_عيونك فضحاك ياولدي، وقلبك مايل للموت، أوعاك ياولدي تقع في بير غويط، وأنت عارف كويس مش هتلاقي اللي ينجدك.
ابتسم ضاحكاً وقال:
_ربك كبير يا أمي ووحده المنجي.
إعتماد بجمود :
_أنا حذرتك، وجع القلب مش ساهل دي نار بتكوي الجلوب.
ذرفت دمعة من جانب جفنه قائلاً:
_رب القلوب موجود وعالم بالحال، قادر فلمح البصر يقلب الموازين ويجبر القلوب.ربتت إعتماد على كتفه بتريث قائلة:
_عقلك مقفل ومش مستوعب، والنقاش مفيش منه فايدة معاك، هسيبك ياولدي، بس فكر بعقلك، واقفل على قلبك بالضبة والمفتاح..ويلا جوم وياي عشان تاكل لقمة والصباح رباح..