رواية انثى بين يدي الشيطان (منقوله)&(مكتملة)

الحلقة-17

رواية #أنثى_بين_يدي_شيطان
للكاتبه الهميل الشارد هميلو
الحلقه /17
  التفاعل وين حناتي ,,👀
قراءة طيبه ,,
وصلنا لعمكن موسى بعد رنت عليه مسرة وجابلها اللمبات وشافها بدون وشاح وطلع وهو يفكر فيها وطبعا ماركزش عالجربوع اللي مركز معاه وخش لشقته وموسى روح وتعشا عند عيت اجدوده ومسرة قعدت اتغرم في روحها كيف تقعد بدون وشاح وعبايه قدامه ,,
و عند موسى اللي  ياكل وايتخيل في مسرة خلاص الراجل كبد رسمي مغير يكابر شوي ,😁
المهم ,,
ماجا نص الليل والا الضي جا علي مسرة وبعد طفت اللامبه سمعت صوت دق عالباب ,
مسرة استغربت من يدق عليها وموسى روح ,,
وزاد الدق ومسرة خااافت والقلب بدا يدق ويرررجف ,,
مسرة بتوتر وخوف : من ?
......: افتحي ,
طبعا بصوت خااافت
مسرة بدا الخوف يزيد عندها وقربت من الباب وهي تررعش وقالت : من انت ?
......: افتحي بس ونا انفهمك ,
مسرة : شنو اتفهمني من انت ?
الشخص خاف وهمسلها : وطي صوتك بس مرات يسمعنا حد وافتحي انعرفك وانفهمك عليش خايفه انتي ?
مسرة باستغراب : وكني مانخاف ? ونا مانعرفك امشي في حالك احسنلك ,
......: عليك امان الله ماتخافي مغير افتحي نشرحلك.
مسرة : مانيش فاتحه وامشي قبل مانعيط ونلم عليك الجيران ,
.....: تبي اتفضحي بروحك ي الهبله ,, مغير افتحي ونا نفهمك نا جار موسى وعارف بكككل شي وحنفيدك ,
مسرة : عارف شنو ? انت شنو تخرط ? وامش خيرلك راه ,
ومسكت الفون من ع طاوله الصاله وهي ترررجف وتفكر اترن علي موسى والا شنو ادير وهي ياناري الوجه قعد اصفر من الرعشه ,
......: اسمعي قتلك حنرضيك وماتكوني الا راضيه نوعدك ,
مسرة تفكر شنو ادير اترن علي موسى ولا تعيط ولا تسكت وهي ترمش وخايفه وتعض علي شاربها ويديها يرررجفن ونست قصة موسى مع عيت حنه ماخطرتش عليها ,
وزاد الراجل قال : عارفك مازلتي تفكري ونا شقتي مقابلتكم راه ,, مش حتخسري حتستفيدي راه ونوعدك ماحد يعلم نرجا فيك ادقي عليا نا واعي للصبح ,
ومشا وهو ايتلفت والضحكه علي وجه زي النمس مش حنقول الذيب لان الذيب حيوان مخلص لشريكته وهذي معلومة اكيده ,,
لكن الخاين دايما يشبه باتفه الحيوانات وهو النمس او الثعلب او التمساح ,,
حيوان حشاكن لا عنده ملة ولا ضمير ولا يخاف ربي ,
ومسرة ترررجف وخلاص ومشت تأكدت من الباب مقفل بالمفتاح وزادت سكراته بالطقة الثانيه وولعت التلفزيون وحطت علي قناة دينيه وهي تبكي وتدعي ربي يبعد عنها اولاد الحرام ,,
وخشت للمطبخ اتفتش في حاجه ادافع بيها علي نفسها في حال خش عليها ,, عاد هضر ماجابلها عقلها البنت ,
و لقت موس لحم خذاته وقعدت ماسكته وهي تررجف وااه من ميلت زمان خلاها فريسة للي مايسوا , 💔
المهم ,,
مرت عليها ليلة عدوكن وهي تغمض واتنط نين خذاها النوم وهي عالكنبه في الصالون وطاح الموس من يدها ,,
وعند عمكن موسى راقد في داره بعد هدرز مع حنه وجده بعد روحو عمامه وهلهم , 
وقعد يخمم ويفكر وشي مافي بين اعيونه الا مسرة , حاول ينسا ملامحها يشغل نفسه شي مازالت بين اعيونه صبا وتنهد شاف فونه خذاه معاه وهو يفكر مرات ترن مسرة تبي شي  ,,
وطلع من داره الجو هادي وجدوده مرقدين طلع للصاله وولع التلفزيون وقعد ايقلب في ازقنوات وهو شااارد ,, وشاف لفونه وقرر يرن عليها ,
واتصل بعدها قفل ,,
موسى : مرات تقعد راقده ! لاهي مرات صايرلها شي لازم نطمن عليها ,
ورن عليها ,
عند مسرة لحظة اللي رقدت كان الفون في يدها اللي عالكنبه اللي مش ماسكه بيها الموس وبعد رن الفون فجعها جت مصبيه وهي اتعيط وتقول : لا لا شن في ? 😨
وشافت للفون لقاته ايرن واول ماشافت رقم موسى فرحت وردت طووول ,
مسرة : الووو
موسى تنهد وغمض اعيونه واتكا عالصالون : ايوا مسرة ,
مسرة قمعزت ووطت التفلزيون : اهلين ,,
موسى : واعيه ?
مسرة : لا والله كنت راقده بس بعد رنيت نضت ,
موسى : اسف عالازعاج ,
مسرة ددون ماتفطن لروحها قالت : لا عادي باهي اللي رنيت ,
موسى قرن حواجبه وقال : عليش في شي صايرلك ?
مسرة بعد فطنت لروحها قالت : ااه لا لا شي ,
موسى : مسرة شنو في احكي ,
مسرة توترت وقالت : الحق هو نحكيلك بس توعدني ماتعصبش ,
موسى : احكي ,
غضيب عارف روحه مايتحملش 😁Hamelo ,,
مسرة : بعد مشيت بوقت في حد دق عليا عالشقه ,
موسى قمعز وقال : شنو ? ومن اللي دق وانتي حليتي الباب ?
مسرة : لالا والله مافتحتش ,, لكن ماعرفتش من ,
موسى : مسرة احكي اكتا دق وليش ماتصلتي بيا ,?
مسرة بندم علي انها حكتله : لا عادي ممكن حد غالط في باب الشقه ,, خبط شوي بعد قلت من قالي معليش شكلي غالط ومعش زاد ونا تميد مافتحتش الباب بكل ,
موسى : المفروض رنيتي عليا , وبعدبن من بيغلط فيها شقتي عارفينها ليا وحتى الباب لونه مختلف ,
مسرة : عادي ديما اتصير ماتحطش في بالك ,
موسى : ردي بالك تفتحي لحد واي حد يرن عليم والا يضايقك رنة بس ديريلي فاااهمة ?
مسرة بصوت هادي : حاضر ,
موسى ابتسم وقاللها : ايواا تعجبيني و انتي تسمعي في الكلام ,
مسرة انحرجت وسكتت ,
موسى : اووي ,, وين رحتي ?
مسرة : معااك ,,
موسى بصوت واااطي ماسمعتاش مسرة  : انشالله ديما معايا 😍
مسرة : شنو ?
مسرة : لا شي , مغير بننشدك تعشيتي ?
مسرة : الحمدالله ,
موسى : خذيتي دواك ? راهو اطيحي اخرا دمك ستة راه ,
مسرة باحراج : لا خذيته ,
وقعد يهدرز عليا وايدور في سبلة بيش ايهدرز معاها ونسرة حست بونس وامان وهو يكلن فيها عالاقل حست بحد معاها وشايل همها ,,
ومافطنو لرواحهم لعند مسرة تسمع وموسى يهدرزلها وهي غفت لانها كانت متكيه ورقدت وموسى يخرط وبعد لاخظ سموتها ,
موسى : مسرة ? مسسرررة ? اوييي رقدتي ?
وسمع نفسها بس عرف انها رقدت وقعد نصيب من وقت ييمع في نفسها وهو مستغرب في روحه وبعدها همسلها : تصبحي علي خير ي مسرتي,
وباس فونه بوسه خفيفه وكانه باسها هي وقفل الفون , وصبا طفا التي في و مشا لداره وطاح علي سريره وخذا مخدته ورقد وهو مظبط المخده ومبتسم , ❤
وجا صبح ثاني يوم ,,
ناض موسى بنشاااط وخذا شاور ولبس لبسته وتعطر وفتلك رويحته وملس بيده علي لحيته وشاف للمرايا فكر انه يحلق لحيته بعد غير رايه,, زينك راي 😁,,
وخذا مفاتيحه وفونه وطلع القي جدوده واعيين ويفطرو في الصاله قدام التي في ,
موسى : صباح الخيرات ,
حنه : ياصباح الورد علي وليدي الغزال ,😊
وباس موسى علي يدها وراسها ,
ونفس الشي باس جده ,
حده : الله يربحك ويصبحك بالهيرات والليرات ياغالي ي ولد الغالي , ☺
وقمعز معاهم قعده ارضيه فطور حليب وشاهي وخبزة تنور وكعك وقهوة وجبنة ومربى وزيتون ,
موسى صب قهوة وقعد يفطر مع جدوده ويهدرزو بعدها شاف لحنه وقاللها : ي يمي في موضوع هكي بنحكيه لكي ,
حنه : انشالله خير ي باتي شنو في ?
موسى حط فنجان القهوة وقال : الصراحة نبي نجوز ,
واتصكها لكن العزوز علبا زغروووته عالصبح نين الشايب وموسى تفجعو , 😨😨
الجد : بسم الله ي ولية صبح ,
الجده : طيب في اوليدي بيجوز الحمدالله هالنهار اللي نرجا فيه نا ,
موسى : ربي يطولي بعمرك ي يمي ويدوم عليك صحتك انتي وباتي ,
الجد لموسى : ولعيت من اللي تبي اتناسبهم ?
موسى : الحقيقه هم مش من بنغازي راه ,
الجدة قرنت حواجبها وقالت : ينعلي ي وليدي ماتقولي بلاد بعيده من وين ?
موسى : لا مش بعيده ,, من إجدابيا ,
الجدة : ايواااه معناها شفتها هنا انت !?
موسى حك راسه وقال : لا الحق شايفها من قبل في اجدابيا قبل الاحداث لكن النصيب جابها قدامي اخرا وشفتها هنا , المهم ي يمي البنت قزونة راه البات والام الله يرحمهم وعندها خو مات في الجبهة وعمامها اثتين بس واحد مشا لمصر وواحد في مغرب ,
اتجدة بقصقصه : ومع من قاعده ?
موسى : كانت مع اختها المتجوزة لكن راجل اختها واخد حقير حشاكم قعد يضايق فيها ,
الجد : لا حول ولا قوة الا بالله بنية قزونة بدل مايرد باله عليها وبمسب فيها اجر يضايقها قليل الحيا ,
موسى ماحبش يحكي بالتفصيل عطاهم تفاصيل مهمة حتى علي خوها ماباش يحكي ,
الجدة : وباهي وتوا وين قاعده هي ? مع من ?
موسى بلع ريقه وقال : مع عرب اصحاب هلها ضنوتهم بنات كلها ,, ونا را حكيتلكم انتم قبل مانحكيلها , يعني اتهمني موافقتكم قبل ,
الجدة : انشالله خير لعيت من ?
موسى حكالها لعيت من ومن قبيلة من وباتها شن مان يشتغل طبعا ليستا كامله عتده علي مسرة من زمان ,
المهم ,, اقنع جدوده مع انه حس بحنه تقصقص وتنشد وتبي تعرف من هي وشنو وصفها ومايغباكم فاختصر الدوة معاها وصبا طلع قاللهم عنده شغل وانتن عارفات وين شغله عاد 😁
رواية انثى بين بدي شيطان لهميلو Gazala Bobacer ,,الهميل الشارد هميلو ,
وطلع موسى للسيارة ,, وشغلها وطلع ورن فونه القيه ناصر ,
موسى : ايوا ي طيري , وينك ? .. دوبني طلعت ... لا الحق  كنت مع الشياب وحكيتلهم موضوع هكي , .. لا ماتظني الا كلمتك روحت ي بوصاحب ههههه عارف عارف .. وين نلقاك . تم في الطريق ,
وقفل وهو فرحااان ,,
انجو لمسرة اللي بعد طلع ضي الصبح كانت راقده عالكنبه والفون في يدها وناضت بالشوي وهي متكيه بعد فتحت اعيونها وركزت امها واقده عالكنبه قمعزت واذكرت اللي خبط عليها ومكالمة موسى لها شافت للفون في يدها وقالت : نا كنت نحلم !? لا مانضنيش امس في حد دق عليا ونا لا هو اللي رن , حي كيف صكرت وامتا?
المهم قعدت بتذكر امتا صكرت شي الذاكرة ماساعدتها بكككل كل اللي تذكره انها كانت تحكي مع موسى وهو يهدرزلها وبعدها لا شي 😁
صبت مسرة وخشت للتواليت غسلت وتوضت وطلعت صلت فرضها وخشت عالمطبخ بطيب قهوة وتحط فطور تفطر ورن فونها مشت شافاته لقتها سالمين , مسرة فتحت وهي فرحانه ,
مسرة : ايوا خالتي سالمين ,
سالمين: صباح الخير ي مسرة ,
مسرة : صباح الورد كيف حالك وحال عمي محمد والعيال ?
سالمين : الحمدالله بخير ,, وعمك محمد يسلم عليك امبارح جبنا طاريك ,
مسرة : عليك وعليه السلام , ربي يطول بعمره ويدوم عليه صحته عمي محمد ,
سالمين : انشالله ياارب ,, قتلك ي مسرة ,
مسرة : نعم ,
سالمين : انا اليوم اتصلت بيك عشان بنقولك اليون جاية لبنغازي انا وعمك محمد عنده شغل فيها ونا بنجيب حاجات من عرب حاطة عندهم امانه ,
مسرة : توصلو طيبين يارب ,
سالمين : يارب ,, المهم كان بتمشي معانا لطبرق وصفينا مكانك وين ونحن بعد نكملو شغلنا انتكو عليك ,
مسرة بفرحه : انشالله ,, انا الحق مانعرفش المنطقة لكن ماجيتو لبنغازي الا ونا عارفه العنوان ونتصل بيكم وانقولك ,
سالمين : انشالله ي حنه وانتي طيبه , تو لنمشي نسقدو ارواحنا وانتي لمي دبشك وراك تنسي شي حاجة وبيناتنا تلفون ,
مسرو : انشالله في انتظاركم ,
وقفلن ومسرة فرحاااانه وطبعا دبشها في صاكوها ماطلعاته لا شي مغير خذت منشفها لفاته وحطاته واذكرت انها اترن علي موسى اتخبره ,
خذت الفون ورنت ,,
طبعا الوقت هضا موسى وناصر كانو في موقع تفجير سيارة مفخخه مع بعض افراد الصاعقه والدنيا شايله ,,  والتغجير راح ضحيته راجلين الله يرحمهم وكل ذنبهم انهم عسكرية قدم فقط ,
المهم موسى يمع فونه يرن طلعه شاف رقم مسرة طول تباعد من الجماعه ورد عليها ,
موسى: صباح الخير ,
مسرة : صباح النور , اسفة عالازعاج بس رنيت عليك بنقولك عنوتن الشقه اللي نا فيها شنو ?
موسى قرن حواجبه وركز معاها وقال : وعليش بتعرفي العنوان ?
مسرة : لان خالتي سالمين بتجي من طبرق هي وراجلها عمي محمد وبيتكو عليا عشان ننشي معاهم ,
اوبااا وعمكن موسى غمت عنده وقال : وامتا بيجو ?
مسرة : توا رنت عليا بيطلعو مازالو ماطلعو ,
موسى : من هنا لعند يوصلو ساهل ,
مسرة : باهي قولي العنوان انت ,
موسى : مسرة سكري انا في موقع تفجير والدنيا شايله مش فاضي وردي بالك تطلعي من الشقه لعند انجيك الدنيا مش امان راه ,
مسرة : باهي امتا تفضا ?
موسى : حنرن عليك ,
وسكر عليها وهو غامتله واتصل برفيقه اللي يسكن في الدور الاول في نفس العمارة ,
موسى : خير ي قدر , شخبارك ,, الحمدالله والله اهو كل مرة صايرة قصه ,, اها انشالله خير , قتلك الشقة اليوم ركزلي عليها لو في حد طلع والا نزل والا خش العمارة , ياريت والله , صحيت عارفك اتهني , تسلم في امان الله ,
وقفل وهو يخمم ,
وعند ومسرة خشت طيبت رز محبب في طنجرة صغيرة علي لحمتين دجاج وحمرتهن ودارت سلاطه خضرة ,, واذن الظهر توضت وصلت وحطت لروحها في تبسي علي قصادها وكلت وضمت مكانها وطلعت خذت صاكوها وتاته في الصاله وخذت العبايه والوشاح حطتهن عالصالون وقعدت ترجا موسى ايرن قبل ماترن عليها سالمين وموسى شي لا رن وبعد اتصلت بيه لقاته مشغول ,
المهم لحظة اللي هي ترجا سمعت صوت الجرس صبت وقربت من الباب وقالت : من ?
......: افتحي هضا نا ,
مسرة عرفت الصوت اللي امس دق عليها وخافت وقالت : انت من ?
.......: ماقتلك نا جاركم وامس راجيتك ادقي عليا لكن شكلك مافكرتيش ,
مسرة باستغراب : انفكر في شنو انت شنو تحكي ?
......: يامسكينة قتلك افتحي ونا نفهمك نا عارف انتي عليش هنا ?
مسرة معش فهمت وزادت احتارت هضا من وشنو يبي , واذكرت لما موسى قاللها دق عليك حد اتصلي بيا.
ورنت عليه لكن موسى مشغول لانها خشت انتظار , وقعدت خليفه وساكته وخلاص وهالبارد يدق وهي ساكته ,
طلعا هضا جار موسى واحد قصقاااص وصايع وموسى كان يجيب في وحدات هكي استغفر الله عارفات شنو ,, المهم هو كل ماموسى يطلع يجي يخبط عاللي قاعده واتجيه في الشقه وياهذ اللي يبيها وبعد يحصلن يبن حقاتهن يلزهن ويقوللهن ياتطلعي يانقولها لموسى انك خنتيه وجيتيني ,, وطبعا موسى مايحبش حاجه شوره يشوفلها غيره حتي ولو لليله ,, وهن عارفات موسى وعصبيته او اغلبهن يعرفن طبعه ,
المهم تنكسر شوكتهن وفي اللي تطلع وتسكت  وفي اللي اتكها معاه تكة عالميه وادفله طاجين ان هو يضايق فيها وموسى علم بيه وعطاه طريحة قبل اقاله كسرله فيها يده  ,, ومن بعد المواقف هذين معش جاب بنات في الشقة الا مسرة راقدت الريح ,
المهم ,, قعد ايرن ومسرة قررت تسكت معش تحكي معاه وقعدت اترن علي موسى في الاخير هو اللي رن عليها ,
موسى : ايوا مسرة شنو في ? ماتقوليش خالتك جت لبنغازي 😒
مسرة بصوت مرتبك : لا مازال لكن ,, في حد يرن عليا ,
موسى عالشقة ?
مسرة : اها ,
وقفل عليها ورن علي رفيقه ورد عليه ,
موسى : وينك ي راجل في خد عالشقة والا كيف ?
صاحبه : هضا البارد ايمن ايرن االباب شمله في حد رد عليه وبعدها قعد ساكن ايرن تبيني نمشيله?
موسى : لالا خليه توا جاي ,
ووكب في سيارته وطلع وطول الطريق وهو معصب ويحرق واول ماوصل وكب مع الدروج وهو خلاص واول ماوصل للدور متاعه القي ايمن قدام شقته ياشرينتي كنت بنطلع ,
ويدعس عليه موسى من ياقة رقبته نين شاله فوق ,
موسى : شنو تبي ي حيواااان ادق عالشقه ?
ايمن بنظرة خبث وي شرينتي نا بري : اي شقة ياراااا حول يدك ,
موسى : اطروحك هذين مشيهن علي غيري مش نا ي كلب ,
ايمن : اي طروح ? نزل يدك كان انت تلف وادور تحساب العرب زيك ,
ويدفه موسى نين انخبط ايمن علي باب شقته بقوة ,
موسى : انا حذرتك وعلي شقتي نلقاك حتى ااشوفلها بس اعيونك نعميهن لك ,
ايمن بضحكة استفزاز : من قالك اني نشوفلها شقتك انت مخلي فيها حد ? 😏
موسى : مالكش دااااخل ووجك خيرلك راه ,
واول مابدا موسي بيمشي ناحيته فتح ايمن باب شقته وخش وقفل الباب ,
المهن مشا موسى لشقته ودق بقوة الشي اللي خلا مسرة اتجي مصبيه من الفجعه وقالت: من ?
موسى : افتحي نا موسى ,
وفتحت مسرة وخش موسى الييها بعبايتها ووشاحها ولاحظ صاكوها في الصاله وجا قمعز عالصالون وشيرلها اتقمعز ,
وقمعزت مسرة بخجل , وموسى ايشوف مرة يمين ومرة يسار يبي يحكي معاها لكن مازال متعصب ويحاول ايهدي روحه قبل مايحكي , وبعدها تنهد وزفر بصوت مسموع ,  وشافلها ااقيها منزلة اعيونها وباين الخجل علي ملامحها وماسكة فونها اتحرك فيه بين ايديها ,
موسى : شنو قصتها خالتك هذي ?
مسرة : قتلك من قبل انها جارتي في اجدابيا وهم اللي جينا معاهم بعد عرب اجدابيا طلعو وحطونا عند عيت اختي ,
موسى: باهي !! وشنو قصة بتمشي معاها ?
مسرة: اصلا عي بعيلتها ونا نعتبر فيها وحدة من العيلة وبعد عرفت باللي صارلي طلبت مني نمشي معاهم وقالتلي ان عمي محمد حيحصلي عمل غادي.
موسى : وانتي ناقصك شي هنا ?
مسرة باستغراب : نعم ? لا مش قصة ناقصني شي انت بارك الله فيك صبيت معايا وحطيتني في شقتك وكثر خيرك والله ,, بس اكيد الوضع مؤقت مايسيرش نعيش بروحي في شقة حد ,,
موسى : في صبايا هنا يعيشن وحدهن ويشتغلن ويسوقن عادي ,, مش مستحقات لحد ليش ماديري زيهن ?
مسرة بخجل : انا مانقدرش , انا .. انا مانقدرش نعيش بروحي ونسوق ,, نشتغل عادي نتحمل مسؤوليه عادي , لكن البنت مش لها العيشة بروحها لان مجتمعنا مايرحمش , ولا الناس اتخليك في حالك , 😔
موسى : وباهي بعد تمشي معاهم مع من بتقعدي ماهو اكيد بتعيشي بروحك ?!
مسرة : لا لا خالتي قالتلي عتدهم جناح في الحوش بابه بروحه في نفس يور الحوش يعني حنونسهم ويونسوني , وحندور عمل انعيش بيه عادي ربي كريم ماينسا حد ,
موسى رقاله وصبا وخط ايديه في اجنابه وكان باين عليه العصبيه وقمعز وشافلها وهي اتشوفله بحيرة وقارنة حواجبها وتنهد وقال : ريتي ي مسرة عندي لكي راي ,
مسرة ساكته واتشوفله ,
موسى : تتجوزي ,
مسرة فتحت فمها بصدمة وقالت : نتجوز ? من من ?
موسى شافلها وقال : انا ,
والعب يلا 💃 ,, Hamelo.,,,
مسرة : انت ?
البنت مصدومة وخلاص ,
موسى : انا حكيت لامي عليك ومن الاخير ي بنت الناس نبي نتجوزك عادي منها سترة لك ومنها تقعدي قدام عيني ,
مسرة بعد تواجلت روحها قالت :وعليش بنتتجوزني مش مجبور تربط نفسك بيا ونا مانبيش شفقه من حد قتلك وبي كريم وحنعيش وماتخافش عليا ,
موسى : بس انا نبي نتجوزك مش شفقه ,
مسرة : بس انا ارملة ,
موسى : عادي راضي بيك ,
مسرة : بس ..بس الزواج مش قرار ساهل يبي تفكير ,
موسى : لا بس ولا سحنتي تي قتلك حكيت لامي ونا لما نقول شي معناها فكرت وقررت ,, وبصراحة نبي ننهي كل شي اليوم ,
مسرة منصدمة ومترعش وتوترت وخلطت عليها ومعش عرفت اترد وهي تفكر نين حست راسها ,
موسى: من الاخير خالتك وراجلها بيجو اليوم ولا ?
مسرة رفعت راسها بحيرة ,وقالت : هاه !!
موسى ابتسم علي لقطتها وانه فاجئها بقراره وصبا قرب منها وعمتكن مسرة اتجي مصبيه استعداد وتباعدت منه وموسى لاحظ خوفها وقاللها : ماتخافيش مني ي مسرة لو نبي ندير شي كنت درته من زمان وماقدرتي تمنعيني ,, انا نبي نتجوزك لاني حاسس انك مجبورة مني واليوم نكلم جيرانك ونقرا فاتحتك عالاقل معش تخافي متي لعند انطلع الفرح ,
مسرة مستكه ومعش عرفت اترد هي ماتنكرش اعجابها بيه كشكل وشهامة بس قصة الصبايا هذي دايرتلها وجواج ,,
المهم رن فونها ولقتها سالمين ردت مسرة ,
مسرة : ايوا خالتي .. وين ? .. اها .. باهي
وشافت مسرة لموسى وقالت : بيعرفو العنوان ,
مرسى خذا منها الفون وعرف نفسه لسالمين اللي مانحكيلكن استغربت وعطت تلفونها لمحند ووصفه محمد العنوان وقاللهم نرجا فيكم ,
وطبعا محمد يسوق بيهم نسيبه خو سالمين ,, والراجل عرف الوصف ,
وموسى مقمعز عالصالون ومسرة مصبيه وسرحانه , وقعد ينادي فيها وهي في عالم ثاني نين علا صوته بيش فطنتله ,
موسى : في حاجة ناكلوها ماتغديتش راه ,
مسرة بصوت هادي : في غدا اشويه بس انسخنه ,
وخشت للمطبخ وهو يشوفلها وقال في سره ( يكلا نخليك تمشي لطبرق نقعد مش موسى بعدها )
وسخنتلا الرز طبعا نخساب روحها يجيها الليل اتعشا بيه , لكن سخناته لموسى وحطاته له في صفرة وجابت معاه مشروب وتغدا موسى وهو عاجبه الطعم ,
المهم بعد تغدا طلب قهوة تحشمت وطيبتلا فنجان قهوة وحطتلا معاها بشكوط وجابتها له وهو يشرب ويتلذذ ومسرة مقمعزة في نهاية الصالون بس هو يسرق في نظرات لها ,,
ومر الوقت واذن العصر وصبت مسرة هشت للتواليت توضت وطلعت لقت موسى يتفرج عالتي في ,, وفكرت انه موسى مايصليش ,,
مسرة لموسى : مافيش صلاية هنا ?
طبعا بلعاني فيه ,,
موسى انحرج شوي وقال : لا مافيش الشقة هذي دايرها للراحه بس ,
مسرة : الصلاية مش حتضايقك لو حطيتها وبعدين راحة الانسان في صلاته ,
موسى سكت وهي خشت للدار اللي فيها صالون وصلت العصر ,
وموسى يخمم واتصل بناصر وحكاله لاللي قرره وناصر فرحله وقاله يدق الحديد وهو حاني ويقرا فاتحتها رسمي والذبيحة شوره ,
متسبل العطيب 😁
ومر وقت واتصلت سالمين ومسرة طلعت هذت فونها وردت وقالتلها وصلو وفي المنطقة ,
موسى بعد عرف : تمام هاتي نكلم راجلها ونتزل نلاقيهم ,
وفعلا نزل وقعد يمشي جنب المحلات لعند درست عليه سياره اوبل عائليه رصاصيه ونزل محمد والسواق وكان شاب في نص الثلاثينات شاب طويل حنطي ملامحه سمرا بلحيته وشخصيته وسلن عليهم موسى ووصفهم العمارة وهو مشا وهم ركبو مشو بالسيارة ,
المهم نختصرو شوية وصلو وركبو ولقو نسرة واتيه بعبايتها ووشاحها ومانحميلكن بعد شافت سالمين اضبطتها وقعدت مغير تبكي انهاااارت اذكرت العذاب اللي شافاته ولزت اختها لها , وسلمت علي عمها محمد الا الراجل اللي معاهم تحشمت منه وقعدت مقمعزة جتب سالمين وطبعا خشت هي وياها لدار الصالون والرجاله في الصاله وبعد سلامات وتحميدات , حكالهم موسى من عند لزت اختها لها وجاب مسرة لشقته , 
ومحمد قال بحزن : لا حول ولا قوة الا بالله , معقوله خيتها اتلزها !  الدنيا جابت مافيها ,
موسى : الموضوع كله تشابه اسماء وروحو ببها طول لكن مانك غابي في الناس الشكاكه ,
طبعا موسي ماقالش ان هو من ضمن اللي شالوها او تسبب في شيلتها ,, هبي عليه 😒
المهم محمد قال : مسرة تربياتنا وعارفين اخلاقها مستحيل ادير العيبه , الله يرحم هلها ,, خلاص معناها تمشي معانا نحن هلها ونا متكفل بيها تين نسترها في حوش راجلها انشالله ,,
وينط موسى قال : مادام بتتكفل بيها نا طالبك في موضوع ي حاج ,
محمد : قول ي ولدي ,
موسى : انا نبي نتجوزها ونستر عليها ,انا حكيت حتى للشياب عليها, ونا هلي عيت ******** وطبعا تقدر تتشد اي حد في بنغازي علينا يقولولك نحن من ,
محمد فرح وقال : بالجوده ببكم نا اهم شي عندي مسرة ورايها , عندها علم ?
موسى : حكيتلها قبل ماتوصلو بس حسيت بيها بترفض , ياريت تقنعوها ,
محمد صبا وخش عليهن في الدار بعد استأذن طبعع وحكا لمسرة وسالمين ,
سالمين : والله شكله ولد حلال شنو رايك ?
مسرة : مش عارفه , الحق هو وقف معايا ودار اللي ماعمر داره اقرب الناس ليا , بس..
محمد : بس شنو ?
مسرة بخجل : بس نا مانبيش نحس ان هو تجوزني شفقة ي عمي محمد ,😔
محمد بصوت حنون : وشنو فيها لو شفق بالعكس الشفقه نوع من الحنيه وبالدليل رسولنا الكريم كان حنون بكل يعني هو حن عليك ويبي يستر عليك لو موافقه ي بنتي انا متكفل بيك وزي بنتي ولة رافضه ورلسك مايصير من شي وتمشي معانا معززة مكرمة وتعيشي معانا اللي بينا بيك ,
سالمين : ي بنتي نصيحة هو انتي اكيد بتتجوزي كان مش اليوم بكرة البنت مالها الا زوج هو سندها في الدنيا بتلذات اللي زي حالك ماتوجعك مني ,
مسرة فكرت وقعدت تحسب فيها ماتبيش اتثقل علي حد وماتبيش زواج شفقه لكن بعد حسبتها لقت ان نهاية مشوارها اكيد زواج فقررت توافق ,
مسرة : ونا موافقه ,
وطلع محمد عاطه موافقتها لموسى اللي فرح وطلب منهم يقعدو بس محمد مايقدر يقعد اعويلته صغار مع نساباته هل سالمين وهو وراه اوراق فقرر موسى يقرا الفاتحه ,
ونزل بسرعه اتصل بناصر وخبره وهو مشا لحوش اجدوده وخبرهم وجده باركله لكن حنه غمتلها وقالت : تي كيف هالخبر ? نا نبي نفرح بيك ونعزم الدنيا علي عرسك اتقولي فاتحه عالسريع ,?
موسى : ماقتلك البنيه قزونة وهاضوم اقاربها متكفل بيها قريبهم وهو بيسافر لطبرق فقررت تقرو الفاتحه وتقعد في شقتي لعند انطلعو الفرح ي يمي ,
حنه : لا لا كيف هالخبر وين هلها وعربها ? وبعدين الفاتحه نبي اندير فيها عشاا ,
الجد : ي وليه اهم شي هو مرتاح وخير البر عاجله وادعيله ربي يهنيه ,
ااجده : ربي بهنيه لجن عاد نبي نفرح ببه نا ,
مرسى وهو يبوس في راسها : ومن قالك ماتفرحي بيا , مغير الفاتحه نبوها بسرعه عشان ظروفها ي يمي تي تقولك قزونة اتقوليلي عربها ? انا تهمتي البنت وبس راه , تو انتي ديما اتنقي عليا امتا تجوز وبعد قتلك تبي تزعلي ?
الجدة : وباهي خلاص اللي تبوها ديروها , وربي يهنيك ي وليدي ,نا شن ودي ?
وفعلا بعد قنع حنه خذا جده واتصل بعمه الكبير وحكاله واتفقو يجو لشقته وناصر جا طبعا جايب معاه الماذون والقي رفيقهم في العمارة خذاه معاه طبعا بيشهدو وبالمرة جايبين القاتو والمشروب ,
وخشو للشقة والتقو الكل مع بعضهم ومسرة معاها سالمين في دار الصالون وهي مش مصدقة اللي يصير وخش محمد طلب اوراقها والبطاقه عطتهن له ,, وبعد قرو الفاتحه تزغرتلكن سالمين زغروووته طويلة ,, العطيبه زغراته 😂 وباركت لمسرة ونسرة شروطها كانن اقل من عاديات ربع جنيه مهرها ومحمد شرطلها 15 وقيه موخر وموسى وافق ,
و...........
وتوقعاتكن 😊
#Hamelo✒