عشق ليليان 💥💕

💕2💕

نعرفكم على بطلتنا ليليان 24 عام يتيمة عايشة مع جدها والديها ماتو و هي ف 18 هي بنت غير شرعية عليها العايلة كاملة تكرهها يعتابروها نسخة عن امها .... عايلة اب ليليان ما تقبلوش ام ليليان لكن باباها حبها و ماتخلاش عليها حملة ام ليليان و جابتها لدنيا قبل الزواج و تزوجو والدين ليليان بالغصب على سالم لي قبل الزواج احسن من الفضيحة لي دارها ولدو ...والدين ليليان عملو حادث سير و هي عمرها 10 سنين تشلو كليا قعدو غير يشوفو بعينيهم يشوفو فعداب بنتهم .... ماتو من القهرةعليها في نفس الشهر......
طلعت لشومبرتها كلمة ما قالتها والفت بالحالة هادي كل يوم يبهدلوها تعرف العايلة الكل تكرهها و تعرف السبب اللي هو حب الكبير لي بين والديها يعتابروها نحس على العايلة و خلاوها تعيش معاهم بش يدلوها ..... دارت دوش لبست بيجامة سروال ابيض والتيشيرت غوز فيه دبدوب شيحت شعرها دارتو طوماطيشة .... نوصفلكم بطلتنا .. شعرها شاتان فونصي طويل عينيها بين ازرق و الرمادي مشفرين خمرية تايها تقتل الحي و تحيي الميت ههههه متوسطة الطول جسمها رشيق بحكم هي تتدرب كل يوم على الرقص كل انواع الرقص فنادي صغير اما واحد ما يعرف لانو ممكن يحرموها و الرقص هو ملجءها الوحيد .....
بعد ما طلعت لشومبرتها بقا يخمم فيها و عجبو الموقف و التبهديلة لي داتها و حطها في راسو يندمها على الكلام الي قالتو بكري .... قعد مع ولاد عمو عبدو و سلمى ... سلمى كلاتو بعينيها تعشقو من الصغر كانت تحب تروح لامريكا على خاطرو هو اما هو متلفها علاخر ....بعد ما حكاو فامور الشركة و الخدمة جات ام عبدو
- تفضلو العشا واجد ... سلمى روحي شوفي هديك تجي تتعشا
- ماما درك تجي وحدها منخدمش عندها انا
ليليان هابطة فالدروج و تسمع فيهم وصلت قدامهم تبسمت من غير ما تشوف معاهم و تعدات قعدت على الطاولة ..... تلمو الكل و بداو ياكلو فجو عائلي و يتناقشو فمواضيع متعددة الا ليليان كانت تخمم فحكاية و خايفة تقول .... اجلت الحكاية لغدوة
- مهدي : جدي عندنا 3 فروع درك انا نحكم الرئيسي كيما قتلي و عبدو يسير التاني و سلمى الثالث اما الفرع الجديد شكون يتولاه ؟؟
- اب عبدو : انا عطيت اقتراحي ل بابا اما هو مش ناوي يسمع كلامي
- اب مهدي : لانو يا خويا كلامك مش مقبول و تعرف السبب احنا لحكاية تفاهمنا عليها من قبل
- سالم : ايه كلامك صحيح نحب الموضوع يتسكر نهانئيا ...( سكت و عاود نطق ) مفهووم
- اييه بايا مفهوم
- عبدو : جدو وشبيك قلقت .....الحكاية تبان كبيرة ( عقد حواجبو و شاف معاهم بالواحد ) تقدرو تفهمونا وش راهو صاري هنا ؟
سالم : مكان والو .... تعرفني نعاود هدرتيييي ( هدرها بعياط كامل تهزو و تحطو من الفجعة )
طابسو روسهم و سكتو كل واحد كمل عشاه و راح لشومبرة ديالو ... مهدي دوش لبس شورط برك و تمد على السرير رقد .. ليليان راحت لبيرو لي فشومبرتها و غطسة مع الاوراق تكمل فخدمتها حتى نص اليل رقدت

جام بش نكمل 💋❤