Second Sight

Chapter 55

"Eiji is pathetic! Killing himself for the sake of that kid!" ani Madeline habang iniiwasan ang mga atake ng mag-amang Hide at Aki.

"He just did what a father must to, protect his child!" galit na wika ni Hide. Madalas ay kalmado lamang ito ngunit ngayon ay tila ba pinangungunahan siya ng galit na siyang ipinangamba ni Aki.

"Child?! I see, so she's still alive. I want to kill her." nanggigigil na aniya.

Sina Shiro at Aoi naman ay pinaglalaruan lamang ni Luther at inaasar.

"Is that what you've got? Haha, kinalawang na kayo! Top agent my ass!" sigaw nito habang nakikipagpalitan ng atake.

"Hindi ka ba nagagalit kay Hide? Kinuha niya ang anak mo, ikaw ang nagpalaki at nag-aruga sa batang iyon, pero kinuha niya pa rin sa iyo." ani Luther na tila ba gustong pag-awayin ang matalik na magkaibigan ngunit hindi siya sinasagot ni Shiro.

"Oh! I forgot to tell you something. I am the reason of Kaoru's miscarriage that time." nakangising ani Luther. Tila ba bumalik sa ala-ala ni Shiro ang mga nangyari noon. Hirap magbuntis ang asawa niyang si Kaoru kaya nang malaman nilang buntis ito ay tuwang-tuwa sila ngunit sa ikatlong buwan ng pagbubuntis nito ay aksidente itong nahulog sa hagdan at nakunan. Ang inakala nilang aksidente ay kagagawan ni Luther.

"Damn you!" galit na sigaw ni Shiro at saka mas binilisan ang atake sa kalaban.

"Calm down, tito!" pigil ni Aoi.

"Nii-san, they're provoking them to lose their focus and control!" ani Aoi sa kapatid gamit ang isipan.

Bigla na lamang napahinto sina Hide at Aki nang makitang parang nahihirapan huminga si Madeline at nakahawak ito sa kanyang leeg, para bang sinasakal siya. Biglang nilingon ni Aki si Naomi at nakita niya ito na nanlilisik ang mga matang nakatingin kay Madeline. Nakataas ang kanang kamay nito na para bang may sinasakal sa hangin nang bigla na lamang may bumaril sa balikat niya. Lumingon si Naomi sa pinanggalingan ng putok saka niya ikinumpas ang kaliwang kamay dahilan upang tumalsik ang lalaking bumaril sa kanya sa pader na kalaban ni Philip. Sa lakas ng pagtama niya sa pader ay nawalan ito ng malay at dumugo ang likurang bahagi ng ulo.

"Naomi! Stop it! Calm down!" pigil ni Midori sa kapatid ngunit hindi siya pinansin nito.

"Please Naomi, stop. Baka mapatay mo sila!" pigil naman ni Kento. Nilingon nito ang kasintahan na may mga nanlilisik na mga mata na siyang ikinagulat ni Kento.

"I. Will. Kill. Her." aniya saka ibinalik ang paningin kay Madeline. Nilapitan siya ni Kento at hinawakan sa balikat kaya nilingon siyang muli ni Naomi at sa isang iglap ay bigla na lamang siyang tumalsik. Bago pa man siya tumama sa pader ay bigla siyang huminto sa ere at dahan dahang lumapag sa lupa.

"Hindi niya na nakikilala ang mga nasa paligid niya" wika ni Ren na kalalapit lamang kina Aya.

"Woah! What was that?!" gulat na tanong ni Kento saka tumakbo pabalik sa tabi nina Aya.

"He just saved you." ani Aya sabay turo kay Ren. Tiningnan siya ni Kento na para bang tinatanong niya kung ano ang ginawa nito.

Nilingon siya ni Ren at saka tipid na sumagot.

"Telekinesis." aniya saka ibinalik ang tingin kay Aya.

"How can we stop her?" tanong naman ni Haru.

"Hindi ko alam. Ngayon lang siyang nagkaganyan." ani Aya na nag-aalalang nakatingin sa matalik na kaibigan.

"Nao! Stop it!" sigaw ni Hiro, kalaban niya pa ang isa sa mga kasamahan nina Madeline kaya hindi siya makalapit sa kapatid.