#بنت_عمي
#فريده_احمد_فريد
سمر دخلت غرفتها واغلقت الباب خلفها بعنف
سندت جسدها ع الباب وهيه تتذكر توبيخ صباح لها عندما قالت
"اسمعي يا سمر....الناس هنا مش لطاف زي ما ممكن تتخيلي......هما ممكن يمشوكي ف لحظه.ولو شغاله عندهم بقالك سنين......الكل هنا شايف نفسه اوي.....العيله دي فاكره نفسها عيله من ايام المماليك....وانهم ارستقراطيين.....ف بيمشوا كل حاجه بالقوانين......ناهد دي ما عندهاش رحمه.....ست قاسيه جدا.....حتي ع احفادها اللي ماكملوش 3 سنين......وما بتقعدش هنا غير ايام بسيطه.....لكنها دايما عارفه باللي بيحصل هنا......وملك هانم ...ف سنك كده...لكنها مغروره.....وشايفه نفسها اوي......وسيف اسوء منهم كلهم. ......البيت دا فيه حاجات غريبه ...وياما جه قبلك ناس و ما اتحملوش...لكن انا عشان ست كبيره ف السن.....بتحمل اسلوبهم ..وأوامرهم......واي حاجه تانيه بشوفها...او بسمعها ف البيت ده.......شغلك هنا مش هيبقي سهل ابدا.....هتمشي ع القوانين بتاعه الست ناهد.....هترتاحي وتكملي.....مش هتتحملي الأوامر يبقي يا بنتي من دلوقتي شوفيلك شغلانه تانيه......وبعدين ما تنسيش ان ناهد هانم أمرت بتحويل فرح اختك لمستشفى ياسين بيه ابن اختها ......يعني الست احسنت عليكي من قبل ما تشتغلي عندها.....المفروض عليكي تردي الجميل...وتنفذي الأوامر. .ماشي يا سمر....وعشان خاكر ربنا يا بنتي بلاش تجيبي لي الكلام تاني.....لما اقولك اعملي حاجه.....تعمليها....انا ست كبيره ومش حمل بهدله من حد فيهم...."
سمر طبعاً اعتذرت لها.....لكنها الآن ف غرفتها....تندب حظها.....قالت وهيه تبكي رغما عنها
"ليه يا ربي كده.....يعني تحرمني من عيلتي ...ومن بيتي....وصبرت...وعشت انا وفرح اسود أيام حياتنا من بعد الكارثه اللي حصلت لنا وخسرنا بسببها اختنا. ..وبيتنا....دلوقتي عايز تاخد مني فرح. ....يا اما كده يا اما اشتغل خدامه وعبده عند ناس زي دول......طب انا هتحمل ازاي بس......ليه اختي دونا عن الناس كلها هيه اللي تتأذي بالشكل ده بس"
مسحت سمر دموعها وهيه تتذكر تلك المكالمه الشوؤم التي اتتاتها....لتخبرها
بحادث رهيب اودي بحياه اشخاص كثر.....و أصابه اخرين.من بينهم فرح
سياره أجره ((ميكروباص )) انقلبت من ع كوبري الجيزة. ....
وبسبب هذا الحادث. .....فرح طريحه الفراش ف المشفي....ف غيبوبه. ..قال الطبيب انها
غيبوبه طويله الأمد
سمر سارت تجاه النافذه الضخمه ف غرفتها....وفتحتها بصعوبه.....هبت رياح قويه عصفت بوجه سمر
مما جعلها تغلق النافذه بسرعه......واتجهت نحو الفرنده ف الأتجاه الاخر ف غرفتها
دخلت الفرنده....وهبت عليها نفس الريح القويه....لكن سمر تحدت موجه الرياح
