الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الثلاثين

البارت الثلاثون:

:
&
:
&

بسم الله...الله اكبر..استغفرالله...لا اله الا الله..سبحان الله..صلو على من بكى شوقآ لرؤيتكم
_____
في امريكا تحديدآ لوس انجلوس
في بلكونة الغرفه جالسين في جلسه خارجيه يتوسطهم كوبين كوفي وحلا واوراق مبعثره
ركت شموخ يدها على طاوله اللي قدامها بصدمه وهي مفهيه:اوك الحين يعني بتدخل عليل وتسرق الملف كذا بارد مبرد؟
رعد وهو يرشف من الكوفي:اي وبعدين ارتقي بتشبيه رايح اخذ شي لي هو اللي سارقه
شموخ بصدمه وتسليك:اوك اوك...المهم اجل ليش ماسويت مثل كذا مع ماكس وفكيتنه؟؟
رعد وهو ينزل الكوب:اولا ماكس ماكنت اعرفه اما جين فا اخذت كل المعلومات اللي ابيها من ماكس اولا مكان مايحط الملف رقم الخزنه اللي مايعرفها الا هم الاثنين فا ادخل عليل اخذه واطلع ولا احد بيدري
شموخ بستغراب:طيب شلون بتدخل؟
ابتسم لثواني:على اساس اني عامل تنظيف زجاج الشركات
شموخ لثواني :قصدك اللي ينظف من برى؟
رعد:اي هو وطبيعي بدخل لشركه عشان اصعد لسطح وانظف وبكذا بيمدي امر لمكتبه وخاصه شركته تطلبهم دايم وقت الليل اللهم كم حارس برى ومحد بيحس فيني وانا ادخل للمكتب واساسا مابيشك انه في شخص بيعرف موقع الخزنه اللي فيها الملف وحتى رقمها يعني بسهوله باخذه
ابتسمت شموخ وهي تقطع بشوكه من الكيك وتاكل بستمتاع:الله وناسه ههههه وبعدين نخلص واخيرا
رعد ابتسم لفرحها:بيبقى اخر شي وهو يدخلون السجن(وعينه عليها)بتهمة قتل المتعمد لهلك
وقفت شموخ تحريك الشوكه لثواني حتى ردت تحركها وببتسامه هاديه:وااه واخيرا بنرتاح
همس بهدوء وهو يكمل اكل بلحلا بـ:ان شاءالله
ابتسم كتغير لجو الكئيب اللي دخلو فيه:لما كنت اقول لك اني متزوج بزر ماكنت اكذب
ناظرت له بستغراب لثواني حتى حست بصبع يده الابهام يتمرر على شفتها السفليه بنعومه لحتى وصل لنهايتها وثبته لثواني:الحلا ماياكل حلا
قلب وجها احمر لثواني وهي تبعد يده بحراج وتقوم:اروح اقرئ سورة الكهف واصلي لي ركعتين شكر احسن لي ه ه ه
ابتسم وهو يشوفها تدخل لداخل
تراكا على كرسيه بهدوء وهو يسكر عيونه وبهمس:لمتى ماباخذ راحتي..؟
______
في بريطانيا
واقف الجد وعينه علبنات:بنركب منفصلين عن العيون مو ناقصين لا اشوف حس (حس=صوت)وحده منكن طالع تفهمن؟
همسو البنات بهدوء:ان شاءالله
ناظر الجد لهتان:انت بتروح مع واحد موصيه عليك ولا اشوفك الا ومعك كم شهادة خبره
ابتسم هتان بهدوء:ان شاءالله
الجد وكانه تذكر:اي صح لا اشوفك بعد تك....ولا اقول كافي بس انها بتتغطى عنك اي لا اشوفك تناظر بها بدون غطاها لاصارت ببيتك يصير خير احمد ربك بنخليها تكلمك مره بشهر ولا من جوالي وقدامي عشان صحتك ايام الدلع راح والبنت ماتكلم زوجها الا وهي بيته ومخلصين زواجهم
ناظر هتان لسوسن لثواني:طيب
اشر له يروح مع الشخص اللي وصه عليه
سلمت دلال علبنات وببتسامه وهي تضم سوسن:يله اشوفك على خير ياعروستنه
ابتسمت سوسن:ماشبعت منك
همست دلال بخبث:مني ولا منه؟؟ (ضحكت على ضربه اللي جات لها برجلها)ههههههههه ايي
طلعت دلال مع هتان عساس ماتقدر ترد الا بمحرم
فا هي راده مع هتان للمملكه وبيرتب شغله ويسافر رحلة كفاحه لاجل يكسب سوسن بين يديه
نروح للجد اللي اشر لامل تجي
ناظرت امل للجد لثواني وبهمس لاعبير وسوسن:الله يستر
تقدمت امل بهدوء:نعم
الجد وهو يجرها من يدها ويقربها له بهمس عند اذنها:تكلمينه صح
بعددت عنه شوي وهي تناظر له بصدمه:ها
الجد وعينه بعينها:لا اشوفك تكلمينه لا اكسر خطك لك زواجك قريب اثقلي لعنبو دارك خل يحس انه ماخذ عروس مو وحده ممسوح وجها بمرق
نزلت امل عيونها بفشله وهي ماسكه ضحكتها على وصف جدها وهمست بـ:ان شاءالله...اساسا كنت مابكلمه عساس ينساني ومايمل مني من اجيه
ابتسم الجد:اي عفيه عليك
امل بستهبال:ههه افا عليك تربيتك ماطلعت منها هههههه..احمم اسفه
الجد وعينه عليها:يله اشوف روحي وقفي مع البنات ولا اسمع لك حس انتي بذات لاخلي زواجك بعد سنتين ولا ليش تعرسين بعد نفسخ الزواج بكبره
ناظرت له امل بصدمه:بسكت وببلع لساني بعد(بعدت عنه وهي تمشي بهمس)يسويها والله...انطر سنتين احسن والله من انه يتكنسل الزواج والله لبكي..
وقفت بجنبهم وهي تهوجس بقهر من تهديدات جدها
وسوسن وعبير خاصه يهمسون لها بضحك بيعرفون شنو قال عشان تصير كذا
______
في نفس المكان
بعد ساعتين جالسين بسفينه توديهم للمنطقه الثانيه
طلع فهد مع ابوه بسطح السفينه وجلسو على مقاعد قريبه من حافة السفينه
تكلم فهد وبجديه:يبه ابي اقول لك شي
ناظر له ابو فهد بستماع:قول
فهد وهو يفرك بيده لثواني:ا انا قررت اتزوج
ابتسم ابو فهد بفرح:والله وزين ماقررت
فهد بسرعه:والبنت موجوده..
ابو فهد بستغراب:ونعرف اهلها ولا؟
فهد:اي تعرفهم ويقربون لنه حيل بعد
ابتسم ابو فهد:اذا يقربون لنا وحيل فا مافي غير عمانك..منو نوره ولا عبير؟؟!
فهد ببتسامه لاسمها:لا عبير
ابو فهد بفرح:زين ماخترت والله تبشر فيها ان شاءالله بس نرجع امسك اخوي واخطبها لك رسمي
فهد بجديه:اي يبه تكفى اخاف تطير مني
ضحك ابو فهد على فهد المستعجل:هههههههه ماعليك ماطارت قبل تخطبها بتطير يوم جيت بتخطبها ههههههههه
_____
في نفس السفينه
عند البنات امل وسوسن وعبير
جالسين قريب من الشباك ويناظرون للبحر
تكلمت عبير بتامل:كنا انا وانتي وسوسن وشموخ ودلال ووناسه وفله والحين بس حنى ثلاثه ياخي حماس لو كلنه
امل وهي تضربها برجلها:هي مو عاجبينكك
ناظرت لها عبير:هيي رجلي وبعدين ليش شاكه بنفسك ياختي جالسه اتكلم عادي
سوسن بملل:بس انتي وياها مبزره الف
جات بترد امل
بس فزت من سمعت صوت جوالها طلعته وهي تقرئ اسم سامي وقفت وبهمس:بناات سامي
عبير:رديي
امل:بس انا قلت لجدي مابكلمه وانا بعد ماابي اكلمه عشان الزواج قريب
سوسن:ياهبله لازم تكلمينه وتقولين له انه خلاص ماقدر اكلمكك عشان مايفكر غلط او يحسب فيك شي
امل لثواني وهي تستوعب:اي صحح
عبير بستعجال:رديي بسرعه قبل يسكرر
امل ردت عليه عسريع وهي تروح بعيد عن البنات وبسبب الازعاج:الوو
وصلها صوته:ياهلا
امل وهي تحاول تصير جريئه اكثر بما انه اخر مره بتكلمه:هلا فيك
سامي:اي كيفك
امل:تمام وانت
سامي:بخير دامك بخير
امل بخجل:امم طيب سامي
لثواني وصلها صوت تنهده وهمسه:عيون سامي...زين سمعنه اسمي على لسانك
امل اللي صارت تهف على وجها بحراج:احمم بس بقول لك انه اذا سمحت يعني هذي اخر مكالمه بينه
وصلها صوته الجدي:ليشش؟؟
امل وهي متخرفنه علاخر مع صوته(انا لو طولت بعد احتمال اغير رايي):امم تعرف يعني زواجنه قرب وماابي اظل اكلمك خل نكون بعيدين عن بعض هلفتره لين وقت الزواج
سامي :فهمت عليك...الله يعيني وش يصبرني انا ..يله اجل فمان الله واستودعتك بيده التي لا تنام وانتبهي على نفسك ياعيني...اشوفك وقت الزواج ياعروستي هههه
ابتسمت بخجل وهي تحس بيغمى عليها(مايصير اغير رايي ياخي يجننن..):هههه امين يله اجل انا بسكر
سامي:فمان الله
سكرت منه وهي تضم الجوال بحب:احببببه
فزت من نغزت امها :والله من قلة الحيا اثقلي فشلتيينه
قلبت امل حمره من الاحراج:من متى وانتي هنا يمه
ام عادل وهي تغمز لها بتهديد:ليش وش مهببه هاه وش قايله غير احبه لعنبو دارك اثقلي حلات البنت ثقيله
مشت امل مع امها وهي تتحلطم من كلام امها اللي مسكتها محاضره وعبير وسوسن ياشرو عليها ويسوو انهم ميتين ضحك
_____
مر اليوم
مرور الكرام علبعض
وبعض الصعوبات علبعض
لتشرق شمس يوم جديد حامله معها اناس قد بدأت حياتهم وبدايات جديده لناس قد ارتدت رداء القوة
نروح لشقة رعد وشموخ
طلعت معاه لحد باب الشقه وهي تمسكه من يده وبتوتر:دقيقه يعني بتروح تاخذه
ناظر ليدها ثم لها بستغراب:اي
شموخ برتباك:طيب كيف يعني شلون تاخذ وتمشي كذا
رعد :انتي شفيك الحين؟؟ قلت لك الملف يخصنه وانا رايح اخذ شي يخصني ماعلي منه اللهم اني باخذه بدون يدري وكذا ولا كذا هشي يكون لي وحتى لو فكر يبلغ مابيقدر
بعدت شموخ عنه وبضيق:طيب خلاص روح بس حسيت يعني الموضوع سهل بزياده
ابتسم لها وهو يلعب بشعرها بستهبال:مكثره الدراما شكلك
بعدت يده عن شعرها يزعل:هي لاتخربهه
ابتسم لها وطلع من الشقه متوجه لشركة اللي بيقدم فيها على انه منظف
توجه لمصافط السيارات ركب السياره اللي اجرها وحرك متوجه لمكان الشركه وهو عازم على انه يخلص الموضوع اللي شاغلهم ٩ سنين
______
ببريطانيا
في غرفة مليانه بلاجهزه
يتوسطها سرير عاش به شخص لاكثر من شهرين
جولي التي تتوسط هذا السرير ولم تفتح عينها لهذا العالم
تقدم جون (زوج جولي)وجلس قريب منها
مد يده ليدها وهو يلمسها وعينه عليها مر اكثر من شهرين وباليالله قدرت تصمد ولحد الان مايعرفون اذا بيقدرون يصمدون لحتى يولدونها او لا
قرب يدها وباسها بحزن وهو يحس بتعب فضيع بسبب الوقت اللي مر وهي مو معاه
دمعت عيونه وترك دموعه تنزل فاهذي مو اول مره
فكل يوم ودقيقه يجلس بلقرب منها يبدا بلبكاء على شخص اعتبره نصفه الثاني
بتعد عنها بعد ماخلص الوقت المسموح لزياره
طلع من غرفة العناية المركزه وانزل الملابس المعقمه والكمام عنه ناظر حوله للمستشفى بوجه شاحب
اصبح المستشفى كلمنزل الثاني بنسبه له
ناظر بجهة الزجاج لسرير اللي تتوسطه زوجته قبل اكثر من شهرين كان ماسك بيدها ببتسامه على حياتهم الحلوه والحين ليست زوجته فقط بل ابنهم مهددين بخطر "الموت"
بعد عينه عنها وطلع وهو ياخذ قميص بدلته ونزل ياخذ كيس في بعض الوجبات توجهه للفريق الخاص اللي معينينه على حالتها وقدم لهم الوجبات وشكرهم على اهتمامهم بزوجته وبادرو بابتسامه وبانها اصبحت مهمه لهم ايضا
طلع من عندهم ووقف لثواني وهو يطلع جوالها ويتذكر اللي قالته له شموخ عن اسلامها ابتسم بهدوء وهمسe:اذ كان هذا ماتريدينه فا انا ايضا
ركب سيارته متوجه لاكادميه يروح لها من شهر ونص بدا فيها يتعلم تعاليم الاسلام ونطق الشهادتين واقام الصلاة
_________
في امريكا
تحديدا
في شركة جين
نزل رعد من السياره وهو يناظر لشركه وابتسم بهدوء وهو يدخل وبيده ادوات النظافه
وقفه الحارس اللي تاكد انه عامل النظافه وتركه يدخل
تقدم للاصنصير
ودخل له وضغط على زر اللي يوديه لمكتب جين
دقايق حتى انفتحت ابواب الاصنصير
نزله منه وهو يناظر حوله كان المكان مظلم
شغل فلاش جواله
تقدم من الباب وكان فيه رقم سري
ضغط علارقام اللي اعطاها اياه ماكس
وانفتح له الباب ناظر حوله بحذر وابتسم وهو يدخل للمكتب
ترك فلاش جواله مشتغل وكمل يمشي يدور على الخزنه
تقدم لكرسي المكتب الخاص بجين وبعده هو يلمس الارضيه بتركيز لحتى لمس الارضيه اللي تتحرك رفعها ببتسامه وهو يشوف الخزنه وبوجهه الرقم السري همس:حمار
ضغط علارقام بستمتاع لحتى افتحت له
وكان فيها اوراق كثيره وملفات
طلع الملفات اللي بلون الاسود وبدا يدور فيهم وكمل يطلع بلملفات وبعضها بلغات غريبه لحتى قدر يلقى الوثيقه
ابتسم وهو يحطها بشنطه اللي لابسها وقبل يرجع الاوراق كمل يقرا فيهم ابتسم وهو يصور كم ملف ويرجع يدخلهم وهو يهمس بـ:لزوم نستفيد شوي هههه
سكر الارضيه ورجع الكرسي مكانه
طلع من المكتب وهو يقفله بحذر كمل لحتى الاصنصير ونزل على انه خلص شغل
قبل يطلع امسكه الحارس وهو يطلب منه انه يتم تفتيشه
ابتسم رعد له برتباك(مافكرت فيها)
تكلم رعد ببتسامهe:اوو بتاكدي ولكن لحظه اريد ان اجري مكالمه مهمه اذا سمحت
ابتسم له الحارس سامح له يتكلم
بعد رعد عنه وهو يتصل بشموخ
وصله صوتها:هاا بشر اخذته
همس رعد وعينه علحراس:اي..بس اسمعي قبل اطلع يبون يفتشوني اجرائات امنيه والملف معي الدبره
وصله صوت شموخ المعصب:وانت غبي اكيد بيفتشونك اسمع اسحب عليهم وبسرعه اصعد الدرج وروح لطابق الثاني اقرب طابق يعني وهذا افتح شباك واستعمل الادوات اللي معاك مو فيه حبل يخليك تنزل علزجاج وتنظف؟؟ خلاص انزل من ورا الشركه ياذكي
ابتسم رعد لثواني لفكرتها وبهمس:بس اجي ذكريني اخمكك هههه يله باي
سكر منها وعينه علحارس اللي يناظر على برى مشى عسريع وهو يشيل معه الشنطه اللي فيها المعدات توجه لدرج لحتى وصل لاول طابق شغل الكشاف بسرعه قبل يلاحظ غيابه ودار لنهاية الشركه من ورا لحتى لقى شباك جرب يفتح الشباك لثواني حتى فتح معه ابتسم وهو ينزله شويش لايطلع صوت
فتح الشنطه وهو يطلع الحبل ربطه حوله وعلق نهاية على حديد بلجدار وتاكد انه مايطيح ابتسم وهو يهمس بحماس:لزوم اقول السالفه لعيالي بلمستقبل
نزل من الشباك بشويش وهو يسمي بالله
وينزل بشويش اول مره كان بيدخل بشباك اللي تحته لو ماثبت برجله كمل ينزل لحتى وصل للارض بعد الحبل عنه
ومشى عسريع للمصافط ركب سيارته ومشى وابتسامة الانتصار على وجهه
طلع الجوال وهو يرسل لسكرتيره"ارسل اللي قلت لك عليه لشرطه"
______
في جهه ثانيه
واقفه قريب من الباب وهي تعض باصابعها بتوترر
سمعت صوت قفل الباب تقدمت لعنده بحماس وهي تفتح الباب دخل بصدمه وهو يناظر لها:بسم الله هههههه لو رايحه بدالي احسن بعد على هلحماس
ماردت شموخ على كلامه وهي تناظر له وبحماس:هاا خذيته؟؟؟
ناظر لها وببتسامه وهو يطلع الملف من الشنطه ويحذفه علارض ويدعس عليه ببتسامه:شرايكك بس(وكانه تذكر)اي صحح وترى ارسلت النسخه من الصوتيه واشياء صدتها عليهم وقريب بانشغل بامور المحاكم وبينسجنون كم سنه عساس يكفرو علي سو وبعدها اعدام لقتلهم لناس كثير...اسمعي الاخبار بكرا
ناظرت للملف ثم له لثواني وهي تحرك برجلها بحماس
نطت عليه وهي تلف يدها حول رقبته بفرح وصراخ:اااااااااااااااااااااااههه ههههههههههه كفوو واااااو هههههه هياااااااااا هيااااااا هههههههههه
بادلها الحضن بفرحه وهو يبعد راسه بسبب صراخها وبغيره:ههههههه صوتك يابنتتت
بعدت عنه بفرح وهي تناظر للجدار بحماس لدرجة ضربته برجلها باقوى ماعندها ثم جلست علارض براحه:ههههههههههههههه الله هههههه
ناظر لها بصدمه:طيب الجدار شكو؟؟؟
ناظرت له وببتسامه وهي تاخذ نفس:ههههههه حماسي قوي ومو قادره اطلعه فا طلعته بضربه هههههههههههه واااه واخييرا...ااههىىى اهىىى(حطت يدها على وجها ببكي )ااهه
وقف مكان بصدمه وبهمس:تبكين؟؟
ماردت عليه وهي مستمر بلبكي ٩ سنين من الانتظار وتفكير بلانقتام اولا قدرت ترجع شركتهم وبتقدر تحبسهم وتاخذ حق امها وابوها همست ببالها بشنو في احلا من كذا بعد
جلس قريب منها ببتسامه وهو يحضنها له وبهمس:نفذت كلامي
ابتسم بهدوء وهو يسمع شهقاتها:ههههه بس يابزر
_______
بعد مروو اسبوع
هادئ للبعض
طلعت شموخ من الشقه وهي تسكر الباب بلمفتاح وتسلمه للمظيف
نزلت متوجهه لرعد اللي ينتظرها ابتسمت بهدوء بهلاسبوع كان مشغول بامور المحاكم واللقى القبض عليهم وصحيح امسكو جين اللي كان يحاول يهرب عبر طرق بريه اما ماكس فا طلع معهم مستسلم للامر الواقع
وانتشرت الاخبار حول العالم بلقبص على رجلين اعمال مع شركائهم لقتلهم لرجل  اعمال وزوجته قبل٩ سنوات وانتشر الموضوع واتوضحت الحقيقه
كملت نازله لحتى قابلت رعد اللي اخذ منها شنطتها الصغيره وحطها بسياره ركبت بجنبه وهي متحمسه للمكان اللي بيروحون له:هههه من امس شاحنه الكامره عشان بصور
ابتسم لحماسها وهو يناظر لطريق اللي كان متوجه لهوليود او الجبل اللي فيه علامة هوليود بوصف شموخ
ماكان المكان بعيد
كلها دقايق ووقف السياره ويكملون مشي لانه في اسواق شعبيه حولهم ثم الجبل يكون قدام بعلامة هوليوود
نزلت معه بحماس وهي تصور الاسواق الشعبيه
وقفت عند محل يبيعون فيه شعر بنات ناظرت لرعد ببتسامه:ابي
ناظر لها بستغراب وهو ماسك ضحكته عليها:اخذي
مدت يدها وببتسامه:ابي فلوس ياذكي
طلع بوكه وبقهر:انا غاسل يدي منك اساسا
ابتسمت وهي تاخذ الفلوس وتعطي للي تبيع:ادري
دقايق ومدت لها شعر البنات ابتسمت لها وهي تمده لرعد:امسكه عشان ابي اصور
اخذه منها وهو يمشي معها:مدري على وش تحبون التصوير انتو يا البنات
وهي رافعه الكامره وتصور تكلمت بانسجام مع التصوير:ماله دخل في عيال يحبون التصوير
رعد وهو ياخذ من شعر بنات وياكل:لا ياهبله اقصد ذكريات وكذا
بعدت شموخ الكامرا وبقهر:هيي حقيي
رعد بلعانه:من فلوسي
ناظرت لثواني وهي تمد يدها وتاكل منه شوي وبهمس وخبث:افا بس مو انت تحبني؟ مفروض تعطي كل شي لحبيبتك ياقلبي حتى فلوسك اوكي ياعمري؟
ناظر لها برتباك من نبرة صوتها :اقول عدلي صوتك لا اللفك بكف وبعدين(ابتسم لها بخبث )افا عليك كل شي لك اصلا انا كلي لك(غمز لها)
ناظرت له بحراج وهي تعطي ظهرها وتمشي:وصخ
ابتسم وهو يمشي بجنبها :والله مخك الوصخ (وبلعانه)شنو كنتي تتخيلين؟
وقفت بحراج وهي تحس وجها كله قلب احمر ناظرت له وبحراج:اا... انت الوصخ اجل تقول كذا اوف خربت مزاجي ابعد ابي اصور
بعدت عنه وهي تسوي انها تصور
اما هو ماصدق صاد عليها شي صار يمشي وراها ويحارشها بلكلام وكل ماقال شي عصبت وبعدت عنه ويرد عليها بشنو تفكرين
بعد مده وصلو قريب لعند جبل هوليود وماكان فيه احد غيرهم
ابتسمت بحماس وهي تصوره باكثر من زاويه
ناظر لها بستغراب ابتسم بستخفاف:الاخت معجبه فيه؟؟
ناظرت له وعيونها تلمع:وش عرفكك
عض على شفته بقهر وهو ياخذ الكام منها ناوي يمسح التصوير
تقدمت من عنده بقهر وهي بتاخذ الكام بس رفعه على فوق بلعانه:اذا قدرتي تاخذينه ماراح امسحهم
رفع يده الثانيه وهو يكمل بيمسح ناظرت له وبقهر قربت لرجله وداست عليها برجولها وهي تمسكه بيد من كتفه وبليد الثانيه عطته كف وبس حس بلكف سحبت يده وهي تاخذ الكامره وترجع على ورا كم خطوه والكام ورا ظهرها ببتسامه شيطانيه:تستاهل
ناظر لها بصدمه وهو يقرب لها:تعالي يابزره انا تعطيني كف
بعدت عنه وهي تناظر وراها لاتطيح :احسنن
قرب لها وهي تكمل ترجع ورا بتوتر وبس حست انه قرب حطت رجلها تركض واما رعد فا راح وراها :صايدك يا بزره
مشت عسريع من حسته قرب لها صرخت بخوف كانه وحش اللي بيمسكها مو رعد:يممممااااااااااااااهه
قرب لعندها وهو يمسكها ويثبتها بيده بضحك:ههههههههه ياهبله هههههههههههههههههههه
بعد عنها وهو يجلس علارض بضحك مو قادر يوقف بسبب شكلها:هههههه وقسم بالله غبييه
ناظرت له برعشه من الركض وبقهر وهي تاخذ انفاسها:اي اضحك حيوانن ههههههه والله اني غبيه هههه شدراني ياخي اخترعت يمه سريع هههههه
قام وهو ينفض ملابسه بضحك:امشي بس الله يخلف عليك
وقفت شموخ:لادقيقه شوف قربنه حيل عند الجبل خناخذ صوره مع بعض
رعد بستنكار:معي؟
شموخ ببتسامه:اي وشسمه بعد(سبلت بعيونها)عادي طلب
ناظر لها وبستغراب:على حسب طلبك؟
شموخ وهي تمسك بيده وبرجاء:اسمع مافي احد مني وكذا واصلا جالسه تغيب الشمس وجذي وشوف والله مافي احد بيجي الحين اساسا بيسكرون الاسواق الشعبيه لانه مو يوم عطله امانه تكفى ع....
رعد بمقاطعه:بسس بسس قصيده مو كلام شتبين؟
شموخ بخوف من رده:عادي بس شوي اشيل حجابي كذا اسوي شعري واصور انا وياك ورا الجبل والله محد بيوشف وحتى مع غروب الشمس كيوت امانه
ناظر لها بصدمه:احلفي بس؟؟
شموخ: بزعل:يوو شفيك ادري حجاب بس مو حرام عليك ومافي غيرك مني يعني امااانه
ناظر حوله لثواني وصحيح ماكان في احد ولا توقع انه في احد بيجي حتى
ناظر لها وبهدوء:لاا
ناظرت له وبقهر:ليشش ياخيي ابيي اصوررررر اوفف
رد يناظر حوله لثواني ثم ناظر لها:خمس دقايق بس
ابتسممتت بحماس
وهي تفتح شنطتها و تطلع مرايه شالة حجابها وهي تطلع شعرها وترتبه عدلة ميك ابها بحماس وقفت بجنبه:تعال بسرعه
قرب بجنبها وعينه على الطريق:يله بسرعه
ناظرته له بملل:قرب راسك جنب راسي وابتسم وسو حبتين
ناظر لها بستخفاف
تكلمت بعجله:يله قبل يجي احد
اخذ نفس قبل يصفقها جد وسوا مثل ماقالت
ابتسمت وبانت غمازاتها وهي تسوي حبتين واخذت الصوره
اللي كانت تجنننن خصوصا انه غروب الشمس و وراهم علامة هوليوود
نزلته بسرعه وهي تلم شعرها وتعدل حجابها وتضبطه
اما رعد فا كان يناظر لصوره وابتسم بعجاب كان شكلها يجننن همس ببتسامه:والله طلعت تعرف تصور
وصل له صوتها اللي قاطع تأمله لصوره او نقول شكلها:يله خلصت
مد الكامره لها بهدوء ومشى معها راجعين لسيارتهم
_______
في مطار السعوديه
طالعين اهل رعد منه بعد سفرتهم
والكل متحمس يرجع ويرتب شغله ويشوف وش اشترى ويوري اللي عنده
الكل كان فرحته وحده
الا شخص كانت فرحته مضاعفه
بما انه بيتقدم لها بعد كم يوم بس يضبطون وضعهم
عند البنات
امل:يوو عاد مالي خلق الحين الحريم مايقصرون اول شي بنسوي عشا لسلامتنه وانه جينه من السفر وبعدين بيبدون الحريم يجون ويسلمون وييه مالي خلق
عبير:ليش عاد انا احب كذا يجون لنا ويجيبون لنا حلا ويسولفون ونسولف لهم وناسه
امل:هو وناسه بس بعد مالي خلق
سوسن:انا بعد احب لما يجون لنا يونسونه بسوالف
قاطعتهم ام حمد اللي نادت عليهم يعجلون عشان يرجعون للبيت
_____
في مطار امريكا
في لوس انجلوس
جلست في مكانها بطياره وبستغراب:ليش بنروح لبريطانيا مو عساس نرجع السعوديه؟
ناظر لها وببتسامه:لانه اليوم صديقتك تكمل ثلاث شهور ياحلوه
ناظرت له لثواني حتى وضح على ملامح وجها الصدمه همست وهي مبتسمه:ايي صحححح ههههه شلون نسيت
ابتسم وهو يربط حزام الامان لها:اش بنام لين نوصل
شموخ وهي تقاطعه:دقيقه بس اول شلون يعني كم بنجلس لحتى يولدونها؟
رعد:مدري نروح ونشوف
جلست شموخ بحماس وهي تهمس:يالله اشتقت لها مره يارب عاد لما تولد تقوم
ابتسم وهو يناظر لها بحزن "لو تدري انه مستحيل تقوم موضوعها خطر هي ميته دماغين والميت دماغين بمكانه مايتحرك لو قدر انه يصمد ويعيش"غمض عيونه مستعد لنوم:صحيني قبل نوصل
مر الوقت وشموخ تسلي نفسها بلافلام كلعاده
ناظرت لساعه بملل:ختمت مسلسل كامل متى نوصل اوف هههه مع انه كان بس ١٢ حلقه وابو ٢٥ دقيقه ههههههههه
وصلها صوته الهامس ببحه:وصلنه لمرحلة تكلمين نفسك..شكله يبي لك جلسه نفسيه
ناظرت له بقهر وحراج:ه ه ه قصدك انت اللي تحتاجها
بعد الغطا عن عيونه وناظر لها بنظرات حاده:شنو قلتي يام لسانين؟؟
ناظرت له بهدوء:قلت الله يخليك ويديمك لنا يا الغالي
ابتسم بهدوء:اي عبالي
وصل لهم نداء الطيار بربط الاحزمه لستعداد لنزولهم لبريطانيا
ابتسمت شموخ بحماس وهي تربط الحزام والابتسامه شاقتها
وصحيح بدت الطياره تنزل معلنه وصولها على الاراضي البريطانيه
نزلت شموخ مع رعد
وسوو الاجرائات الاعتياديه بلمطار طلعت معه بفرح وهي تاخذ نفس لاجواء بريطانيا:ياخي اجوائم تجنن
وقف رعد سياره ركب فيها وكان معهم بس شنطتين اما باقي شناطهم فا رحلهم على طياره لسعوديه كشحن لبيتهم
تكلم رعد مع سايق يوصلهم للمستشفى
استغربت شموخ:اول خلي نحط اغراضنه
رعد:في فندق قريب من المنطقه بنزلك بلمستشفى واودي شغلنه واجيك
شموخ بهدوء:طيب مع انه ماله داعي
مره نص ساعه لين وصلو للمستشفى نزلت شموخ وهي تذكر رعد بمكان جولي
ودخلت للمستشفى لحد الاستفسارات تتاكد وقالو لها انها موجوده
ابتسم وهي تصعد لعند مكانها استأذنت منهم تدخل لخمس دقايق
ابتسمو وهم يقولو انه حظها حلو لانه باقي ربع ساعه ويخلص وقت الزيارات
ابتسمت شموخ وهي تروح مع الممرضه اللي لبستها لبس المعقم
دخلت شموخ بهدوء للغرفه البارده بارضيتها تقدمت لسرير اللي متمدده فيه جولي
دمعت عيون شموخ للحظات وهي تستوعب حال صديقتها قربت منها وهي تقبل جبينها جلست قريب منها وهي تمسك يدها وتقرا عليها بعض من الايات بقلب خاشع
مدت يدها ببتسامه لبطنها اللي انتفخ بشكل واضح ابتسمت وهي تقرب لعند بطنها وتبوسه ببتسامه وهمس والدموع بعينها:ويزينهم اللي كبرو
جلست وهي تمسك بيد جولي وببتسامه مليانه دموعe:صديقتي لقد عدت اشكرك حقا بكونك لم تذهبي لمكان بعيد ...ارجوكي اصمدي فا انا حتى الان لم انتهي منكي لم استمتع معك كباقي الصديقات ولم نتحدث كثيرا... حقا انا اشتاق لكي(شهقه ببكي)ااههه ياربيي انك تحميها والله احبهاا
وقفت طالعه بعد ماخلص وقتها بس وقفت بخوف ورجفه من شافت الممرضات اللي دخلو بسرعه رجعت على ورا بصدمه وهي تحاول تستوعب شنو يقولون الممرضات
الممرضهe:بسررعه اتصلي على غرفة التوليد لقد نزل ماء الجنين سووف تلد وايضا اخبريهم انها عمليه قيصريه لفتاة ميته دماغين وايضا اتصلي بغرفة العمليات ليجهزو لها غرفه مع فريق التعقيم
طلعت الممرضه بعد ماتممت لها وراحت تركض اما الممرضه فا راحت مع الممرضه الثانيه يدزون بسرير جولي والاجهزه باقيه عليها لانه لو شالو الجهازه بتمووت
راحت شموخ وراهم بخوف وهي تمشي بجنبهم صدمت برعد اللي كان تو واصل وناظر بجولي بصدمه:شفيهاا
شموخ ببتسامه وخوف:بتوولد بيولدونها قيصرريي
راحت شموخ وراهم ولحقها رعد
وقفت عند باب غرفة العمليات بعد ماسكرو الباب جلست بخوف ورجفه فيها وببتسامه:كانوو بيخلونها تمووت اول والحين بعد ماخلوها بلاجهزه بتولد ولدها حسبيى الله عليهمم يارب مايصير لها شي
جلس رعد بجنبها بصدمه من الوضع وهو يهدي فيها
قاطعهم جون اللي جا يركض ووقف عند غرفة العمليات بخوف لحتى طلعت ممرضه وكلمها بانه زوجها اسمحت له يدخل بعد ماعطته لبس التعيق ودخل يشهد ولادة زوجة القيصريه "بطفل المعجزه " كما سماه الاطباء لانه حالتها كانت مستحيله
مرت ساعه وطلعت الممرضه ومعها جون بعربة الطفل الخاصه
قامت شموخ بحماس:رعد خلك مني لين تطلع جولي وقول لي
تقدمت للعربه وهي تمشي بجنب المرضه وعينها على الطفل الصغير الملفوف بقطعة قماش بيضه واجهزه
ابتسمت والدموع خذت مجراها بخدها e:هل هو ولد؟
تكلمت الممرضه ببتسامهe:اجل
ابتسمت شموخ وهي تناظر له وببتسامه:ياهلا فيك ي ليون تو مانورت الدنيا
دخلت معهم بعد مالبسوها لبس المعقم لمكان الطفل حتى تشوفه شوي
وقفت ببتسامه ومقابلها جون اللي يتأمل بطفله
ابتسمت وهي تاخذ له صورهe:هل سوف تسمي ليون؟
ناظر لها جون بستغرب لثوانيe:لما
شموخ ببتسامهe:انها امنية جولي قالت ان كان ولد ستسميه ليون ..لي... نسبه لنهاية اخر حرفين لاسمها جولي و ..يون... اخر حرفين لاسمك
ابتسم بحزنe:ليون..اسم لطيف
طلب من الممرضه اطلعه له شوي رفضة الممرضه بلبدايه ولكنه اصر عليها
رفعه له وهو يهمس باذنه بلكلمات اللي كان دايم يرددها عشان يهمسها باذن مولوده ليسلم كزوجته وهوا ثم اعطاه للمرضه اللي رجعته لمكانه
ابتسمت شموخ وهي تمسح الدموع بعينها وبهمس:حيالله ب ليون المسلم
قاطعها جوالها رفعته وهي ترد :هلا رعد؟
وصلها صوت رعد المتوتر:تعالي بسرعه جولي ماعندها وقت
ناظرت شموخ لجون بخوف
طلعت بسرعه وهو معاها فهم من نظراتها شنو فيه
صارت تركض بسرعه بعد ماكانت تمشي عسريع مو مهتمه باي شخص حولها وجون كان اسرعه منها
وصلو لعنايه المركزه
دخلت شموخ و جون ووقفت ببكي وهي تشوف معدل ضربات القلب ينخفض
قربت للجهة الثاني لجولي اما جون فا جلس والخوف بوجهه وهو يمسك بيدها ويناظر لمعدل الضربات اللي بس يصير صفر تعتبر ميته
تقدمة شموخ وهي تجلس وتمسك يدها ببكي:جولييي لاتموتي جولي تكفيين لاتخليينيي ماشبعت منكك يالله وبزرك منو يشوفه حرام عليك تخلينه بروحه كذا يابنت ترى ازعل عليك والله اهىىىى
اما جون فكان مشتت مايدري وش يقول بضبط ناظر لمعدل ضرباتت القلب اللي انخفض ل١٤
مسك يدها وباسها كانت عينه عليها ورجفه اكلته وبهمسe:احبكِ جولي..وداعآ.
ثواني معدوده حتى وصل لهم صوت اللي كل شخص يكرهه وكان صوت توقف نبضات القلب لتعانق روح جولي السماء :___________________________
ببكاء شموخ وجون المحزن على فراق اعظم صديقه واعظم زوجه
:
وداعا جولي ....ربما يكون خيالي ولكنها ابتسمت باخر نبض
:
وجرت الأقدار بما لا يشتهي..قلبي!!
_______________________________
تم نوقف هنا لاتنسون توقعاتكم.؟!

وتمت المهمه اللي تمنتها بطلتنه.؟!!

شنو بيصير بعد رجعتهم لسعوديه؟؟؟

امل وسامي واخيرا؟؟؟

عبير وفهد ها نلولش؟؟!

احمد-_-.؟؟!!

الجد^_*.؟!!

رعد وشموخ وش بيصير بعد؟؟!

ولادة ليون واخيرا واسلامه هو وابوه؟؟!

مووت جولي..؛(

دمتم بخير
_____________________________