حب اعماه الانتقام ..

الفصل ١٩ المواجهه

فى فيلا الزينى ليلا كانت العائلة باكملها جالسة على طاولة الطعام ليتناولوا عشائهم فى صمت وشرود، فيما عدا والدهم ووالدتهم .

تنحنح سليم قائلا : احم الا قوليلى يا فريدة هو الاكل ده فى ايه انهارده.

فريده مبتسمه : ابدا ياحبيبى الاكل كويس بس اللى بياكلوا هما اللى فيهم حاجه مش كده يا ولاد .

لم يأتى منهم رد فكل منهم شاردا فى ملكوته .

تحدث سليم هذه المرة بصوت عالى نسبيا: لاء بقى مالكم كلكم فيكم ايه ما حد فيكم يرد علينا ويقول مالكم .

تحدث مراد : خير يا بابا فى حاجه .

سليم : ياه اخيرا طب الحمد لله انه فى واحد رد عليا منكم ممكن اعرف مالكم بقى .

ادم وغادة: حضرتك بتقول حاجه يابابا.

سليم: الحمد لله يافريدة ، ثم نظر لابنائه منفعلا :ممكن اعرف بقى مالكم فيكم ايه دلوقتى .

غادة بهدوء: ابدا يا بابا مافيش .

فريدة: غادة فى ايه انتى واخواتك انهارده كده مش عاجبنى لا انا ولا بابا .

مراد: ابدا يا ماما مافيش الموضوع بالنسبة ليا موضوع بخصوص الشغل مش اكتر .

سليم : وانت يا استاذ ادم انت والست غادة مالكم انهارده .

ادم : مافيش يا بابا مشاكل برضوا فى الشغل .

سليم وهو يوجه كلامه لادم ومراد : ماشى مشاكل الشغل دى بعدين نقعد مع بعض ونتكلم فيها ، ثم نظر لابنته الصغيرة وحدثها : هاه وانتى بقى يا ست غاده انتى كمان عندك مشاكل فى الشغل ولا حاجه.

غادة : ابدا يا بابا اصل عندى امتحان مفاجئ بكرا ومكنتش عارفه بيه فعشان كده انا مضايقه بس .

ادم مندهشا : غريبة ده انتى دحيحه وبتاكلى فى الكتب اكتر من اى حاجه خايفه دلوقتى.

فريده مبتسمه : بطل مشاكسة فى اختك يا ادم ، ثم مسحت على شعرها بحنان قائلة : انشاء الله ياحبيبتى هتذاكرى وهتحلى كويس فى الامتحان وتطلعى الاولى كمان .

ابتسمت لها غادة بصمت وقبلت يدها ، واكملوا تناول طعامهم وهم يضحكون سويا .
-------------------------------
بعد الانتهاء من تناولهم الطعام امر سليم من ادم ومراد ان يلحقوا به الى غرفة مكتبه ليعرف ماهى نوعية المشكلات التى تواجهم .

سليم : هاه بقى يا بشمهندس منك له اتفضلوا وقولوا مشاكلكوا ايه هى .

مراد بهدوء حذر: معتز يا بابا قارفنى فى الشغل ومطلع عينى اللى انا اقوله يعمل عكسه ويجى يوم ويغيب عشرة وياريت بقى لما بيجى بيشتغل لاء ده بيبوظ الشغل اكتر .

ادم منفعلا : بصراحه بقى يا بابا انا لحد دلوقتى مش عارف انت ليه متمسك بالشراكه مع عمو سليمان خصوصا انه سايب كل حاجه فى ايد عيل زى الاسمه معتز ده .