مهدي رايح يطرطق وشيا هاد الظحك كامل
- شافت مع صحن لقاتها غراتان بالبادنجان : خدييييجة ( الخدامة )
- وي مدموزال
- ليليان : تعرفيتي ما ناكلوش علاه تحطيلي فيه .... عيشك حنونة جيبيلي اي حاجة اخرى ... لاشتا مسخنة من فريجيدار لمهم مش هادي
- سالم : اسمعي نتيا واقيل حاطة روحك فدار باباك !! تاكلي لي راكي تشوفي فيه ولا امشي طيري منا مكانش عشا
- ليليان : ويي سي سالم راني ف دار بابا ولا نسيت بلي بابا ولدك !! و ماكلتكم هادي خلوها ليكم ( طلعت تجري لبيتها )
- مهدي : جدي ... هادي ماكلة و تحرمها منها عادي كان ما تاكلهاش ...
- سلمى : لاه هي وش زايدة علينا
- مهدي : ( بغش ) نتي تسكتي واحد ما هدر معاك
- ام مهدي : ليلياان ( كامل شافو وين راهي تشوف )
ليليان هزة تلفون و بورتموني تاعها و خارجة تاكل برة ... عيطت عليها ام مهدي شافت معاها
- ليليان : وي ..
- مهدي : وين رايحة ... وقف .
- ليليان : وش بانتلكم تقتلوني بالجوع ؟ ... رايحة برة ناكل ... الله غالب معنديش دار ناكل فيها عندي غير شومبرة نرقد فيها
-سالم : تزيدي كلمة نرميك برا و تكمل لا شومبرة لا والو
- عبدو : بابا خلي انا نديها و نرجعها ما نطولوش
- ليليان : ( تعرف نيتو ) لالا .. لالا مكاله عبدو نروح وحدي برك
-مهدي تقلق من عبدو مي هدرة ليليان ريحتو : هيا اتحركي قدامي انا نديك ... هيا ولا نبطل و تباتي بالجوع
مشات قدامو و هو يشوف فرجليها لعرايا و يبلع فالريق تمنى يدخلها لقلبو و يغلق عليها تمنى يشوفها وحدو ... وصل لطوموبيل ركبو
- مهدي : وش تاكلي ؟وين نديك؟
- ليليان ميتة بالفرحة تبسمت حطت صبعها على شفايفها كي الصغار و تخمم : اممم .. وش ناكووول !! ...اااهه لقيتها عندي بزاااف ما كليتش شوارما عيشك حابة سندويتش شوارما
- تبسم و قالها : اوكي كيما تحبي.. ( صرفقت بيديها كي الصغار و قالت ياااي مبعد فاقت مع روحها )
- شافت فيه لقاتو يتبسم : سمحلي موسيو مهدي انفاعلة بزيادة ...( تكمشت فبلاصتها و شافت جيهة التاقة ) .. مش موالفة يسقسوني وش نحب ( هربت دمعة من عينها مسحتها بزربة )
مهدي وجعو قلبو عليها غاضتو حبيبتو راهي تتعذب و هو يشوف ( اااه يا مهدي اقتل روحك و اتهنى ) شافت يدو بالبونداج
-حكمتلو يدو و تعيط : مهدييي وشبيها يدك وشبيييك
VOUS LISEZ
عشق ليليان 💥💕
Roman d'amourكرونيك جزائرية 🔞🔞🔞🔞🔞🔞🔞فيها بزاااااااف تشويق💯💯 و اكييييد الانحراف😈😈😈😈 و الرومنسية حببب ❤❤❤💏💑❤ غيرة انتققققققام و فرااااااق 💔💔💔💔💔 طمع💸💸💰💰 💞#عشق_ليليان 💞 منقولة منقولة منقووووولة 😡 هكا وحدة ما تقولي سرقتيهالي