عندما تتساقط الاقنعه

البارت 22 والاخير

ود نومتني ذهب وطلعت ضليت كاعده شوي ودخل ضرغام
ضرغام... ود جلال بره يريد يحجي وياج
ود... ماريد خلي يولي
ضرغام... ود كسري الشر
ود مارديت عليه شوي ودخل جلال كعد كدامي ضل ساكت ما حجه شي ولا اني حجيت ضلينه ساكتين والصمت سيد الموقف
جلال... ليش ما حجيتي
ود... شكول انته انطيتني فرصه
جلال... مو بيدي ود امي تكلي تنومني وزرعت الشك بداخلي
ود... اذا ماكو ثقه ماكو حياه وانه ماريد اعيش وياك
جلال... مو من حقج تمنعيني من ابني
ود... مو ابنك مو منك اني كح... وادور ولد مو هيج تمك كالت هاي اني اللي بطني مو منك فهمت مووو منككككك
جلال ضربتها راشدي وكتلها... ثمني كلامج لا ادفنج والله
ود... اطلع بره
جلال... مو بكيفج انتي اطلع ادخل
ود... من الاخر شنو تريد
جلال... ترجعين وياي
ود... باحلامك مو انته اللي تجرجرني وراك
جلال... انتي السانج طولان وطالع حسج
ود... لا عيني اني جنت محترمتك لا اكثر ولا اقل
جلال... اعتقد نسيتي نفسج شنوو
ود... لا ما نسيت وسويت فضل سترت علي رحمه الله والديك وان شاء الله بميزان حسناتك بس لهنا كافي والله مو عيشه امك ما تنجرع ع كلشي تصيح كدامك ملاك نازل من السما وراك الشيطان الرجيم افتهم عاد انه ماريدك كافي طفح الكيل وياكم
جلال... ود لا تتخبلين امي وين اوديها
ود... عدها خمسه غيرك لو اني فاتحه بيتي دار للعجزه والله جلال لو امك تحترمني شوي جان ما احجي واخليها بين عيوني بس ما تنجرع ابد غصه بالبلعوم
جلال... براحتج بس سمعي يبنت الناس طلاك باحلامج اطلكج وخلي الطفل يجي للدنيا بسلامه تحلمين تشوفينه فاهمه تحلميين تشوفينه يعني بالحالتين خسرانه خسرانه رجلج وخسرانه ابنج
ود... ماتكدر تاخذه مو بكيفك
جلال... اكدر اني ضابط وبنظره اللي اريده يجي العندي بدون ما اتعب نفسي
ود... جلال كافي اطلع بره تعبانه مابيه اجادل
جلال... طالع بش فكري زين اوك حبي تصبحين ع خير ياحلووو
ود طلع وضليت كاعده افكر يسويها ليش لا ماهوه كلشي يريده يجي الباب بيته شلون شسوي ضليت حايره كل الحلول اللي طلعتها نهايتهم وحده لازم ارجعله مستحيل مر أسبوع واني هذا حالي بالي مو صافي بيوم كاعدين اندك الباب طلع همام يشوف منو شوي ودخلو اخوان جلال الكبار وامه و جلال كعدو يتعذرون الوالده جانت متقصده ومن هذا الحجي ابوي ما راضي ع اللي سوته ويكول ماترجعله لهناك وكام جلال وكال اذا ما ترجع بس تولد وهيه بعدها ما صاحيه اخذل الطفل واشرد وانعل ابوكم لابو بتكم
ود خفت لا يسويها صدك كمت وكتله ارجع بس بشرط أمك مالها دخل بينانه انطيها علاجها وماتجون تدورون مشاكل ع ابو انو ما معتنيه بيها جنت وياها مثل السمنه ع العسل ما قدرت بس هسه لا طك بطك استحلفك بالله ابو حسن تقبلها ع اختك لو بنتك هيج يصير بيها
ابو حسن... لا والله بس امي الله يهديها ماادري شجاها
ام جلال... والله يبنيتي مو قصدي اذيج لو اضرج بس من اشوف ابني يحبج اغار عليه
ود... من شنو تغارين عمه اني حاسبتج بمكان امي ما يوم شكيت عليج يمه ومن فتحت حلكي صار يعاملني مثل الجلب(اجلكم الله) تجين تسودين وجهي كدامه
ام جلال... ماتنعاد توبه
ود تقربت عليها وبسته الراسها وكتلها... ما صار شي عمه تموتين من رخصتكم بس اجمع ملابسي واجي جلال انتظرني رحت للغرفه جمعت ملابسي مااعرف ليش راح ارجع وهوه هاني وطعن بيه بس اني اعلمه منو ود هوه وهاي امه سعلوه كملت اغراضي اجه ضرغام كال... متاكده تردين ترحين وياهم
ود... يي متأكده ولا تهاف علي اني اعرف اتصرف اني راجعه الا بس مو علموده بل علمود طفلي
ضرغام... عفيه عليج بس ود لا تزودينها ويه الولد هوه هم هاي امه ماادري شلونها
ود... عادي حياتي مو مهم اني اعرف شلون اخلي يرجع يشك بيه
همام... هااا اشو كاعدين تتبسبسون وحدكم وراكم مصيبه
ضرغام... اختك متحلفه لجلال
همام... زين تسوي بي
ود... يلا امشوو لا يرجع يعيط وصوته مزعج ضحكو وطلعنه أخذني جلال عشتوو خايف علي وع ابنه بسيطه يا جلال اني اعرف شلون اخليك ترجع وتصدك امك غير احركك حرك طول الطريق يسولف لو يبوس بيدي واني ولا عبرته لابسته لبسه معدله وصلنه للبيت نزلني ونزل لأغراض دخلت للبيت كتله.... اريد غرفه جوه مااكدر كل شوي صاعده
جلال... من عيوني
ود... 😏😏 مارديت عليه كعدت بالصاله شوي و دخلت امه وابو حسن كعدو عرفت راح يبقى للعشه اشو هووه شوي والناس كامت تدخل إخوانه كلهم اجوي شسوي ياربي هسه شلون رحت للمطبخ دخل جلال وراي كتله... شنو هاي
جلال.. شكو شبيج
ود... حامل وطفلي نازل تروح تعزم اهلك وتعال يا لطمانه طبخي ونضفي وهنه ليكول محنايات
جلال... بويه غير خطار خوما يشتغلن
ود... اشو اني من انكلع البيتهم اشتغل مااكول خطار
جلال... يا عمري اذا ع العشه هسه اروح اجيب من بره واذا ع التنضيف اني انضف بس لا تعصبين
ود... يلا يلا روح هم يالله اكمل وره الصلاه ولا تنسه اريد كنتاكي مشتهيته
جلال... من عيوني بعد تحتاجين شي
ود... لا طلع وي كطيعه تكطع الشيطان ضليت واكفه بالمطبخ اشوفه صاير هوسه ماتعرف راسك من كرياسك تقريباً نص ساعه واجه دخلو ولد اخوانه يدخلون بالاكل حسن لبن اخو جبير بعمري او اكبر مني بسنه هيج يعني كلي
حسن... هلا بزعلانه واخيراً رجعتي
ود... تصحيح مو زعلانه مطروده
حسن... واللت يا ود هيه هاي حبوبه هيج مو لس وياج ويه نسوان عمامي كلهم
ود... شسوي يا خويه غير حظي الاغبر جابني هناا
حسن... يي والله بس انتي بعد لا تنطيها مجال
ود... خلي تولي مال شنو اخلي عقلي ويه عقل وحده مريضه نفسياً
حسن... يي والله هذا تصرف مال صاحين مريضه ونص
ود... المهم خلي تولي ليش شاغلين بالنه بيها
حسن... يي والله شلونها بنت عمي
ود... شعرفك بنيه يمكن يطلع ولد
حسن... لا بنيه ومن هسه اني أخذها
ود... تاخذ واحد بكد ابوها
حسن... لا اصغر من ابوها 14سنه
ود... هاا لعد البنيه الك ضلينه نسولف احبه الهذا الولد حباب وخلوق عكس الباقين شوي عيونهم زايغه ويباوعون للبنيه ع الرغم من هما صغار اذن وكامو يصلون كملنه صلاه ورحت للمطبخ كعدت ارحظر بالعشه اجه جلال وحسن هم كعدو يحضرون
حسن... افااا عمي كمت تدخل للمطبخ صدك جذب
جلال.. شسوي تالي عمري
ود... محد جابرك تكدر تتفضل بره
جلال... ود اشو لسانج طولان
ود... يي طولان شتريد تسوي
جلال تنهدت وكلت... الصبر ربي الصبرررر
ود كملنه الاكل وكعدو ياكلون اني خليت الكنتاكي بالميكروويف سخنته واخذته كلنه سفره وحده الصاله شطولها كلها صارت اكل وهمه ما شاء الله ياكلون عن عشر اشخاص كعدت يم جلال همه هذا طبعهم كل واحد زوجته يمه ومحد يحجي ع الأكل همه كلهم نسوانهم محجبات اني يسمونه المعرايه لان مالبس حجاب جلال ماعنده مانع كعدت اكل ماشوف غير هجمو ع الكنتاكي باوعت الجلال واتوسله بعيوني عود يحجي عاد هوه كلهم
جلال... يابه شبيكم البنيه حامل واشتهت انتم اكلتو عنها
ام ازهار... شدعوه عليك خويه جلال ما عرفتك عينك ضيكه ع الكمه لو تعلمت من بنت الفكور
ود ماتحملت شمرت الخاشوكه بالصحن وكمت للغرفه اسمعه يصيح ما عاجبه الحجي اني فقدت ضليت أكل بروحي شبينا فكور الحمدلله عدنه فلوس تغطي عين الشمس بس لو ما العوز والصداقه همام وجلال فلا نكعد بيته ااااخ منك همام ااااخ احجي واعض بيدي أعصابي تلفانه دخل جلال
جلال... ود لا تهتمين الها
ود... وحق الحسين وخق ضلع الزهره يا جلال اذا ما تطلع اكوم احرك البيت ع روسكم
جلال... ود اعصابج مو وين ع اللي بطنج
ود... ولي انته وياه انعل ابيوم اللي عرفتكم يي طلع جلال واني ع حالتي طلعت للمطبخ اخذت مامي بارد وكعدت اشرب اريد ارتاح مااكدر مااكدر نار بداخلي ضليت اتنفس بسرعه شوي هديت كملو زغنبوت وكامن صبيت جاي وقدمته وكعدنه نغسل بالمواعين اني وحسن و اخته زمزم كملنه ضلوو لل10 يلا راحو ابد ما كعدت يمهم اجه جلال للغرفه حضني وكلي... اسف ود مو فصدي اذيج بس امي وانتي تدرين كلشي ولا امي
ود... جلال اطلع بره تعبانه مابيه احجي
جلال... وين اولي غير وياج انام
ود.. اعتقد قبل هم كل واحد ينام بغرفه مانام سوه
جلال... ود ابوس ايدج رحميني  كافي اني تعبان
ود... واني هااا اني اللي طعنت بيه وبشرفي امك ما همها اني اللي حصلتها اخواني ما عاد عدهم ثقه بيه من وراكم وره افعالكم هسه جاي تعبان ورحميني اني منو يرحمني جلال ابوس ايدك كافي والله ما اتحمل بعد اكثر
جلال... والحل اثنينه تعبنه اني تعبت من بعدج وانتي تعبتي مني شنو اسوي كليلي
ود... نطلك لان لا انه مرتاحه وياك ولا انته مرتاح خلي نطلك ونرتاح
جلال... انجوم السما اقربلج فاهمه طلاك ماكووو
ود... جلال اطلع بره
جلال... مو بكيفج انتي اخذتها من ايدها ونومتها ع صدري وحضنتها وهيه بس تتحرك كتلها... شبيج نامي تره تعبتيني
ود انجبرت انام بحضنه شكد جنت مشتاقتله بس بعد سوايته ابد ما حن قلبي الا نمت مرت الايام مثل ماهيه ماكو شي جديد اني وجلال مثل وضعنه اشوف الحب بعيونه بس هيهات بلش يحضر بغرفه الطفل ولو هيه بس اسمها غرفه مستحيل اتركه وحده ينام بس من يكبر عود اتركه ينام وحده بيوم جنت كاعده بغرفتي وعمتي بغرفتها اتغيرت بس بعدها جرحها ما طاب وارجع مثل قبل كله يمها سمعت الباب يندك كمت اشوف منو طلعت شفت جلال بس مو ع بعضه دخل كلي بسرعه حضري الحمام دخلت للحمام حضرته وطلعت كاعد ع السرير ويهز برجله عرفت صاير وياه شي تقربت عليه وكتله بكل عفويه... حبيبي شبيك صاير شي
جلال... لا ماكو شي
ود... لا اكو اذا ماكو ليش هيج وجهك
جلال... ود دوامي صار كله بالموصل خلصت من البصره انوب هناك
ود... يي حبيبي عادي هيه الموصل مو تحررت
جلال... تحررت بس بعد اكو كم جرو خاتلين
ود... يي وهسه
جلال... شنو هسه بعد اروح ماعندي حل ثاني
ود... ماتكدر بالواسطه تحوله البغداد
جلال... مااعرف هسه خلي يخلص هذا الشهر والله كريم ورمضان ع الأبواب ولازم نستعد
ود... يي ما بقى شي ع رمضان
جلال... كملتي الحمام
ود... يي تكدر تدخل كام دخل للحمام واني غيرت فراش الغرفه هوه طلع بس بالمنشفه ولا يجوز من هاي العاده ضل يلبس بملابسه وتمدد ع السرير رحت يمه وكتله... جلال اريد اروح الاهلي
جلال... شسوين
ود... مشتاقتلهم بعد شسوي
جلال... اوك نهايه الاسبوع اخذج
ود... شكرا
جلال... بعدج زعلانه
ود... هوه اني ما زعلانه بس مقهوره منك
جلال... حبيبتي تنكسر ايدي بعد اذا أمدها عليج بس كافي زعل
ود... اوك كافي زعل
جلال... وامي بعدج زعلانه منها
ود... هاا ما زعلانه منها بس بعده جرحي ما طاب
جلال... يا جرح
ود... اللي صار كله من وراها هيه سوت كل هذا وليش مجرد غيره
جلال... ود امي مامتقصده بس انتي كلتيها غيره
ود... حبيبي الفات مات والزمن ماممكن يرجع ويصلح اللي صار
جلال... صح الومن ماممكن يرجع ان شاء الله كلشي يتغير
ود مارديت اكتفيت بالصمت حضني وضل يبوس برأسي اريد بعده ماكوو حاضني قوي
جلال... شبيج ود
ود... حباب بعد
جلال... شبيج
ود تقرب باسني ع شفتي وجان استفرغ بوجه
جلال... نعلعل اهلج هاي شسويتي
ود مارديت مستمره استفرغ ع السرير
جلال... كافي ولج ولي للحمام
ود... كتلك بعد ما قبلت استلم
جلال... ينعل اهلج ع هاي العمله كومي نضفي هل لعبان النفس ملازم هيج رومنسيه مانريد
ود ماادري اضحك من الفشله لو اضحك عليه خطيه كلها بحلكه (ماادري شحجي بس بهذا المشهد خربانه ضحك عليها ييييع😝😝)