#بنت_عمي
#فريده_احمد_فريد
الحلقه التاسعه والعشرون..............
دق حازم ع باب غرفه فرح.....لكنها لم ترد عليه....فتح الباب ودخل...وجدها جالسه ع سريرها وتنظر أمامها ف الفراغ
لكن آثار الدموع كانت ع وجهها الذي ظهر عليه التعب والارهاق لأنها لم تنم من أمس...جلس حازم بجوارها ع السرير
ومسك يدها....أنتبهت إليه...ونظرت له قال لها
"انا مش فاهم انتي مكبره الموضوع كده ليه.....ياسين ماكنش هيسيب الكلب ده ياخدك يا فرح"
نظرت له بلامبالاه وقالت
"واللهي.....خلاص يا حازم من فضلك انا مش عايزه اتكلم ف الموضوع ده تاني.....وكل حاجه قسمه ونصيب...انا طلبت منه يطلقني ومش عايزه اسمع أي مبررات ليه يا حازم"
"بس انتي مش شايفه أنك ظلماه....ماهيه امه برضو وكان خايف عليها"
"انا عارفه يا حازم....بس محدش هيحس بأحساسي وقتها ابدا.... الواحده لما تحس أن الراجل اللي بتحبه باعها ف لحظه ......بتتوجع اوي عشان امه بقي أو حتي عشان ضناه بس انا حزنت أنه مفكرش ف اي حل بديل....دا حتي ما حاولش يعترض لما عماد خدني......واللهي واللهي العظيم يا حازم لو سيف ما كان بعت الرساله دي ف اللحظه دي....كان عماد خدني وياسين واقف يتفرج عليا.....خلاص يا حازم...الثقه راحت ولما الحاجه دي بالذات تروح....مابترجعش تاني ابدا......فاهم يعني ايه جوزي يسقط ف نظري....خلاص بالله عليك يا حازم....سبني لوحدي شويه"
حازم حاول أن يضمها بين يديه ليهون عليها.....لكن فرح رفعت يدها ف وجه علامه الإعتراض.....تركها حازم وخرج ...وهوه يشعر بأنكسار غريب ف قلبه
*************************
ف بيت ياسين
كان ينظر لأمه بذهول ...قال لها
"ايه دا....معناه ايه الكلام ده.....يعني انا سعادتي ولا فارقه معاكي"
"سعاده....سعاده ايه يابو سعاده انت....انت ناسي انت ابن مين...وانك دكتور كبير ومشهور.....بقي ع اخر الزمن انت دكتور ياسين ...تتجوز واحده زي دي واحده متطلقه من واحد مجرم رد سجون واخوها برضو رد سجون....واهلها ناس بسيطه اوي كده"
"دي تبقي بنت عم ولاد اختك..... وبعدين اخوها رد السجون اللي مش عاجبك دا هوه اللي انقذ حياتك يا ام الدكتور العظيم"
"ياسين من غير كتر كلام.....البنت دي تطلقها فوراً....انت سامع"
"ياااه يا امي للدرجه دي....طب اسمعي بقي انا مش هطلق فرح مراتي.....وانا مش عيل عشان تؤمريني كده....فرح دي اللي وافقت انها ترجع للمجرم ده المجرم اللي كان عايز يستغلها ويستغل ثروتها الجديده.....المجرم اللي عذبها وشافت معاه اسود ايام حياتها...كانت هترجع له بس عشان تنقذ حياتك منه .....انا دلوقتي بس عرفت قيمتي عند امي وعند مراتي....هيه كانت مستعده تضحي بحياتها عشاني وانتي مش مستعده تتنازلي ولو شويه عشاني...خلاص يا امي براحتك.... انا هروح اترجي مراتي انها ترجعلي ومش هعيش معاكي هنا......انا هاخدها ونروح اي مكان تاني عشان ما نزعجش حضرتك"
