عشق ليليان 💥💕

💕49💕

- مهدي : سلمى مكانش و هادي راح تعوضها ... احسن ما نديرو فضيحة اخرى ... خليني انا نخمم تعييوش رواحكم
ليليان بقات مترددة و ماراحتش ليه ... حتى عاود اشرلها راحت قعدت
- مهدي : واش هاد اللبسة ؟ ..( شافت معاه و عاودت دورت راسها )... مبعد نتفاهمو عليها ... و علاه تتكسلي واقيلة حبيتي نوقف نجيبك
- ليليان شافت معاه و تتبسم بسخرية : لالا مي هادي بلاصة حبيبتك ... ماهيش جاية ؟
- مهدي فهمها غايرة تبسم : ايه صح بلاصة حبيبتي ... و درك اسكتي راح نبداو
- مهدي : مرحبا بيكم فقصر بن جابر .... اليوم جمعناكم على 2 تصريحات
- الصحافي : مسيو نظن راح تبررولنا وش صار البارح فالحفلة ...
- مهدي : ايه ... اما ناكدلك انو كانت مؤامرة .. تعرف انو اعداءنا كتار و هاد الاشياء محتملة تصرا
- الصحافي: و بواش تفسرلنا الفيديو
- مهدي: التكنولوجيا طورة و الفيديو كان مزور ... و نظن فاتو هليكم حلات يزاف كيما هادي
- الصحافي : يعني راكم تنفيو و السي عبد الرحمان ما اغتصبش طفلة ؟
- مهدي : اكييد ..( قبل ما ينطق الصحافي تكلم مهدي ) ... نتمنى انو توضحت الامور ... من هنا نعلن افتتاح الفرع الجديد ... الفرع الرابع
- الصحافي : مبروك ... لكن .. شكون الي راح يتراسو
- مهدي : كاين عمي ( اب عبدو ) هو الي رح يتولاه
- الصحافي : مدموزال ليليان ... علاه مش نتي الي تمشي امور الفرع الجديد .. على حسب وش نعرفو احفاد السي سالم كل واحد راهو حاكم فرع مستقل
مهدي كان راح ينطق .. حكمتاو ليليان يدو من تحت الطابلة شاف معاها مهدي .. يسأل فيها بعينيه .. تبسمتلو
- ليليان : انا نجاوب ... احم .. السبب ورا اني ما نترأس حتى فرع هو الرغبة لا اكتر لا اقل ... يعني فالوقت الحالي عندي انشغالات فالحيات ... عالم الاعمال مزال ما فكرتش فيه
- الصحافي : و ممكن نشوفوك فيه فالمستقبل ؟
- ليليان : اكيييد ... راح تشوفوني ... لكن فالوقت المناسب
- مهدي : نضن جاوبنا على الأسئلة اللازمة ... نشكركم على الحضور تقدرو تتفضلو كامل وقفو و راحو ... وقفت ليليان تمشي ... خايفة من سالم يديرلها مشكل على كلامها ... وصلت للدروج سمعتو سعيطبها بلعت ريقها و دورت تشوف فيه