سيدرا- وصلنا بيت جبير وبناءه حديث حلو كلش جا صلحبه فاتح البيبان ثنينهم وواكف بالباب. ينتضر من وصلنا ابتسم كال
كل الهله. باخو ضهري
ها سلمان الله يساعدك
الله يسلمك
نزلت بخجل وسلمت زين اللي مستغرب تقر سلمان ياخذه جره ضياء من ايدي قبله وطاهيا مبتسم وكفت وره ضياء منحرجه زين يباوعلنا مستغرب كوه لازم روحه بس اجكه يبجي
طبينا فتحت الباب بنيه تطلع بكد امل حلوه تخبل. وملكاها شحلو بوستني باوعتلي
واخير فطر ضياء. بس والله خوش فختيه.
شونك خويه
باوعت لضياء وجهي صار دم شفته نصه وعكد حاجبه كال
هله هله ام محمد.
تفضلو كل الهله بيكم
طب ضياء وره سلمان وجوي ولد يطلعون واحد متوسطه وواحد ابتدائيه كصت علي الله يرحمه برسهم ضياء وجته طفله تركض شالها ليفوك يبوس بيها باوع. لسلمان كال
ولك هاي شوكت كبرت ولك صايره مره
هههه غير انت متجي واشوفها عيني تريد تتزوج عدك عريس الها تكول شوكت البس البدله
هههه ولج يابدله تكفيج ام كرش
عمو اني مو صرت جبيره كوله لبابا اريد اصير عروسه
ههههه قافله عالقضيه هاي
بقيت اباوع بالوجوه ولازمه جنطه عطور بايدي الاثنين عاصرتها من التوتر اباوع لهبه ممبين عليها موخوش كالت
تفضلو تعاي انتي ويايه وخلي الرياجيل سوه. وحدهم
باوعت لضياء هز راسه. بس مراضي
مشيت وراها طببتني بهول مفروش بقيت تسولف. واني اهز راسي شوي وجوي سلمان وضياء يباوعله ويدير وجهه احسه حينفجر
كالت
ها سلمان نخلي العشه
ضيا- لا يابه ياعشا سلمان امي تنتضر
هسه خابرها وكولها بايت يم صاحبي. وي مرتي يابه متعرفنا على ام الزين
رفعت راسي لضياء ونصيته
كال
لتلح سلمان تره تخجل كوه قنعتها تجي
يابه ضياء اخويه وانتي مرته يعني اني اخوج حالي حال بهاء
بقيت منصيه كال
كفو ابو محمد
بقه منصي كعد بصفي مد ايده وره كتفي خلاها عالضهر مال قنفه التفتت باوعتله مستغربه ابتسملي وغمز تفاجات كلش ابتسمت
هبه- يعني صلوات على محمد اني كلي سلمان مصدكت بس متوقعتها هلكد حلوه وتنحب الله يوفقكم بحياتكم ياربي
سيدرا- باوعت لهبه بلعت ريك والله حبابه لامكياج مخليه وحجابها مضبوط ليش يكول عليها موزينه بقت تباوعلنا تبتسم. زين وبنتها يلعبون بس زين مستغرب شوي وكامو صبو ورجلها وياها يساعد بتقديم الاكل ويحجي
