بقلمي*ملاك_محمد*
لينا: ضليت ادور وافكر اخير شي طلعت الفكرة بس كلت لازم اكول اللمار شيخلصني منهة غير صحتلهة .لمار لمارلمااااااااااااار ولج جاوبي
لمار: هااااااا شتريدين خبصتيني
لينا: والله عندي خبر بالباكيت محد يدري بي عبالي اسولفلج بس اذا ضايجة بكيفج
لمار: لا يله سولفي شكو منو شصار
لينا: باعي ....... وسولفتلهة كولشي وهسة اني طلعت الفكرة بس ماادري اذا راح تعجب مسك لو لاقال انو انتي صداقتج بيهة اقوة اريد تساعديني
لمار: اوك لعد اني هم عندي شوية اضافات تحبهن مسك وملازم راسن يسويلهة المفاجاة وهوة علاقته بيهة مو
لينا: اوك هم خوش فكرة روحي صيحي همام خلي نكله شيسوي
همام: ورما حجيت ويه لينا طلعت من الغرفة رحت كعدت بالصاله ورة فترة جنت كاعد اجتي لمار كالت تعال نريد نحجي وياك اني ولينا وغمزتلي (اي الحمدالله اجه الفرج )رحتلهم هاشصار وياكم
لينا : شوف ادري انته ماكتلي اكول اللمار بس هية هم صديقتهة المسك اكثر مني وتعرفلهة يعني هواي راح تساعدك فكتلهة
لمار : اي صحيح وشوف احنة راح نسولفلك افكارنة وانتة بعد بكيفك
همام : اي بالله افحموني
وكعدو لينا ولمار وهمام يخططون شلون يخلون همام ومسك يتصالحون خلي نشوف شلون راح يصالحوهم
مسك : ورة حوالي اسبوعين 3 اسابيع هيج اول مرة بحياتي همام يريد يطلع هوة وخواته ويكولي امشي ويانة يجوز اتشوفوهة عادي بس بالنسبة الي كلللللللش غريبة
همام : بديت اباول نقطة بالخطة واللي هية التقرب رحت الخواتي كتلهم راح اطلعكم مو السواد عيونكم بس علمود مسك وراح اكللهة تطلع ويانا واذا ماقبلت مااعرف شنو تسون وتقنعنهة لو ترة ماكو طلعه
لينا , لمار : اي اي انته بس طلعنة وعوف الباقي علينة مالك علاقة
همام : مسك جانت كاعده بالمطبخ اشرت الخواتي يروحن يكعدن يمهة ويبدن فهنة راح كعدن يمهة وسون روحهن يحجن شنو محتاجات ملابس ومكياجات وذني سوالف البنات ومسك بدت تحجي وياهن وتكول والله اريد فلانشي وعاجبني فلانشي اني كيفت يعني نجحت الخطة كتلهن كدام مسك (اذا تريدن اتطلعن فماعندي شي اليوم اخذجن)ء
لينا : اي والله ياريت لان هاي السترة باقية منهة قطع اخيرة وراح تخلص اني عن نفسي اروح
لمار : واني هم
مسك : شفت همام كال للبنات يطلعهن وهنة قبلن واني ضليت ساكتة كالعادة شو هاذة اندار عليه وكلي
همام : مترحين
مسك : اني
همام : اي انتي البنات راح يرحون وانتي مترحين مو كلتي محتاجه كم شغله اخذج وياهن
YOU ARE READING
فصليتي كربلائية
Véletlenفتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر ...
