عندما تتساقط الاقنعه

البارت 19

&&&&&&&
بعد مرور 3اشهر
همام... يلا ذهب كومي
ذهب... خير شكو شتريد
همام... راح نطلع والكل جاهز بس انتي
ذهب... حبي أريد انام
همام... يا عمري كومي وبالسياره نامي
ذهب كفيت الغطه وكمت غسلت وجهي وطلعت غيرت ملابسي وحضرت اغراضي وطلعنه اتوجهنا الكربلاء الطريق كله نايمه وصلنه كعدت ع صوت همام وهوه يكعدني نزلنه نمشي وصلنه بين الحرمين دخلنه للحمامات وبعدها طلعنه دخلنه نزور الامام العباس زرنه وكملنه وكفت كدام الضريح وكلت اللهم احلفك بخدر زينب وبضلع الزهراء و برأس الحسين و حزن أم البنين و بنحر عبد الله الرضيع و بكفين أبي الفضل العباس ان ترزقني بالطفل يارب سنتين زواج اريد طفل اريد افرح قلب همام ربي بجاه ام البنين اريد منك طالبته طلبه منك مكديه ع بابك ماريد فلوس ولا اريد ذهب ولا اريد شي غير طفل يملي الفراغ اللي بداخل همام ضليت ابجي وأدعي بعدها طلعنه ورحنه للامام الحسين هم زرنه واندعينه راح همام أجر فندق لان عمي مايكدر يطول بالسفر رحنه حاجز غرفتين اني وعمتي ود بغرفه و الولد بغرفه دخلنه الطريق دوخته تبقى بالراس بسرعه نمنه
حلمت كاعده بغرفه جبيره محد بيها بيضه شوي وانفتح الباب دخلت مره بيدها مثل الصحن بس هذا من طين(مااعرف شنو يسمونه المهم نرجع للقصه) خلته كدامي بي اكل كالت هذا الزاد من زاد ابو فاضل اكلي وان شاء الله تاخذين مرادج وتجيج زينب هيه كالت تيج وتركتي وكامت ضلت عيني ع الاكل اخذت منه واكلت حسيت شعور مااكدر اوصفه فزيت من الحلم ودموعي تجري ع خدي لليل الكل كعد طلعنه هم زرنه ورحنه للمطعم اكلو وخلصو همام كال نرجع للبيت عمي ما قبل كال باجر نرجع فعلا ضلينه هاي اليله بكربلاء الساعه ب1 بليل اتصلت ع همام وكتله اريد اطلع كال شوي وأجي عليج كمت لبست حجابي و عبايتي وطلعت شفته طالع من الغرفه نزلنه وطلعنه
همام... هاا شبيج مو ع بعضج الضحكه شاكه الحلك
ذهب... مابيه بس حلمت حلم حلوو و فرحانه بي
همام... كولي وفرحينه وياج
ذهب... اسمع حبيبي اليوم.....
همام.. بجاه ام البنين ونذر علي تجي البنيه اسمها زينب
ذهب... ان شاء الله رحنه زرنه الاذان صلينه ورجعنه للفندق همام راح تام واني هم نمت كعدت ب9 كمت رتبنه الغرفه وطلعنه رجعنه البغداد وصلنه حيلنه مهدود بعد اسبوعين كاعدين همام وضرغام يسولفون
ضرغام... وسام طردو من الشغل
همام... يمته
ضرغام... قبل يومين
همام... بسيطه
ضرغام... هم راح تشوفله شغل
همام... لا خلي هوه يتصرف
ضرغام... يي خلي يعتمد ع نفسه شوي
ذهب نسمع حجيهم وعمتي تدعي ع نداء و أطياف
خوله... كومن شنو نسوي غده
ود... اي شي
ذهب... عمه دولمه حامضه وحلوه وبيها وشوي ملح
ود... شنو هاي مخلمه مال حامض مالح حلو
ذهب... يي انتي شكو
خوله... يااا يمه هاي شنو انوب
ذهب... عمه حبابه والله امس شفتها ع النت عجبتني سويها
خوله... لا همام ما يحبها بيها ملح
ذهب... لا عمه حبابه حته لو بس وحده
خوله... ولج شجاج اليوم
ذهب برطمت وكتلها... ماريد ماريد
ود... عابت عود زعلت
خوله... لا تزعلين هسه اسويلج بعناد هاي العوبه
ذهب...😄😄😄 احبببببج طوووووووخ كمنه نسوي بالدولمه همام اجه يمنه شافنه نسوي دولمه
همام... حلوه لو مالحه
خوله... اثنينهن
همام... لا تسوينها حامضه
ود... ابشرك مرتك تريدها حامضه مالحه حلوه
همام... يععع شنو هل لعبان نفس
ود... مرتك وما ادراك ما مرتك
همام... غمه تغمجن انتي ومرتي
ود ذهب... يمه سويها مالحه مانريدها حلوه
خوله... لا والله ليش اسويها مالحه وليدي مايحبها
همام... اروح فدووه لتراب رجليج يالغاليه
خوله... اسم الله عليك يمه
همام... طالع تردين شي
خوله... لا يمه سلامتك
همام... وانتن ماتردن شي
ود ذهب... لا مانريد غير سلامتك
همام... يلا مع سلامه
الكل... الله وياك
ذهب طلع همام كملنه الغده صارت ب2 واجه همام عيوني تراقبه نزب فتح باب الكراج ودخل السياره نزلن وعيونه ع باب المطبخ دخل ما كان اكو احد بالمطبخ بس اني
همام... هلا بالحلوو
ذهب تقربت عليه وبسته وكتله... هلا الله يساعدك
همام... ويساعدج شلونج
ذهب... بخير
همام... يلا غداكم
ذهب... روح غير ملابسك وتعال
همام حضنتها وكتلها... مابيه امشي انتي غيريهن
ذهب... همام بعد لا يجي عمو لو ضرغام عيب
همام... عادي خليهم يجون مرتي
ذهب... همام كافي شبيك اليوم
همام... مابيه بس مشتاقلج
ذهب خليت ايدي ع صدره وكتله... هسه روح وبعدين اشتاقلي
صباح... احممم احممم
ذهب طفرت من مكاني بسرعه شكد عييبب همام فرك وجه صرنه بنص هدومنه موقف لا نحسد عليه
همام... يلا ذهب الغده ع ما انزل
ذهب... ان شاء الله
صباح... شبيكم تره لا شفت ولا سمعت
همام... بويه شكد عييب شلون موقف
صباح... روح روح انته هاي لاعبه بحالك
همام...يي والله بويه لاعبه بحالي
صباح... يلا روح وان شاء الله اشوف ولدك كدام عيوني
همام... اميين ربي
ذهب صعد همام شوي ونزل كعدنه نتغده مر يومين كاعده يم عمتي نزلت ود تتعطر لعبت نفسي من عطرها رحت للحمام استفرغت
خوله... شبيج يمه
ذهب... ماكو شي عمه وانتي اربع وعشرين ساعه تتعطرين الهل درجه خايسه
ود... ولج هذا أحلا عطر عندي وهديه من جيوني
ذهب... ولج ويععع هذا حلوو عمه ما تحجين
خوله... يي يمه حلوو هذا العطر
ذهب... 😒😒😒
خوله... ولج يمه خاف حامل
ذهب... ه ه هاا ش ش لون ا اا ماادري
خوله... كومي هاي الصيدليه جيبي جهاز الحمل وشوفي
ذهب... مااادري خاف همام ما يقبل اطلع
خوله... كومي هيه هاي هيه بالباب كومي
ذهب... اوك صعدت غيرت ملابسي واتصلت ع همام
همام... هاا حبي
ذهب... هلا حياتي اكلك
همام... كولي حياتي
ذهب... راح اخذ فلوس
همام... ولج الفلوس يمج اخذي
ذهب... اوك وراح اروح للصيدليه
همام... شمو محتاجه شي
ذهب... يي هسه راح اروح اني وعمتي
همام... اوك روحي
ذهب... اوك احبك باي نهيت الاتصال ونزلت رحنه اني و ود دخلنه للصيدليه
الولد... هلا
ذهب... هلا عندك جهاز حمل
الولد... يي ابو شكد تردين
ذهب... شلون اسعارهن
الولد... اكو بالفين واكو ب 5الاف واكو ب8
ذهب... شنو الفرق بينهن
الولد... عندج ابو الفين مو مضبوط وعندج ابو 8 نتيجه مضبوطه 100%
ذهب... انطيني ابو 8
الولد... تفضلي
ذهب... يسلمو تفضل اخذ الفلوس ورجعلي الباقي رجعنه للبيت
خوله... روحي للحمام وشوفي
ذهب... خايفه
خوله... يمه هسه انتي روحي شوفي ومن يجي همام ناخذج نسوي تحليل دم
ذهب أخذت الجهاز ورحت للحمام قريت التعليمات وطبقتهن شوي وطلع خط واحد......

هلا شلونكم اخباركم مشتاقتلكم كوومه اتمنه تتفاعلون ع القصه أحبكم من القلب للقلب