ان كان غيري جاز لك في غيابي .... غيرك تعنى لي وانا صدّيته

البارت السادس والعشرون

قلبك إذا عطش فلا تسقه إلا بالقرآن، وإذا استوحش فلا تشغله إلا بالرحمن.

......

ريح الحطب والبرد ومقابل النار
تجلي عن الخاطر هموم(ن) كثيره
-
والدله اللي وسطها بن وبهار
تشفي جروح اللي جروحه خطيره

.....

ام غازي كانت تتابع برنامج صباحي .... سمعت الجوال يرن رفعت السماعه عشان تعرف الطرف الثاني
ام غازي : الوو
ام طلال : السلام عليكم
ام غازي بفرح : هلا بام طلال وعليكم السلام
ام طلال : اخباركم واخبار العيال
ام غازي : والله الحمدلله والعيال الله يحفظهم كويسين
ام طلال : دووم ان شاء الله
ام غازي : اخباركم انتوا
ام طلال : والله الحمدلله ... عندي لك خبر يونسك
ام غازي : هااتي ياختي خلينا شوي نتونس
ام طلال : ريم وافقت على ولدك غازي
ام غازي بفرح : الله يبشرك بالخير مثل ما بشرتيني .... عسى الله يجمع بينهم بالخير
ام طلال : امين يارب ... وعاد انتوا قرروا متى بتجون
ام غازي : خلاص تم بشوف غازي وبعطيكم خبر ان شاء الله
ام طلال : على خير ... مع السلامه
ام غازي : مع السلامه
وسكروا من بعض والفرحه مو سايعتهم ... وهم يدعون الله يجمع بينهم بالخير

ف الجامعه
دانه : هااه روييم وش هالتغلي
ريم :ليش
دانه : يعني لسى ما قررتي اذا موافقه او لا
ريم بدون نفس : خلاص قررت
دانه : وش قررتي
ريم : بتعرفين من امك
دانه : يووه ريم وش فيها اذا قلتي الحين
ريم بعصبيه : خلاص دانه وش هاللقافه اللي فيك
دانه انصدمت من عصبية ريم : خلاص اسفه مو قصدي والله
ريم وهي تحس على عمرها : انـ...
قاطعها صوت جوال دانه
دانه بحزن : الوو ... ان شاء الله الحين بجي
( وسكرت الجوال واخذت اغراضها
دانه بدون لا تناظرها : اخوي غازي ينتظرني مع السلامه
ريم وهي تناديها : دانه
بس دانه راحت بدون لا تكلمها
ريم بعصبيه : الله ياخذك يا غازي ... الله ينتقم منك ... الله يفرق بينك وبين اعز اخوياك مثل ما فرقت بيني وبين دانه ... حسبي الله عليك

....

عند غازي ودانه
دخلت دانه السياره وسكّرت الباب بقوه
غازي تنرفز : لا وين اكسريه بعد
دانه ما ردت عليه
غازي : هيي انتي اكلمك
دانه تحاول تعدل صوتها : اسفه مو قصدي والله
غازي استغرب من صوتها : وش فيه صوتك
دانه : هااه لا ابد ما فيه شي
غازي : دانووه تكلمي
دانه : راسي يوجعني
غازي : تبيني اوديك المستشفى
دانه : لا ماله داعي باخذ بنادول وبصير كويسه
غازي : طيب

......

عند ريم
رجعت البيت وهي زعلانه ... اليوم رفعت صوتها على اعز اخت عندها وراحت وهي معصبه ... ياربي وش اسوي
حصلت اخوها طلال ف الصاله
طلال شافها ماده البوز وزعلانه... راحت ريم وجلست على الصوفا وهي تفكر
طلال باستغراب : وعليكم السلام
ريم انتبهت على اخوها وبهدوء : اسفه طلال ما شفتك
طلال راح جنبها : وش فيه القمر زعلان
ريم لفت وجهها عشان لا يشوف دموعها : ما فيني شي
طلال لف وجهها على صوبه وهو يشوف دموعها جريان على خدها المورد : وهذا شنو
ريم ما استحملت وبكت
طلال انصدم من بكاها ومسح على شعرها الطويل : حبيبي ريوومه وش فيك تبكين احد زعلك
ريم وهي تناظر عيونه : دانه يا طلال
انصدم طلال :دانه ؟! .... وش فيها دانه عليك الله تحكين وش فيها دانه.... انتي تدرين غلاتها عندي ... ف الله يخليك تكلمي وش فيها
ريم وهي تبكي : ما فيها شي لا تخاف بس انا عصبت ورفعت صوتي وراحت وهي زعلانه مني .... بس والله مو قصدي
طلال ارتاح لما عرف انها ما فيها شي بس عصب : وليش ترفعين صوتك عليها وش السبب
ريم : كانت تسألني اذا موافقه على اخوها او لا ... وانا عصبت وتنرفزت ... وراحت وهي معصبه وزعلانه مني
طلال ما عجبه تصرف اخته بس حب يتناقش معاها بهدوء : خلاص حبيبتي ما صار شي وخويتك قلبها حنون وان شاء الله تسامحك
ريم : ايه شلون ؟!
طلال : سهله روحي واشتري لها بوكيه ورد وروحي لبيتهم واعتذري منها وبس
ريم : ان شاء الله اليوم بإذن المولى بروح لبيتهم
طلال وهو مشتاق يشوفها : وش رايك انا اوديك
ريم حبت تستغل طلبه : لا عادي ما رح اتعبك السواق بيوصلني
طلال : ههه اي تعب الله يهديك ... انا كم ريومه عندي
ريم وهي تناظره بنص عين : ادري مو حبا فيني ... مشتاق
طلال : شنو مشتاق الله يهديك ... بس قلت بنطلع نشم هوا انا وانتي
ريم وهي تقوم بتروح لغرفتها : يا حبك للكذب ... خلاص اليوم العصر ان شاء الله

......

عند غازي ودانه
دخلوا الصاله وشافوا امهم تتابع التلفزين
دانه وغازي : السلام عليكم
ام غازي : وعليكم السلام اسفرت وانورت ... روحوا يمه بدلوا عشان نتغدا
غازي : ان شاء الله يمه
دانه وهي تروح : انا ما اريد ... عليكم بالعافيه
ام غازي باستغراب : وش فيها اختك
غازي وهو يرفع كتوفه بمعنى ما ادري : تقول راسها يوجعها
ام غازي : رووح يمه بدل لانه فيه موضوع بقولك
غازي باهتمام : شنو الموضوع
ام غازي : يا ولدي روح بدل عشان نتغدا ونتكلم بالراحه
غازي : طيب طيب

.......
بيت ابو عبد العزيز
ليان وهي تتكلم على التلفون
ليان : رغييد وبعدين
رغد : خلاص اسفه
ليان : المهم تعالي اليوم عندي مررره طفش
رغد : خلاص اوك العصر بكون عندك
ليان : خلاص تم انتظرك
رغد : يلا باي قلبوو
ليان : بايووو

.......

ام غازي وغازي كانوا يتغدون
غازي : يمه شنو الموضوع اللي كنتي تبيني فيه
ام غازي : عشان ريم
غازي بكره : شنو فيها يمه
ام غازي : وافقت عليك
غازي بدون نفس : ايه كويس
ام غازي : متى تبينا نروح نخطبها رسمي
عازي تضايق : ما ادري يمه اي يوم تبيه انا جاهز ( وقام من طاولة الطعام )
ام غازي : وين يمه ما اكلت كثير
غازي : الحمدلله يمه شبعت سلمت يدك ( راح وباس ايدها وراح لجناحه )
العصر

بيت ابو طلال
ريم كانت تجهز .... لبست تنوره طويله لونها اسود وسلاسل بيضا وبلوزه ابيض وفيها كتابات بالاسود .... وشوز ابيض وساعه بيضا واسواره سودا ... اكتفت بالمسكارا وكحل ابيض وبلاشر وردي  وروج احمر خفيف ... وخلت شعرها مثل ما هو بس رولت شعرها من ورا ونزلت غرتها .... وطالعه ملكة جمال
واخذت عبايتها وراحت لاخوها اللي كان يناديها
اول ما ركبت السياره
طلال بعصبيه : هووو انا سواقك متى ما بغيتي تطلعي ومتى ما بغيتي تتأخري
ريم : يووه طلال تدري لزووم اتجهز
طلال : هذي مو اول مره يا ريمووه
ريم بخوف منه : طيب هدي هدي ... خلنا نتحرك اذا بتسمح طبعا
طلال وهو يحرك السياره : وين تبين تروحين
ريم : ابي اروح اشتري ورد
طلال وهو يوقف عند محل الورد : بتنزلين او بروح انا
ريم : اكيد بنزل
طلال : بالله اخلصي لك ٥ دقايق بس
ريم نزلت بسرعه وكانت بنت تبيع
ريم : السلام عليكم
البنت : وعليكم السلام
ريم : لو سمحتي اريد باقة ورد باللون الاصفر
البنت : حازر مداوم رح اعملك احلى بائة ورد
ريم : ثانكس
البنت : ولو

طلال ( يالبى وانا بعد احب اللون الاصفر )
خلصت ريم من الباقه وراحوا

وصلوا لبيت دانه
طلال : يالله انزلي
ريم : وانت ما بتنزل
طلال يخزها : وانا شدخلني انزل
ريم : ايه صح

وسمعوا بوري سياره وراهم
التفتوا الاثنين وشافوا غازي ينزل
طلال : يالله ادخلي
راحت ريم وضربت الجرس وطلعت لها الخدامه ودخلوا
راح طلال لغازي

.....