#بنت_عمي
#فريده_احمد_فريد
الحلقه الثالثه والثلاثون والأخيره ...........
أمام مكتب وكيل النيابة العامة
يجلس محمود وسيف وحازم ينتظرون النداء ع محمود لكنهم كانوا قلقين بسبب تأخير المحامي
اتصل سيف به عده مرات لكنه لا يجيب أخيراً نادي العسكري ع محمود
نهض محمود ونظر لهم سيف قال له
"ما تقلقش يا محمود انا هفضل وراه لحد ما يرد ابن الجزمه ده حسابي معاه بعدين"
هم محمود بالدخول لكنه سمع المحامي من بعيد
"انا جيت استني "
سيف قال له بحده
"كنت فين يا استاذ وما بتردش ع تلفونك ليه"
"معلش يا سيف كان ورقه مهمه كان لازم اروح اجيبها بنفسي"
دخل المحامي مع محمود واستجوب وكيل النيابة محمود وحكي محمود قصته مع هند منذ سنوات سأله وكيل النيابة
"انت مش شايف يا محمود أن كلامك دا يأكد التهمه عليك يعني مراتك خانتك وهربت مع صاحبك وانت عملت حادثه قبل ما تطلقها ولما رجعت لعقلك لقتها رجعت لحياتك تاني وفارضه نفسها عليك يبقي ليه ما تكونش انت اللي قتلتها وبعدين ما تنساش ان اللي بتتهمها بالخيانه دي بنت وزير وانت للأسف بما انك ما قدرتش تثبت خيانتها بالدليل من سنين فاتوا يبقي كلامك دا مالوش اي اعتبار ف القانون"
و هنا يأتي انقاذ آخر من سمر لمحمود قال المحامي بثقه كبيره
"لأ يا فندم احنا نقدر نثبت خيانه بنت معالي الوزير انا معايا ادله ع كلامي"
أعطاه المحامي الصور و أعطاه هاتفه وطلب منه أن يشاهد الفيديو محمود نظر للمحامي بصدمه أراد أن يسأله من اين اتي بالفيديو والصور؟؟؟؟؟
شاهد وكيل النيابة الفيديو بأشمئزاز كبير وقال للكاتب
"امرنا نحن وكيل نيابه مصر الجديده بضبط واحضار أولا عبد الله محمد بواب العقار وثانيا مازن جمال القناوي للتحقيق معهم"
وهنا فجر المحامي مفاجأته عندما اخرج ورقته الرابحه وقال
"ودا يا معالي الباشا دليل اخير انا جبته بمعرفتي اتفضل دا كشف حساب عبد الله البواب فتح حساب لنفسه امبارح بس ب٣٠٠,٠٠٠٠ألف جنيه ودا اكيد يا فندم عشان زور شهادته وقال ف التحقيق أنه شاف محمود خارج من شقه هند مراته انا قلت يا فندم اوفر ع معاليكم التعب بس برضو حققوا وأتاكدوا بنفسكم"
أمر وكيل النيابة بحبس محمود ٤ ايام ع ذمه التحقيق حتي يتحقق من صحه الأوراق والفيديو والصور الذي قدمها المحامي
عاد محمود للقسم ف سياره الترحيلات ذهب خلفه سيف و حازم بنفوذ سيف وقوه المال لم يدخل محمود الزنزانه مع المساجين
بل ظل ف غرفه خاصه لمأمور القسم شخصياً جلس معه سيف وحازم ف الغرفه لكنه قال لهم بغضب
