ﺭﻭﺍﻳﺔ #ﺃﻧﺜﻰ_ ﺑﻴﻦ _ﻳﺪﻱ _ ﺷﻲﻃﺎﻥ
ﻟﻠﻜﺎﺗﺒﻪ ﺍﻟﻬﻤﻴﻞ ﺍﻟﺸﺎﺭﺩ ﻫﻤﻴﻠﻮ #Hamelo ,,
ﺍﺣﺪﺍﺛﻬﺎ ﺣﻘﻴﻘﻴﻪ ,,
ﺍﻟﺤﻠﻘﻪ 7/
ﻗﺮﺍﺀﺓ ﺭﺍﻳﻘﻪ ,,
ﻭﺻﻠﻨﺎ ﻟﻤﺴﺮﺓ ﺑﻌﺪ ﺟﻬﺰﺕ ﺭﻭﺣﻬﺎ ﻭﺟﻬﺰﺕ ﺍﻣﻬﺎ ﻋﺸﺎﻥ ﻳﻤﺸﻦ ﻣﻊ ﻋﻴﺖ ﻣﺤﻤﺪ
ﻟﻠﺸﺮﻕ ,,
ﻭﻓﻲ ﺍﻟﻠﺤﻈﻪ ﺍﻟﻠﻲ ﻃﻠﻌﺖ ﺑﺎﻣﻬﺎ ﻟﻠﺴﻮﺭ ﺗﺴﻤﻊ ﺧﺒﻴﻂ ﻗﻮﻱ ﻋﺎﻟﺒﺎﺏ ﺗﻴﻦ
ﺍﻧﻔﺠﻌﺖ ,,
ﻣﺴﺮﺓ : ﻣﻢ . ﻡ . ﻣﻤﻦ . ﻣﻦ ?
:....... ﺍﻓﺘﺤﻲ ,
ﻣﺴﺮﺓ ﻗﺮﺑﺖ ﻣﻦ ﺍﻟﺒﺎﺏ ﻭﻗﺎﻟﺖ : ﻭﺍﻧﺖ ﻣﻦ ?
:....... ﺍﻧﺎ ﺳﺎﻟﻢ ,, ﺍﻓﺘﺤﻲ ﻗﺘﻠﻚ ,
ﻭﻓﺘﺤﺖ ﻭﻫﻲ ﺗﺮﺭﺭﺟﻒ ﻭﻓﻌﻼ ﻟﻘﺎﺗﻪ ﺳﺎﻟﻢ ﻣﺼﺒﻲ ﻋﺎﻟﺒﺎﺏ ﻭﻓﻲ ﻳﺪﻩ ﺻﺎﻛﻮ
ﺩﺑﺸﻪ ﻭﺧﺶ ,
ﻭﻃﺒﻌﺎ ﻻﺧﻆ ﺍﻥ ﺍﻣﻪ ﻣﺸﻠﻮﻟﻪ ,
ﺳﺎﻟﻢ : ﻳﻤﻲ ﻛﻨﻚ ?
ﻣﺴﺮﺓ ﺑﻐﻞ ﺑﺲ ﻭﺍﺭﺍﺗﻪ : ﺍﻣﻲ ﺍﻧﺸﻠﺖ ,, ﻣﺶ ﺷﺎﻳﻒ ?
ﺳﺎﻟﻢ ﺣﻀﻦ ﺍﻣﻪ ﻭﺑﺎﺱ ﻋﻠﻲ ﺭﺍﺳﻬﺎ ﻭﺷﺎﻑ ﻻﺧﺘﻪ ﻭﻗﺎﻝ ,
ﺳﺎﻟﻢ : ﻭﺷﻨﻮ ﺳﺒﺐ ﺷﻠﺘﻬﺎ ? ﺍﻛﻴﺪﻩ ﻣﻨﻚ ? ﺷﻨﻮ ﺩﺍﻳﺮﻩ ﻻﻣﻚ ?
ﻣﺴﺮﺓ ﻋﺼﺒﺖ ﻭﻗﺎﻟﺖ : ﺍﻧﺎﺍﺍ ? ﻗﻮﻝ ﺍﻧﺖ ,, ﺍﻧﺸﻠﺖ ﻣﻦ ﻋﻤﺎﻳﻠﻚ ﻭﺍﻻ
ﻧﺴﻴﺖ ?
ﻭﻋﻤﻜﻦ ﺳﺎﻟﻢ ﻳﺪﻋﺲ ﻋﻠﻲ ﺫﺭﺍﻋﻬﺎ ﻧﻴﻦ ﻋﻴﻄﺖ ,
ﺳﺎﻟﻢ ﺑﻐﻞ : ﻭﻧﺎ ﺷﻨﻮ ﺩﺭﺕ ﻱ ﻛﻠﺒﻪ ﻫﺎﺍﺍﺍ ? ﺍﺣﻜﻲ
ﻣﺴﺮﺓ ﺭﻓﻌﺖ ﻭﺟﻬﻬﺎ ﻓﻴﻪ ﻭﻗﺎﻟﺖ : ﻣﺶ ﺍﻧﺖ ﺧﺬﻳﺖ ﺍﻟﻐﺎﺯ ﻭﺍﻟﺒﻤﺒﻠﻲ ﻭﺍﻟﺜﻼﺟﻪ
ﻭﺧﻠﻴﺘﻨﺎ ﺑﻼﻫﻦ ﻭﻣﺶ ﺧﺬﻳﺖ ﺍﻟﺼﺎﻟﻮﻥ ﻭﺍﻟﻔﺮﺷﻪ ﻣﺘﺎﻉ ﺍﻟﺼﺎﻟﻪ ﻭﺣﺘﻲ ﺗﻘﺎﻟﻲ
ﺳﺮﻗﺘﻪ ,
ﻭﻳﻀﺮﺑﻬﺎ ﺳﺎﻟﻢ ﻛﻒ ﻧﻴﻦ ﺟﺖ ﻃﺎﻳﺤﺔ ﻋﺎﻟﻮﻃﺎ , ﻭﺷﺎﻓﺘﻠﻪ ﺑﻐﻞ ﻭﻛﺮﻩ ,
ﺳﺎﻟﻦ : ﺍﻧﺎ ﺧﺬﻳﺘﻬﻦ ﻣﺶ ﺳﺮﻗﺘﻬﻦ ﻫﺬﻳﻦ ﻳﺨﺼﻨﻲ ﻭﻧﺎ ﺣﺮ ﺍﻧﺒﻴﻊ ﻭﺍﻻ ﻧﺤﺮﻗﻬﻦ
ﺍﻧﺘﻲ ﻣﺎﻟﻜﺶ ﺩﺍﺍﺍﺧﻞ ﺍﻧﺎ ﺍﻟﺮﺗﺠﻞ ,
ﻣﺴﺮﺓ ﺿﺤﻜﺖ ﺑﻐﻞ ﻭﻗﻬﺮ ﻭﻗﺎﻟﺖ : ﺭﺍﺍﺍﺍﺟﻞ !? ﺍﻱ ﺭﺍﺟﻞ ﺍﻟﻠﻲ ﻳﺴﻴﺐ ﺍﻣﻪ
ﻭﺍﺧﺘﻪ ﺑﻼ ﻣﺼﺮﻭﻑ ﺍﻱ ﺭﺍﺟﻞ ﺍﻟﻠﻲ ﻳﻘﻌﺪ ﻳﺎﺧﺬ ﻓﻲ ﺭﺍﺗﺐ ﺑﺎﺗﻪ ﺍﻟﻤﺮﺣﻮﻡ
ﻭﻣﺎﻳﺤﻴﺐ ﺣﺘﻰ ﺧﺒﺰﻭ ﻻﻣﻪ ﺍﻱ ﺭﺍﺍﺍﺍﺟﻞ ﺍﻟﻠﻲ ﻳﻬﺮﺭﺭﺏ ﻭﻳﺴﻴﺐ ﺍﺧﺘﻪ ﺍﻟﻠﻲ
ﻋﺮﺿﻪ ﻭﺷﺮﻓﻪ ﻣﻬﺪﺩ ﻣﻦ ﺟﻤﺎﻋﺔ ﺍﻟﺤﺸﻴﺶ ﻳﺠﻮ ﻳﺰﻗﺒﻮ ﻭﻳﺪﻭﺭﻭ ﻓﻴﻚ ? ﺍﻱ
ﺭﺍﺟﻞ ﻱ ﺳﺎﻟﻢ ?
ﻭﻳﺠﻴﻬﺎ ﻳﺠﺮﻱ ﻭﻫﻲ ﺻﺒﺖ ﺍﻫﺮﺑﺖ ﻭﺭﺍ ﺍﻣﻬﺎ ﻭﺣﻮﺍﺀ ﻳﺎﻧﺎﺭﻱ ﻗﻌﺪﺕ ﺭﺍﻓﻌﻪ
ﻳﺪﻫﺎ ﺍﻟﻴﺴﺎﺭ ﻓﻲ ﻭﺟﻪ ﺳﺎﻟﻢ ﻭﺍﻟﺪﻣﻮﻉ ﻳﻨﺰﻟﻦ ﻭﻣﺶ ﻗﺎﺩﺭﺓ ﺍﺗﻘﻮﻟﻪ ﻛﻠﻤﺔ ,
ﺳﺎﻟﻦ : ﺍﻱ ﺟﻨﺎﻋﻪ ? ﻫﻢ ﺟﻮﻙ ﻫﻨﺎ ? ﻭﺷﻨﻮ ﺩﺍﺭﻭ ? ﺍﺣﻜﻲ ﻱ ﺧﺮﺍ
ﻧﺴﺮﺓ ﺗﺮﺭﺭﻋﺶ ﺑﺲ ﻗﺎﻟﺖ ﺑﻘﻮﺓ : ﺧﺸﻮ ﻋﻠﻴﻨﺎ ﻋﺎﻟﻔﺠﺮ ﻭﻧﺎ ﻭﺍﻣﻲ ﻓﻲ ﺍﻟﺪﺍﺭ
ﻭﻛﺎﻥ ﻣﺎﺑﺎﺏ ﺩﺍﺭﻧﺎ ﺣﺪﻳﺪ ﺭﺍﻫﻢ ﺧﺸﻮ ﻋﻠﻴﻨﺎ ,,
ﻭﻓﻲ ﺍﻟﻠﺤﻈﻪ ﻫﺬﻱ ﺩﻕ ﺍﻟﺒﺎﺏ ﻭﺧﺶ ﻣﺤﻤﺪ ﺗﻔﺎﺟﺊ ﻣﻦ ﺳﺎﻟﻢ ﺍﻟﻠﻲ ﺍﻟﻘﻴﻪ
ﻗﺪﺍﻣﻪ ,
ﻣﺤﻤﺪ ﺑﻌﺪ ﺳﻠﻢ ﻋﻠﻲ ﺳﺎﻟﻢ :, ﺍﻟﺤﻤﺪﺍﻟﻠﻪ ﻋﻠﻲ ﺳﻼﻣﺘﻚ ﻱ ﺳﺎﻟﻢ ,, ﻭﻳﻦ
ﻫﺎﻟﻐﻴﺒﻪ ?
ﺳﺎﻟﻢ ﺑﺮﻓﻌﺖ ﺧﺸﻢ : ﻣﻴﺔ ﻣﻴﺔ , ﻛﻨﺖ ﻣﺤﺒﻮﺱ ﻭﻃﻠﻌﺖ ,
ﻣﺤﻤﺪ : ﺑﺎﻩ ﺍﻟﺤﻤﺪﺍﻟﻠﻪ ,, ﺍﻟﺒﻼﺩ ﺷﻜﻠﻬﺎ ﺑﺘﺨﺶ ﺑﻌﻀﻬﺎ ﻭﻣﺶ ﺍﻣﺎﻥ ﺍﻟﻮﺍﺣﺪ
ﻳﻘﻌﺪ ﻫﻨﺎ ﻓﻨﺤﻦ ﺑﻨﻤﺸﻮ ﻣﺸﺮﻕ ﻭﻗﺒﻞ ﺑﻨﺎﺧﺬ ﺍﻟﺤﺎﺟﺔ ﻭﺍﺧﺘﻚ ﻣﻌﺎﻧﺎ ,
ﺳﺎﻟﻢ ﺑﺮﻓﻌﺖ ﻳﺪ ﻭﺍﺣﺪ ﺷﻼﻓﻄﻲ : ﻻ ﻻ ﻻ ,, ﻻ ﻣﺸﺮﻕ ﻭﻻ ﻣﻐﺮﺏ ﺍﻟﺠﻮ ﺗﻤﺎﻡ
ﻭﺍﻟﺒﻼﺩ ﺑﺘﻌﻴﺶ ﻭﻟﻴﺒﻴﺎ ﺣﺮﺓ ﺍﻧﺸﺎﻟﻠﻪ ,, ﻭﺍﻟﻄﺎﻏﻲ ﻫﻀﺎ ﺧﻼﺍﺍﺹ ﻭﺍﻟﻠﻪ ﻣﺎﻋﺎﺩ
ﻗﺎﻋﺪ ﻓﻴﻬﺎ ,
ﻣﺤﻤﺪ : ﺑﺲ ﺍﻟﻘﻌﺎﺩ ﻫﻨﺎ ﻏﻠﻂ ﻭﺍﻧﺖ ﻋﻨﺪﻙ ﺍﺧﺘﻚ ﺷﺒﺎﺏ ﺍﻻﺣﺴﻦ ﻧﻤﺸﻮ
ﻣﺸﺮﻕ ﺍﺣﺴﻦ ,
ﺳﺎﻟﻢ : ﻻ ﺍﺧﺘﻲ ﻭﺍﻣﻲ ﺑﻴﻘﻌﺪﻥ ﻣﻌﺎﻳﺎ ,
ﻣﺴﺮﺓ : ﺑﺲ ﻧﺤﻨﺎ ﺑﻨﻤﺸﻮ ﻣﻊ ﻋﻴﺖ ﻋﻤﻲ ﻣﺤﻤﺪ ﺍﻟﻤﺪﻳﻨﺔ ﻓﻀﻴﺖ ﻣﻦ ﻫﻠﻬﺎ
ﻭﺍﻟﻀﻲ ﻳﻘﻄﻌﻮ ﻓﻴﻪ ﻭﻧﺎ ﻧﺨﺎﻑ ﻧﻘﻌﺪ ,
ﺳﺎﻟﻢ ﺑﺘﻔﻨﻴﺼﻪ : ﻧﺎ ﻗﻠﺖ ﻻﺍﺍﺍﺍ ,
ﻣﺤﻤﺪ : ﻱ ﺳﺎﻟﻢ ﺍﻟﻮﺿﻊ ﺗﻮﺍ ﻣﺶ ﻭﺍﺿﺢ ﻭﺍﻟﺒﻼﺩ ﻣﺶ . ﻣﻌﺮﻭﻑ ﻋﻠﻲ ﺷﻨﻮ
ﺑﺘﺮﺳﺎ ,
ﺳﺎﻟﻢ : ﻻ ﻻ ﻫﻜﻲ ﺗﻤﺎﻡ ﺟﻮ ﻻ ﻗﻮﺓ ﺍﻻ ﺑﺎﻟﻠﻪ ﻭﺑﻨﻌﻴﺸﻮ ﻭﻧﺒﺤﺒﺤﻮ ﻭﺍﻝ ........
ﻫﺎﺿﻮﻡ ﺑﻴﻠﺰﻭﻫﻢ ﻭﺍﻻ ﻳﻘﺘﻠﻮﻫﻢ ,,
ﻣﺤﻤﺪ : ﺑﺎﻫﻲ ﺍﻧﺖ ﻗﻠﺘﻬﺎ ﺑﻴﻠﺰﻭﻫﻢ ﻭﺍﻻ ﻳﻘﺘﻠﻮﻫﻢ ﻳﻌﻨﻲ ﺣﺮﺏ ﻭﻻ ﻗﺪﺭ ﺍﻟﻠﻪ
ﻣﺮﺍﺕ ﺍﻃﻮﻝ ﻭﺍﻟﻮﺿﻊ ﻣﺶ ﺛﺎﺑﺖ ﻓﺎﻻﺣﺴﻦ ﻧﻄﻠﻌﻮ ﻣﻊ ﺑﻌﻀﻨﺎ ,
ﻭﻗﻌﺪ ﻋﻤﻜﻦ ﻣﺤﻨﺪ ﻳﻘﻨﻊ ﻓﻲ ﺳﺎﻟﻢ ﻭﻫﻮ ﺷﻲ ﺭﺍﺳﻪ ﻛﺎﺍﺍﺍﺍﺳﺢ ﻣﺎﺑﺎ ﻳﻮﺍﻓﻖ
ﻭﻣﺴﺮﺓ ﺗﺒﻲ ﺗﻤﺸﻲ ﺑﺎﻣﻬﺎ ﻣﻊ ﺟﻴﺮﺍﻧﻬﻢ ,,
ﻭﺑﻌﺪ ﺍﻳﺶ ﺍﻗﺘﻨﻊ ﻋﻤﻜﻦ ﺳﺎﻟﻢ ,, ﺍﻥ ﻣﺤﻤﺪ ﻳﺤﻂ ﻣﺴﺮﺓ ﻭﺍﻣﻬﺎ ﻋﻨﺪ ﺍﺧﺘﻬﺎ
ﻣﻨﻴﺮﺓ ﻓﻲ ﺍﻟﺴﻠﻤﺎﻧﻲ ,,
ﻭﻓﺮﺣﺖ ﻣﺴﺮﺓ ﻭﻃﻠﻌﻮ ﺣﻮﺍ ﻭﺭﻣﺒﻮﻫﺎ ﻓﻲ ﺳﻴﺎﺭﺓ ﻣﺤﻤﺪ ﻭﺳﺎﻟﻤﻴﻦ ﻣﻦ ﻗﺪﺍﻡ
ﺭﺍﻛﺒﻪ ﻭﺣﻮﺍ ﻭﻣﺴﺮﺓ ﻭﻭﻟﺪ ﻣﺤﻤﺪ ﻋﻤﺮﻩ 12 ﺳﻨﺔ ﻣﻌﺎﻫﻦ ﻓﻲ ﺍﻟﻤﺮﺍﺳﻲ
ﺍﻟﻮﺳﻄﻴﺎﺕ ﻭﺑﺎﻗﻲ ﻋﻮﻳﻠﻪ ﻓﻲ ﺍﻟﻜﺮﺳﻲ ﺍﻟﻮﺭﺍﻧﻲ ﻃﺒﻌﺎ ﺳﻴﺎﺭﺗﻬﻢ ﺍﻭﺑﻞ ﻋﺎﺋﻠﻴﻪ ,,
ﻭﺣﻂ ﻛﺮﺳﻲ ﻋﻤﺘﻜﻦ ﺣﻮﺍ ﻓﻲ ﺍﻟﺸﻨﻄﻪ ﻣﺘﺎﻉ ﺍﻟﺴﻴﺎﺭﻩ ﻣﻊ ﻻﻗﻲ ﺍﻟﺸﻨﺎﻃﻲ
ﻭﺍﻟﺼﺎﻛﻮﺍﺕ ﻣﻄﺮﻃﺸﺎﺕ ﺷﻲ ﻋﻠﻲ ﻛﺮﻋﻴﻬﻢ ﻭﺷﻲ ﺗﺤﺖ ﺭﺟﻠﻴﻬﻢ ,,
ﻭﻃﻠﻊ ﻣﺤﻤﺪ ﺑﺎﻟﺴﻴﺎﺭﺓ ﻭﻣﺴﺮﺓ ﺍﺗﺸﻮﻑ ﻟﺨﻮﻫﺎ ﺍﻟﻠﻲ ﺟﺎﻱ ﺑﺴﻴﺎﺭﺓ ﻣﺘﺎﻉ ﺷﺮﻃﻪ
ﻻﺣﻈﺘﻬﺎ
ﻭﻗﺎﻟﺖ ﻓﻲ ﺳﺮﻫﺎ ( ﺍﻫﻮ ﺑﺪﺍ ﺟﺎﻱ ﺳﺎﺭﻕ ﺳﻴﺎﺭﺓ ﺣﻜﻮﻣﺔ ﻭﻳﺴﺘﺮ ﺍﻟﻠﻪ ﻛﺎﻥ
ﻣﺎﻳﻌﺘﻞ ﺑﺎﺏ ﺍﻟﺪﺍﺭ ﻭﻳﺴﺮﻕ ﺗﺤﻮﻳﺸﺔ ﺗﻌﺒﻲ ﻭﺍﻳﺒﻴﻌﻪ , )
ﻃﺒﻌﺎ ﻣﺴﺮﺓ ﺣﻄﺖ ﺍﻱ ﺣﺎﺟﺔ ﺍﺗﺨﺎﻑ ﻋﻠﻴﻬﺎ ﻓﻲ ﺩﺍﺭﻫﺎ ﻫﻲ ﻭﺍﻣﻬﺎ ﻭﻗﻔﻠﺖ
ﻋﻠﻴﻪ ﺯﻱ ﺍﻟﻐﺎﺯ ﻭﺍﻟﺒﺮﻳﻤﺲ ﻭﺍﻟﻌﻘﺎﺏ ﺍﻟﻔﺮﺵ ﻭﺍﻟﻔﺮﺍﺷﺎﺕ ﻭﺍﻟﺘﻠﻔﺰﻳﻮﻥ ﻭﺍﻟﺴﺘﻼﻳﺖ
,
ﺍﻟﻤﻬﻢ ,,
ﻃﻠﻌﺔ ﻋﻴﺖ ﻣﺤﻤﺪ ﺑﻬﺬﻛﻲ ﺍﻟﺴﻴﺎﺭﺓ ﻭﻃﺒﻌﺎ ﺍﻟﺒﻼﺩ ﺷﺎﻳﻠﻪ ﻭﺯﺣﻤﺔ ﻭﺑﻌﺪ ﻃﻠﻌﻮ
ﻭﻳﺴﻤﻌﻮ ﻫﻀﻜﻲ ﺍﻟﺪﻟﻴﻒ ﻭﺍﻳﻌﻴﻄﻮ ﻣﻊ ﺑﻌﻀﻬﻢ ﺳﺎﻟﻤﻴﻦ ﻭﺍﻟﻌﻮﻳﻠﻪ ﻭﻣﺴﺮﺓ ,,
ﻭﺍﻟﺼﻮﺍﺭﻳﺦ ﺍﻳﻔﻨﻦ ﻣﻦ ﻓﻮﻕ ﻭﺍﻟﺤﺎﻝ ﺭﻋﺐ ﺭﻋﺐ ﺑﻤﻌﻨﻰ ﺍﻟﻜﻠﻤﺔ ,,
ﻃﺒﻌﺎ ﺍﻟﺮﺗﻞ ﻭﺻﻞ ﻻﺟﺪﺍﺑﻴﺎ ﻭﺻﺎﺭﻥ ﺍﺷﺘﺒﺎﻛﺎﺕ ﺑﻴﻦ ﺟﻤﺎﻋﺔ ﺍﻟﻠﻲ ﻳﻘﻮﻟﻮ ﺛﻮﺍﺭ
ﻭﺑﻴﻦ ﺍﻟﺠﻴﺶ ,,
ﻭﺳﻴﺎﺭﺓ ﻣﺤﻤﺪ ﻃﻠﻌﺖ ﻣﻦ ﺍﺟﺪﺍﺑﻴﺎ ﻭﻋﻠﻲ ﻛﻞ ﺑﻮﺍﺑﻪ ﺣﻮﺳﻪ ﻭﺯﺣﻤﻪ
ﻭﺍﻋﻴﺎﻃﺎﺕ ﻟﻌﻨﺪ ﻃﻠﻌﻮ ﻭﻫﻢ ﻋﻠﻲ ﺍﻋﺼﺎﺑﻬﻢ ,
ﻭﺻﻠﻮ ﺑﻌﺪ ﺛﻼﺙ ﺳﺎﻋﺎﺕ ﻟﺒﻨﻐﺎﺯﻱ ﻭﻣﺤﻤﺪ ﻭﺍﺧﺬ ﻋﻨﻮﺍﻥ ﺭﺍﺟﻞ ﻣﻨﻴﺮﺓ ﻣﻦ ﺳﺎﻟﻢ
,
ﻭﺍﻭﻝ ﻣﺎﻭﺻﻠﻮ ﻟﻤﺘﻄﻘﺔ ﺍﻟﺴﻠﻤﺎﻧﻲ ﻳﻨﺸﺪﻭ
ﻭﻣﺴﺮﺓ ﻭﺍﻣﻬﺎ ﻭﺳﺎﻟﻤﻴﻦ ﺓﺍﻟﻌﻮﻳﻠﻪ ﻣﻨﻔﺠﻌﻴﻦ ﺑﻨﻐﺎﺯﻱ ﺍﻋﻼﻡ ﻭﺳﻴﺎﺭﺕ ﺟﻴﺶ
ﻭﺳﻼﺡ ﻭﺍﺭﺗﺎﻝ ﻣﺎﺷﻴﻪ ﻭﺟﺎﻳﻪ ,,
ﻭﺑﻌﺪ ﺑﺮﻣﺎﻥ ﻧﻴﻦ ﺩﺍﺧﻮ ﻭﺻﻠﻮ ﻟﻌﻨﻮﺍﻥ ﻣﻨﻴﺮﺓ ﻓﻲ ﺷﺎﺭﻉ ﺿﻴﻖ ﻭﺣﻴﺸﺎﻥ
ﻣﻘﺎﺑﻼﺕ ﺑﻌﻀﻬﻦ ,,
ﻭﺍﺗﺼﻠﺖ ﻣﺴﺮﺓ ﺑﺎﺧﺘﻬﺎ ﻭﺑﻌﺪ ﺭﺩﺕ ﻋﻠﻴﻬﺎ ﻋﻄﺘﻬﺎ ﺭﺍﺟﻠﻬﺎ ﻳﻮﺻﻒ ﺑﺎﻗﻲ ﺍﻟﻮﺻﻒ
ﻟﻤﺤﻤﺪ ﺍﻟﻠﻲ ﻣﺸﺎ ﻟﻌﻨﺪ ﻟﻘﻮﻩ ﻣﺼﺒﻲ ﺑﺮﺍ ﻭﻣﻌﺎﻩ ﻋﻴﻠﻴﻦ ﻓﻲ 12 ﻭ 13 ﺳﻨﺔ ,,
ﻭﻛﺎﻧﻮ ﺍﻋﻴﺎﻝ ﻣﻨﻴﺮﺓ ,, ﻭﻧﺰﻝ ﻣﺤﻤﺪ ﻳﺴﻠﻢ ﻭﺭﺍﺟﻞ ﻣﻨﻴﺮﺓ ﻳﺮﺣﺐ ﻭﺷﺎﻑ
ﻟﻠﺴﻴﺎﺭﺓ ﻻﺧﻆ ﻣﺴﺮﺓ ﺍﻟﻠﻲ ﻧﺰﻟﺖ ﻭﻣﺤﻤﺪ ﻓﺘﺢ ﺷﻨﻄﺔ ﺍﻟﺴﻴﺎﺭﺓ ﻭﻧﺰﻝ ﺍﻟﻜﺮﺳﻲ
ﻭﺟﺎﺑﻪ ﻟﺠﻴﻬﺔ ﺣﻮﺍ ﻭﺭﻓﻌﺘﻬﺎ ﻣﺴﺮﺓ ﻭﻣﺤﻤﺪ ﻭﺣﻄﻮﻫﺎ ﻋﺎﻟﻜﺮﺳﻲ , ﻭﻧﺰﻝ
ﺻﺎﻛﻮﺍﺗﻬﻦ ,
ﻭﻣﺴﺮﺓ ﺗﺒﻜﻲ ﻭﺗﺸﻮﻑ ﻟﺴﺎﻟﻤﻴﻦ ﻭﻋﻤﻬﺎ ﻣﺤﻨﺪ ﻓﻌﻼ ﻛﺎﻧﻮ ﻓﺰﺍﻋﻴﻦ ﺣﺘﻰ ﻟﻮ
ﺳﺎﻟﻤﻴﻦ ﺍﺩﻳﺮ ﻓﻲ ﻟﻘﻄﺎﺕ ﺑﺲ ﻋﻨﺪ ﺍﻟﺠﺪ ﻣﺎﺳﻴﺒﺘﻬﻦ ,,
ﻭﺳﺎﻟﻤﻴﻦ ﺗﻀﺒﻂ ﻓﻴﻬﻦ ﻭﺗﺒﻜﻲ ﻭﻣﺴﺮﺓ ﻣﻨﻬﺎﺍﺍﺭﺓ ﺗﺒﻜﻲ ﻭﻣﺤﻤﺪ ﺍﻟﺪﻣﻮﻉ ﻓﻲ
ﻋﻴﻮﻧﻪ ,
ﻣﺴﺮﺓ : ﺭﺑﻲ ﻳﻄﻮﻝ ﺑﻌﻤﺮﻙ ﻱ ﻋﻤﻲ ﻣﺤﻤﺪ ﻭﻳﺠﺒﺮ ﺑﺨﺎﻃﺮﻙ ﻭﺗﻔﺮﺡ ﺑﺬﺭﻳﺘﻚ
ﺯﻱ ﻣﺎﺗﺠﺒﺮ ﻓﻲ ﺧﺎﻃﺮﻱ ﺍﻧﺎ ﻭﺍﻣﻲ ,
ﻣﺤﻤﺪ ﺑﻌﺒﺮﺓ : ﻣﺎﻋﻨﺪﻱ ﻓﻴﻜﻦ ﺟﻤﻴﻞ ﺟﻴﺮﺍﻧﻲ ﻭﻫﻞ ﺍﻟﻐﺎﻟﻲ ﺍﻟﻠﻪ ﻳﺮﺣﻤﻪ ,,
ﻭﺭﺑﻲ ﻳﻜﻮﻥ ﻣﻌﺎﻛﻦ ﻱ ﺑﻨﺘﻲ , ﺭﻗﻤﻲ ﻋﻨﺪﻙ ﻭﻓﻲ ﺍﻱ ﻭﻗﺖ ﺗﺤﺘﺎﺟﻴﻨﻲ ﺭﻧﻲ
ﻋﻠﻴﺎ ﺍﻣﺎﺍﺍﻧﻪ ﻳﺎﻣﺴﺮﺓ ﻱ ﺑﻨﺘﻲ ,
ﻣﺴﺮﺓ : ﺍﻧﺸﺎﻟﻠﻪ ﻱ ﻋﻤﻲ ﻣﺤﻤﺪ , ﻭﻳﻦ ﺑﺘﻤﺸﻮ ﺗﻮﺍ ?
ﻣﺤﻤﺪ : ﻋﻨﺪﻱ ﺧﻮ ﻓﻲ ﺑﻨﻐﺎﺯﻱ ﻭﺧﻮ ﻭﺍﺣﺪ ﺍﺧﺮﺍ ﻓﻲ ﺷﺤﺎﺕ ﻛﺎﻥ ﺳﺨﺮ ﺭﺑﻲ
ﻧﻤﺸﻲ ﻟﻮﺍﺣﺪ ﻣﻨﻬﻢ ﻭﻧﺎﺣﺮﻭ ﺣﻮﺵ ﻳﺎﻻ ﺷﻲ ﺣﺪ ﻣﻨﻬﻢ ,
ﺳﺎﻟﻤﻴﻦ ﻟﻤﺴﺮﺓ : ﺭﺩﻱ ﺑﺎﻟﻚ ﻋﻠﻲ ﺭﻭﺣﻚ ﻭﻋﻠﻲ ﺍﻣﻚ ﻱ ﻣﺴﺮﺓ ﻭﺣﻨﻜﻠﻤﻜﻦ ﻣﻦ
ﺗﻠﻔﻮﻥ ﻣﺤﻤﺪ ,
ﻣﺴﺮﺓ : ﺍﻧﺸﺎﻟﻠﻪ ﻱ ﺧﺎﻟﺘﻲ ,
ﻭﻣﺸﻮ ﻋﻴﻠﺖ ﻣﺤﻤﺪ ﻭﻣﺴﺮﺓ ﻭﺣﻮﺍﺀ ﺩﻣﻮﻭﻭﻉ ﻭﺧﻼﺹ , ﻭﻣﺎﻓﻄﻨﻦ ﻟﻌﻨﺪ ﺻﺒﺎ
ﻣﻘﺎﺑﻠﻬﻦ ﺭﺍﺟﻞ ﻣﻨﻴﺮﺓ ﻭﻫﻮ ﻳﺒﺘﺴﻢ , ﻭﻃﺒﻌﺎ ﺍﺳﻤﻪ ﺃﻧﻮﺭ ﻭﻣﺘﺠﻮﺯ ﻣﻦ ﻣﻨﻴﺮﺓ ﻟﻪ
14 ﺳﻨﺔ ﻣﺎﺑﺠﻴﺐ ﻓﻴﻬﺎ ﻟﻬﻠﻬﺎ ﺍﻻ ﺑﻌﺪ ﺳﻨﺘﻴﻦ ﺛﻼﺙ ﻭﻣﺮﺍﺕ ﺍﻛﺜﺮ ,, ﺍﺗﻘﻮﻝ
ﺳﺎﻛﻦ ﺑﻴﻬﺎ ﻓﻲ ﻟﻨﺪﻥ ,
ﺭﻭﺍﻳﺔ ﺃﻧﺜﻰ ﺑﻴﻦ ﻳﺪﻱ ﺷﻴﻄﺎﻥ ,, ﻟﻬﻤﻴﻠﻮ ﺍﻳﻮﺍﺍﺍﻩ ﺯﺭﻗﺎﺕ ﻭﻫﻜﻲ ﻓﻮﺗﻦ
ﻋﺎﺩﻱ ,
ﻣﺎﻋﻠﻴﻨﺎ ,,
ﺍﻧﻮﺭ ﺗﺠﻮﺯ ﻣﻨﻴﺮﺓ ﺑﺪﻻﻟﻪ ﻭﻃﺒﻌﺎ ﺣﺎﻟﺘﻪ ﻋﺎﺩﻳﻪ ﻋﻨﺪﻩ ﺭﺍﺗﺐ ﻭﻳﺨﺪﻡ ﻋﻠﻲ ﺣﺎﻓﻠﺔ
ﺭﺑﻊ ﻭﻳﻌﺮﻑ ﺍﻳﺠﻴﺐ ﺍﻟﻘﺮﺵ ﻣﺎﻳﻮﺣﻠﺶ ﻟﻜﻦ ﻋﻴﺒﻪ ,,, ﻭﺍﻻ ﺗﻘﻮﻟﻠﻜﻦ ﺧﺘﻌﺮﻓﺖ
ﻋﻴﺒﻪ ﻻﻗﺪﺍﻡ ,
ﺍﻟﻤﻬﻢ ﺳﻠﻢ ﻋﻠﻴﻬﻦ ﻭﺟﻮ ﺍﻋﻴﺎﻟﻪ ﺳﻠﻤﻮ ﻋﻠﻲ ﺧﺎﻟﺘﻬﻢ ﻭﺣﻨﻬﻢ ,, ﻣﺎﺣﺪ ﻳﻌﺮﻑ ﺣﺪ
ﻧﺎﺱ ﻣﻨﻘﻄﻌﻪ ﻣﻦ ﺑﻌﻀﻬﻢ ,,
ﻭﺧﺸﻦ ﻟﻠﺤﻮﺵ ﻛﺎﻥ ﺻﻐﻴﺮ ﺷﻮﻱ ﻭﺿﻴﻖ ﻣﺎﻓﻴﺶ ﺻﺎﻟﻪ ﻧﻈﺎﻡ ﻣﻤﺮﺍﺕ ﻭﺍﺩﻳﺎﺭ ,
ﻭﺗﻘﺎﺑﻠﻬﻦ ﻣﺘﻴﺮﺓ ﻣﺎﺳﻜﻪ ﺑﻨﻴﺔ ﻣﺸﺘﺸﺘﻪ ﻓﻲ ﻳﺪﻫﺎ ﻋﻤﺮﻫﺎ ﺩﻳﻤﺎ ﺳﻨﺔ ,, ﻃﺒﻌﺎ
ﻣﺴﺮﺓ ﻋﻨﺪﻫﺎ ﻋﻠﻢ ﺑﺠﻴﺒﺘﻬﺎ ﻟﻜﻦ ﻣﻦ ﻳﺸﻴﻞ ﻭﻣﻦ ﻳﺠﻴﺐ ,
ﺍﻟﻤﻬﻢ ,,
ﺳﻼﻣﺎﺕ ﻭﺗﺮﺣﻴﺒﺎﺕ ﻭﺑﻜﺎ ﻭﺍﺣﻀﺎﻥ ﺑﺎﻟﺬﺍﺕ ﻣﻨﻴﺮﺓ ﻭﺍﻣﻬﺎ ﺍﻟﻠﻲ ﺭﺍﻳﻔﺖ ﻋﻠﻴﻬﺎ ,
ﻣﺎﺗﺴﺘﻐﺮﺑﻨﺶ ﻓﻲ ﺭﺟﺎﻟﻪ ﻫﻜﻲ ﻣﺎﻳﺤﺒﻮﺵ ﺍﻳﺸﻴﻠﻮ ﺻﺒﺎﻳﺎﻫﻢ ﻟﻬﻠﻬﻦ ﺍﻻ ﺑﻌﺪ
ﺍﻳﺶ ﻭﺍﻳﺶ ,,
ﺍﻟﻤﻬﻢ ﺧﺸﻦ ﻟﺪﺍﺭ ﻓﻴﻬﺎ ﺩﻭﻻﺏ ﺷﻜﻠﻪ ﻟﻠﻌﻴﺎﻝ ﻭﺍﻟﺒﻨﺎﺕ ﻭﻓﻴﻪ ﺗﻠﻔﺰﻳﻮﻥ ﺻﻐﻴﺮ
ﻭﻓﺮﺍﺷﺎﺕ ﺍﺭﺿﻴﺎﺕ ﺧﺸﺸﺖ ﻣﺴﺮﺓ ﺍﻣﻬﺎ ﻓﻲ ﻭﻛﻦ ﺍﻟﺪﺍﺭ ﺑﺎﻟﻜﺮﺳﻲ ﻭﺧﺸﺸﺖ
ﺻﺎﻛﻮﺍﺗﻬﺎ ﻫﻲ ﻭﺍﻣﻬﺎ ,
ﻣﻨﻴﺮﺓ : ﻳﻨﻌﻠﻲ ﻱ ﻣﻴﻨﺘﻲ ﺍﻣﺘﺎ ﺻﺎﺭﻟﻚ ﻫﺎﻟﺨﺒﺮ ? ﻧﺎ ﺗﻘﻄﻌﺖ ﻭﺳﻴﺎﺭﺓ ﻣﺎﻋﻨﺪﻧﺎ
, ﻣﺎﻗﺪﺭﺕ ﺍﻧﺤﻴﻜﻦ ,
ﻣﺴﺮﺓ ﺑﻌﺘﺎﺏ ﺍﺧﺖ : ﻳﺎﻣﻨﻴﺮﺓ ﻛﺎﻥ ﻏﻴﺮ ﺟﻴﺘﻮ ﻓﻲ ﺍﻻﺟﺮﺓ ﻭﻭﻧﺴﺘﻮﻧﺎ ﻛﻢ ﻳﻮﻡ
ﻭﺍﻟﻠﻪ ﻧﺮﻥ ﺑﻴﺎ ﺍﻳﺎﻡ ﺍﻟﻠﻪ ﻻ ﺗﺮﺩﻫﻦ ,
ﻣﻨﻴﺮﺓ ﺑﺼﻮﺕ ﺣﺎﺳﻢ : ﺍﻟﻠﻪ ﻏﺎﻟﺐ ﻱ ﻣﺴﺮﺓ ﺍﻱ ﺍﺟﺮﺓ ? ﻣﺎﻋﻨﺪﻧﺎﺵ ﻓﻠﻮﺱ
ﻭﺍﻟﻠﻲ ﻳﺤﺼﻠﻬﺎ ﺍﻧﻮﺭ ﺍﻧﺤﻄﻮﻫﺎ ﻋﻠﻲ ﻫﺎﻟﻀﻨﻮﺓ ,
ﻣﺴﺮﺓ : ﺭﺑﻲ ﻳﻌﻴﻨﻜﻢ ﺑﺲ ﻣﻌﻘﻮﻟﻪ ﻛﻢ ﺳﻨﺔ ﻣﺎﺟﻴﺘﻴﻨﺎ ?
ﻣﻨﻴﺮﺓ : ﺍﻧﻮﺭ ﻣﺎﻳﺤﺒﻨﻴﺶ ﻧﺴﺎﻓﺮ ﻭﻧﺴﻴﺒﻪ ﻭﻫﻀﺎ ﻛﺎﻥ ﺷﺮﻃﻪ ,, ﻭﻧﺎ ﻭﺍﻓﻘﺖ ﺍﻟﻠﻪ
ﻏﺎﻟﺐ ﺍﻟﺒﻨﺖ ﺑﻌﺪ ﺗﺘﺠﻮﺯ ﻣﺎﻟﻬﺎ ﺍﻻ ﺭﺍﺟﻠﻬﺎ ,
ﻭﻳﺴﻤﻌﻦ ﺻﻮﺕ ﺍﻧﻮﺭ ﻳﻨﺎﺩﻱ ﻭﻃﻠﻌﺖ ﻣﻨﻴﺮﺓ ﺍﺗﺸﻮﻑ ﻟﺮﺍﺟﻠﻬﺎ ﻭ ﺍﻭﻝ ﻣﺎﻭﺻﻠﺖ
ﻓﻴﻪ ﻛﺎﻥ ﻓﻲ ﺍﻟﻤﻄﺒﺦ ,
ﺍﻧﻮﺭ ﺑﻀﻴﻖ : ﺗﻮ ﻛﻴﻒ ﻳﺴﻴﺮ ?
ﻣﻨﻴﺮﺓ : ﻓﻲ ﺷﻨﻮ ?
ﺍﻧﻮﺭ : ﺍﻣﻚ ﻭﺍﺧﺘﻚ ,, ﻟﻌﻨﺪ ﺍﻣﺘﺎ ﺑﻴﻘﻌﺪﻥ ﻣﻌﺎﻧﺎ ?
ﻣﻨﻴﺮﺓ ﺗﻌﺾ ﻓﻲ ﺷﺎﺭﺑﻬﺎ ﺍﻟﺴﻔﻠﻲ ﻭﻗﺎﻟﺖ ﺑﻬﻤﺲ : ﺑﺴﻦ ﺍﻟﻠﻪ ﻱ ﺍﻧﻮﺭ ﺩﻭﺑﻬﻦ
ﺟﻦ ,, ﻣﻐﻴﺮ ﻧﻴﻦ ﺗﺸﺒﻊ ﻣﻦ ﺷﻮﻓﺖ ﺍﻣﻲ ﻟﻴﺎ ﻛﻢ ﺳﻨﺔ ﻣﺎﺷﻔﺘﻬﺎ ﻭﺍﻟﻠﻪ ﻣﺮﺍﺍﺍﻳﻔﻪ
ﻋﻠﻴﻬﺎ ,
ﺍﻧﻮﺭ ﺑﻀﻴﻖ ﻭﻟﻮﺍ ﺷﻮﺍﺭﺑﻪ : ﺭﻳﺘﻲ ﻱ ﻣﻨﻴﺮﺓ ﻫﻦ ﺟﻦ ﻭﺍﻟﻠﻲ ﺻﺎﺭﺕ ﺻﺎﺭﺕ ﺑﺲ
ﻻﺯﻡ ﺍﻳﺪﻳﺮﻥ ﺣﻞ ﻋﺎﺩ ,, ﺍﻛﺜﺮ ﻣﻦ ﺛﻼﺙ ﺍﻳﺎﻡ ﻣﺶ ﺣﺘﺼﺒﺮ ﻋﻠﻴﻬﻦ ﺭﺍﻩ ﺣﻮﺵ
ﺿﻴﻖ ﻭﻣﺘﻀﺎﻳﻖ ﺣﺘﻰ ﻣﻦ ﻓﺮﻭﺧﻲ ﻧﺎ ﻳﺎﺑﺎﻝ ﻧﺎﺱ ﺍﺧﺮﺍ ,
ﻣﻨﻴﺮﺓ : ﺑﺎﻫﻲ ﺣﺎﺿﺮ ﻣﻐﻴﺮ ﺍﺳﻜﺖ ﻱ ﺍﻧﻮﺭ ﻭﻭﺳﻊ ﺑﺎﻟﻚ ﻭﺗﺤﻤﻞ ﻋﺸﺎﻥ
ﺧﺎﻃﺮﻱ ﻫﺎﻟﻴﻮﻣﻴﻦ ﺑﺲ ,
ﻭﻃﻠﻊ ﺍﻧﻮﺭ ﻭﻫﻮ ﻳﻨﻔﺦ ,, ﺍﺻﺒﺮﻥ ﺍﺻﺒﺮﻥ ﻧﺶ ﻫﻀﺎ ﻋﻴﺒﻪ ,, ﻋﻴﺒﻪ ﺭﺍﻩ
ﻫﻀﺎ ﻃﺒﻌﻪ ﺍﻟﻌﻴﺐ ﻣﺎﺯﺍﻝ ﻣﺎﺟﺎ
Hamelo# ,,
ﺍﻟﻤﻬﻢ ﻣﺴﺮﺓ ﺑﻮﺷﺎﺣﻬﺎ ﻭﻟﺒﺴﻬﺎ ﻭﺍﺳﻊ ﻭﺗﺤﺎﻭﻝ ﺍﺗﺤﻮﻥ ﺧﻔﻴﻔﻪ ﻫﻲ ﻭﺍﻣﻬﺎ ﻋﻠﻲ
ﺧﻴﺘﻬﺎ ﻭﺍﻋﻴﺎﻟﻬﺎ ﻭﺭﺍﺟﻠﻬﺎ ﻭﻃﻠﻌﺖ ﺍﻟﺨﻀﻴﺮﺓ ﻭﺍﻟﺘﻤﻮﻳﻦ ﺍﻟﻠﻲ ﺟﺎﻳﺒﺘﻪ ﻋﻄﺎﺗﻪ ﻟﻬﺎ
ﻭﻣﻨﻴﺮﺓ ﺷﺎﻻﺗﻪ ﻟﻠﻤﻄﺒﺦ ,,
ﻭﻃﺒﻌﺎ ﺣﻮﺍﺀ ﺍﻗﻌﺪﺕ ﺑﺎﻟﻘﻄﻦ ﺍﻟﻤﻌﺎﻗﻴﻦ ﺍﻟﻠﻪ ﻏﺎﻟﺐ ﻋﻠﻴﻬﺎ ,,
ﻭﻣﻨﻴﺮﺓ ﺗﻐﺴﻞ ﻭﺍﺗﻀﻢ ﻭﺗﻜﻨﺲ ﻭﻣﺮﺍﺕ ﺍﻃﻴﺐ ﻣﻐﻴﺮ ﻣﻨﻴﺮﺓ ﻣﺎﺗﺨﻠﻴﺶ ﻓﻴﻬﺎ
ﺍﻃﻴﺐ , ﺧﻮﻭﻭﻓﺎ ﻋﺎﻟﺘﺒﺬﻳﺮ ,
ﺍﻟﻤﻬﻢ ,,
ﺍﻟﺒﻼﺩ ﺯﺍﺩﺕ ﺧﺸﺖ ﺑﻌﻀﻬﺎ ﻭﻓﻲ ﻳﻮﻡ ﺟﻤﻌﻪ ﺍﻟﻨﺎﺗﻮ ﺿﺮﺏ ﺭﺗﻞ ﻣﻌﻤﺮ ﻭﺣﺮﻗﻪ
ﻭﺑﺪﺍ ﺟﻮ ﺍﻟﻜﺘﺎﻳﺐ ﻭﺍﻟﺸﻠﻞ ﻭﺍﻟﻤﻠﻴﺸﻴﺎﺕ ﻭﻗﻌﺪﻭ ﺍﻳﺪﺭﺑﻮ ﻓﻲ ﺍﻟﺸﺒﺎﺏ ﻓﻲ
ﻣﻌﺴﻜﺮﺍﺕ ﻓﻲ ﺑﻨﻐﺎﺯﻱ ,,
ﻭﺑﺪﺍ ﺍﻟﺴﻼﺡ ﻳﻨﺘﺸﺮ ,,,
ﻭﺍﻟﺤﻖ ﺍﻟﻨﺎﺱ ﺻﺒﺖ ﻟﺒﻌﻀﻬﺎ ﻟﻠﻨﺎﺯﻳﺤﻴﻦ ﻣﻦ ﺍﻟﻤﺪﻥ ﺍﻟﻠﻲ ﺗﻬﺠﺮﻭ ﻣﻦ ﺣﻴﺸﺎﻧﻬﻢ
,
ﻓﻴﻪ ﺍﻟﻠﻲ ﻋﻄﺎ ﺣﻮﺷﻪ ﻭﺍﻟﻠﻲ ﺷﻘﺔ ﻓﻮﻕ ﺣﻮﺷﻪ ﻭﻓﺰﻋﻪ ﻭﺗﻤﻮﻳﻦ ﻭﺍﻏﺎﺛﺎﺕ
ﻟﻠﻨﺎﺱ ﺍﻟﻨﺎﺯﺣﻪ ,
ﻭﻓﺎﺕ ﺍﺳﺒﻮﻉ ﻭﺍﻧﻮﺭ ﺧﻼﺹ ﻣﻌﺶ ﻗﺪﺭ ﺍﻳﺘﺤﻤﻞ ﻗﻌﺪ ﻳﻨﻔﺦ ﻭﺍﻳﺘﺄﻓﻒ ﻓﻲ
ﻭﺟﻪ ﻣﺴﺮﺓ ﻭﺍﻣﻬﺎ ﻭﻃﺒﻌﺎ ﻭﺍﺿﺢ ﺍﻧﻪ ﻣﻞ ﻭﻳﺒﻴﻬﻦ ﻳﻄﻠﻌﻦ ,
ﻓﻘﺮﺭﺕ ﻣﻨﻴﺮﺓ ﺗﻄﻠﻊ ﺑﺎﻣﻬﺎ ﻻﻱ ﻣﻜﺎﻥ ﺑﺎﻟﺬﺍﺕ ﺍﻥ ﻣﻨﻴﺮﺓ ﻻ ﺗﻬﺶ ﻭﻻ ﺗﻨﺶ ﻣﻊ
ﺍﻧﻮﺭ ,,
ﻭﻛﻠﻤﺖ ﺍﻧﻮﺭ ﻋﺸﺎﻥ ﻳﺪﻭﺭﻟﻬﻦ ﻣﻜﺎﻥ ﻳﻘﻌﺪﻥ ﻓﻴﻪ ﻟﻌﻨﺪ ﺗﻬﺪﺍ ﺍﻟﺒﻼﺩ ﻭﻫﻮ ﺳﺠﻞ
ﺍﺳﺎﻣﻴﻬﻦ ﻟﺠﻤﺎﻋﺔ ﺍﻻﻏﺎﺛﻪ ﻭﻃﺒﻌﺎ ﺍﻻﻏﺎﺛﻪ ﺍﻟﺒﻲ ﺗﺤﻲ ﺑﺎﺳﻢ ﻣﺴﺮﺓ ﻭﺍﻣﻬﺎ
ﻳﺎﺧﺬﻫﺎ ﺍﻧﻮﺭ ﻭﻋﻴﺎﻟﻪ ﻓﻲ ﺍﻟﻨﻄﺒﺦ ﻣﻊ ﺍﻥ ﻣﺮﺍﺕ ﻣﺴﺮﺓ ﻧﺎﺗﺬﻭﻕ ﺣﺎﺟﺔ ﻫﻲ
ﻭﺍﻣﻬﺎ ,, ﺯﻱ ﻋﺼﺮﻳﻪ ﺍﻭ ﺳﺤﻮﺭ , ﻭﺭﺍﺿﻴﺎﺕ ﺑﻔﻄﻮﺭ ﺍﻟﺼﺒﺢ ﻭﺍﻟﻐﺪﺍ ﺣﺘﻰ ﺍﻟﻐﺸﺎ
ﻧﺎﺩﻭﺭ ﻓﻴﻪ ﻧﺴﺮﺓ ﺗﻌﻄﻲ ﻓﻲ ﺍﻣﻬﺎ ﺑﺲ ﻋﺸﺎﻥ ﺍﻟﺪﻭﺍ ,,
ﻭﻓﻌﻼ ﻓﻲ ﻳﻮﻡ ﺟﺎﻫﻢ ﻭﺍﺣﺪ ﻣﻦ ﺟﻤﺎﻋﺔ ﺍﻻﻏﺎﺛﻪ ﻭﻗﺎﻝ ﻻﻧﻮﺭ ﺍﻥ ﺣﺼﻠﻠﻬﻦ
ﻣﻜﺎﻥ ﻭﻃﻮﻝ ﺟﺎﺏ ﺗﺎﻣﺴﻲ ﻭﺭﻛﺒﻬﻦ ﺑﺼﻜﻮﺍﺗﻬﻦ ﻭﺣﻮﺍ ﺣﺴﺖ ﺑﺎﻟﺬﻝ ﻫﻲ
ﻭﺑﻨﺘﻬﺎ . ﻭﺷﺎﻟﻬﻦ ﻟﻤﻨﻄﻘﺔ ﺳﻴﺪﻱ ﺧﻠﻴﻔﻪ ﻓﻴﻬﺎ ﺣﻴﺸﺎﻥ ﻣﺒﺘﻴﺎﺕ ﺑﺲ ﺑﻌﻴﺪ ﺍﺷﻮﻱ
ﻣﻦ ﺑﻌﻀﻬﻦ ,, ﻭﻳﻨﻘﻨﻬﺎ ﺍﻟﻤﺘﻄﻘﻪ ﺍﺗﺨﻮﻑ ﺷﻮﻱ ﺑﺎﻟﺬﺍﺕ ﻟﺒﻨﺖ ﻭﻋﺰﻭﺯ ﻣﺮﻳﻀﻪ
ﻭﺣﻄﻬﻦ ﻭﻋﻄﺎﻫﻦ ﺍﻟﺮﺍﺟﻞ ﺻﺎﺣﺐ ﺍﻟﺤﻮﺵ ﺍﻟﻤﻔﺘﺎﺡ ﻭﻋﻤﻜﻦ ﺍﻧﻮﺭ ﻟﻴﻴﻴﺦ ,,
ﻭﺟﺎﺏ ﺍﻟﻠﻪ ﺍﻟﺤﻮﺵ ﻓﻴﻪ ﻃﺸﺔ ﺍﺛﺎﺙ ﺳﺮﻳﺮ ﻭﻓﺮﺍﺷﺎﺕ ﻭﺗﻠﻔﺰﻳﻮﻥ ﻭﺷﻮﻳﺔ
ﻣﺎﻋﻴﻦ ﻭﻣﻴﺘﻪ ﻣﺎﻟﺤﻪ ﺑﺲ . ﻛﻮﻳﺲ ,,
ﻭﻣﻘﺎﺑﻞ ﺍﻟﺤﻮﺵ ﺣﻮﺷﻴﻦ ﻣﺒﻨﻴﺎﺕ ﻓﻴﻬﻦ ﻋﺎﺋﻼﺕ ,,
ﻭﻣﺴﺮﺓ ﺧﺎﺍﺍﻳﻔﻪ ﻱ ﺭﻭﺣﻲ ﻭﺗﺴﻤﻊ ﺻﻮﺕ ﺍﻟﻔﻮﻥ ﻳﺮﻥ ﻃﺒﻌﺎ ﻓﻮﻥ ﺍﻟﻤﻠﺜﻢ ,,
ﻭﺍﻭﻝ ﻣﺎﺷﺎﻓﺖ ﺍﻟﺮﻗﻢ ﻓﺘﺤﺖ ﻭ .....
ﻭﺑﻜﺮﺓ ﺑﻴﺒﺪﺍ ﺍﻟﻘﻬﺮ ﻗﺼﺪﻱ ﺍﻟﻠﻲ ﺻﺎﺭ ﻟﻤﺴﺮﺓ ﻭﺍﻣﻬﺎ ,
ﻛﻮﻧﻦ ﻣﻌﺎﻳﺎ ,,
ﻭﻓﻄﻔﻄﻦ ﻣﻠﻴﺸﻴﺎ ﺑﺘﻮﻗﺎﻋﺘﻜﻦ ﻋﺎﺩ ,, ﻋﺬﻱ ﺣﻠﻘﻪ ﺍﺿﺎﻓﻴﻪ ﺯﻱ ﻣﺎﻭﻋﺪﺗﻜﻦ ,,
Hamelo#
