خطايا وغفران || باللهجة العراقية

"كيف لي أن أنسى" Chpt 18

ملاحظة ؛ رنا اليوم منورة الفصل بشكل متتوقعوه فشدوا اعصابكم ولاتسبوها هواي موزين عليكم😁

#خطايا_وغفران
#للكاتبة_زهراء_شلتاغة

_بابا .. أريد أتزوج وحدة وياي إسمها شهد .

نصدم خالد من طلب هُشام الغريب واللامنطقي ، حاول يستوعب كلامة وسألة مرة ثانية ؛

_إبني .. خوما بيك شي إن شاء الله ؟ أكو شي يوجعك ؟ .

تنهد هُشام بضيق ورد عليه ؛
_لابابا مابية شي دا أحچي من صدگ .. أريد أتزوجها لشهد ، هيَ البنية وياي بالكلية وعاقلة وشريفة وتصلح تكون إلي زوجة وأُم بيت .

بدة يباوع خالد لهُشام بريبة ، حط إيدة على أكتافة وسأله بريبة ؛
_إبني .. إنتَ متأكد مابيك شي ولا عندك سالفة ضامها عليه ؟ .

_سالفة مثل شنو ؟ .

_يعني هيچ مسوي علاقة وعايفها ومتندم لو أكو فدشي وشغلات ما أعرفها .

تأفأف هُشام من كلام أبوه ورد عليه بضيق ؛
_لاحول لله عمي والقرآن والسماوات ماعندي شي وية أي بنية بالكائنات وبالذات هاي شهد حتى ماحاچي وياها وجهاً لوجه لأن هيَ متنطي مجال لأحد وماعندي شي كُل إلي الأريده أتزوجها وبس والله .

تنهد خالد بضيق ورد عليه ؛
_باوع ترة آني أدري بيك رجال واعِ وماتسوي شغلة إلا وتحسبلها ألف حساب فما معقول تجيني على ساعة تريد تزوج وإنتَ أبسط مقومات الزواج ماعندك ولساك طالب كُلية ! .

خلص خالد كلامة وزفر الهواء وحط إيده على كتف هُشام وأردف بنبرة تساؤل وشك ؛

_من صدگ أذا ببالك شغلة أو موضوع ضامة عليه إحچي ونحاول نحله ترة الزواج مشروع وعشرة عمر مو لعبة وإنتَ تدري بهالشي ؟ .

إبتسم هُشام إبتسامة مصطنعة مريبة مافهمها خالد ورد عليه بهدوء ؛

_بابا كُل ذني الشغلات أعرفها وصدگني آني گدها .. راح أشتغل وأكون نفسي شوي شوي وبنفس الوقت أخطبها وننتظر كم سنة علما أكمل وأتزوجها بس المهم تكون إلي .

_وإنتَ منو جابرك على هالشي ؟ هم تدرس وهم تشتغل ؟ ترة هاي طبية ياهُشام موسهلة ترة ويادوب يجي الليل وإنتَ مخلص نص تحاضيرك شوكت تلحگ تقرة شوكت تلحگ تشتغل وتجمع فلوس و ..؟ .

دنگ هُشام راسة وسكت شوي وبعدين رد على أبوه بصوت مثقل ؛
_تدبر بابا تدبر ومستعد أتحمل تبعات كُل خطوة راح أخطيها وأتحمل مسؤولية كُل شي .