رواية انثى بين يدي الشيطان (منقوله)&(مكتملة)

الحلقة -19

رواية #أنثى_بين_يدي_شيطان
للكاتبه الهميل الشارد هميلو Hamelo ,,
الحلقه / 19
               قراءة ممتعه نعموشاتي ,,

وصلنا لمسرة بعد قمعزنها عالمرسي في المربوعه وبدو يعشو في عربهم وهي حاسه بروحها غريبة لدرجة ماتتوصف خاصة ان الصبايا يشوفلها شي معجب وشي مستغرب وشي حاسدها ومايغباكن ,
المهم,,
وقربت عليا بنت عم موسى من مسرة وقالتلها :الف مبروووك ي عرووسه ,
مسرة بخجل وصوت هادي : الله يبارك فيك , شكرا ,
عليا : وين هلك ماجا معاك حد معقوله لا ام ولا اخت ولا قريبه يعني لا صبابا خوال ولا عمام ?
مسرو خيت بغصة واهانه خاصة ان عليا صوتها عالي شويه بالنسبة للصبايا اللي مقمعزات قريب ,
مسرة تنحنحت وقالت : الفرح جا بظروف وبسرعه امس بس خطبني وقرا فاتحتي , وقبل بنمشي مع اقاربي لطبرق لكن موسى ماوافقش واصر يطلع الفرح ,
عليا بغل : اها ,, فهمت عليك ,
وقربت من مسرة بتهمس بس تعمدت اتعلي صوتها وقالت : حييي ماتقوليش انتي من البمات اللي مغتصبتااات ?
مسرة انصدمت وشافتلها بحيرة وصدمة وقالت : شنووو ?
عليا دارت روحها انصدمت وشافت للصبايا ودارت روحها واجعتها مسرة وقالتلها : اووو اسفه اكيده انتي من البنات اللي قالو اغتصبوهن الكتايب في جامع في اجدابيا ,
مسرة بصوت عالي شويه وعبرة : احترمي نفسك وبلاش كذب انتي شنو تقولي ?
وخشت حنان بنت ولذد لقت عليا مصبيه علي مسرة والصبايا ملتفتات عليهن وقربت وقالت.  عليا تعالي نبوك شويه ,
ولاحظت نظرات الغل لعليا لنسرة وتظرات القهر من عيون مسرة ,
حنان : مسرة حبيبتي عشاك انتي وموسى غلفناه لكم وخذاه موسى في جناحكم اتعشي مع بعضكم ,
مسرة : شكرا تعبتك معايا ,
عليا بحقد : اوكي انشوفوك ي عروسه ,,
وطلعت وهي اتمايل ,  ووحدة من الصبايا قالت للي جنبها : زعما حق من البنات اللي قالو اغتصبوهن ?
الوليه الثانيه : عيب عليك ي خيه كلام مافيش منه كذب واشاعات راه ,
تنط وحدة ثانيه قالت : لا مش كذب قالو صار وقريب 50 وحدة اغتصبوهن في الجامع جماعة القذافي والمرتزقه ,
الوليه الثانيه ردت وقالت : يكلا 50 تو بالله عرب اجدابيا معروفين قبايلهم وعارفين بعضهم مانريدو نسمعو ببنت من وباتها من واخت من ? اي واصحة ي صبايا كذب لا حول ولا قوة الا بالله ,
الوليه الاولى : وعليش قعدو يجوزو في بناتهم بحفلات بسيطه ومرات عشا عائلي وشاهي وكعك ?
الولية الثانيه : نصيبهن ياحنه وهلهن مقدرين ظروف البلاد ,
الاولى : لا وانتي الصادقه مغتصبات وشباب بنغازي بيسترو عليهن ,
الوليه الثانيه : تو كلهم طلعو اتييا وبيسترو علي بنات مغتصبات ? بلاش حهل وكذب واتقن الله راهو عرض وقذف محصنات اللي تقولن فيه ,
وصبت من يالاهن ومشت لمسرة باركتلها وطلعت زلفت للجده عليا وروحت
وطبعا مسرة سمعت كلامهن وكانت مغصوصه بعبرة وماقدرت تتكلم ,
وفعلا الفترة هذكي طلعت اساعه التغتصابات وحسبي الله ونعم الوكيل في اللي نشرها ,,
المهم الصبايا بهدرزن وتعشن وروحن وقعدت مسرة والجدة وصبايا عمام موسى وبنات عمه وخش موسى نادا علي حنه ,
وطلعتله وقاللها : شنو ي يمي وبن مذرة ?
الجدة : اهي قاعده تو نكلمها لكي , عليش مستعجل 😒
وخشت قالت لمسرة : تعالي لراجلك يبيك ,
وصبو مسرة وهي متوترة وطلعت لقت موسى يشوفلها والبسمة علي وجه ويتأمل فيها باعجاااب ومسك في يدها ومسرة متوترة ومش متعوده عالجراءة حتي لو كانت متجوزة من قبل لان عمران حشومي وماكنش جرىء الا بعد تكون وحدها معاه ,
اما موسى برغم شخصيته الواعرة وقل ملامه لكن كان جريء ,,
ومسرة كانت متحشمة عالآخر ومقهوووورة من كلام عليا لها ومتوترة وموسى يحسابها مغير متوترة من الوضع الجديد ,,
موسى بعد شد يدها قربها منه وحاوطها من كتافها وهمسلها : شنو نمشو ?
مسرة منزلة راسها وساكته ,
وجدة موسى قالت : بتركب لجناحك ?
موسى : في شي ?
الجدة : لا شي مبروك ,, معناها يروحو عيت عمك ونا نرقد مافينا ماقعدنا ساهرين ,😒
موسى : الله يبارك فيك وتصبحو علي خير ,
وشد معاه مسرة وقاللها : تعالي ,
ومشا بيها للحوش وركبو للدور الثاني وطبعا موسى خذا الجناح الفوقي وكان دار وقدامها صاله وفي تواليت صغير ومفرشه باثاث بسيط بس راقي وحلو والمطبخ تحت مع العيله ,,
مسرة متوترة وتدعك في يدها في بعضهن وتبلع في ريقها بخوف ,
وموسى بعد خش جايب العشا وحطه عالطاوله في الصاله ,,
موسى : مبروك ي مسرة ,
مسرة : الله يبارك فيك ,
موسى لاحط توترها وقرب منها وقال : كنك متوترة وخايفه ?
مسرة : لا شي مش خايفه ,
موسى : باهي كنك مش فرحانه انحس فيك ?
مسرة : لا بالعكس فرحانه بس ,, بس بنسألك سؤال ممكن ?
موسى : اسئلي ,
مسرة : انت شنو قلتلهم قبل مانتجوزو ?
موسى مسكها من يدها ومشا بيها للصالون اللي في الصاله وقمعز وقمعزها جنبه وكانو قريبين من بعضهم لدرجة مسرة كان قلبها بيوقف من قربه وريحة برفانه ,,
موسى : شنو في احكي ? حد ضايقك بكلمة ?
مسرة : بصراحة في وحدة هكي قالتلي كلام مستفز ويحرق الدم ,
موسى : شنو قالت ?
مسرة حكتلا باللي قالاته عليا بس ماتعرفش اسمها عشان اتقوله فلانه ,
موسى : مانعدليش عليها اصلا تلقيها مقهورة منك بس ,  وبعدين هضا نصيب,
مسرة : عارفه بس عيب منها تطعن في شرفي وشرف بنات مدينة معينة ,,
موسى : فوتيها ووخليك معايا توا شنو رايك في الجناح ?
مسرة وهي اتشوف للجناح بابتسامة : حلو ماشالله عليه ,
موسى : طبعا فيه دار النوم والحمام لكن المطبخ مع بعضنا تحت لان جدي وحني وحدهم ونا اللي يالاهم وحنجيبلك ثلاجة صغيرة نحطها لكي في دار النوم نحطلم فيها حاجات خفيفه للتسليه مغير موضوعنا جا بسرعه ويادوب لحقت جبت الدار والاثاث.
مسرة : لا عادي ,, انشالله ربي يقدرني ونكون نعم الزوجة ,
وموسى شافلها وقرب وجه منها وهمسلها : تعرفي انك اتهبلي ,
مسرة : جيعان انحطلك العشا ?
موسى : مووووت ,
ومشت مسرة جابتلا العشا وجهزاته عالطاوله وكان كامل بالموالح والكواشيك والسلطات ,, وقمعزو عالصالون وقرب موسى الطاوله منهم وقعد يومل بيها ويتغزل بيها
و مسرة من الحشم ترمش وخلاص وتشوفله بخجل والخدود توردن , وبعد كملو عشاهم لمت مسرة الحوسة وموسى جا وراها وبعد لفت لقاته قدامها ,
هو تبن الحق ماحتى كلا هو شكله يقصد جوع من نوع ثاني 😒