والله لو ما بت اخ. الماتت بجي وخوف جان عرفته ياهو حمزه
سيدرا- بقيت ساكته احد موصلنا غير منطقه متحولين بس بالحسينيه منطقه شوارعها مبلطه وارحم من الجان كاعد بيها خالي الله يرحمه الطريق كله يمشي واني افكر من راح يدري شراح يسوي لا هسه يلتهي زين شنو هو موكال هبه جانت عدها علاقه بيه يعني هبه دزت اختها هم تصادقه اساله كومه تتعارك براسي بالي غير مكان بس عيوني شاخصه محسيت الا من وكفت السياره من اركز. بيت بي حديقه جبيره بس ثيل. بيها والطرمه صبه ناعمه كال
فوتي ياب مستحيه منيش هاذ بيتج انه من اول كلتلج
اي اي رديت وطبيت امشي الطرمه شطولها وعلى صفحه بيها نخله. عثوك التمر بيها نازل شحلوه باوعت على باب المطبخ فتحت مرت خالي الباب ابتسمت بوجه ثكيل كالت
هله يوم تفضلي فواي امج جاي تصلي
هلو مرت خال شونج بوستها التفتت شفت نجمه بت خالي الصغيره ضحكت وبينت سنونها تقربت حضنتها. حضنتني بقوه طبيعتي ماعرف اجامل رغم اني دوم هنا بس معايشه والدي جان مكعدنا ببغداد صح بمنطقه. بسيطه بس تختلف طباعيعهم عن اهل الحسينيه ومجاملاتهم طبيت لكيت اني ختمت صلاتها ركضت عليه. هي تبجي وتحضن بيه واني الشهكه بكلبي كلسا اشهك بس بله دموع لزمت وجهي ورجعت بوستني وتشم بيه كالت
يمه ماعوفج بعد
بعديش يوم
عذريني. يبت بطني الدنيا تلاوت عليه وجنت اضن انسبلج هناك تضلين
راحت يمه هاي هي
اي حبيبه هذا بيت عدنا صار وابن خالج سبع واخو خيته وجابنه حقنا راتب مشالنا كل شهرين واتي اروح وارد لكربلا مااكدر بعد
يوم اجي وياج
لا يوم بيضه حمره وين اخذج تجيبين العين عليج حبيبه اكعدي هنا والتردي يجرالج اقلها. اجيب راتب مناك شفتي البيت امي شفتي هاي منا المنور ليجاي هاذ النا. حصتي من ورث ابوي ردها الي اخويه وفلوس الكوستر طلعها حمزه ومال موسسه الشهداء متراكمه كدرت اجمعها واشتري بيها وي حمزه البيت بس مقبل يفصل يكول عمه تضلون جوه عيني واذا صارت مشاكل يفصله بسندويش
خوش هزيت راسي باوعتلها يعني عدنا مطبخ لاخ
اي امي بيتين صغار ساواهن
ها
بس بسيط ومابي بس فراش وطباخ وثلاجه صغيره بيتنا مو نفس هنا وشوي شوي نجمع ها شتكولين
يمه دبريلي شغله الله يخليج
اي ماما تدرسين وي نجومه
بقيت صافنه يمه اني مااعرف ومالي واهس بالدراسه
لعد شون امي
ماعرف اخبز
لاااع لاع ابد الخدمه انسيها بعد خلص كلبي بعد بس لاهل البيت الخدمه
هزيت راسي لعد دوريلي شغله هناك حتى لو بيت العلويه هي علويه وتستاهل واحد يخدمها مو بس تساعد العالم
