فصليتي كربلائية

البارت 35

بقلمي الكاتبة * ملاك _ محمد*

ملاك ( نرجع بالزمن شوية لحد قبل ليطلعون مسك والبنات وهمة عالغدة )

موسى : مسك باباتي

مسك : نعم بابا

موسى : وهوة يباوع السمر بابتسامه ..البارحة سولفنة اني وامج وكلنة ليش منكسر الحاجز البينه وبين اهلج بما انو خلصت السالفة وراح تزوجون ..ونعزم اهلج يمنه عالغدة هم ناخذ عليهم وياخذون علينة وهم حته امج تساعدج بالجهاز وتطلع تختار وياكم شكلتي ..

مسك : بصدمة ..صدك

موسى : اي والله

مسك : وهية ممستوعبه اللي كالو وتفكر بينهة وبين نفسهة ..الله انطاني عيال ( اهل زوج) يمكن لو افتر الدنية كلهة مالكه مثلهم لو احد غيرهم جان مافكر فديوم يعزم اهل اللي سوه حادث ويه ابنهم وجان سبب بموته ويدخلهم البيته بس.. الحمدالله والشكر اللي رزقني بهيج ناس فاهمة او واعية ومثقة بنفس الوقت ..كتله والابتسامه شاكة حلكي من الفرح ..شكراااا

موسى : هههههه عله شنو باباتي احنه بعد راح نصير واحد وانتو تزوجون وتعيشون بعد شله داعي نبقي هاي الحواجز والمشاكل بينه اللي فات مات ومنكدر نرجع الماضي .. فخلي نشتغل عله المستقبل احسن

مسك بابتسامه وخجل بنفس الوقت : والله مدااعرف شكول ..كل يوم تفاجأوني بيكم اكثر وتخلوني احمد ربي واشكره انطاني ناس مثلكم

سمر : احنة اللي نشكر الله انطانة وحدة حبابه ومتربيه ومؤدبة وعاقلة مثلج تصير مرة ابنه وتصونة .. امي الاعمال بالنيات كلما نيتج صافية الله ميقصر وياج ..

مسك : اي والله .. بس شوكت راح تعزموهم

سمر : علساس عله عكب باجر انشالله اذا مصار شي هاي بعد يم الله

مسك : انشالله يعني اخابرهم

موسى : لا لا بابا اني اخابر والدج واحجي وياه

مسك بفرح : ماشي ...

ملاك ( وهسة نرجع من النقطة الوكفنة يمهة )

مسك : بعدين همام او حبيبي مثل ميكول خابرني

همام : الو ها حبي وين صرتو

مسك : ها عيني بعدنة دنفتر ..

همام : ماكملتو

مسك وهية تتنهد بتعب : لا

همام : زين انتو وين

مسك : اب ....... بس ليش

همام : اريد اجيكم

مسك باستغراب : شعدك جاي

همام : هيج .. نمت وهسة كعدت ماعندي شي كلت اجيكم

مسك : يعني هسة راح تجي

همام : اي

مسك : اوك حته اكول الماما وبالمرة توصلنة وياك