عندما تتساقط الاقنعه

البارت 2

همام... ذهبببببب
ذهب انداريت عليه شفته عيونه تجدح من العصبيه... نعم
همام... اذا اسمعج المره ثانيه تكولين هيج افرك حلكج بالكاع
ذهب... ماارد عليك لان اكبر مني راح احترمك
همام... وليش ان شاء الله تدرين تردين
ذهب تركته ومشيت لان شكله ما ناوي ع خير دخلت للغرفه عطله ماعدنه مدرسه مرت الايام اني ع عادتي كله ع السطح مااسمع غير همام يصرخ بالبيت نزلت اشوف  شنو صاير قبل لا ننزل خلي اعرفكم ع همام
همام... السلام عليكم اني همام مواليد 1974 اكبر حفيد بالعائله طويل طولي 190 كان عمري 35 سنه بالقصه 
همام... شنو انته تحجي صدك من عقلك تريد اقبل بيها
صباح... صوتك همام بس ع الاوراق ما نريد منك شي ع ما تتزوج
همام... تحجي صدك لا روح مستحيل والله لو متزوج من قبل بنتي بعمرها بويه طلعني منها
صباح... ولك افهم احنه ما نريد شي بس خليها ع ذمتك
همام... ماريد ماريد
ذهب... اباوعلهم اريد اعرف ليش هيج اصواتهم كلامهم مو واضح ع شنو يحجون
ود... شصاير
ذهب... شعرفني
ود... يمه شوفي همام يخوف
ذهب... جبانه لا يخوف ولا شي
ود... اووو انتي ماتخافين من شي
ذهب... لا (طبعا احنه نحجي وعمي وعمتي وهمام يحجون)
همام... بويه لا تكسر ضهري بيها
صباح... لا اكسر ضهرك ولا شي انته بس اخذها شرايد منك اني
همام... اخذها بس بشرط
صباح... شنو
همام... محد يعرف بس اسمها مرتي وبس بينه احنه مايطلع بره
صباح... هوه هذا اللي نريده بس اعقد عليها من تجيها قسمه أتركها
همام... ماشي باجر بس والله اذا طلع الحجي نفط وعود شخاط واحرك البيت واللي بي
ذهب... اول مره اشوف بيت عمي هيج اصواتهم طالعه وهمام الهادئ هيج يعيط ويهدد إجت عليه عمتي دخلتني للغرفه وكلتلي
خوله... يمه ذهب
ذهب... هاا
خوله... بعد قلبي سمعي هسه راح يجي رجال يسئلج وانتي بس كولي نعم وانت وكيلي مو تكولين غير شي
ذهب... شنو هاي 
خوله... حبيبتي من تكبرين تعرفين هسه مثل ما كتلج
ذهب... ان شاء الله وره تقريباً ساعه اجه همام وياه رجال ضلو يحجون شوي وطلع عيونه علي ويتأفئف صاح ع عمتي وكلها يلا بسرعه خلي تجي يحجي من وره خشمه دخل للاستقبال وعمتي هزت ايدها اخذتني يم الباب وضل رجال يحجي بعدها كال تقبلين ب همام صباح زوجاً لكي انداريت ع عمتي وكتلها... شنو
خوله... كولي شنو كتلج يلا حبيبتي
ذهب... نعم وانت وكيلي كال ع البركه وضلو يسلمون وماعرف شنوو طلعو الزلم وابن العم ماعاجبه الوضع مال صخونه يي والله مغرور غميته ودخلت بليل كتلها عمه شنو هاي ليش الرجال هيج
خوله... حبيبتي ماكو شي بس هيج هاي علمود تنجحين بالمدرسة
ذهب... لعد ود ما سئلها
خوله... لا بس انتي لان شاطره
ذهب... ماعرف بسرعه ضحكت علي بكلامها المهم مرت ايام واني اشوف همام مستخقرني وع كلشي يرزلني امي مااشوفها خطيه زوجها ما يخليها تطلع لان حامل يخاف ع الطفل ليكول مركب بدنبوس مره اجت و اني بيت جدي شفتها شلون فرحانه بحملها ضجت وهيه كل شوي تذب كلمه رحت الفرقد وكتله رجعنه للبيت
فرقد... ذهب امج هنا ماتردين تكعدين يمها
ذهب... لا اريد اروح البيت عمي
فرقد... امشي
ذهب... رحت اخذت اغراضي وطلعت رجعنه للبيت  هاي حياتي عشتها بين بيت عمي وبيت جدي همام كل يوم يزيد كرها إلي  عن اليوم اللي قبله بدون سبب مر 4 سنوات صار عمري 15 سنه ومااعرف شي عن ابوي ماعرف اذا عايش او ميت وصلت صف ثالث المدرسات يحبني لان شاكره ويكرهني لان ارادد ود وياي ود عكسي بنيه هادئه وحبابه وشاطره بنفس الوقت جواد ابن عمي اتزوج زوجته حيه مو مره تحب المشاكل بس احنه نتجنبها عكس زوجه وسام هادئه وحبابه همام كل ما يخطبوله وحده يرفض ما يعجبه العجب مغرور أشكال البنات خطبوهن بس ما يريد دخل الاربعين وهوه بعده مامتزوج واذا عجبته بنيه ع آخر لحظه يخرب كلشي
ود... ولج ذهب راح اتخبل ما افهم شي
ذهب عيوني بالكتاب... ليش تتخبلين
ود... ولج إنكليزي ما افهم شي
ذهب... والله حته اني امشي نروح لضرغام يدرسنه
ود... يي امشي
ذهب... ضرغااااام
ضرغام... شكوو شبيجن
ذهب... تعال درسنه إنكليزي
ضرغام... مالي خلك ولن منا
ود... لا ضرغام حباب باجر عدنه امتحان
ضرغام... واني شنو أحصل
ود ذهب... اللي تريده
ضرغام... اوك تعالن هنا
ذهب ضل يدرسنه يقرأ ويترجم واحنه نترجم وياه
ضرغام... يلا كومن كافي دخت
ذهب... حباب بس شوي بعد
ضرغام... ولج كافي دخت
ذهب... اووف كمنه من يمه كعدنه بالصاله ندرس دخلت نداء مره جواد
نداء... عيني كاعدات كومن لو بس نعلف بيجن
ود... نداء صوتج منا ضرغام  لا تسوين سالفه
نداء... لعد انتن كاعدات واني اخدم واعلف بيجن
ذهب تركت الكتاب وكمت ع حيلي... اول شي  ما ماكلين من بيت ابوج وثاني شي عدنه امتحان وثالث شي واهم من كلشي عمو مايقبل نشتغل اذا صار عدنه دوام عندج خميس وجمعه احنه نخدمج
نداء... والله خوفتيني بعمج تره كلع ع بعضه انفخ بوجهه يطير
ذهب... هاي ع منو تحجين
نداء... ع أستاذ صباح رجله بالكبر وبنته جاهله لعد شكد نفسه دنيه
ذهب ما تحملت تحجي ع عمي طفرت عليها... حيواننننننه عمي يسواج ويسوه اهلج كلهم حقيره
نداء... تركيني جلبه (كلتها بالعاميه لان الها طعم مو مثل كلبه احس اغازلها)ولج بعدي اليوم اموتج ام السطوح ابوج حرامي وامج ذبتج وراح تشوفلها رجل
ذهب... انتي تعايريني باهلي والله اليوم اموتج ضليت اضرب بيها هيه اكبر مني واضخم واطول اني كدامها نمله بس عندي طاقه كتلتها اكثر من ما كتلتني وضرغام يريد يبعدني عنها ماكو
ضرغام... ذهب كافي شبيج لا يجي جواد ويسوي سالفه
ذهب... والله تريدني اخلي هاي تدوس بطني واسكتلها
همام بصوت رج البيت... ذهبببب نداااااء شنو هاي
نداء... ادب بنت عمك لا اني ادبها بطريقتي شعتب عليها بنت الحرامي
ذهب... محد حرامي غيرج حيوانه رجعت اتلاوه وياها
همام... ذهبببب كافي وانتي الثانيه الغرفتج
نداء... يي ماتحجي وياها لو تخاف تزعل
همام... نداء سكتي محترمح لان مره اخوي والله لو بيدي اكسر راسج
خوله... يمه سكتو لا يجي ابوكم ويروح يتمرض من وراكم
همام... يلا ولن كل وحده الغرفتها
وانتي ذهب كدامي للغرفه
ذهب صعدت الغرفته ضليت كاعده شوي ودخل
همام... شنو صاير وهيج تتعاركن
ذهب... اني مادخلني بس اللي يدوس بطنك تسكتله
همام... وانتي من يمته دافعين للابوج وامج
ذهب... منو كلج هيج سويت علمودهم
همام... احجيلي السالفه كلها وخلي افهم
ذهب... باجر عدنه امتحان وكعدنه ندرس اجت علينه هاده جنها ثور هايج....... وبعدين شنو تكلي ام السطوح
همام... كافي انتي غلسي عنها ولا تحجين وياها واهتمي براستج
ذهب... اوك تريد شي لو اطلع
همام... لا روحي هممم تعالو احجيلكم عني شوي اني هادئ ع عصبي لان الجبير كلمتي مسموعه بالبيت من بعد ابوي الكل يحترموني من بعد سالفه عمي ابوي فاجئني بطلبه اتزوج ذهب ذهب اصغر مني 25 سنه هيه كلها يلا 11 سنه واني 36 سنه يعني لو متزوج قبل تطلع بغمر بزري حاولت وياهم علمود ما اخذها بس ابوي حكم وماكدر اعارضه وافقت عليها هيه ماتعرف شنو السالفه ماتعرف اتزوجت ولا تعرف صارت ع ذمه رجال اتجنبتها ومن احجي وياها بنتر مو بتفهم حته هيه تضوج مني مر 4سنوات وهيه زوجتي او طفلتي مااعرف شنو أسميها كلامي وياها بس سؤال وجواب مو اكثر ذهب قويه او هيه تتصنع القوه من قبل لا ينفصل عمي عن امها جانت هادئه مو هيج نسره وترادد تاخذ حقها من عين السبع بدون خوف بوم راجع من الشغل دخلت اصواتهن طالعه دخلت شفت الكل متجمع بالصاله وذهب ونداء يتلاون بس ذهب شمسويه بنداء لاعبه بيها فلك مكفشتها وذهب طالعه سالمه مابيها شي حجيت عليهن واخذت ذهب ودخلت للغرفه وحجتلي عن نداء وشلون تحجي ع ابوي وشلون تحجي عليها ام السطوح وذهب ما متحمله وكامزه عليها وغاسلتها اول مره يكون الحوار بينه هادء العاده هيه ترادد وتعلي صوتها نمت ماحسيت غير الساعه ب10 بليل نزلت شفتهم كلهم كاعدين بس ذهب ماكو ماهتميت دخلت للمطبخ شفتها نايمه ع الطاوله والكتاب ع رأسها تقربت منها رفعت الكتاب إنكليزي كتلها... ذهب ذهب ذهبيه
ذهب... ود اريد انام سكتي
همام.. ولج كعدي وين نايمه
ذهب.... شكو شتريد
همام... كعدت بلسانها كومي نامي بالغرفه
ذهب... يي يي رايحه
همام... قبل لا ترحين تعالي سويلي عشه
ذهب... ليش اسوي
همام... اريد زقنبوت جوعان اريد اتزقنب اذا عدكم
ذهب... للاسف ماعدنه زقنبوت نحن نحافظ ع صحه المواطن الكريم عدنه سم الحسن اذا تريد زقنبوت ما متوفر
همام... أي شي عدكم نزلي راح انخرط من الجوع
ذهب... اكو كبه مرك من العشه تريد
همام... يي جيبي
ذهب... حضرت العشه وخليته ع الطاوله اني ماتعشيت خليت الي كبه وكعدت يمه
همام... هاي شنو
ذهب... كبه بعد شنو
همام... قصدي شو كاعده تاكلين
ذهب... ما تعشيت وهسه جعت
همام... اوك اكلي ضليت اكل كملت الاكل كله وهيه بس تاكل بهاي كاسه الكبه انتبهت ع شعرها اللي لامته باهمال و خصلات منه ع وجها عيونها السود الحاده انتبهت ع نفسي شلون صافن عليها اتعوذت من الشيطان وكمت رحت يمهم للصاله
ذهب كملت اكل وكمت غسلت المواعين وصعدت للغرفه نمت بسرعه كعدت يوم ثاني رحنه للمدرسه
دروس وامتحان رجعنه للبيت يوم خميس انام الضهر نمت من الساعه ب1:30 للساعه ب12 بليل كعدت حيييل شكد نمت طلعت ع كيف اخاف ود تكعد نزلت كلهم نايمين ماكو احد كاعد دخلت للمطبخ شفت الباب مفتوح طلعت شفت المغرور كاعد بره ويدخن ولاف نفسه بغطا  حس علي اندار علي
همام... شسوين كاعده
ذهب... نمت هواي يصير اكعد يمك
همام... تعالي
ذهب... كعدت يمه واخذت من الغطا ولفيت نفسي المكان هادء وبي بروده بدايه  الشهر الاول ملتزمين بالصمت همام دخن هواي كتله... ماكافي
همام... شنو
ذهب... جكاير تره دخنت هواي
همام... تعبان وارتاح من ادخن
ذهب... وين الراحه وانته بس دخن هذا مرض
همام... اااااه هيه الراحه مامكتوبه الي منين ما اجيها تميل عندي
ذهب... همام ولو تدخل بس حابه اسئلك سؤال
همام... عادي سئلي
ذهب... ليش لحد الان مامتزوج إخوانك اللي اصغر منك تزوجو وانته بعدك
همام... اكلج بس ماتحجين
ذهب... اكييد ما احجي كول
همام... اني متزوج
ذهب... هااا
همام... مثل ما سمعتي متزوج
ذهب... زين وين هيه ليش ما تجييها هنا
همام... مو هسه تعرفينها
ذهب... اوك بس اتمنه مو مثل نداء كون مثل أطياف
همام... لا هاي كوكتيل من نداء واطياف
ذهب... شلون يعني
همام... مو مهم شلون
ذهب... هممم
همام... ذهبيه
ذهب... نعم
همام... انتي ليش هيج انسانه مامعروف شنو بداخلج غامضه محد يعرف بشنو تفكرين
ذهب... همام من انته يادوب عمرك 9 سنوات امك تركك علمود رجال لو ابوك اللي يطلع حرامي والكل تريده علمود تسجنه لو من الكل اللي وياك بالمدرسه يلقبوك بابن الحرامي هنا انته ماتعرف مصيرك شنو تعرف من انته طفل انته تربي نفسك لا يغريك شكلي وقوتي اكيد عندي نقطه ضعف
همام... ذهب انتي مضلومه بسبب اهلج ما يستاهلون ذهبه مثلج حرام انتي بنت قائد
ذهب ابتسمت وكتله... حرام واكبر حرام اريد اعرف بشنو ضارتهم حته هيج صار وياي تخيل امي صارلها اكثر من 5سنوات من اتزوجت ما يوم اتصلت علي او سئلت اني مو مهمه عدها
همام... لا تهتمين همه خسرانين وان شاء الله تتزوجين وتنسين كل هذا
ذهب... ليش اتزوج اريد اضل هنا حموضه و جالي ع قلب مرة اخوك
همام... لا ليش هيج خطيه
ذهب... بس هيه تحمض ع قلبي حته اني اريد احمض
همام... صارت حموضه كومي كومي
ذهب... أعتبرها طرده
همام... اشو انتي اخذتي وجه امشي ولي
ذهب... مغرور عبالي تغيرت وصاير حباب
همام... اني مغرور
ذهب... يي شايب ومغرور ماتروح يم مرتك
همام... هاا تردين تشوفين الشايب شيسوي
ذهب... شيسوووي بلا
همام... متاكده
ذهب... يي متأكده
همام... كومي اوكفي
ذهب... هاا ليش
همام... كومي
ذهب... وكفت ما احس غير رافعني
همام... بعدني شايب لو رجعت شباب
ذهب... شباب والله حته ما مكمل العشرين نزلني
همام... ماانزلج
ذهب... والله اصرخ وألم العالم
همام... سويها ما اخاف
ذهب... لا همام حباب نزلني
همام نزلتها ورجعنه كعدنه
ذهب... همام
همام... شنوو
ذهب... اذا انته متزوج ليش عمو يريد يزوجك
همام... ذهب زواجنه محد معترف بي هيج بس اسمها زوجه ومحد يعترف بي اني اصلا اريد اخلص من هذا الزواج
ذهب... ليش اذا ماتريدها المن متزوجها يمكن البنيه تريد تعيش حياتها
همام... ذهب مو بيدي هذا حكم القوي ع الضعيف هذا هوه حكم ابوي مااكدر اوكف بوجها ذهب انتي بعدج صغيره وماتعرفين الناس ما شفتي شي منهم لا تعرفين خيرهم من شرهم اذا وكعت بمصييه لا تفكرين تكولين الاحد كلهم يغدرو خلي سرج بينج وبين ربج محد يصون
ذهب... زين اذا عمو هوه زوجك ليش يريد يزوجك وحده ثانيه
همام... عوفج منها سالفه طايح حظها
ذهب... لا حباب احجي الفضول يقرا الف عندي
همام... كتلج ماكو سكتي
ذهب... اوك اوك
همام... بردانه
ذهب... شوي
همام... دخلي لا تتمرضين
ذهب... لا تخاف ما اتمرض
همام... كومي لا والله اني امرضج
ذهب... شسوي تكتلني لو شنو
همام... لا ما اكتلج اعدمج شنقاً حد الموت وهسه كومي الوقت أتأخر والجو بارد لا تتمرضين
ذهب... هاا اذا هيج يلا كوم
همام... لا انتي دخلي انه هسه ادخل دخلت ذهب ضليت كاعد وهم بس ادخن اااخ ربي يمته اخلص من حملها يمته تنخطب واخلص دخلت شفتها كاعده بالمطبخ كتلها... شسوين هنا مو كتلج روحي نامي
ذهب... مو قبل شوي كعدت مانعسانه
همام... هاا اوك
ذهب... همام ممكن باجر تاخذني البيت جدو
همام... شسوين
ذهب... مشتاقه الخالتي وبيبي و ودق وووو
همام... واهم شي فرقد
ذهب... يي😊😊
همام... طاح حظج انتي وياه
ذهب... هاي شنوو
همام... اوك باجر اخذج
ذهب.... شكراً ابو الفوارس
همام ابتسمت وكتلها... يلا لا تضلين كاعده بالمطبخ صعدي للغرفه ونامي
ذهب... اوك تصبح ع خير تركته بالمطبخ وصعدت للغرفه ضليت كاعده مانمت للاذان كمت صليت ورجعت نمت كعدت يوم ثاني الساعه ب10 يمه بس لا همام طالع كمت بسرعه دخلت للحمام غسلت وجهي واسناني ونزلت ضرغام وسام كاعدين واطياف بالمطبخ صبحت عليهم... صباح الخير
ضرغام وسام... صباح النور
ذهب... همام وين
وسام... ماعرف ماشفنا
ذهب... بس لا راح
ضرغام... شتردين منه
ذهب... امس كلي  يأخذني البيت جدو
ضرغام... روحي اني اخذج الصبح اتصل فرقد بيبيتج تريد تشوفج
ذهب... اوك بس نص ساعه اغير ملابسي واجي
ضرغام... براحتج
ذهب... صعدت للغرفه غيرت ملابسي ونزلت شفتهم كاعدين
خوله... ها يمه وين
ذهب... البيت جدو
خوله... هاا سلميلي ع سعاد (خاله ذهب) وبيبيتج
ذهب... ان شاء الله يلا ضرغام وصلني للبيت دخلت
ذهب... وجان اجي واشوف احلا وجه بيبي
بيبي... هلا بذهبه هلا ذهبايتي
ذهب انحنيت ابوس راسها... شلونج يالغاليه اخبارج
بيبي... بخير يمه انتي شلونج شخبارج
ذهب... عايشه والحمدلله
سعاد... هلا ذهب عاش من شافج
ذهب... هلا بوجه ابسعد هلا بالزين كله شلوني اعرف اتلوك موو
سعاد... بعد بعد اصبغي صكارج ماموجود
ذهب... وين طالع
سعاد... يم صاحبه هسه يجي
ذهب... هاا ودق وين
سعاد... نايمه اليوم عطله
ذهب... اااخ اروح انام يمها رحت الغرفتها نايمه تقربت عليها وتمددت يمها نمت ماحسيت غير ودق نايمه علي صرخت... ولكم لحكولي راح امووت ولج سعاد بتج راح تموتني
ودق... ولج ذهيَبه من يمته هنا
ذهب... ااااخ يمه تكسرت ولج كومي موتيني
ودق... ولج مشتاقتلج موت من يمته هنا
ذهب...  واني هم مشتاقتلج قبل شوي اجيت
ودق... وعلا هلا اليوم صباحي
ذهب... يي صباحي يلا امشي نزلنه للصاله صكاري موجود
فرقد... هلا هلا شرفتي مدام حديد اووو اقصد ذهب
ذهب... هلا هلا استاذ طرشي محمض
فرقد... تعالي مشتاقلج مو مال كتل
ذهب... ليش بالله تريد تكتلني
فرقد... اذا اطر الامر نعم اكتلج
ذهب... مشتاقتلك
فرقد... واني هم حبيبتي
ذهب... يي شكوش ماكوش
فرقد... ماكوش ع حطت ايدج
ذهب... سوده عباتي
فرقد... ليس انتي لابسه حجاب حته تلبسين عبايه ام صماخ
ذهب... اوووي شبيك لعد تريدني اكول سوده بوجهي لو بعيني اسم الله علي
فرقد... يمه يمه اكلتني وشربتني ع كيفج مدام
ذهب... لست اكله لحوم حته اكلك واشربك
فرقد... يي اليوم بياته لو ترجعين
ذهب... لا اليوم ع قلبك
فرقد... بين عيوني
ذهب... سالمه عيونك يلا عيني انريد انديح تره ضوجه وهناك حصار أستاذ همام مايقبل نطلع
فرقد... ولا يهمج هسه نتغده ونطلع مانرجع غير باليل تعالي اشوف هذا هويم لو بيده الهوه هم يكطعه عنج
ذهب... اهئ اهئ أهئ شسوي غير هذا حظي
فرقد... يابه حظ الزركه كاعد قابل انتي زركه حته يكعد حظج
ذهب... هه لا اني مو زركه المهم ضلينه كاعدين نسولف ونضحك فرقد أعتبره اخويه احبه كلش اسمع كلامه الوحيد اللي كلمته تمشي علي يسمونه صكاري اتغدينه الساعه ب4 طلعنه اخذنه المدينه اني ودق تونسنه بعدها رحنه المطعم تعشينه اخذنه صور بجهاز فرقد
فرقد... ولجن كافي الجهاز احترك
ذهب... ما يحترك مابي شي هنه صور
فرقد... كافي كتلجن ما شايفات ترستن جهازي بس صورجن
ذهب... ليش هاي الوجوه ما تفتح النفس علمود من تشتاقلي تشوف صوري
فرقد... شايفه نفس اشووو اتعلمتي الغرور من هذا الشايب
ذهب... يي والله شايب ومغرور
فرقد... عندي الجن هديه
ودق و ذهب... شنووو
فرقد... هسه نطلع اخذجن تشوفنها
ذهب... اوك كملنه عشه فرقد حاسب وطلعنه اخذنه المحل مال أجهزه دخلنه
فرقد... اخذاً اللي يعجبجن
ودق و ذهب... صدك
فرقد... يي اللي تردنه
ذهب... يماااي فديتك اممممح
فرقد... يلا شوفن اللي يعجبجن
ذهب... اشكال الاجهزه كلها حديثه اني و ودق  اخذنه نفس الجهاز لمس اسمه  سامسونك واخذلنه سيم كارت وبطاقه SD وحافظات حاسب وطلعنه
فرقد... هسه تشحننهن 3ساعات يلا تفتحنهن
ذهب... شكرا صكاري
فرقد... ولو تدللن
ودق... فدوووه الك اخويه
فرقد... بس تستخدمنهن عدل مو للسوالف المكسره اني اخذتلجن اجهزه لان هسه وزاري تستفادن منه اوك
ودق و ذهب... اوك بعدين احنه شنو راح نسوي بي بس هسه حمله العاب واغاني
فرقد... هسه من نرجع للبيت شحننهن وتعالن اعلمجن 
ذهب... اوك وصلنه للبيت فرحانات انطلقنه نسولف عن الطلعه وشلون تونسنه شحنه الاجهزه اجه فرقد كعد يمنه وسوالنه فيس واليوتيوب فتحه سوالنه موقع ودخلنه قنوات مال مدرسين ع اليوتيوب وعلمنه شلون انثبت نزلنه العاب واغاني بعدها ضلينه نسولف وهوه يمنه كتعد ومنطلق اذن كمنه صلينه ونمنه ماحسيت غير الساعه ب2 الضهر حيل شكد نايمين ودق نايمه كمت من الفراش غسلت ونزلت شفت بيبي كاعده وخالتي تحجي ويه فرقد بالمطبخ كتلهم... صباح الخير
فرقد... يا صباح الساعه ب2
ذهب... انته من يمته كاعد
فرقد... كعدت وطلعت ورجعت اتغديت وانتن خامدات
ذهب... يمه انته مو نمت ويانه
فرقد... يي شبعت نوم وكعدت
ذهب... هاا علمود تتصل ع ضرغام يجي يأخذني
فرقد... ضلي هنا شعندج راجع
ذهب... باجر دوام شلون اضل
فرقد... اوك براحتج اني اوصلج
ذهب... صاعده اكعد التنبل
فرقد... صعدي صعدي
ذهب... صعدت للغرفه هاي بعدها نايمه كعدتها ونزلنه تغدينه وضلينه نلعب بالتلفون ضفت رقمها والفيس مالها عندي وهيه هم وفرقد ضاف حسابه ورقمه ورقم بيبي ورقم خالتي ضافهن جنه كاعدين اندك الباب طلع فرقد فتحه شوي ودخل ودخلت وراه.....

الاقنعه تتساقط ونكتشف الحقيقه الى اين ستصل بك الحياه يا ذهب