حب اعماه الانتقام ..

الفصل٣٠{ حبيب الروح٢}

فى المشفى ........
بعد ان فرت ملك هاربة من امام ماجد ظل هو على وضعه واقفا مكانه ينظر فى اثرها مبتسما بشرود حتى انه لم يشعر بوالدته بعد ان انهت صلاتها ولا بسؤالها عن ملك .

زينه بعد ان انهت صلا تها وخرجت اليهم لتجد ماجد واقفا وحيدا فى الغرفه: غريبة اومال ملك راحت فين ، اوعى تكون شيرين حصلها حاجه.
ولكن ماجد لم يرد على سؤالها هذا وظل على صمته ، حتى ربتت والدته على كتفه برفق فانتبه لها وهو مازال على وجه نفس الابتسامه ، فنظرت له والدته بحب .

زينه : ايه بتحبها ؟؟؟

ماجد وهو يفيق من شروده: احم... بتقولى حاجه يا ماما .

زينه وهى تمسك بيدها كوب من القهوة وتحدثه بتسلية : ايه بقولك مش بتحب القهوة ده انا افتكرتك وجيبتها معايا.

ماجد مبتسماوهو يفهم ماترمى اليه والدته بكلامها: ده انا بعشقها اوى كمان.

زينه : طب يلا ..

ماجد بعدم فهم: يلا ايه.....

زينه بمرح: يلا اشرب القهوة قبل ما تبرد او حد ياخدها منك.

ماجد وهو ينظر لها مبتسما وياخذ منها كوب القهوة لياخذ منه رشفه: امم محدش يقدر ياخدها منى ده انا اقتله لو حد فكر يقرب منها .

زينه بابتسام: اممم ملك .

ماجد: مالها ملك فى حاجه .

زينه بابتسام: لاء قصدى مالك مبتشربش قهوة ليه كمل شرب كمل .

ماجد مبتسما : تسلمى يا ست الكل ، بقولك الدكاترة قالوا انهم احتمال يفوقها انهاردة او بكرة بالكتير عشان يجهزوهم للعملية .

زينه وهى تتذكر شي مهم : صحيح هو مين المتبرع ده عاوزة اروح اشكره واعرف هو مين .

ماجد بعدم معرفه: صدقينى يا امى الدكتور رفض يصرح وقالى انه هو اللى طلب كدا .

زينه باندهاش : غريبة دى ليه يعنى يلا ربنا يقومهم بالسلامه ويشفى كل مريض ، ثم نظرت له بتسليه هى فين ملك مش شايفاها يعنى .

ماجد مبتسما : معرفش ممكن تكون عند شيري ، انا هروح اشوفها تمام.

زينه : شيري ولا ملك .

ماجد بمرح: شيري طبعا هو انتى كنتى عاوزة ملك فى حاجه.

زينة بابتسام: لا يا حبيبى روح ....روح يا حبيبى شوف مل...قصدى شيرين

نظر لها ماجد نظرة مشاغبة ثم تركها وخرج ليرى كما يقول اخته ، ولكن بداخله كان يود ان يعرف الى اين ذهبت ملاكه العنيد ، اما عند زينه فهى ايقنت ان ابنها ينمو بداخله شئ تجاه ملك و هى بداخلها سعيده من هذا التقارب بينهم وتدعى بان تكون هى من نصيبه وتكون زوجته بالمستقبل
~~~~~~~~~~~~~~~~~~~~~~~~~~~~~~~~~
وصل ادم مع والدته للمشفى سريعا بعد ان حدثه الطبيب وبشره بان هناك متبرع لحالة شيرين وعندما علم بذلك اخبر والدته بهذا الخبر وهو سعيد فطلبت منه ان تأتى معه لترى من سرقت قلب ولدها وجعلته بتلك الحالة وتطمئن ايضا على سلامتها .