سيدرا- ايام انكضت حلوه من يروح للشغل يشغل تفكيري بالي جمعنا سوالفنا عركاتنا التضحك لعبنا وي زين اكلنا وشربنا اوقاتنا الحميميه واضل فكر شون من يجي اتصرف وادلله واسوي شي جديد اخلي. يفرح ندى متركتني سوو مهر بسيط لهدى جان مقررين الحنه يسووها ببيت جدهم هنا يعني ندى جابت كم فستان من فساتينها وكعدت تكدر وتتحضر كانت بعيده عن اختها وحتى امها. ولاحاولت تتقرب منهم كانت مكتفيه بيه. تلاميت وي عطور وعاتبتها اعتذرت مني كالت
والله اني بس سمعت اخته دتموله دير بالك تخليها تحبل تهمل زين ومنهالشي جان رجلج خايف
سكتت وغلست عالموضوع بس متركته اني من تكويني متعلمه ماعدي نهايه غير مكتمله ومااقبل بانصاف الحلول لازم اعرف ليش هيج صار يله انهي الموضوع فعاتبت عطور على اثرها بس بعد الموضوع ماله داعي وضياء يباوع لخيالي ويدور رضاي المن دااكلب باوراق قديمه
وفجاه صارت مواجهتي وي امل. وجه بوجه اني وياها خزرتني. تركتها حتى مسلمت فتت للحجيه ولانها متكدر توكف زايد صارت او تكعد زايد متكدر تسبح هم فكمت كل يومين اجي اسبحها. جانت تخجل تكولي الا اني توسلت بيها وعدهم خدامه اسمها سلامه هاي ارمله مبوشه تجي تنضفلهم البيت وتروح الحجيه متستنضف بيدها تكول نكسه اي ها مال مسح وتلزم بالكنتور لو قنفه الغرفه واني اتخبل فماريد تنضف غرفتي
كتلها اني انضفها
يمه انتي هم تعبانه بس زين يرادله كلب ممدشن
حجيه زيون كبران وروضه هم نص النهار وانتي قابل شبيها غرفتج شو جنها ورد لو خاف هم تستنكسين مني
لا يمه ليش ماباوع من تنضفين جنج امج الله يذكرها بالخير وصله الخشاب شي ووصله الكاونترشي ووصله الطباخ شي وكلسا ومعلين ايدكم اني بعيني مراقبتج
هاهي لعد خليني اداريج بعيني. والله حجيه اني ارتاح من اريحج
يا يمه يريح كلبج ماما ويحفضج ويهدي رجلج عليج ويترس بيتج جهال متعافايين
دك تلفون الحجيه ردت
هاي ماما ضيو. الحمد لله احسن والله سدوره سوته الي وكمت اكدر شوي امشي
اي يمي تنضف غرفتي وسبحتني نيالك عليها ههه اي هاي
تعاي سدره ماما ضياء يريدج-- اخذته منها ابتسم
الو
ها خاتون ليش عايفه تلفونج فوك
نسيته والله هه
نسيتي فونج يعني ناسيتني تدرين باي ساعه اخابرج ليش تهمليني لو ممهتمه كون خابرت او لا
لا والله بس علبالي اكمل واصعد
اممم من جوه
بس الحجيه وامل
ها خوو مصارت لغوه
اني ماحب ارد
عفيه بس لسانج عليه مو
لعد عليمن اطلع عضلاتي
ممم ام لسان. ديله شمركبه
خليت التبسي ونزلت
ها
حتجي
