الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت التاسع والعشرين

البارت التاسع والعشرون:

:
&
:
&

بسم الله..لا اله الا الله..استغفرالله..الله واكبر..ربي ارزقني ما اتمناه..صلو على من بكى شوقآ لرؤيتكم
_____
صباح اليوم الثاني
الكل يفطر بعد ماجمعهم الجد غصب وهدد محد يفطر بروحه وعينه عليهم خايف واحد منهم يطلع له بمصيبه وبعدها جد معاد بيستانسون بسفره
تكلم ابو فهد بنص الفطور:يبه رعد وينه
ناظر ابو فهد لجهة الحريم:حرمة رعد عندكم؟
امل موجهه الكلام لابوها:لا مو موجوده
ناظر ابو فهد لابوه بصدمه:يبه مافتحت الباب لهم بعد امس؟؟
الجد وهو يقوم بصدمه:نسيتهمم
قام وهو يطلع مفتاح الغرفه من جيبه تقدم للباب وهو يدخل المفتاح فره لاكثر من مره بستغراب لفه للجه الثانيه وتفاجئ بصوت القفل لف لابو عادل:انا امس مقفله صح؟؟
ابو عادل بستغراب:اي سامع صوت القفل
ضغط الجد على قفل الباب بقهرر لثواني يتمنه انه مو اللي بباله
نزل مقبض الباب حتى حس بلباب يفتح دزه بعصبيه لين صفق بلجدار وكانت الغرفه فاضيهه صرخ بقهرر:انحااااشو المهابييل
شهق البعض بصدمه والبعض الاخر ضحك على الوضع اللي جالس يصير
تقدم الجد للكنب ومو يجلس وبعصبيه ياشر على ابو احمد:اتصل اتصلل عليييه الحيين انا اعلممه اللي مايخاف ربيه نحاش كانه حرامي بين اللياليي .... اتصلل علييه الحيين
الكل كان مابين القلق والحماس
تقدم ابو احمد وهو يتصل ويهدي باابووه:هدد يايبه مو زين علييك
وصل لابو احمد صوت رعد:هذا هو يبه
تكلم الجد بعصبيه:حطه سبيكر..
جلس ابو احمد بجنب ابوه بعد ماحط سبيكر
تكلم الجد بعصبييه:يا الهايت اللي ماوراااك واليي تسمعنييي
وصله ضحكت رعد ثم رد بـ:ههههههههههههههه اسمعككك
الجد بعصبيه:ضحكتتت على عدويينك قول امين يالحرووش ماتجلس بمكان الا لازم تحرش بخلق الله انتت ماتخاف ربكك
وصله صوت رعد:والله ياجدي ماني بلعبه عندك ولا حرمه تربطني في غرفه وماتبيني اطلع وبعدين ماني ببزر تحبسني رجال خاط شاربي ومعرس وماسك شركات وانت جاي ياجدي تسكر علي غرفه؟؟
الجد سكت لثواني لانه كلامه صح :طيب شلون طلعت من وين لك المفتاح هذي شقتي؟
رعد:مفتاح لقيته مع اغراض الحمام
تكلم الجد بقهر:عز الله حرامي
وصل له صوت شموخ بضحك: هههههههه حرامي رسمييي
رد الجد بعصبيه:طالعه منها انتي بعد هذا اذا ماكنتي انتي ورا السالفه
كتم البعض ضحكته والبعض الاخر كان ساكت ولانه صوتها كان واضح
تكلمت شموخ بضحك:افا ياجد ليش مو واثق فيني انا انقط برائه ولدكم الخبيث
وصلهم همس رعد:انا خبيث يأم لسانين
كبحت امل ضحكتها وبهمس:بمسكها عليها ام لسانين هههه
والبعض الاخر طلع صوت ضحكته
وصل للجد صوت رعد:جدي انت فاتح سبيكر؟؟
تكلم الجد بعصبيه:مالك شغل فاتح ولا لا الحيينن ترجع يعني ترجعع
رد رعد بجديه:اولا ياجدي انا ماني براجع لو تتكلم لين بكرا السموحه بس مالك اي احقيه تتحكم بحياتي والشي الثاني انا مااسمحح لحد يسمع صوت حرمتيي ياتسكرون السبيكر يا اللي ماله حق يطلع
ناظر الجد لابو فهد:سكرره بسرعه
سكره ابو فهد بحراج
لحتى تكلم الجد:انا عارفك ماتسوي الا اللي براسكك بس ياوييلك ان سمعت انه صار لكك شيي......يلهه فان الله
رعد:فمان الله..
سكر الجد منه وعينه علجوال لثواني حتى تكلم:يله خلصو فطوركم وخنطلع نغير جو شويي
مد الجوال لابو احمد وقام راجع لمكان ماكان جالس وقت ماكان يتفطر واكل بهدوء وبدا الكل يكمل اكله والكل يفكر بلي صار من نواحي كثيره
_____
عند شموخ ورعد
بلمطار
جالسه بهدوء والملل ذابحها:متى ينادون علينا نروح
ناظر رعد لساعة يده:يله دقايق وينادون علينا
طلعت جوالها بملل:اي خير ان شاءالله
قاطعهم الصوت اللي صدى علمكانe"الرجاء من الركاب المسافرين اللي ايطاليا اتوجه للقاعه الخامسه"..."الرجاء من الركاب المسافرين اللي ايطاليا اتوجه للقاعه الخامسه"
وقف رعد وببتسامه:يله مشينا
وقفت شموخ بستغراب وهي تدخل جوالها بشنطتها اللي علجنب:على وين مانادو على طيارتنه
رعد وهو يسحب شناطهم:الا هذي هي ماسمعتيها
شموخ بتاكيد وهي مستغربه:ياحبيبي هذي رايحه لايطاليا وحنى لامريكا
ناظر لها:ماتوقعتك غبيه
ناظرت له وبقهر:اقول لاتلف وتدور قول وش السالفه الحين؟
رعد وهو يسحب بيد الشنط وبليد الثانيه ماسكها من يدها ويمشيها:بنروح لايطاليا ومن ايطاليا لامريكا
شموخ بستغراب اكثر:وليش اللف ودوران هذا نروح لامريكا من هنا وخلصنه؟
رعد وقف وهو يناظر لها:ياهبله نروح لايطاليا عساس هو بيدورون لو شكو اكيد بيسون بحث على ركاب اللي سافرو بتواريخ هذي وبيعرفون على اي رحله بنروح وين بنوقف فا نروح لايطاليا ومن ايطاليا لامريكا وقتها مايدرون وين ومتى وحتى اذا رحنه من الاساس
فلتت يده وهي تصفق بصدفه:لا انت باقي بس تجلطنيي والله ولا فكرت فيها لانك قلت خلاص امسكو ماكس لما نحاش فا قلت مستحيل بيعرفون
ابتسم وهو يكمل يمشي معها لمكان القاعه:عشان تعرفين اهميتي بحياتك
ضربته على كتفه وبغرور:لاتصدق نفسك مره(عقدت حواجبها من حسته ضغط على يدها)يدي كسرتها
استغربت زياده من الابتسامه اللي على وجهه:هي وش بك!
نزل راسه قريب لاذنها وهمس:شكله يبي لنا نحط رجلنه
ناظرت له وبستغرب وهي تهمس معاه لا إراديآ:ليش!
اشر بعيونه لجهه ناظرت لمكان مااشر وكان في كم شخص ببدله رسميه همست بذكاء:جدك؟
ابتسم وهو وده يبوس راسها على سرعة بديهتها:اي ههههههه انا داري فمان الله هذي ماتطلع منه.... اللي يبي يصير يعني يصير ههههههه امشي بس قبل يحبسنه هلمره بسجن بدل غرفه
مشت معه وهو يلتفت لاينتبهون له وقف عند محل وهو يسحب كمام اسود دفع سعره ولبسه وهو يكمل مشي لحتى دخلو لطابور القاعه:كذا احسن مابيعرفون شكلي
ابتسمت بهدوء وهي تناظر لطابور:جدك هذا يضحكني
رعد:كنت ولازلت قبلك
كملو بطابور لحتى دخلو شناطهم وكملو لحد مادخلو لطياره المتوجهه لايطاليا
مرت ساعات من الهدوء ماطولت كثير بسبب قرب بريطانيه من ايطاليا
نزلت وهي تناظر لسما ايطاليا:وينه بضبط؟
نزل رعد معها متوجين لداخل المطار :بعاصمة ايطاليا
شموخ ناظرت له وبتخمين:روما؟
ناظر لها وببتسامه:ماعرفتك وانتي صايدتها ههههههه اي روما
ابتسمت وهي تدخل للمطار وقفت لثواني:الا صح انت حاجز من هنا لامريكا ولا ليكون الحين نحجز ونروح لفندق ولويه؟
رعد وهو يكمل يمشي وهي معاه:لا وين حاجز وخالص من اول كلها ساعتين ونمشي لامريكا
وقف لحتى وصل لكراسي انتظار الطيران الامريكي
جلس وجلست بجنبه بتعب:يافف الحين حسيت بحب الوطن ياشيخ يايزين السعوديه بس
ابتسم لكلامها:بتجيك السعوديه وبتقولين يليتني بامريكا وقتها ....اساسا انتي وجه وحده تروح لامريكا؟
ناظرت له وبغرور وهي ترفع حاجب:وليش ياحبيبي من تكون امريكا عشان ماروح لها
ناظر لقدام وهو غاسل يده منها:سلامتك ولا شي
عدلت جلستها وهي تتكلم بغرور:والله عبالي بعد
وصل لها همسه بـ:وقسم بزر..
جات بترد لثواني حتى سكت لانه زودتها ناظرت قدامها لولد صغير شعره اسود ولونه وابيض وشكله كيوت تكلمت وعينها عليه:يوليي يزينه شوفه
ناظر رعد لمكان ماتناظر وابتسم:ماوصييك جيبي لي واحد احلا منه
ناظرت له بحراج لثواني ولفت تناظر بلولد وهي تستغفر ربها لاتفصل جد
ونفس شي من جهته رد يناظر للولد اللي كان يلعب ثواني حتى جو لعنده ولد وبنت واضح بلعشرين كلمو الولد الصغير اللي راح يركض لمكان ثم ابتسمت البنت لولد وحضنته بدلع وهي تبوس فيه
نزلت شموخ عينوها بحراج وهي تحس عيونه عليها
وصله صوته بخبث:تعلمي منهم بدل اللسان اللي مامنه فايده
وقفت بحراج وهي تلتفت:اوفف وين حمامهم هذول بعدل طرحتي اوفف(صارت تمشي وهي تلتفت تسوي تدور علحمام لحتى راحت بعيد عنه)
________
نروح لبريطانيا
يمشون بشارع لندن المعروف باسواقه والماركات بانواعها
مسكت دلال بيد هتان وهي تمشي:ودك بشي
همس بهدوء:لاا
دلال سكت لثواني حتى قالت:طيب تبي مويه
هتان :لا
دلال ردت سألته برتباك:طيب عصير
وقف مكانه وهو يناظر لها بستغراب:فيك شي؟
ناظرت له وبتوتر:لا بس اسألك
هتان بهدوء:اي ماابي شي لو ابي قلت لك
دلال سكت لثواني بحزن ثم تكلمت بتوتر:طيب لاتسكت سولف قول شي
هتان وعينه على قدام بهدوء:ماعندي شي اقوله
قاطعتهم سوسن اللي سحبت دلال:دلول لايطوفك في ماركه عجيبه اتوقع اول ماتشوفينها بتشترينها تعاليي
دلال ناظرت لسوسن ثم لهتان لثواني:ط طيب
مشت دلال مع سوسن لثواني حتى وقفتها سوسن:دلال فيك شي؟
دلال بهدوء:لا تمام..وينها..اقصد الماركه
سوسن وهي تشبك يدها بيد دلال وببتسامه:كذبت..هههههه ادري انصدمتي بس من اول اشوفك انتي بكذا بتحسسي انه مو طبيعي بكثرة اسالتك انا جالسه احاول قد ماقدر اتصرف معه طبيعي مع اني مو مستوعبه انه رجع تمام
دلال بهمس:ادري والله ادري...بس وش اسوي اخاف اخلي يسكت لمده مايتكلم ويرجع لحالته كل دقيقه اله كل ثانيه يسكت فيها اخاف تخطفه مننه ويرجع لحالته
سوسن وقفت لثواني وهي تمسك يد دلال :مستحيل يرجع لها ولو بيرجع فا مو بهسرعه حنى تعبنه حتى رجعنه تمام فا مستحيل بيرجع بسرعه لحالته كل شي ومراحله ولو بيوم بيرجع فا تأكدي اننه بنكشف رجوعه من اول مره ولو احتاج نرجع مره ثانيه وثالثه ورابعه اهم شي مايتعمق بحالته...هذا طبعا لو رجع لانه قبل كان عنده سبب اما الحين بينشغل بدراسته ٩شهور مابنخليه بدون تصوير ومكالمات بيننه وبيرجع طبيعي بعد مايختلط مع الكل بوقت دراسته وبوقت الشغل بوقت مايكتب ربي ونعرس مابخليه كل دقيقه اله ثانيه بسولف علي واذا خلصت سوالفي وديته لك تكملين(وببتسامه لها)ها رضيتي؟
ابتسمت دلال لثواني:هههه ايي
ردت سوسن شبكة يدها بيد سوسن وهي تمشي معها بجهة امل وعبير اللي يناظرون بلماركات وكل وحده تستهبل وتجيب سالفه على كل ماركه
امل بستهبال وهي تاشر على ساعه:بنات مره رحت لعشا وكل اللي فيه لبسين هساعه ورافعين اكمامهم لنص اليد الا يشوفونها
عبير بضحك:المشكله كلهم تقليد
ضحكت سوسن بصدمه:ههههههههههه اووح جبهتهم طيب
عبير بضحك:هههههههههههههههه ماقلت غير صدق
دلال:هههههه ذكرتيني بوحده تمشي مدري كيف والناس تقول الله يشفيها واللي تضحك استغربت شفيهم يضحكون حرام؟ يوم جت لي صديقتي وقلت لها قالت ركزي على رجلها ههههههه تخيلو كل هلمشي عشان تبين خلخال ماركه برجلها ههههههههههه صدمتنييي
امل:ههههههههههه وقسم لو منك ازلقها وهي تمشي اعلمها المشي الصح هههههههههههه
ابتسمت عبير:ههههه ايي
ناظرت لها امل :شنو اللي اي....هيي اكلمك انا ت...(وقفت لثواني وهي تشوف مكان ماتناظر اختها وكان فهد اللي كان واقف وبس انتبه لامل عطاهم ظهره)
ضربت امل بكتف عبير بصدمه:هييييي
ناظرت لها عبير بخوف وصدمه:ها شنوو
سحبتها امل وهم يمشون ورا دلال وسوسن اللي يسولفون ويعلقون على كل شي
امل بعصبيه وهمس:تستهبلين شنو هلنظرات اللي بينكم
عبير بصدمه:يمه صدمتيني عبالي شي ثاني
امل بصدمه اكبر:يويلي !!وليش صدمه اكبر ؟ واللي تسونه وش ينتسمى؟
عبير بضحك:يوو ماقلت لك
مسكت عبير بأمل وهي تسولف لها كل اللي صار:وبسسس
امل بتفكير لثواني:حتى ولو ياصخله ماتجلسين تناظرين له لاوقعتو على كتابكم وصار كل شي بلحلال وقتها مو بس تنتظرينه عطي عيونك بعد
عبير بزعل:بس ماسوينه شي ترى ناظرته وناظرني بس
امل وهي تكمل:شوي ويعطيك رقمه يقول نخطط بموضوع الملكه شوي يقول نطلع شوي وبعدها عاد نسلم عليك ونرميك بزباله
وقفت عبير وبقهر وعصبيه:هيي ترى ولد عمنا وش هلكلام!!
امل بعصبيه اكبر:وخرا شنو يعني حبيبتي حتى لو ابوك  ماتأمنين عرجال كل شي له حده ياعمري نستهبل بيننه نمدح فيهم نفصلهم هذا بيننه وفطره بس مو تجلسين تناظرين فيه بكرا يقول خلاص وش ابي فيها اللي ماصدقت على الله اثقلي ترى الثقل زين
مشت عبير معها وبقهر:خلاص ادري اني غلطانه بس لاتجلسين تقولينها فوق راسي اوف شدراني غلطنه وخلصنه ماعاد بعيدها
امل وهي تمشي معها:ولا تحلمين تعيدينها حبيبتي مافي شي يتأمن بهدنيا
ابتسمت عبير وهي تقرص امل من خصرها:ماعرفتك والله يلحكيمه
ابتسمت امل وهي تحرك بحاجبها:شرايك بس..عجبتكك
ابتسم عبير بضحك:هههههه حدااا
_____
نروح للمملكه
جالس سامي بهدوء وهو يقلب بجواله:اتصل ولا زودتها؟
دقيقه وش اللي زودتها كلها مره اللي اتصلت..اي صح زوجتي كيفي اتصل عليها متى ماجا ببالي
عدل بجلسته وهو يقنع بنفسه حتى ضغط اتصال وصل له انه يرن عندها
رجع يعدل بجلسته بحماس من سمع صوتها:الوو..
رد بهدوء عكس اللي داخله:ياهلا كيفك
امل:تمام..وانت
سامي:عايشين
امل:....
تم الهدوء بينهم لفتره حتى حس سامي على نفسه ونطق بـ:اي شلون بريطانيا معاكم
امل:تهبل
سامي حس كل السوالف وكل الافكار والخطط اللي كان بيقولها تبخرت"فكر فكر فكر وش تقول":اي مافكرتي تسوين لي مفاجئه وتجيبين لي هديه؟ ههههه
امل:ههه مدري مافكرت تصدق
سامي"الله ياخذ بليسي هذي سالفه الحين:احمم يله اجل اكلمك بعدين ...ديري بالك على نفسك
وصله همس امل بـ:ان شاءالله
سكر من عندها وهو وده لو يمسك نفسه ويعطيها كم كف:اوفف..الايام جايه ونتعدل معاها
_______
نروح لامل اللي سكرت منه بحراج وعينها علبنات:والله انكم ملقوفات
دلال وهي تقلده:ديري بالك على نفسك ههههههههه
سوسن:طيب شوضعكم كلكم مستحيين
امل بزعل:وين لا الا انا اللي مستحيه احسه دايم يسكر من كثر ما ملل مني ماعندي سالفه ههههههه
عبير:وهذا شي يضحك خلاص ماعليك نرد للفندق بعد نشتري كم غرض لك وندخل قوقل ونبحث عن "مواضيع يتحدث بينها النساء مع الرجال"ونقرأ ونثقف شوي
سوسن بستهبال:العنوان اطول من حياتي من وين جايبته؟
عبير بخبث:مو مشكلتي اذا حياتك قصير...جايبته من بقاله جنب بيتنه ه ه ه ه...
ناظرت لها امل بصدمه:هههه امانه تكفين لعاد تنكتيين
ضحكو دلال وسوسن بخبث عليها:ههههههههههههههههههههه
اما عبير فا كملت تمشي وهي مسويه اللي ماهمني
____
قام رعد بعد ماسمع نداء على رحلتهم
وهو يمشي بجنبها وصله صوتها:ذكرني بس نوصل ابي اتصل اتطمن على جولي
رعد:كيفها الحين!
شموخ وهي توقف بطابور بهدوء:الله يكون بعونها بس ماندري حالتها نفسها ماتغيرت اللهم بسبب المعذي يتغذا الطفل ويكبر ببطنها سبحان الله
وصلو لاول الطابور وكلها دقايق وطلعو ودخلو لداخل الطياره
جلست شموخ بتعب وملل وبهمس وهي تحس تبي النوم:احس خلاص مليت من طياره لطياره ...فيني نوم
ناظر لها رعد لثواني حتى اشر على كتفه:حطي راسك ونامي
ناظرت له وبحراج:لا عادي مايحتاج بواصل لين نوصل
ناظر لها ويجديه:مطولين على مانوصل نص يوم نامي احسن لك
شموخ بحراج حطت راسها على كتفه وهي تسكر عينها وتهمس بـ:انت اللي قلت لا اشوفك تقول بعدين كتفي يعورني
حط راسه فوق راسها بهدوء وهو يسكر عيونه:بنام..اشش
سكتت شموخ بحراج ...حست بنور الطياره يخف لانه الكل بينام لين يوصلون من طول الرحله
ضلت لدقايق منحرجه وتفكر لحتى غلبها نوم ونامت...
_____
بعد ساعات
دخلو الكل للفندق بتعب واللي يسولف عن اللي صار اليوم واللي مايبي غير النوم
وصحيح صعدو للاصنصير وتوجه كلا لغرفته
دخلو امل وعبير للغرفه ورمت كل وحده نفسها عسرير بدون تشيل حجابها
دخلت ام عادل وبعصبيه:انا مو قايله لكم بدلو اول بعدين نامو
وصلها صوت عبير النعسان:يا يمه بناام خلاص..(وبهمس)بكرا بكرا..
ام عادل بعصبيه:شنو اللي بكرا قومو بدلو ونامو ماابي منكم شيي...
امل:.....
عبير:....
تاففت ام عادل بعصبيه:اكلم الجدار اناا
امل بصوت باكي:ابيي اناام تكفووون
ام عادل بعصبيه:انا اعلمكم شغلكم لا جا بكرا...... عجايز مو بنات
جات بتطلع على صوت عبير:يمه تكفين سكري النور وراك
طلعت ام عادل لثواني مطنشتها حتى رجعت وسكرت النور بعصبيه وهي تتوعد فيهم
دخلت للمطبخ وهي تصلح الشاهي وتحط من المكسرات
وتروح تحطهم بصاله وتقلب بلقنوات وقفت عند قناة وكان فيها فلم ناظرت فيه لثواني لحتى دخلو الابطال لديسكو وصارت الهوايل قامت تقلب بلقنوات بصدمه وهي تسب فيهم:يهبب ياوجهم اللي مايستحون والله ....استغفرالله يارب لاتبلانه بس
كملت تقلب وكل ماطاحت بقناة لقت اللي يصدم اكثر
______
تحركة بتعب وهي تحس بالم برقبتها  بعدت راسها من عليه وهي تحرك رقبتها بالم وبهمس:اخخ نمت كثير...كم الساعه
وصله صوته الهامس:باقي ثلاث ساعات ونوصل
ناظرت له وهو يشتغل علاب وبهمس:متى صحيت انت!
رعد ناظر لها وهو يضحك بستخفاف:كيفت بنومه اول مره انام نومه مريحه كذا...(وبجديه)جاني كم كف محترم مدري تلعبين مصارعه وانتي نايمه ولا وش وضعك؟
ناظرت له وبحراج:يووه شدراني اول مره انام كذا يعني مو متعوده
بعدت حزام الامان عنها وهي تقوم بحراج وبهمس:وين الحمام
همس بضحك:اي صرفيها كل ماصار شي قالت وين الحمام
ناظرت له وبحراج:هه من قال ابي اعدل شكلي مادريت عنك
قامت متوجهه للحمام دخلت له وهي تعدل شكلها وتهمس بقهر وعصبيه بكلام مو مفهوم
طلعت بعد ماعدلة حجابها
جلست بجنبه وهي ترد الحزام رفعت يدها حتى جات المظيفه طلبت لها شي تاكل وهي ساحبه عليه بس وصلها صوته وهو يطلب لنفسه معها
بس راحت المظيفه ناظرت له وبقهر:نعم تطلب؟
ناظر لها بستخفاف:ليش ليكون طيارة ابوك وانا مدري ولا لازم استأذن منك يامدام
ناظرت له وبقهر:مو عن بس كنت تقدر تطلب من قبل لازم كل شي اسوي  تلقدني
ناظر لشاشة اللاب وهو يقلد كلامها بستهبال:اننننن...(ناظر لها وبخبث وهو يحرك بحاجبه)خفي علينا يا اخر حبه
تحس حالها ودها تمسكه وتحذفه من الطياره همست بنرفزه:ووهه مستفزز
ابتسم وهو يكمل شغله:توك تدريين
بعد دقايق وصلت وجباتهم صارو ياكلون بهدوء وكلن يفكر بشي
وبس خلصو شالته من قدامهم وجلس كل واحد اللي يشتغل علاب واللي يقلب بلافلام اللي قدامه
لحتى مرت ساعتين واعلنو لركاب
يربطون الاحزمه لتحضير لنزول
الطياره للولايات المتحده الامريكيه
وخاصه في ولاية كاليفورنين
نزلو الركاب بعد مانزلت
الطياره وشموخ مبتسمه وبحماس:رعد
رعد:هلا
شموخ:الحين هذي كليفورنيا صح؟
ناظر لها وبستغراب:اي!!
شموخ بحماس وهي تناظر له وتمسكه من كتفه:امااانه
بس نخلص شغلنه خنمر للجبل اللي حاطين فيه علامة
هوليوود ابي اصور عنده ونتمشى عند المحلات الصغيره
اللي تحت الجبل طيب!!!
ناظر لها رعد بضحك:هههههه انتي خليتي لي موافقه
خططتي لكل شي وبلاخير تقولين طيب...بس نخلص
نسوي اللي تبينه
ابتسمت شموخ بحمااس:وووه متحمسه من الحين
_______
نروح لبريطانيا
قامت ام عادل بعصبيه وهي تصحي فيهم:قوموو بنروح لمنطقه ثانيه
عبير بنعاس:يا يمه ماشبعت نووم..بعدين
ام عادل وهي تصرخ فيهم:والله اللي ماتقوم الحين ان اخليها معنسه عندنا طول حياتها وقولو امي ماقالت
فزت امل وبعدها عبير بصدمه وهم يعرفون اذا قالت امهم تسوي
وكل وحده تدف بثانيه عشان تدخل للحمام
صفق ام عادل يدها ببعض وهي غاسله يدها منهم:انا
داريه ماينفع فيكم الا كذا..كله من افلامكم التركيه
استغفرالله بس
طلعت من عندهم وهي تروح لغرفة عادل تصحيه للفطور
وهي متاكده انهم بيطلعون جاهزين بسبب اللي
قالته
______________________________
تم نوقف هنا لاتنسون توقعاتكم

الجد وصدمته من هلاثنين...؟!

رعد وشموخ واللي سووه.؟!

عبير وامل .؟!!

سوسن وهتان.؟!

دلال وهتان.؟!!

ام عادل وبناتها.!!!

رعد شموخ ووصولهم لامريكا .!!!

جولي وش بيصير لها.!!

سامي واللي سوا.!!

بلاخير اكتبو كل اللي بخاطركم عن البارت.!!

دمتم بخير
________________________________
باقي اربع بارتات