خطايا وغفران || باللهجة العراقية

ملاحظة مهمة

سلام عليكم ..

هاي الملاحظة مهمة لأن راح أوضح بيها كم نقطه وإنتقاد صار .

والكلام للبعض ، فإذا واحد چان من البعض ليضوج لأن هو مجرد توضيح إله ‏ツ .

بالنسبة للرواية هاي هيَ روايتي الأولى بعد ماچنت معتزلة عن الكتابة ٣ سنين ونص ، وبمساعدة من صديقاتي وتشجيع من صديقاتي هم وصديقتي نورا ناصر گدرت أكتب وأنزل أخيراً وراعيت بهالرواية بأول البدايات أشرح وأوضحلكم الشخصيات وصفاتها وشنو همة والماضي الغريب إلي بينهم ، سألت هواي ناس وگالولي زينة ونزلي وعلى هالأساس مشيت .

وأدري همين يمكن الأحداث البعض يحسوها بطيئة بس آني إعتمدت على هالأسلوب وأدري أكو هفوات أحاول أتلافاها وهم أستقبل كل النقد بس إلي يحس بملل جداً فضيع وبوخة وهو يقرة ليزحم نفسه بالقراية أرجوكم وأطلبها منكم بهدوء ، اليريد فعلاً ينقدني فلازم عالأقل يخليني أنهي العمل وبراحتة أستقبل كُل شي بس ماعندي علاج لطرد الضجر والملل التام أثناء القراءة🤷🏻‍♀️ .

وسالفة نور خليني أشرحها وتنتهي للأبد .
مع أني شرحت ماضيها وبينت الچان بينهم بس مدري ليش متتقبلون الأمر .

أولاً خلينا نحچي مجتمعياً عن سالفة خجلها وية خالد بالنسبة للمجتمع .

معقول ماكو نساء هسة مزوجات سنين وميستحن ؟ معقول الشكاوي هاي التوصل للأطباء وبعض الناس العرف والمشاكل بالكروبات عن الخجل من الزوج ماكو ؟ ماكو أزواج يعانون من هالمشكلة؟ بالعكس هواي أزواج وبنات يعانن من هالمشكلة من هالخلل ويردن حل لهالشي بسبب نفور الزوج من هالمشكلة .

أما نفسياً أو جنسياً حسب ماقريت بأن من الصعوبة التأقلم على شكل نظام حياة جنسية جديدة وآثار النظام القديم مطبوع بينة وإعتادينة عليه .. يعني شنو ؟ .

يعني مثلاً زوجة وزوجها جانو من البداية معتادين على تفعيل دور الأحضان والقبلات والتلميحات الغير مباشرة للممارسة مع بعضهم وإفتعال أجواء مناسبة لتفعيل الرغبة وبعد مرور زمن طويل وعقد على هالحالة وبيوم من الأيام يجي الزوج مثلاً يتعامل وية زوجتة ببرود ويجي وياها بشكل مباشر كقضيان حاجة شلون الزوجة حتتعود وتتأقلم مع هالوضع السريع مباشرةً ! ، ماراح تنصدم وتنفر منه وتهرب منه وتحاول تسأله ليش وشكو وشصاير وتفقد رغبتها بسبب هالتغيير المفاجئ ؟ حتنصدم وماراح تعرف شتصرف تمام ؟ .

كذلك نور بهالشي نفسها ، ووضحت بمشاعر نور مرة من المرات أن ماچان يجمع بينها وبين خالد بس سرير ياخذ منها حاجتة بسرعة بشكل مباشر ويتركها .. وبعد هالسنين كُلها من هالتعامل الجاف والبارد تردون منها رد فعل إيجابي على معاملتة الرومانسية والمفاجأة والفرحة تشگ حلگها وترتمي بأحضانه وينامون ويگعدون بفرح ويكملون حياتهم وعاشوا في سعادةٍ  وإنتهى الموضوع ؟ .

كلامكم غير منطقي أبد ومامعقول ومستوى الصدمة يختلف من شخص لآخر حسب الظروف وبالنسبة للظروف الوضحت نص منها فقط بالبداية وبعد مادفرها ذيج الليلة وهانها تتوقعون رد فعلها المفاجئ يكون قليل وبسيط وهين؟ .

قريت هالشي بوحدة من المقالات النفسية أو الجنسية عن تفعيل دور مناسب ويهيأ للممارسة .

زين دخيلكم ماكو وحدة بيكم فكرت تكول هالمعاملة يمكن وراها مصيبة😅وراها سالفة ؟ معقول وحدة زوجها على ساعة يهدي ربه ويجي يعاملها خوش معاملة بعد ماجانت معاملتة زفت؟ كيد النساء وينه عنكم ديبچي ويلطم على صفحة .

وأتمنى أكون وضحت كُل شي وأتمنى من بعضكم المرة الجاية يفتهمون الطابع النفسي للذات ويحاولون يفسرون الأمور ويعرفون ليش هيچ ديصير وشنو تفسير هالفعل وغيره .

من كتبت البارتات السابقة ماكتبتها إعتباطاً وهيچ ضياع وكت خو أگدر أدخلكم من البداية بجو حماسي بس غير شي متعلق بشي وشي يفسر شي ثاني ؟ أتمنى تتفهمون هالشي وماكو شي ينكتب ويطلع فارغ وبوخة كُل شي مهم تقريباً .

وطبعاً هالكلام للبعض وأعتذر

وصدگوني ما أحب أخوض بهيچ تفاصيل وأحاول أتلافاها بس شوي طلع الموضوع من حدة وبعضهم يچذبوني😅

علماً أن القصة حقيقية مع خيال ☺️
القصة حقيقية وسالفة نور بالذات حقيقية وهم مع خيالي دمج لأن ناقصني تفاصيل هواي

ومع السلامة...