_كافي .. الله يخليكم كافي ماكفاكم تعذيبها طول هالسنين ماترحموها حرام عليكم والله كافي كافي .
_ _ _ _ _ _ _ _ _
من جهة ثانية .
چان هُشام يدور عن زين بالشوارع بوقت متأخر من الليل ، چان يروح بكل المناطق إلي يعرفها زين ورايحلها قبل وهو عرف من أُمه كونه صاير مايرجع للبيت إلا ورة الوحدة بليل ! .
چانت المخاوف والشكوك تاكل بي ويعض شفاهه ويدور ، فجأة بالطريق لمح گدامه زين ديتمشى على كيفة ، صاح بي وركضله ؛
_زين ! .
تقدم يمه ووگف زين بتقدم هُشام ، سأله بكُل برود وهدوء ؛
_شجابك لهنا ؟ شتريد مني ؟ .
تغاضى هُشام عن سؤال زين المستفز وماجاوبة ، تنهد بهدوء وسألة ؛
_شعندك لهذا الوكت من الليل دايح بالشوارع وماترجع للبيت ؟ .جاوبة زين بهدوء ؛
_مالك دخل ._لا إلي دخل .
_لامالك دخل لا إنتَ أبوي ولا أُمي مامضطر أجاوبك .
_أبوي وأُمي بوضع ميسمحلهم يسألون ويدورون وراك فآني أخوك الأكبر بمكانهم .
_لا محد عينك بهالمنصب ولاتدخل .
راد هُشام يجاوبة بس لمح نظرة زين الباردة والمنزعجة من شيء ما .. كأنها توحي برغبة بالقتل أو التخلص من شي مزعج ، رعبت هالنظرة هُشام وهو خايف من نوايا زين وهم لاحظ عدم مسبتة إله وتجاوزة لأخوه الأكبر كما العادة ، أكيد وراه شي .
تنهد هُشام بهدوء وماجاوبة ، راح كمل طريقة وإتمشى للبيت ولحگة زين وياه .
چان يلاحظ هدوئة الغير معتاد وملامحة المتهجمة وشيءٌ من التوتر عليه .
وصلوا للبيت .
أول مادخل چانت نور گاعدة بالصالة ومنتظرتهم ، شافته وگبل طفرت عليه وشبگته بقوة ، إبتسم زين وبادلها العناق ، سألته بخوف ؛
_وين چنت طالع لهذا الوكت ؟ .
_چنت يم صديقي .
إبتعدت عنه وحطت إيدها على خده ، باوعتلة وهو يباوع بعيونها بشكل مثقل وبارد ، حست بشي غريب صايرلة فسألته ؛
_متأكد ؟ .
جاوبها بدون توان ؛
_أي .. تردين أنطيچ رقمة وتخابري عادي .
أنت تقرأ
خطايا وغفران || باللهجة العراقية
Romance"بيتٌ بُني على وهم ، حبٌ قديمٌ يعود أدراجهُ إلى الفؤاد ، خطايا تنهشُ ذواتَ الآخرين لايستتابُ منها .. هل هناك مجالٌ للمغفرة ؟ . " _ _ _ _ _ _ •الرواية باللهجة العراقية . •مُقتبسة عن قصة حقيقية .. •إبتدأت في (٢٠١٩_٦_٢٧ ..١٢:٥٣ مساءً) •وأنتهت في...
"لماذا يحدث هذا؟ " Chpt 15
ابدأ من البداية