رواية انثى بين يدي الشيطان (منقوله)&(مكتملة)

الحلقة-27

❤❤❤❤❤❤❤
رواية #أنثى_بين_يدي_شيطان
للكاتبه الهميل الشارد هميلو Gazala Bobacer

الحلقه /27

وقرب منها ونزل اتكا جنبها وهو يتأمل في ملامحها وكيف وجها متورم شوي ومورا من تحت عينها اليسار وشافيفها فيهن ضربه عالجنب ووجعاته كيف ذبلت وملامحها باين عليهن الارهاق والتعب والحزن و هو يتذكر كيف ضربها وهي تبكي وتجدا فيه وتحلفله انها مظلومة 💔

ودموعه نزلن منه ورقد جنبها ووجه مقابل وجهها ومافيش ببناتهم الا مسافه سانتي واحد ومسرة مش فاطنتله ولا حست بيه ,

وعند الجدة اللي تحت وتعارك بعد حكتلها حنان باللي قاله موسى ,, وكان الجد يالاهن في دار المعيشه ,

الجده : ايواااه بيديرو سبلة مسكر عليها وتلقيها هي اللي ماتبيش تنزل ودايره جو عزة التفس عشان جاب عليها وليه ,

حنان : ي حني بالكي مريضه مسرة من جيتها لحوشكم وهي تخدم وماعمرها تكلمت ,, وبعدين بصراحه عندها حق لو زعلت ,, توجع راه , 😒

الجدة : توجع ? فزي من جنبي قبل مانورملك عينك زيها حتى انتي فزززي , مايسد كانت بتهرب وتسيبه والله اعلم وين بتاخذ وجهها 😬

طبعا موسى حكالهم ان مسرة قبل سيبت الحوش ,

الجد بعتاب : ي وليه خافي ربك , البنت يتيمة وماعندها حد لابات ولا خو تمشيلا ,, وزيديها ازوز عليها شن تبيها ادير تزغرت وترقص ?

الجدة : ولدي دار فيها جميل بعد تجوزها ولمها ,, مش عيب كان حضرت عرسه صبايا زمان يحضرن وايعولن شنو فيها ? وبعدين ولدي من حقه ياخذ بنت بنوت , والشرع محلله مش عيب ,😒

عاطك تابوت ي عزوز النحس 💦 😒

الجد شافلها وقال : تو هضا كلام بالله ? معناها ماتزعليش كان تجوزت وخذيت وليه ثانيه ?
الجدو شافتله بصدمة : شنو تبي تجوز بعد عمرك هضا ?
الجد : وشنو فيها مازلت صاح وهضا الشرع ومش حندير عيب ولا لا ?
الجده : بعد هالعمر اتريد تجوز عليا ي حاج ? بتشمت فيا الناس ,?

الجد قمعز وشافلها وقال : انتي اللي عزوز مبيرة ووجعاتك معناها شن تتوقعي من بنية صغيرة زي مسرة ,, تحسابيها حجر ماتحسش ,? حطي روحك مكانها وعيب مناقرتك لها ,, ومن الاول موسى قفل عليها وقالها لك ,, معناها مادخلكش بيها ,,

الجدة لوت وجهها ومش عاجبها كلام الشايب وقالت : ومن بيشقا بالحوش نا تعبت ومعش عندي جهد ,
الجد بضحكة عالجنب : ماهو قلتلك ساع نتجوز ونجيبلك وليه تعاونك قلت عيب تو ? 😏

وحنان ماسكه ضحكتها ووجها حمر وحنها شافتلها لقتها حاطه يدها علي فمها والدموع نازالات من الضحك ,
والجده قالت بصوت عالي : نوضي داهيه وانتي تتسهوكي ,, عيله مافيها فايده , نوضي جيبي الدوا لجدك شكله الضغط ارقي عليه وقعد يخرط ,😒
الجد : 😁 حنان : 😅