الكاتبة*ملاك_محمد*
مسك: نزلنة تعشينة وسالفة وحجاية وعلما لمينة الاكل وغسلنة الماعين صارت بال12 صعدت فوك رتبت ملابسي مال المدرسة داارتب بيهم وطب همام
همام : ها
مسك:ها
همام: شدسوين
مسك:شتشوف
همام : هااا...اكول باجر
اني اوصلكم ترة
مسك باستغراب: ليش وين السايق
همام: خابرنا يكول بعد مااخذ خط
فباجر كعديني حته اوصلكم انتي ولمار
مسك: اوك..مشيت طفيت الضوة او
وقتت المنبه ونمت وهوة نام يمي بس هالمرة نمت بسرعة
ماحسيت عله روحي الة والمنبه يدك ويلطم... يدك واطفي يدك واطفي واسمع همام يكلي...مسك طفي بس اني بغير عالم تالي.. كام طفا وكام يصيح عليه
همام بعصبية ونعاس: يمعودة كومييييي ...ادري لو ميته جان عشتي
3000مرةةة دك وانتي بغير عالم والله
لو ما حرامات جان شلته وركعته بالحايط
مسك بنعاس: كمت وافرك بعيني
يووو شبيك همام اكو واحد من صباحيات رب العالمين هيج يصيح
همام بعصبيه:هوة انتي خليتي بيهة صبح... مو ميت مرة كلت مسك كومي طفي.. مسك كومي طفي.. اله اركعة بالحايط ياله ترتاحين
مسك: ضليت صافنة عليه واني نص مغمضة ونص مفتحة بعدين كتله
وهسة شتريد
همام : لا سلامتج مو اني اللي اليوم عندي دوام ولسة مكاعد
مسك بثول: واني بغير عالم وناسية اصلا عندي دوام تعودت عالعطلة كتله
يعني شنو
همام تخبل : ولج كووووووووومييييي شبيج مسطورة يمعودة اني اللي عندي مدرسة لو انتي ..كومي بدلييييي راح تتاخرين وحضريلي ملابسي
مسك : هسة ياله استوعبت اليوم اداوم شلت المبايل واباوع الساعة 7:30
تخبلت طفرت من الفراش ..وهمام تخبل ويايه هوة عندة دوام واني.. ثنينة
منلحك وازدحامات زين اذا وصلت بال8.. للمدرسة ضلينة هوة يركض بصفحة
واني بصفحة ..ردنة نطب للحمام
تعاركنة عليه هوة يريد يطب.. واني اكلة اني قبلك.. هوة يكلي عندي دوام..
واني اكله انته مدير وتكدر تتاخر واني مااكدر .. واخيرا استسلم
وطبيت قبله مااعرف شلون اختصرت كلشي اب5 دقايق وطلعت ..
باوعت لكيته رايح بالحمام الثاني .. بسرعة لبست وحضرت هدوم همام وداالبس بحجابي.. لان ماالحك امشط شعري طب همام بسرعة لبس..واخذ غراضة وطلع ...
واخذت جنطتي وطلعنة لمار جانت تنتضرنة جوة ..ضلت تصنف علينة
وتحجي لان تاخرنة عليهة ..صعدنة بالسيارة ورحنة اكو ازدحام بس مو ..قوي الحمدالله وصلنة بال8 بالبداية ..مقبلو يدخلونة لان داك الجرس بس همام حجة وياهم.. قبلو دخلنة لمار راحت الصفهة واني الصفي ..وخلصت اليوم عله خير رجعت للبيت تغديت وصفينة الغدة وصعدت نمت ووو.....نعاد الروتين
مال كل يوم....وضلينة عله هالحالة
يوم نتاخر ونضل نركض ..وبايام العطل همام يودينة سفرات الغير محافضات
لو يطلعنة يفرنة واني تعودت عليه ..واحس تعلقت بي اغلب الاحيان...
اكعد الصبح الكه روحي بحضنة... وبصراحة مضايجة من هالشي ارتاح من انام بحضنة.. تطورت علاقتي بي كمت كولشي اسولفلة وهوة هم منضم عله بعض شي.. لحد هسة مااعرف شنو علاقتي بي او شنو اسميهة حب ..صداقة..تعويد مااعرف..بس احب اهتمامة بيه عكس من جان ابداية زواجنة صار حنين وياية.. واذا صار شي ياخذلي حقي من عين الذيب وفنة اللي يضوجني بحجاية ماالكة غير همام بوجه المهم خلصت المدرسة....وامتحنت الوزاري.. وكملت
جنت كلش خايفة من الامتحانات.. بس همام ماعافني ولا لحضة ولا حسسني انو اني مقصرة ابمسؤولياتي اتجاهة واهلة اللي همة صار بالضبط مثل اهلي
ماضغطو عليه ابد لا من ناحية
شغل ولا غير شي معتبريني.. حالي حال لمار الحمدالله الله ماحرمني ..
من اهلي الة لمن عوضني بناس يخبلون ماقصرو وياية بشي..
ملاك:(هسة شفنة وجهة نضر مسك بهاي الفترة خلي نشوف وجهة نضر همام)
همام: واخيرا مسك خلصت المدرسة وعطلت بهاي الفترة هواي تقربت
منهة وهواي اتطورت علاقتنة ..
تعودت عليهة.. صرت مااكدر انام اذا هية مو يمي.. اسولفلهةكولشي مااضم عليهة وارتاااح من احجيلهة.. وتنصحني احس عقلهة اكبر من عمرهة.. ماانكر حبيت وجودهة بحياتي ..صح متقبلتهة ابداية حياتي بس هسة غير احس.. صرت احبهة مااريدهة تبتعد عني المهم ..
ملاك :(وهسة خلي نشوف شنو صار ابداية العطلة)
مسك: مو بس اني كملت كلنة اني.. ولمار.. ولينا..وادهم..وايهم..اول مااجيت من المدرسة صعدت بدلت ونزلت رحت الغرفة البنات تلكتني لمار ..فتحتلي الباب
لابسة دشداشة مصرية حمرة مال رقص عالجسم.. وهية جسمهة حلو ولافة..
وصلة بيهة خراخيش.. من تهز يطلعن صوت لافتهة عله خصرهة وشايلة شعرهة ذيل حصان ..ولابسة نفس الوصلة اللي عله الخصر عله راسهةومكحلة العيون وحُمرة حمرة وتعلج ضليت صافنة عليهة جمدت بمكاني وصوت الاغاني المصرية الطالع من غرفتهة كالت
لمار : تفضلي تردين شي..
كولشي متوفر رقص اعراس..رقص حفلات..رقص ملاهي بس اشوف جدول اعمالي وارجعلج خبر هيهيييي (عود ضحكة مصرية غلسو )
مسك بضحك واستغراب: خرب يومج لج هاي شنوو شمسوية
لمار :شنو شمسوية..غير فرحانة خلص الدوااام..تعاي تعاي..مانسيتج غراضج حاضرات فوتي
مسك: شنووو..لو اموت دوخري ..
لمار: ولج امشي فوتي بقيتي بس انتي لينا دتبدل بغرفتهة وتجي
مسك بصدمة: فتحت حلكي وعيوني وكتلهة .. واذا اجه واحد من اخوانج ..لو بابا ..لو همام ..عزة اطم راسي من الفشلة
دنحجي واجت لينا لابسة نفس الزي بس اسود ..كلتلهة لمار
لمار: عيني ليونة.. متريد تفوت ويانة تستحي شتكولين وغمزتلهة
لينا: ليش هوة بكيفهة..
مسك: جرني جر ودخلني بالغرفة وسدن الباب لمار كالت
لمار : يله حبي روحي جهزي روحج ذنيج غراضج عالسرير
مسك: باوعت نفس الزي بس بنفسجي.. ويختلف من جهة الكراكيش ..ومفتوح من الصفحة بجهة الرجل..فتحت عيني عليهن ورجعت باوعت اللمار..
كل عقلج ترديني البس هاذة
لمار بابتسامة شر : اي واذا متلبسي احنة انلبسجياه ابطريقتنة ..يلةةة خلي نتونس شوية ..لتضلين تتعززين
مسك : ضليت اتجادل وياهن بس ماكو فائدة انجبرت البسه رحت ورة الكنتور بدلت لبست الدشداشةوطلعت..اجت لمار لفتلي الوصلة عالخصر ...ولينا هدت شعري ولفتلي الوصلة عليه و..وجرني للميز حطلي مكياج سموكي ..صدوك حلو صار ..وعلن الاغاني وشتغلن ..اني خجلت بالبداية بس بعدين..تفاعلت وياهن ونركص ونهز عله نغمات الغنية اني مطية ضهري للباب وهنة كبالي ..شو ذني جمدن ابمكانهن واني مستمرة ..بعدين وكفت ونصيت المبايل جان يمي ..تخصرتلهم وكتلهم شبيجن صفنتن ..اباوع اللينا اتاشرلي بحواجبهة ولمار هم للباب..افتريت وياريتني مامفترة ....جيت احفر الكاع وادفن روحي بيهة...انداريت واشوف همام واكف بالباب ومكتف اديه والضحكة شاكة وجهة ..احس وجهي صار بلون دشداشة لمار ردت انفجر ..هوة طكهة بضحكة وكال
همام: اجيت من الدوام .طبيت للبيت صعدت فوك ابدل ..استغربت مسك ماكو بدلت ..ونزلت سالت امي عليهة كالت بغرفة البنات ..كملت غدة ورحتلهن دااشوفهن وكفت بالباب اسمع صوت اغاني عالي..دكيت الباب مافتحن ميسمعن ..فتحتهة ...واشوفلك مسك ولمار ولينا كاعدات يهزن ويتماوعن عالاغاني.. لمار ولينا وكفن اول مشافني
بس مسك مطيتني ضهر منتبهت ومستمرة..تهز اني كتفت اديه وصفنت عليهة منتضرهة تكمل...تمنيتهة مامنتبهتلي وباقية تهز ..اشرلهة خواتي نصت الاغاني وفترت ..مكحلة العيون وحمرة وردي والشعر مهدود عله طولة ..اول مشافتني صفنت .. متحملت بعد من شفت مناضرهن وهنة مصدومات...طكيتهة بضحكة وكتلهن
همام:ههههههههههه هاي شلاعبات بروحجن شدسون
لينا بخجل كامت تمتمت: هاا..ه..همام شجابك
همام:شجابني يعني شايفات صوت الاغاني وين واصل
لمار بتنرفز وخجل: كمت اركض اريد اجيب شي استر روحي اللي و لينا ..جبت شال وذبيته عله الدشداشة ..وكلت.. يعني همام تدري غرفة بنات غير اتدك الباب خو مو تجفت هيج
همام:ولج كسرتهة وانتن مسمعن شسويلجن .. افتريت عله مسك وكتلهة
-وانتي
مسك باوعتله واني راح ابجي من الخجل ماتحركت من مكاني ومدنكة راسي مااريد اباوع بوجهة كلي وانتي باوعتله وكتله
-شبية
همام وكوة حاصر الضحكة : راح تضلين واكفة هيج
مسك: لعد شتريدني اسوي
همام : تنهدت وكلت اني راح اصعد بدلي وتعاي وراي وعفتهم وصعدت واني اضحك عله منضر مسك من شافتني انطرحت عالسرير واباوع للسكف وصافن بمسك شلون.. جانت تتمايل وتهز خصرهة وشعرهة شطولة.. يروح منا وييجي منا يتماوع وياها ..شلون من اندارتلي وباوعتلي بعيونهة المكحله ومكياجها.. القوي بالعادة مسك تحط مكياج بس خفيف كلش طالعة تخبل داافكر ..وطبت هية لابسة مانتو مال حجاب اللي تنزل بي ومن جوة طالعة اطراف..الدشداشة مال الرقص ..منزلة راسهة من المستحة باوعتلهة وابتسمت ...كتلهة واني اضحك
-هاا تونستي
مسك بخجل :رفعت راسي باوعتله خربان ضحك كتله
- هماااام ....كافي
همام : هسة اني شكلت... كمت من السرير اجيت يمهة
مسك : اباوعلة كام يتقرب واني ارجع هوة يتقرب واني ارجع وصل يمي ولزمني ورفع راسي يباوع بعيوني
همام : اجيت يمهة هية كامت تبتعد ..تالي لزمتهة ورفعت راسهة ..اووووف العيون زرق مكحلات وحاطة ضلال مدري شسمه اسود والوجه زبد يمكن اول مرة اشوف مسك بهالقرب ...او يمكن اول مرة اباوعلهة بهالنضرةة الشال صاير عله نص شعرهة ونازل والركبة طالعة كيمر...عضيت شفتي ودرت وجهي هاي
..شدا افكر اني ..رجعت باوعتلهة كتلهة
- مرة ثانية ..من تردون تسوون هاي الشغلات انتي وخواتي..تقفلون الباب..هالمرة اني وصارت وياي وحلال وعادي... مرة ثانية يجوز واحد من اخواني لو ابوية يطب عليكم ..ويشوفكم بهالمنضر ...واضح
مسك بخوف لان حسته صار عصبي : ماشي ماشي اصلا اني كتلهم قفلو الباب بس اضاهر نسو
همام : هديتهة لان بديت ادوخ بيهة من اباوعلهة وعطرهة (عطري اللي صاير عليهة عبالك غير عطر) سطرني.. كتلهة يله روحي بدلي مشت وصلت يم باب غرفة الملابس ..حبيت اشوف خجلهة.. تصير تخبل من تخجل
كتلهة..
-مسك
مسك : سمعته صاحني افتريت عليه وكتله
-ها
همام بابتسامة مكر : اكول وين تعلمتي هيج تركصين... ماشاالله فيفي عبده اله شوية
مسك : مو سمعته كال هيج لو احس عيوني رادو يطلعون من الخجل فتحت عيني عله كبرهن او وجهي صار احمر صحت بي بعد مااتحمل
- همااااااااااااام...كافي...استحي والله يعني صارت بدون قصد..كفرت لان شفتني واني اركص ..وبعدين اني جنت ويه البنات انته جفتت علينه..صوجك مو صوجنة ..
همام بين صدمة وضحك: اعتذر عمي مو قصدي روحي روحي ..خليتهة ندارت همست بصوت مسموع
- بس عمي لو هيج الركص لو ميراد
مسك بصدمة : افتريت عليه واني فاتحة عيوني كتله
- وتالي ..شلون يعني
همام باستثوال : هسة اني شحجيت استغفرالله ..ادور الواحد حته من يحجي ويه نفسة تدخلون بي ..
مسك:عفته او مشيت طبيت للغرفة
بدلت اباوع الروحي بالمرايا..عزة اتذكرت منضر همام ..من جان واكف يباوعلي واني اركص ..عزةةةةة متت خجل شكد فشلة ..يله انشالله ابمرور الايام ينسة بدلت وطلعت......
...................................
ولهنا ينتهي البارت اعرف قصير بس هاذة الكدرت عليه اعذروني
KAMU SEDANG MEMBACA
فصليتي كربلائية
Acakفتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر ...
