Subukan mong tumingala-
Titigan natin ang mga tala,
Maningning, kumikislap
Parang ang ating mga pangarap.
Malinaw sa ating balintataw
Ang kagandahan ng isang butuwin--
parang isang mananayaw na humahataw,
sa sariling nitong entablado.
Ang kalangitan na nagsisilbing-
Tahanan ng mga bilyong-bilyong mga tala.
Bawat isa,
may sari-sariling estorya.
Sa mga pagkakataon...
na ako'y humihiling-
sa mga bituwin,
Hindi sa mga manininingning ako tumitingin.
Sa dinami-rami nila,
Ilan kaya ang napagod na sa pakikinig?
Sa mga kwento ng bawat tao-
Tuwing sumasapit ang dilim.
Tuwing umuulan-
Sumasagi sa aking isipan.
Katulad nang pagkawala ng mga tala,
Kapag nais nang ibuhos ng ulap ang kan'yang dinadala.
Ang mga tala bang handang makinig sa atin-
ang liwanag ba nila'y may katapusan?
Sila ba'y parang tao lamang,
Nawawala kapag umuulan o dumidilim ang kalangitan?
Kahit anong ningning-
anong tugatog?
Kapag dumidilim?
Nagtatago rin?
BINABASA MO ANG
Mga Piyesang Kumupas
PoetryMga kupas na piyesa mula sa kupas na manunulat. Enjoy reading! Free to message me! and I'll make you a poem.
