حب اعماه الانتقام ..

الفصل ٦٠الأخيرالجزء١(بداية الطوفان)

بعد مرور اسبوع اخر...
كانت شيرين تحضر الحقائب لكى يستعدوا للسفر وفجاة شعرت بيده وهى تحيط خصرها من الخلف مستندا بذقنه على كتفها هامسا لها:_بتعملى ايه بقالك ساعه ومشغولة عنى.

شيرين وهى تترك مابيدها لتدير نفسها اليه وتتعلق برقبته مبتسمه:_مافيش بحضر الشنط عشان سفر بكرا ولا انت ناسي ان شهر العسل خلص.

ادم وهو يسند جبهته بجبهتهامتحدثابحب:_امم هو اه شهر عدى بسرعه لكن العسل ماخلصش ياباشمهندسة احنا حياتنا مش هتوقف على شهر العسل بس لاء احنا هنعيش على طول فى عسل كده بقى انا ازعل .

شيرين بابتسام:_خلاص ياسيدى وعلى ايه متزعلش اسفه خانى التعبير شهر اجازتنا خلص وبكرا السفر وهنرجع للشغل والروتين.

ادم بمرح:_طول ماانتى مع ادم الزينى مافيش حاجه اسمها روتين ولا ملل.

شيرين وهى تنظر له بشك:_امممم ناوى على ايه يازوجى العزيز.

ادم:_ناوى على كل خير يازوجتى العزيزة مفاجاة.

شيرين:_تانى مفاجاة اه منك ومن مفاجأتك.

ادم:_يعنى مفاجأتى بزمتك مابتعجبكيش .

شيرين بحب:_كفاية عليا وجودك انت وجودك معايا هو احلى حاجه واحلى مفاجأة فى حياتى.

ادم بمرح:_امم انا بتعاكس ولا حاجه.

شيرين بضحك:_اه عندك مانع.

ادم بابتسام:_انا معنديش مانع بس مراتى ممكن تزعل وانا بصراحه مااقدرش ازعلها ثم همس لها
بابتسام:_ اصلها ست شرانية وانا بخاف منها.

شيرين وهى تنظر له شرزا:_والله بقى انا ست شرانيه طيب هتشوف الشرانيه هتعمل فيك ايه ياجناب الباشمهندس ثم قامت بقذف احد الوسائد بوجه وهى تهتف:_بقى انا شرانيه طيب ياادم.

ادم وهو يحاول تفادى ضرباتها ليوصل لها بالاخير ممسكا بيدها يحدثها مبتسما:_بس يامجنونه كفاية بهزر والله بهزر.

شيرين وهى تنظر له:_وهو انت اصلا تقدر تتكلم عنى كده جد ده انا كنت خاصمتك.

ادم وهو يقيد يدها ويقف محتضنها من الخلف هاتفا بحب:_وانا ماقدرش اعيش دقيقه من غيرك ده انا كان ممكن يجرالى حاجه يرضيكى يرضيكى يجرالى حاجه.

شيرين وهى ترجع برأسها للخلف تستند على صدره تهتف بعشق:_بعد الشر عليك ياحبيبى.

ادم:_احلى كلمه بسمعها منك كلمه حبيبى.

شيرين وهى تدير نفسها اليه بعد ان تركها ادم وتتعلق برقبته:_هفضل اقولها لحد اخر يوم فى عمرى.

ادم وهو يداعب ارنبه انفها هامسا بعشق:_وانا هفضل اسمعها منك وعمرى ماهزهق منها ابدا لحد اخر يوم فى عمرى،نظر لها مطولا واقترب منها مقبلا شفتيها برقه متناسين كل شئ حولهم لتتذكر شيرين انهم بالغد سوف يغادروا تركيا لتبتعد شيرين عنه بهدوء هامسه بتعلثم:_ادم.... الشنط........والسفر بكرا ياادم .