Legendary Slime Tamer (Tagalog)

Chapter 9: Durianbalth

| Plaza ng Doro Village |

Bulalas at pagkagitla ng mga manonood na players sa biglaang turn of events! Napalunok sila ng gabundok na tigang laway, hindi nila inakala na inatake ni Jozard na sa ngayon ay poot na poot kay Doranbalth.

Bilang isang Brawler, purong purong pwersa at physical damage ang gamit na atake ni Jozard na naka target kay Doranbalth. Itinikum niya ang kanyang kamao at kasunod nito ay nag transform ito na parang isang kuko ng leon at hinaluan niya ng offensive skill, ang wrath na ito ay nakasaad tatama diretso sa mukha ni Doranbalth.

Beast Fist!

Dahil dito, nagulantang si Doranbalth, gamit ang kanyang espada ay sinalo niya ito at umaasang masasanga. Hindi niya inakala na mataaas ang level ni Jozard kaya't hindi siya nag atubili kanina na i-provoke ito, kaso ngayon ay nag sisi siya sa kanyang ginawa. Walang gamot sa pag-sisi, at isa pa, may nakatanim na hidwaan sila ni Jozard kaya handa siyang kalabanin ito.

Pero bago paman magka salpukan ang kamao ni Jozard at ang espada ni Doranbalth ay biglang silang natigilan. Hindi sila tumigil dahil sa ginusto nila, kundi dahil may sadyang tumigil sa bawat atake nila.

"Sinong....."

Biglang may tumubong mga malalaking halaman sa kanilang paaanan at sinalo ang aatake ni Jozard gamit lamang ang mga galamay nito, pati si Doranbalth ay hindi exempted. Silang dalawa ay pinalibutan ng mga galamay at napatigil sa kanilang kilos, sa ilang sandali ang buo nilang katawan ay nabalutan ng mga vines at galamay ng mga halaman.

[ Status ailments applied, you are suffering Paralyzed Effects ]

-Temporarily won't be able to move

[ Status ailments applied, you are suffering Poisoned Effects ]

-Attack power and all stats decreased

[ Status ailments applied, you are suffering Dizzy Effects ]

- Attack accuracy greatly reduced

Ito ang lumabas sa harapan nila Doranbalth at Jozard bilang notifications at kasabay nito ang malakas at  magandang tinig na dumiretso sa lahat ng tenga na naka present sa plaza sa mga oras na iyon.

"Ganito ba kayo sa tuwing magkikita ay parang mga batang kalye na nag sasabunutan sa daan? Ang bababaw naman ng mga magigiting na miyembro ng Ascension Guild at Valiant Guild..."

"Hayzz.. Hindi ba kayo nahihiya? O.. hindi
kayo dinidisiplina ng mga Master nyo?"

May halong paniniphayo at mapanukso ang tono ng pananalita ng babaeng player na kakarating lamang sa village at ang unang ginawa niya ay ang humadlang sa hidwaan ni Doranbalth at Jozard, hindi lamang ang dalawang nag aaway ang kanyang pinariringgan kundi pati narin ang mga master ng dalawang kumag nato.

Base sa kanyang salita ay hindi dinidisiplina ng maayos ng master ang kanilang mga miyembro. Pero ganon paman ay walang ni isa ang may lakas na loob na mag refute, kahit medyo disrespectful ang pananalita nito, ay siya namang napaka lamig at ganda pakinggan ng boses niya sa pandinig, parang masuyong niyayakap ang kanilang mga puso.