﻓﻴﻬﺎ ﻭﺟﻬﻬﺎ ﻣﺎﺑﻐﺎﺗﻬﺎﺵ ﺗﻌﺎﻭﺩ ﻣﻊ ﺩﺭﻱ .. ﻧﻔﺲ ﺍﻻﺣﺪﺍﺙ ﺗﻘﺮﻳﺒﺎ .. ﺣﺘﻰ ﻫﻮ ﺧﺴﺮ ﻭﺍﻟﻴﺪﻳﻪ ﺩﺍﺑﺎ ﻭ ﺣﺘﻰ ﻫﻮ ﺗﺸﻮﻩ ﻟﻮ ﻧﺺ ﻭﺟﻬﻮ ﻏﻴﺮ ﺍﻟﻔﺮﻕ ﻫﻲ ﻭﻗﻊ ﻟﻬﺎ ﻫﺎﺩﺷﻲ ﻭ ﻫﻲ ﻛﺒﻴﺮﺓ ﻭ ﻭﺍﻋﻴﺔ ﻭ ﻫﻮ ﻭﻗﻊ ﻟﻴﻪ ﻫﺎﺩﺷﻲ ﻭ ﻫﻮ ﻣﺎﻋﺎﺭﻑ ﻭﺍﻟﻮ ﻓﺎﻟﺪﻧﻴﺎ ﻻ ﻭﺍﻟﻴﺪﻳﻪ ﻻ ﻣﻨﻴﻦ ﻫﻮ .. ﺑﻘﺎ ﻓﻴﻬﺎ ﺑﺰﺍﻑ ﻭ ﺧﺸﺎﺗﻮ ﻓﺼﺪﺭﻫﺎ ﻣﻊ ﺍﻟﻀﻮﺭﺓ ﻟﻲ ﺿﺎﺭﺕ ﻟﻘﺎﺗﻮ ﻭﺍﻗﻒ ﻗﺪﺍﻣﻬﺎ ﻭ ﻣﻼﻣﺤﻮ ﻣﺎﻛﺎﻳﻮﺣﻴﻮﺵ ﺑﺎﻟﺨﻴﺮ ﺟﺮﻫﺎ ﻣﻦ ﻳﺪﻳﻬﺎ ﺑﺎﻟﺰﺭﺑﺔ ﺑﺎﺵ ﻣﺎﺗﺒﻘﺎﺵ ﻭﺳﻂ ﺍﻟﻌﺎﻓﻴﺔ ﻭ ﺧﺮﺟﻮ ﻣﺎ ﻭﻗﻔﻮ ﺣﺘﻰ ﻭﺻﻠﻮ ﻟﺠﻬﺔ ﺍﻟﻄﻮﻣﻮﺑﻴﻼﺕ .. ﻣﻊ ﻫﺰﺍﺕ ﺭﺍﺳﻬﺎ ﺑﺎﺵ ﺗﻬﻀﺮ ﻭ ﻫﻮ ﻳﺠﻤﻊ ﻣﻌﺎﻫﺎ ﺑﺘﺼﺮﻓﻴﻘﺔ ﺑﻀﻬﺮ ﺩﻳﺎﻝ ﻳﺪﻳﻪ ﻭ ﺷﺪﻫﺎ ﻣﻦ ﺩﺭﺍﻋﻬﺎ
ﺃﺭﺳﻼﻥ : ‏( ﺑﺼﻮﺕ ﻓﻴﻪ ﻧﺒﺮﺓ ﻏﻀﺐ ‏) ﻫﻀﺮﺗﻲ ﻭﻟﻴﺘﻲ ﻛﺎﺗﺰﻃﻤﻲ ﻋﻠﻴﻬﺎ ﺑﺮﺟﻠﻴﻚ !!. ﻭﻻﺕ ﺯﺍﻳﺪﺓ ﻧﺎﻗﺼﺔ .. ﺣﺬﺭﺗﻚ ﻣﺎﺗﻔﻮﺗﻴﺶ ﺍﻟﻌﺘﺒﺔ ﺩﻳﺎﻝ ﺍﻟﺒﺎﺏ ﻭﻻ ﻻ؟ !! .. ﺣﺬﺭﺗﻚ ﺩﻳﺮﻱ ﻋﻘﻠﻚ ﺩﺭﺗﻬﺎ ﻭﻻ ﻣﺎﺩﺭﺗﻬﺎﺵ؟ !! ... ﺗﻨﻄﺮﺍﺕ ﻣﻦ ﻳﺪﻳﻪ ﻭ ﺩﻓﻌﺎﺗﻮ
ﺭﻳﻤﺎﺱ : ‏( ﺑﻌﺼﺒﻴﺔ ‏) ﻧﺘﺎ ﺍﺧﺮ ﻭﺍﺣﺪ ﻣﻦ ﺣﻘﻮ ﻳﺤﺎﺳﺒﻨﻲ .. ﺣﺎﺳﺐ ﺭﺍﺳﻚ ﻫﻮ ﺍﻟﻠﻮﻝ ﻳﺎ ﻋﺪﻳﻢ ﺍﻟﺮﺣﻤﺔ ﻛﻴﻔﺎﺵ ﻃﺎﻭﻋﻚ ﻗﻠﺒﻚ ﺗﺤﺎﻭﻝ ﺗﻘﺘﻞ ﻭﻟﺪ ﻣﺰﺍﻝ ﻳﻼﻩ ﺣﻞ ﻋﻠﻴﻪ ﻋﻴﻨﻴﻪ ﻓﺎﻟﺪﻧﻴﺎ؟؟؟ ﺩﻭﻱ؟؟؟ ﻧﺘﺎ ﺣﺎﺷﺎﺍﺍ ﺗﻜﻮﻥ ﺍﻧﺴﺎﻥ .. ﻧﺘﺎ ﺷﻴﻄﺎﻥ ﻭ ﻏﺎﺗﺒﻘﺎ ﺷﻴﻄﺎﻥ ﻭ ﻏﺎﺗﻌﻴﺶ ﺷﻴﻄﺎﻥ ﻭ ﺗﻤﻮﺕ ﺷﻴﻄﺎﻥ ... ﺟﻮﻭﻭﺝ ﻋﺎﺋﻼﺕ ﻋﻠﻰ ﻗﺪﻫﻢ ﻟﻲ ﻗﺘﻠﺘﻲ ﻣﺎ ﺭﺍﻋﻴﺘﻲ ﻻ ﻟﻜﺒﻴﺮﻫﻢ ﻻ ﻟﺼﻐﻴﺮﻫﻢ ﺣﺮﻗﺘﻲ ﻛﻠﺸﻴﻲ ﻭ ﻗﺘﻠﺘﻲ ﻛﻠﺸﻲ ﺑﺤﺎﻻ ﻧﺘﺎ ﻟﻲ ﻧﻔﺨﺘﻲ ﻓﻴﻬﻢ ﺍﻟﺮﻭﺡ .. ﺭﺗﺎﺣﻴﺘﻲ ﺩﺍﺑﺎ ﺩﻭﻱ؟؟؟ ﺻﺎﻓﻲ ﻛﺎﺗﺤﺲ ﺑﺮﺍﺳﻚ ﺭﺿﻴﺘﻲ ﻏﺮﻳﺰﺗﻚ؟؟؟؟ ... ﻫﻲ ﻛﺎﺗﻬﻀﺮ ﻭ ﻫﻮ ﻋﻴﻨﻴﻪ ﻓﺄﺧﺮ ﺷﺨﺺ ﺑﻘﺎ ﻓﺪﻳﻚ ﺍﻟﻌﺎﺋﻠﺔ ﻟﻲ ﻫﻮ ﺍﻟﻄﻔﻞ ﻟﻲ ﻓﻴﺪﻳﻦ ﺭﻳﻤﺎﺱ
ﺃﺭﺳﻼﻥ : ﺍﺭﻳﻪ ﻟﻬﻨﺎ ... ﺯﺍﺩﺕ ﺯﻳﺮﺍﺕ ﻋﻠﻴﻪ ﻛﺘﺮ ﻭ ﺧﺸﺎﺗﻮ ﻓﺼﺪﺭﻫﺎ
ﺭﻳﻤﺎﺱ : ﻗﺘﻠﻨﻲ ﻋﺎﺩ ﺩﻳﻪ
ﺃﺭﺳﻼﻥ : ﻏﺎﺗﻨﺪﻣﻲ
ﺭﻳﻤﺎﺱ : ‏( ﺑﻨﻈﺮﺍﺕ ﻏﻀﺐ ‏) ﺟﺮﺏ ﺗﺤﻴﺪﻭ ﻟﻲ ﻭ ﻧﺸﻮﻑ ﻭﻗﻌﺎﺕ ﻟﻮ ﺷﻲ ﺣﺎﺟﺔ ﻭ ﺑﺮﺑﻲ ﻭ ﺭﺑﻚ ﻏﺎﻧﻀﺮﺏ ﻋﻠﻴﻚ ﺑﻜﺮﻭﺓ ﻛﺤﻠﺔ ﺍﻟﻌﻤﺮ ﻛﺎﻣﻞ ... ﺭﺟﻊ ﺧﻄﻮﺗﻴﻦ ﺍﻟﻠﻮﺭ ﻭ ﺩﻭﺯ ﻳﺪﻳﻪ ﻋﻠﻰ ﻭﺟﻬﻮ ﻭ ﺑﺪﻭﻥ ﺳﺎﺑﻖ ﺍﻧﺬﺍﺭ ﺿﺮﺏ ﻳﺪﻳﻪ ﻣﻊ ﺯﺍﺝ ﺍﻟﻘﺪﺍﻣﻴﺔ ﺩﻳﺎﻝ ﺍﻟﻠﻮﻃﻮ ﺣﺘﻰ ﺗﺸﺨﺸﺨﺎﺕ
ﺃﺭﺳﻼﻥ : ﻋﻘﻠﻲ ﻋﻠﻰ ﻫﺎﺩﺷﻲ ﻟﻲ ﻛﺎﺩﻳﺮﻱ ﻓﻴﻪ
ﺭﻳﻤﺎﺱ : ﻋﺎﻗﻠﺔ ﻭ ﻋﺎﻗﻠﺔ ﻣﺰﻳﺎﺍﺍﻥ ‏( ﺿﻮﺭﺍﺕ ﻟﻴﻪ ﺍﻟﻤﻮﻟﻮﺩ ﺑﺎﺵ ﻳﺸﻮﻑ ﻭﺟﻬﻮ ‏) ﺷﻔﺘﻲ ﻓﻌﺎﻳﻠﻚ؟؟؟؟ ﺷﻔﺘﻲ ﺍﺟﺮﺍﻣﻚ ﻓﻴﻦ ﻛﺎﻳﻮﺻﻞ .. ﺷﻮﻑ ﺍﻟﺘﺸﻮﻩ ﻟﻲ ﺩﺭﺗﻲ ﻟﻴﻪ ﺍﺵ ﺫﻧﺒﻮ ﻫﻮ؟؟؟؟ ﺷﻨﻮ ﺩﻧﺒﻮ ﺑﺎﺵ ﻳﺘﺸﻮﻩ ﻭ ﻫﻮ ﺑﺎﻗﻲ ﺻﻐﻴﺮ ﻭ ﻳﺘﻴﺘﻢ ﺑﺎﻗﻲ ﺻﻐﻴﺮ ‏( ﺭﺟﻌﺎﺕ ﻋﻨﻘﺎﺗﻮ ‏) ﻭﻟﻜﻦ ﻻ ﺍ ﺍﺭﺳﻼﻥ ﻻ .. ﺍﻧﺎ ﻣﺎﻏﺎﻧﺨﻠﻴﻬﺶ ﻳﻌﻴﺶ ﻫﺎﺩﺷﻲ .. ﻧﺘﺎ ﻟﻲ ﺩﺭﺗﻲ ﻫﺎﺩ ﺍﻟﻐﻠﻂ ﻭ ﻧﺘﺎ ﻟﻲ ﻏﺎﺗﺼﻠﺤﻮ .. ﺑﺴﺒﺒﻚ ﺗﻴﺘﻢ ﻭ ﻧﺘﺎ ﻟﻲ ﻏﺎﺗﻌﻮﺿﻮ ﻋﻠﻰ ﻭﺍﻟﻴﺪﻳﻪ ﻟﻲ ﺧﺴﺮﻫﻢ .. ﺑﺴﺒﺒﻚ ﺗﺸﻮﻩ ﻟﻮ ﻭﺟﻬﻮ ﻭ ﻧﺘﺎ ﻟﻲ ﻏﺎﺗﻌﺎﻟﺞ ﻟﻴﻪ ﻫﺎﺩ ﺍﻟﺘﺸﻮﻩ ﻗﺒﻞ ﻣﺎﻳﻜﺒﺮ ﻭ ﻳﺘﻌﻘﺪ ‏( ﺑﻌﺼﺒﻴﺔ ‏) ﻭﺍﺵ ﺳﻤﻌﺘﻴﻨﻲ؟؟؟ ﻣﺎﻏﺎﻧﺨﻠﻴﻬﺶ ﻳﻌﻴﺶ ﺍﺵ ﻋﺸﺖ ﺍﻧﺎﺍﺍ ... ﻣﺎﻏﺎﻧﺨﻠﻴﻬﺶ ﻳﺘﻴﺘﻢ ﻣﻦ ﻭﺍﻟﻴﺪﻳﻪ ﻛﻴﻤﺎ ﺗﻴﺘﻤﺖ ﺍﻧﺎﺍﺍ ... ﻣﺎﻏﺎﻧﺨﻠﻴﻬﺶ ﻳﻔﻘﺪ ﻣﻼﻣﺤﻮ ﻭ ﻳﺘﺸﻮﻩ ﻟﻮ ﻭﺟﻬﻮ ﺑﺤﺎﻝ ﻟﻲ ﻭﻗﻊ ﻟﻲ ﺍﻧﺎ .. ﻛﻠﺸﻲ ﻏﺎﻳﺘﻌﻮﺽ ﻟﻮ ﻭ ﻣﻦ ﻫﻨﺎ ﻟﺪﺍﻙ ﺍﻟﻮﻗﺖ ﻣﺎﺗﻬﻀﺮﺵ ﻣﻌﺎﻳﺎ ﻭ ﻣﺎﺗﻘﺮﺑﺶ ﻟﻴﺎ .. ﺧﻼﺗﻮ ﻭﺍﻗﻒ ﻭ ﺍﻟﺒﺮﺍﻛﻴﻦ ﺷﺎﻋﻠﻴﻦ ﻓﻴﻪ .. ﻣﺎﺷﻲ ﺑﺎﻟﻨﺪﻡ ﺣﻴﺖ ﻗﺘﻠﻬﻢ ﻭﻟﻜﻦ ﺣﻴﺖ ﻭﺍﺣﺪ ﻣﻨﻬﻢ ﻓﻠﺖ ﻭ ﺑﺎﻗﻲ ﺣﻲ ﻭ ﻫﻮ ﻛﺎﻥ ﻧﺎﻭﻱ ﻳﻘﻀﻲ ﻋﻠﻰ ﺍﻟﻨﺴﻞ ﺩﻳﺎﻟﻬﻢ ﻛﺎﻣﻞ ﻣﻦ ﺍﻟﻜﺒﻴﺮ ﻟﻠﺼﻐﻴﺮ ﺑﺎﺵ ﻳﺤﻴﺪ ﺷﻲ ﺣﺎﺟﺔ ﺳﻤﻴﺘﻬﺎ ﻣﻮﺭﻏﺎﻥ ﻭ ﺭﻭﻛﻔﻠﺮ ﻣﻦ ﺍﻟﻮﺟﻮﺩ .. ﻣﻮﺭﻏﺎﻥ ﺗﺤﻴﺪﺍﺕ ﻭ ﺭﻭﻛﻔﻠﺮ ﺑﻘﺎ ﻣﻨﻬﺎ ﻭﻟﺪ
ﻣﺎﻟﻚ : ﻣﻴﺴﺘﺮ ﺍﺭﺳﻼﻥ ﻋﻨﺪﻱ ﺷﻲ ﺧﺒﺎﺭ ﺟﺪﻳﺪﺓ ﻟﻴﻚ
ﺍﺭﺳﻼﻥ : ﻛﺎﻧﺴﻤﻊ
ﻣﺎﻟﻚ : ﺍﻋﻀﺎﺀ ﺍﻟﻤﻨﻈﻤﺔ ﻛﻠﻬﻢ ﺗﺤﺮﻗﻮ ﻓﻤﻘﺮ ﺍﻟﻤﻨﻈﻤﺔ ﺍ ﻣﻴﺴﺘﺮ ﺍﺭﺳﻼﻥ
ﺃﺭﺳﻼﻥ : ﻣﺰﻳﺎﻥ ... ﺗﺤﺮﻙ ﻣﻦ ﺗﻤﺎ ﻭ ﺭﻛﺐ ﻓﺎﻟﻠﻮﻃﻮ ﻛﺴﻴﺮﺍ .. ﻣﺮﺓ ﻛﺎﻳﺸﻮﻑ ﻓﺎﻟﻄﺮﻳﻖ ﻣﺮﺓ ﻛﺎﻳﺸﻮﻑ ﻓﺎﻟﻮﻟﺪ ﻟﻲ ﻓﺤﺠﺮ ﺭﻳﻤﺎﺱ ﻛﺎﺗﺴﻜﺘﻮ
ﺭﻳﻤﺎﺱ : ﺗﻬﻨﻴﺘﻲ ﺩﺍﺑﺎ ﻓﺮﺣﺎﻥ ﻳﺎﻙ
ﺃﺭﺳﻼﻥ : ﺣﻄﻴﻪ ﺍﻟﻠﻮﺭ
ﺭﻳﻤﺎﺱ : ﻣﺎﻏﺎﻧﺤﻄﻮﺵ ﻫﻨﺎ ﻓﻴﻦ ﻏﺎﻳﺒﻘﺎ .. ﺩﺍﺭ ﻓﺮﺍﻥ ﺻﻴﻚ ﺣﺘﻰ ﻣﺸﺎﺕ ﻭ ﺭﺟﻌﺎﺕ ﺑﻴﻬﻢ ﺍﻟﻠﻮﻃﻮ ﻛﻮﻥ ﻣﺎﺷﺪﻫﺎﺵ ﺑﻴﺪﻳﻪ ﻛﻮﻥ ﺯﺩﺣﺎﺕ ﺭﺍﺳﻬﺎ
ﺃﺭﺳﻼﻥ : ‏( ﺑﺤﺪﺓ ﺯﺍﺋﺪﺓ ‏) ﺣﻄﻴﻴﻪ ﺍﻟﻠﻮﺭ ... ﺣﻄﺎﺗﻮ ﺍﻟﻠﻮﺭ ﻣﺎﺷﻲ ﺧﻮﻓﺎ ﻋﻠﻰ ﺭﺍﺳﻬﺎ ﻭﻟﻜﻦ ﺧﻮﻓﺎ ﻋﻠﻰ ﺍﻟﺮﺿﻴﻊ ﻻﻳﻤﺸﻲ ﻳﺪﻳﺮ ﻟﻴﻪ ﺷﻲ ﺣﺎﺟﺔ ﻭ ﻫﻲ ﻋﺎﺭﻓﺎﻩ ﻣﺰﻳﺎﻥ ﺍﻟﻘﺘﻞ ﻋﻨﺪﻭ ﻋﻠﻰ ﺳﺒﺔ .. ﺣﺘﻰ ﺣﻄﺎﺗﻮ ﻭ ﺑﻌﺪﺍﺗﻮ ﻋﻠﻴﻬﺎ ﻋﺎﺩ ﺗﻬﺪﻧﺎﺕ ﺍﻻﻭﺿﺎﻉ ﺷﻮﻳﺔ .. ﻭ ﺭﺟﻊ ﻟﻨﺒﺮﺗﻮ ﺍﻟﻬﺎﺩﺋﺔ
ﺃﺭﺳﻼﻥ : ‏( ﺑﻨﺒﺮﺓ ﻫﺎﺩﺋﺔ ‏) ﻓﻴﻚ ﺟﻮﻉ؟
ﺭﻳﻤﺎﺱ : ﻻ ... ﻳﺘﺒﻊ