ان كان غيري جاز لك في غيابي .... غيرك تعنى لي وانا صدّيته

البارت السابع والثلاثون

‏اللهم اصلح عاقبتنا في الامور كلها "
‏واجرنا من خزي الدنيا وعذاب الآخرة

........

ستر المواجع داخل القلب راحـه
لـو يمتلي صــدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

......

ف المستشفى
اول ما دخلوا الغرفة( طلال وغازي ومشاري)

طلال وهو منزل راسه : السلام عليكم
الجميع : وعليكم السلام
طلال : شخبارك مها
مها باحترام وذوق: الحمدلله طيبه .... شخبارك انت
طلال : والله الحمدلله نشكر الله
مها وهي تناظر دانه وبخبث : مبروووك يا طلال
طلال باستغراب: على وشو
ام طلال : مبروك عليك دانه
طلال بدون شعور رفع راسه وناظر دانه اللي منزله راسها خجلانه : جد دانه
مشاري بمزح : هيي انت ترى لسى ما صار شي ليش تكلم اختي
طلال تدارك على عمره ونزل راسه : ههههه اسف والله ياخوي من فرحتي هذي
دانه خلاص ما تحصلونها من الاحراج .... ريم من شافت شكلها ما قدرت تكتم ضحكتها : هههههههههههههههه هههههه
غازي رفع راسه لما سمع ضحكتها .... ريم لما شافته يناظرها كتمت ضحكتها ونزلت راسها
الجميع ما عدا دانه : مبروووك يا طلال
طلال وهو شوي ويطير من الفرحه : الله يبارك فيكم .... وهاه الملكه الاسبوع الجاي
دانه بصدمه رفعت راسها وناظرته : هااااه
الكل : هههههههههههههههه هههههههههههههههه
غازي وهو يضربه على اكتافه : نعم ما سمعت
مشاري : انت وشو ما صدقت على الله.... اسمع من الحين اقولك الملكه بعد سنه والعرس بعد سنتين خبرك الحريم لازم يجهزون
طلال بمزح : نعم يالاخو ..... احد وكلك محامي لدانه ...... اقول الملكه بعد اسبوعين والعرس بعد شهر
ام غازي : خلاص اجل الملكه بعد اسبوعين والعرس بعد شهر
دانه وهي تناظر امها بنظرات رجا عشان تغير الموعد
ام غازي : وش رايك يا دانه
دانه بخبث : انا اريد الملكه بعد شهر والعرس بعد ثلاث شهور
طلال منصدم من الكلام اللي سمعه : مو كانك زودتيها
ريم : ههههههه شكله مستعجل الاخو
مها : انا عندي راي وش رايكم تخلون الملكه بعد اسبوع والعرس بعد شهرين
مشاري : يا عمري اللي يعطي رايه خلاص اجل انا مع مها
طلال : خلاص حلو انا موافق
ام طلال : وش رايك يا دانه
دانه وهي تناظر غازي : انا موافقه اذا موافق اخوي غازي
غازي بحب لاخته : اذا اختي موافقه انا موافق
دانه وهي تناظر امها : وش رايك يمه
ام غازي : خلاص على هواكم
ام طلال : خلاص اجل الملكه بعد اسبوع والعرس بعد شهرين

طلال وهو يتذكر : ريم انا وامي بنروح البيت انتي غازي بيوصلك
ريم بصدمه: نعم
غازي ابتسم بسخريه لما سمع رايها
طلال : وشو نعم .... غازي الحين زوجك يعني عادي تروحين معاه
ريم وهي شوي وتبكي : ان شاء الله
مشاري : خلاص اجل انا بوصل اهلي لانه وقت الزياره انتهى

تحمد الجميع على سلامة مها ... وودعوها ... طبعا اخر واحد كان مشاري وهو يوصيها تدير بالها على نفسها وتنادي الدكتور اذا احتاجت شي
مها : خلاص حبيبي والله فهمت
مشاري وهو ما وده يتركها : اكيد
مها : اكيدين يا قلبي .... انت اهم شي روح ارتاح
مشاري باسها فجبينها : عيل انا استودعك
مها : مع السلامه
( بعد ما راح كشاري قامت مها وتوضت وصلت ركعتين وقرت القران بصوت جميل وهي تبكي )

........
طبعا دانه وام غازي راحوا مع مشاري
وام طلال راحت مع طلال
واخيرا ريم راحت مع غازي

.....
عند ريم وغازي ... كان الصمت سيد الموقف

غازي وهو يناظرها : متى تبين العرس
ريم : لو بيدي ما ابي اعرس
غازي بسخريه : عاد انا اللي ميت
ريم وهي شوي وتبكي دايم يحرجها
ريم وهي تناظره بعيون دامعه : عيل ليش تزوجتني اذا ما تبيني
غازي من شاف دموعها بلع ريقه .... كان يريد يحضنها بس تدارك على عمره ( تماسك يا غازي انت تبي تنتقم عشان كذا لازم تاخذ جزاها )
غازي بقسوة مو من قلبه : ابي انتقم
ريم بصدمه : تنتقم ..... ليش تنتقم انا وش سويت عشان تنتقم
غازي : سويتي كثير ولازم تاخذين جزاتك
ريم وهي تبكي : اكرهك يا غازي اكرهك
غازي ما يدري ليش وجعه هالكلام .... وقال بعصبيه : وانا بعد يا ريم اكرهك واتمنى العرس اليوم قبل باكر عشان ما اخليك تتهنين فحياتك .... ابي اذبحك ابيك تموتين يا ريم
ريم سكتت بعد هالكلام .... وهي منصدمه ... ما كانت تبكي لكن الدموع كانت تحكي حجم صدمتها بعد هالكلام

غازي التفت وشافها منصدمه : شكلك انصدمتي
ريم من جد خافت منه ... وقالت بخوف : وقف
غازي : نعم
ريم وهي تصارخ : قلت لك وقف مابي اركب وياك
غازي بعصبيه : وش هالكلام شكلك جنيتي
ريم وهي لسى تصارخ : غازي قلت لك وقف... او بفتح الباب ويصير اللي يصير
غازي خاف عليها ووقف السياره
ريم من شافت السياره وقفت نزلت بسرعه وسكرت الباب بقوه
غازي من شافها نزلت نزل وهو يقول : ريم ارجعي السياره
ريم بكره : والله يا غازي اذا لحقتي لاصارخ عليك واقول هذا يريد يختطفني
غازي بعصبيه : ريم لا تتهورين وتدخلين الشارع .... ارجعي ( وهو يقرب منها )
ريم لما شافته يقرب : لا تقرب انا احذرك
غازي : طيب ما بقرب بس تعالي ولا تخافين
ريم وهي شوي وتوصل الشارع المزدحم بالسيارات : اكرهك يا غازي ..... عشان كلام انا قلته لك تبي تذبحني
غازي وهو خايف عليها ما يدري ليش وهو يقرب منها  : ريم يا قلبي انا كنت امزح والله كنت امزح لا تتهوري
ريم وهي لسى ترجع لورا : انت كذاب ادري الحين تقول هالكلام عشان ارجع وبعد ما ارجع بتذبحني
غازي وهو يسرع ف خطواته : ريم انا احذرك لا تعملين كذا ... ما بقى شي وتوصلين للشارع
ريم وهي تناظر لورا وشافت نفسها ف الشارع .... خافت من جد وهي تشوف السيارات .... شافت سياره قادمه باتجاها .... تجمدت مكانها وتناظر غازي اللي كان يركض عشان ينقذها
هنا غازي خاف عليها ... لا ياربي والله احميها بس ما تروح مني .... ركض عشان ينقذها : ريم ارجعي لورا
ريم تجمدن رجولها : غازي
غازي ركض باسرع ما عنده ... كان صاحب السياره ياخذ تلفونه اللي طاح منه ومو منتبه لريم ..... خلاص ريم حست نهايتها قربت .... غمضت عيونها وتشهدت .... ما حست غير اللي يدفها
فتحت عيونها ريم لما وقعت على الارض وشافت الناس متجمعين استغربت وش صاير ..... وبعدين التفتت حولها وما حصلت غازي
ريم : غازي
راحت تركض من وين تجمع الناس .... انصدمت لما شافت غازي ما يتحرك والدم مغطي وجهه ... راحت جنبه
ريم : غازي ... يا غازي .... الله يخليك لا تتركني ....( وبصراخ ) اتصلوا بالاسعاف

بعد دقايق وصلت سيارة الاسعاف.... اخذوا غازي وريم راحت معاهم

.......
كانت ام غازي ودانه يسولفون عشان الملكه .... فجاه ام غازي مسكت قلبها وهي تسمي
دانه خافت عليها : يمه بسم الله عليك وش فيك
ام غازي : بسم الله الرحمن الرحيم .... مدري والله .... دانه اتصلي ف غازي وتطمني عليه
دانه : يمه لا تخافين غازي الحين هوو وريم
ام غازي : عشاني يمه طمنيني الله يطمن قلبك شوفي وينه
دانه خافت : ان شاء الله

مسكت جوالها واتصلت ف غازي لكن كان جواله مسكر
دانه : ما يرد