فتاة عراقية تحمل من صفات الانوثة اجملهن تعيش حياة طبيعية مترفة بالرفاهية ولكن يا للاسف تجرها عادات بلدها وتقاليده لتدفع ثمن غلطة لم تفعلها لتذهب لمكان اخر مختلف وبعيد عما كانت تعيشه فيا ترى هل ستعيش الحياة المضلمة التي كانت تتوقعها ام للقدر راي اخر
...
مسك : كعدت ثاني يوم ونفس الروتين لحد مااجه اليوم اللي اروح بي تقريبا ورة مطلع اربعين ابنهم اب10 ايام بس من بداية اليوم احس نفسي مخنوكة يمكن لان راح اروح البيت هذولاك الناس ومو بس اني جنت ضايجة كل اهلي جانو ضايجين وماما كل ماتباوعلي تغرغر عيونة وتريد تبجي بس تلزم نفسهة فكلت البابا اليوم اريد اروح البيت جدي اهل ماما اودعهم ها طبعا نسيت اكلكم انو اني كللش متعلقة ابجدي ابو ماما وهوة هم يحبني ماادري شلون راح افاركه .. قبل بابا انروح بدلنة اني وماما وميلا ورحنة ضلينة يمهم حوالي 3 ساعات اني بس شابكه جدي واشم بريحته وكلما اريد ابجي الزم نفسي لان مااحب ومامتعودة ابجي كدام احد خلص الوقت وبابا كال لازم نروح بعد ماتحملت ضليت ابجي واحضن بجدي وهوة هم خطية حيل تاذة وكام يبجي وياية ودعت بيبيتي وخالاتي وخوالي وطلعنة رجعنة للبيت بابا كال بعد ساعة ونوديج احس قلبي انقبض من كال هيج وضليت اودع باهلي لحد ماخلصت الساعة بدلت ولبست هذا لان اني رايحة البغداد فميحتاج البس عباية فلبست هذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حطينة الجنط بالسيارة ونطلقنة لبغداد
بعد ساعتين
ابو ميار: بابا هاذة البيت ومثل ماوصيتج بنيتي اعكسي تربيتج هنا
مسك : لتوصي حريص بابا, نزلنة من السيارة اباوع للبيت عبالك فلة مو بيت مو بيت ماشالله حسب كلام بابا البيت 3 طوابق دكينة الباب طلع رجال بكد بابا هيج شوية اكبر سلم عليه وبابا كله
ابو همام : بدون متوصي ابو ميار امانتك بالحفض والصون
ابو ميار: ماشي لعد اني اترخص يلة بابا مع السلامة ومثل ماكتلج وباسني من راسي وراح ينزل الجنط ويروح الكربلاء
مسك : اني ضليت صافنة مامصدكة بابا صدوك راح يعوفني يعني الوحيد اللي اعرفة هنا بعدين صاحلي الرجال الحجة ويه بابا وكال
ابو همام : ادخلي باباتي البيت بيتج واني ابو رجلج واحسبيني مثل ابوج اسمي موسى
مسك : بيني وبين نفسي هاذة الرجال حيل طيب مبين عليه واسلوبة كلش حلو حته.. جان رجال يطلع عمره بال50 هيج كله وقار ورزانه جان لابس كلابيه مال بيت رصاصي او شعرة ولحيته حته شورابة كلهن بيض زايداته حكمه.. جان شكله هادئ وبشوش بشكل ونوراني عيونه ملونات جانو محاوطاتهن التجاعيد البسيطه اللي ادل عله كبر عمره شكد حسيت بالراحه وياه فعلا حسيته مثل ابوية رغم اول مرة اشوفه ,رجعت للواقع ماشي عمو
