الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الثالث عشر

البارت الثالث عشر:

:
&
:
&

بسم الله ...لا أله إلا الله...الله اكبر..سبحان الله..استغفرالله..صلو على من بكى شوقآ لرؤيتكم
________
ابتسمت شهد وبغنج وعينها على فهد:تشرفنا وانا شهد مرت ابوكم
مــــــــرت ابـــــــوكــــــم
مــــرت ابــــوكـــم
مـرت ابـوكـم
ناظرتها سوسن بصدمه همست:ش شنو
ناطرت ابوها برجا تحت نظرات الكل المصدومه:ي يبه هذي شنو تقول
شهد ناظرتها بتعالي:انتي هي شنو هذي؟ عندي اسم اذا ماتعرفين
ناظرها ابو فهد بهدوء:شهد اكسري شر وتراها بنتي(ناظر لسوسن)يابوي بعدين نتفاهم (ناظر لامه بهدوء)ابوي وين؟
الكل كان مستنكر الوضع ومحد رد من الصدمه
اما فهد فماكان اقل صدمه من اخته بس مايقدر يسوي شي غير انه ينتظر اللين ينفرد مع ابو ويتفاهم معه وبنفس الوقت يظل حق من حقوقه ومالهم صلاح فيه
شهد ناظرت بوفهد وبدلع:تيب(طيب)حبيبي
مرت بجنب سوسن متجه تسلم وتقعد وضربت كتفها بقوه بكتف سوسن متعمده وهي تلف وتصرخ على سوسن:اخ هيي كسرتي كتفي (ناظرتت لابو فهد وبخبث وهي تسوي متألمه)بو فهد شوف بنتك كسرت لي كتفي انا احترمت انها بنتك بس مو تقوم وتضربني عيني عينك
ناظرتها سوسن بقهر وعجز بس انصدمت بامل اللي ركضت ودزت شهد بشراسه وهي تصرخ عليها :انتييي هيييي شايفتنه بقر عندك تتبلين عليها ولا بلغلط عبالك قاعدين بمصحة المجانين اللي طالعه منها عشان مانستوعب حركتكككك
سوسن مسكت امل بصدمه:امل
صرخ ابو فهد بصدمه:بس انتي وهيي
بس شهد ماكانت اقل منهم مدت يدها لطرحة امل وهي تجر راسها لتحت متقصده تحطه بلارض بس انصدمت من اللي مسكتها من يدها وبعدتها عن امل ودزتها على ورا لدرجة لصقت بلجدار وبيدها الثانيه حطتها على رقبة شهد كانها بتخنقها همست شموخ بشراسه ونظرات تقتل:شكله ودك تموتي؟مشتاقه؟اقصد لقبرك هه شكلك مشتاقه له وانتي تو مارحتي له
ناظرتها شهد بصدمه وهي تحاول تبعد يدها عن رقبتها وابو فهد واقف قريب منهم ومايقدر يمسك شموخ عنها لانها ماتحل له
صرخ ابو فهد:بتذبحينها بعدي عنها
على صوت صراخهم طلع الجد وحمد وابو حمد ورعد منصدمين من اللي يصير
تقدم رعد بيبعد شموخ عن الحرمه اللي ماسكتها بس انصدم فيها تقول:لا تقرب احسننن لكك وماني بذايحتها لاتخاف(وهي تناظر بشهد بخبث)ماني بحيوانه مثلها
تكلم الجد بعصبيه:وشش اللي يصير هناا هاا ومن ذي اللي ماسكتها ياشموخ(وبصراخ) احدد يفهمني اشوف؟
تكلمت عبير وهي تبكي:جدي عمي متزوج هلحرمه وتو جا وقال لسوسن سلمي على مرت ابوك شهد وبعدين شهد قامت تتحرش بسوسن وقامت عليها امل وشموخ
ناظر الجد لابو فهد بصدمه:افا ياذا العلم(ناظر لابو فهد اللي يناظره بهدوء)هي صادقه؟ هاه
تكلم ابو فهد بقهر:اي صادقه ومحد له عندي كلام والشرع محلل لي اربع بعدين بشوف حياتي هذا هم كبرتهم ومابهم قاصر ذاليني على هزواجه ذي وبعدين(ناظر لرعد)بعد حرمتك عن حرمتي احسن لك(رد يناظر لابوه)ماني باحسن من اخوي يوم تزوج ام رعد على ام شذى على الاقل انا يوم تزوجت تزوجتها وحرمتي متوفيه رحمة الله عليها مو ابو رعد
تكلم رعد وهو ماسك نفسه لايصرخ على عمه:اعرف ظرفك وظرفه ياعمي ولاتقعد تربط سالفة ابوي بسالفتك وابوي ماله دخل تدخله بلموضوع ولو ودك تعرف شلون اكسر مقارنتك التافهه فا ابوي يوم تزوج تزوج يدور الولد يوم خالتي ماجابت الا شذى ولاجابت بعدها تزوج عشان يجيب اللي يشيل اسمه ولا انت وش عذرك يوم اعرست هاه؟ولا ماعندك جواب؟
ابو فهد انخرس من كلامه شيقول برجع شبابي؟ وقتها بيطيح من عين ابوه:احمم الحين خلحرمتك تبعد عن حرمتي وبعدها ندخل للمكتب ونتفاهم
رعد ناظر لشموخ نظرت اللي اتركيها
شموخ بقهر ناظرت شهد اللي نشف دمها من نظرات شموخ وهي تهمس:هلمره الله فكك مني بس هه الجايات اكثر والله ان امسي وصبح ببيت سوسن واوريك نجوم الليل بعز القايله واوكلك سم ونيمك بكف واعلمك كيف تعيشي حياتك بذل ولو فكرتي تروحي لمكان غير بوصل لك لو فوق القمر
بعدت يدها عنها ومسكتها من عباتها اللي كلها زري بقرف ودزتها باقوى ماعندها لعند ابو فهد
مسكت شهد بابو فهد بخوف ورجفه من كلامها بس ناظرتها وهي تسوي انها مو خايفه:انا مالي قعده هني اخاف اموت على يدهم ودني للبيت
ابو فهد بقلة حيله ناظر لابوه:يبه بكرا الصباح امرك ونتفاهم (ناظر لسوسن)هدي وبعدها تعالي مع فهد اخوك
اشر ابو فهد لشهد تمشي وطلعت برى معاه والكل كان منصدم والبعض يناظر لشموخ بصدمه من اللي سوته والبعض يناظر لسوسن باسى وبعضهم مو مهتم
تقدمت شموخ لسوسن وهي معطيه لنظرات رعد طاف مسكت سوسن وهمست لها يروحو للغرفه الداخليه ومشت معها بهدوء ولحقوها عبير وامل وما انسمع الا صوت تسكيرت الباب
تنهد الجد وهو يتقدم ويجلس بمكانه بصدر المجلس وياشر لرعد اللي يناظر للباب بسرحان ونظرات غريبه انه يجلس بجنبه
تقدم رعد وجلس بجنب الجد وهو يتنهد بهدوء وتفكري لسالفه الثانيه اللي طاحت بينهم
اما ابو احمد فا اخذ ولده احمد وهو يتوعد فيه بانه بيعلمه الشغل بكرا لانه اليوم مو فاضي بعد السالفه
اما فهد فاطلع من اول ماطلع ابوه متوجة لمكان يفكر فيه بلموضوع اللي طاح على راسه وراس اخته
والجده جلست تتقهوى بهدوء وهي تهمس لام نور(ام حمد)وام شذى وام عادل بانهم يسولفو بشي غير احسن لهم لانه شي مايخصهم
ونور وشذى جلسو على صوب يحشو بلي صار
_______
نروح للغرفه اللي بابها تسكر
عند بطلتنه
وسوسن و عبير وامل
عبير ناظرت لسوسن اللي تبكي تكلمت بحزن:سوسن خلاص قطعتي قلبي
شموخ مسكت سوسن وبحدا:بفهم ليش تبكين الحين؟؟ هاه وبعدين وش هامك خليعرس اهم شي انه امك ماجربت احساس انه تزوج عليها وبعدين هه من جدك زعلانه؟والله لو منك استانس يعني شي حلو وحده بمسمى زوجة ابوي معاي كل مامليت مسكتها على صوب ووريتها الويل وكل ماعصبت حطيت حرتي فيها وكل يوم الوع لها كبدها واخليها هي بنفسها تطلب الطلاق
امل وهي تمسك سوسن اللي بدت تهدا:من جد وبعدين ياهبله عندك اختبارات لاتهتمين فيها الحين وبعدها كلنا بنوريها كيف تفكر تتزوج واحد كبر ابوها
شموخ ابتسمت بخبث:اوفف عاد جات لي افكار بتجننها صح هي اكيد داخله على طمع مو حب فا بنحذف عليها نغزات انه البيت والشركه وكل شي مكتوب باسم اخوك مو ابوك ونفر مخها ونخليها تصدق بعد ماتكلمين ابوك وتطلبينه انك بترضين بس بشرط انه يقول لها ترى كل حلالي مسجل باسمهم وانا مالي الا بقاله براس الشارع ومايجي لها بلاسبوع الا ثلاث بزران وهذا بيكون ورث عيالك لو جبتي واذا سأل لي قولي بس واذا مارضيت انسى انه لك بنت وبروح اعيش عند جدي ومن هلكلام وبعدها بنشوف وجه هشهد شلون بيصير وتشوفين لو ماطلبت الطلاق
ناظرتها سوسن وهي تضحك بين دموعها بصدمه:ههههههه افكارك تخوف
شموخ:ههههههه اي افا عليك بس هااه سالفة الورث وهلامور بتصير بعد مانجننها شوي وبنتسلى فيها صح
ابتسمت سوسن وهي تمسح دموعها وهي تحس هم ونزاح :اوكيي هههههه
ابتسمو امل وعبير بفرح انها ضحكت وقعدو بعدها يسولفو بعد ماارسلت سوسن لفهد شبه اللي قررته مع البنات ورد عليها بـ اوكك كفو عليك
_________
عند فهد
وتحديدآ بلبحر
كان جالس ويناظر للبحر بتفكير"اوف الحين وش اسوي انا المشكله مابيدي شي اسوي وماقدر اكسر قرار ابوي ولا اقدر اوقف ساكت ماسوي شي اووه"
قطع عليه صوت المسج
طلع جواله ودخل المسج وكان من سوسن
قرأ اللي كاتبته والفكره اللي مخططين لها
همس:صح شلون مافكرت انها داخله على طمع هه والله يا ان هلبنات داهيه ولا اقول انه هلبنت داهيه اعرف بنات عمي مايطلع منهم هلافكار ولا حتى اختي سوسن ياحظك فيها ياولد عمي
رد عليها بـ اوك كفو عليك
وقبل يسكر وصل له مسج
سوسن:(لاتنسى بكرا تروح لعبير تدرسها رياضيات لاتوهقها عشان سالفتنه)
ابتسمت فهد لطاريها ورد بـ:اكيد
ودخل جواله ورد يتأمل بلبحر ويفكر
بلي جاي
__________
الساعه١٢ عليل
بعد ماراح الكل لبيته بعد الامور الصادمه اللي صارت والكل فوق راسه الف سؤال وسؤال
دخلت شموخ لجناحها بعد ماكانت تحت مع البنات اللي تو راحو
دخلت بهدوء عشان ما يحس فيها رعد لانه متأكده من بعد نظراته المتوعده مابتنام الا بعد سالفه وهي مالها خلق
مشت عسريع ودخلت غرفتها وسكرت الباب تنفست براحه وهي تهمس:اووه الحمدالله مالي خلق له
قاطعها صوت من وراها:منو اللي مالك خلق له؟؟
صرخت بخوف وهي تلف وتلصق بلباب:بسم الله انت وش تسوي هنا
رعد اللي كان جالس عسريرها تكلم بهدوء: قاعد بسريري ليش عندك شي؟
ناظرته شموخ بقهر وهي فاهمه قصده:رعد لاتستهبل على راسي وسريرك بغرفتك مو بغرفتي
تكلم رعد بهدوء:اجل ابشرك روحي شيكي على غرفتي وتعالي هه هذا اذا لقيتي غرفه(ناظرها بحده)من اليوم وراح غرفتي هي غرفتك وغرفتك هي غرفتي ولا عاجبك شك جدي فينا؟
ناظرته شموخ بقهر:اوف ياليل مطولك طيب خلاص فهمت
مرت من جنبه متوجه لغرفة اتبديل بس وقفت على كلمته
رعد ببرود:كانه عاد هامني فهمتي ولا لا
تقدم بقهر وهي تصفق الباب وراها على كلمته:كسرتي الباب حشى مو بنت شكلي متزوج اندرتيكر انا
طلعت بجامتها السوده الحرير من الدرج بقهر وهي تقاوم ضحكتها بسبب اللي قاله وبنفس الوقت ماتبي تضحك لانه قاصدها بلكلام
بعد دقايق طلعت وتوجهة للجها الثانيه بعد ماسكرت النور تمددت بعدم مبالات لوجوده بس قبل لاتحط راسها على مخده سحبها من يدها ورفعها ولفها صوبه
شموخ صرخت بقهر:هييي
تكلم بهدوء:ماخلصت كلامي
شموخ بقهر:وش؟
رعد ببرود:تحسبيني غبي مادري انك اللي جايبه اصور؟
شموخ بهدوء:اي صور ماعرف شي عنهم
رعد ضغط على يدها وبنظرات حاده:ماني من الخمه اللي تكذبي عليهم ويصدقون لاتحديني افتش من وراك واوريك الدليل لاتتحديني ياشموخ احسن لك اشتري سلامتك بنفسك
ناظرت شموخ بقهر :طيب وش تبغى يعني؟؟اي انا اللي دزيت الصور وليش مو شغلك شي يخصني والف مره قلت لك مالك دخل بخصوصياتي
ناظرها بتهديد:وانا الف مره قلت لاتجبريني الغي سفرتك وبعدين وش الحركه ذي اللي سويتيها مع الحرمه؟ متزوج خريجة سجون انا!! هاه
شموخ تنهدت بهدوء:ومثل كل مره مايخصك خريجة سجون ولا اندرتيكر مالك دخل
بعدت يده وهي منقهره وحطت راسها على المخده وهي متعمده النوم بس بالها كان مشغول برعد اللي مو راضي يفكها وبنفس الوقت ماتقدر تطلب الطلاق لانه الوحيد اللي بيقدر يساعدها على انها تسافر
بلجها الثانيه رعد هو الثاني تعمد النوم بس كان يفكر "اوف هلبنت بتجنني قبل موتي هه بس زين سوت ب احمد بردت قلبي فيه اجل طلع حق بنات هه والله ورحت وطي ياولد عمي"
قطع علي تفكيره همس شموخ من وره بصوت خافت:رعد
سكت لثواني وهو يقنع نفسه انه يتوهم ولا كيف تنادي عليه
بس حس فيها وهي تمسك كتفته وترد تهمس:هيي قوم
برد جسمه من لمست يدها بس استغرب وش ممكن تبي منه لف لها وبهمس:نع..
تجمد بمكانه من قرب وجهه له لدرجة شعره وتلصق فيه
بعد عنها وهو يثبت روحه بتوتر"يارب عفوك والثبات":احمم نعم
شموخ عدلت جلستها وهي تبعد الحيا همست:اشش قصر صوتك
همس بستغراب:ليش!
شموخ وبخوف:اسمع صوت شكله في حرامي
مسك ضحكته وهو يهمس:ماشاءالله انتي تخافين؟والله ماعرفتك ههه
شموخ ضربته بقهر عند كتفه وهي تهمس:لاتستهبل وقوم شوف ترى ماضحك
قام رعد وهو يعدل تيشيرته الاسود قامت وراه وهي تمسك بكتفه بخوف
ابتسم رعد لحركتها وهو عاجبه الوضع
فتح الباب بشويش وناظر لصاله وخاصه الشباك ابتسم بخبث وهو يشوف بسه سوده(قطوه سوده) ناظرها وهمس بخبث:احمم لقيتهم
همست شموخ برعب:منوو؟؟؟الحرامي!!
همس وهو يخفي خبثه وهو متصنع الرتباك ومستمتع بخوفها ورتباكها :لا الحراميه
شهقت وهي تحط يدها بفمها همست:ياويلي على حالي بموت وانا ماعشت شي هيي اذبحهم بسرعه
ناظرها بصدمه وبهمس:هبله انتي شنو اذبحهم ودخل السجن يعني؟
شموخ بتوتر:يوو عادي ادخل وش بيضرك وبعدين يرضيك اموت مثلا؟ طبعا لا فا يله قوم اذبحهم وتعال
ناظرها رعد بصدمه وهو ماسك ضحكته:ماشاءالله تسألي وتجاوبي بنفسك هه اقول امشي بس معاي بروح امسكهم
شموخ بخوف:لا انت روح وانا بقفل الباب علي
رعد بخبث:اوك بس ها لو دخل عليك من الشباك افتحي الباب وهربي هذا اذا ماكان الثاني عند الباب
سوا نفسه بيطلع بس ابتسم بخبث وهو يشوفها تمسك بكتفه شموخ وبهمس:هاه لا خلاص بروح معاك نموت سوا ولا اموت لحالي
ابتسم لكلامها :ههه هبله
ضربته بقهر وخوف:فاضي تضحك امش خنشوفهم الله يستر بس
همس رعد وهو يطلع معها وهو عاجبه الوضع:طيب طيب ههه
_________
طلع وهي معه متمسكه بتيشيرته
كمل يمشي وهو يناظر لصوب الشباك والبسه(القطوه)كانت واقفه ولونها اسود ومو واضحه
همست شموخ بترقب:هيي وينهم
مسكها عسريع من كتفها ومشاها اللين وصلت قدام البسه قرب لاذنها وصدره لاصق بطهرها قدام الشباك وقدامهم البسه ومو واضحه بسبب الظلام الا من نور القمر وهمس لها:شوفي تحتك هذا هو الحرامي
شموخ توترت من قربه ونفاس همسه ناظرت بستغراب للي قاله لتحت وتوسعت عيونها بصدمه من البسه اللي تحتها وعيونها تلمع
لفت بخوف وهي تعلق يدها على رقبة رعد محاوله تبعد عنها ومن حركتها رفعها وصار ماسكها بين يدينه على صرختها:يااحيواانن تبي تذبحني انتت بعدها عنيي بعدها عنيي يممممهه(صرخت بخوف وهي تشوف البسه ترفع نفسها على رجول رعد محاوله تقرب لعندها)ااااااااااهه
خبت وجها برقبة رعد وهو يسمعها تهمس:اللهم اجعل من بينهم سدا ومن خلفهم سدا فأغشيناهم فهم لايبصرون
عض على شفته السفليه محاول يوقف ضحكته على كلامها وبانت غمازته المحفوره  ناظر للبسه وهوش لها برجله اللين ماطلعت
تقدم لشباك وهو يناظر للبسه اللي نزلت همس بضحك:والله حالتك مستعصيه يعني الحين لما غطيتي وجهك مابتجيك؟ ذكرتيني بنعامه اذا خافت دخلت راسها بلارض وجسمها كله طالع
بعدت عنه وناظرها بصدمه انها من جد خايفه خدها مليان بدموعها وشفايفها حمرت من كثر ماهي عاضه عليهم بخوف وشعرها متبعثر على وجها وعيونها المكحله من الله برموش طويله بجمال بدوي بحت مع نور القمر تكلمت بين شهقاتها:ولله ان اعلمك ب(شهقه)س خلاصيد عليك شي
اجل تحذفني للبسه يلي ماتخاف ربك ولا قبلها علبقر وبعدين كلاب بكرا شنو هاه؟ عتوي ؟ولا اسد؟(شهقه)انت اصبر بس
كانت تتكلم وهو يسمع لعتابها بس عينه على شفاتها اللي الدمعه وصلت لها
كانت تتكلم وهي من جد تعاتب اكثر شي تخاف منه هم الحيوانات بشته اشكالهم حتى العصفور تخاف منه كملت بقهر ناويه تكسر كلامه لما قال ياويلك اشوفك تسبي وهي ناويه تسبه بس تجمدت بصدمه وهي تحس شفاته على شفاتها بعدت عينها بصدمه وهي ناويه تبعده بس طاحت عينها علمرايه ماكانت واضحه لها بقوه بسبت انها تناظرها بطرف عينها كان واضحه طرف رقبته وتفاحة ادم بين الظلام للحظه استوعبة ودزته عنها بصدمه وكل هذا صار بثواني وهي تنزل وتناظره بقهر مدة يدها بتعطي كف بس انصدمت فيه يمسك يدها وينزل لمستوى طولها وهو مثبتها لاتدزه قرب جبهته ولصقها بجهتها وعينه بعينها همس ببحه تعذب:تزعل واراضيك واتلذذ بتزعيلك
تبي الصراحه؟انا مجنون زعلاتك
لاقمت تبعد وانا اقرب وادنيلك
وامسك غترتي(او شماغ)وامش دمعاتك
وتبدي تعاتب !!وانا كل انتباهي لك
وما اسمعك شتقول انا عيني على شفاتك
ناظرته بتوتر من كلامه وكانه فهم عليها همس:هذا جوابي لو بتسألين ليش
ترك يدها وهي بس تركها رجعة على وراه وهي تناظره بتوتر ومشت عسريع متجهه للغرفه سمع صفقت الباب وابتسم بين غمازته قرب لشباك وسكره وهو يضحك على اللي سوا همس:لعنبو بليسها ماخذه سحر العالم كله ذي؟ اخخ بس انا وش اللي خلاني اتزوجها لو كانت عاديه قلنه ماشي بس هذي اوفف(حرك شعره بقهر)انا وش اقول اوف
تقدم لعند الباب وهو يضربه بخفه ويهمس:طيب افتحي الباب بنام
هييي اكلم منو انا؟
بنتت
ابتسم وهو يسمع صوت الباب ينفتح بس انصدم بلمخده اللي جات بوجهه والبطانيه بعدها عنه بصدمه على كلمتها:نام علكنب ياقليل الادب
وانصفق الباب بوجهه
ابتسم بصدمه:هه سكرته بوجهي بنت اللذينه
اخذ المخده والبطانيه وهو يضحك ويهمس بـ:ههه استغفرالله
تمدد على كنب وهو يسكر عينه ينطر النوم يجي او نقول ينتظر متى الافكار اللي عنها تروح عنه
_____
عند بطلتنه
تمددت بقهر وهي تتذكر اللي صار
لمست شفتها بطرف يدها وهي تهمس بقهر:قليل الادب اللي مايستحي
سكرت عيونها وهي تهمس:بنام بنام بنام بنام بنام بنام بناام.......
___
يوم الجمعه
علساعه ١٠ الصباح
قامت شموخ وهي متجهه للحمام خذت شور وطلعت وهي تنشف شعرها
عدلة جلابيتها
كات قصيره الين نص الساق تقريبا
والكم نص فتحة الصدر سبعه بس قصيره وساتره مزمزم من عند الخصر وخلخال برجلها اليمنه ناعم بدون صوت
ورفعة شعرها ذيل حصان وحطت الطرحه على كتفها احتياط
رطبت يدها ووجها بكريم وحطت مرطب شفايف مسكره فتحت الباب ناويه تنزل تساعد الجده وام شذى تسوي فطور للجد ورعد عساس يروحون صلاة الجمعه
كملت طالعه من الجناح ونزلت لتحت وهي تسمع اصوات رعد والجد همست بستغراب:وين تروش ذا!(ضربت راسها بخفه)والله اني غبيه اكيد عنده حمام بغرفته وش بني فصلت
على صوت كعبها النازل(يعني مو عالي مره)رفع رعد راسها وهو يشوفها تقدمت وهي تسلم علجد وتصبح عليه
ولا حتى ناظرته
وكملت طالعه للمطبخ
قام من سرحانه على نغزت عصا جده
ناظر جده اللي قال:اكلتها بعيونك ارحمها شوي مالومها يوم طلعت ولا حتى قعدت تسولف معي من عيونك
رعد بحراج:احمم لا وين يايبه بس تذكرت شي (قام وهو ينسف شماغه)بقول لها تروح تجيب سبحتي عشان كذا احمم
توجه للمطبخ على كلمة جده:هههه انزين واللي بيدك وشوه مب سبحه؟ ههههههه
طلع رعد ووقف قدام المرايه وهو يعدل شماغه برتباك:اووف وش اللي لاعب بحسبتك يارعد اعقل بس
ناظر سبحته اللي بيده وهمس:اعوذ بالله منها
دخل لعند الجد وجلس بهدوء وهو يسبح بسبحته وعيون جده عليه
قطع عليهم صمت الشغاله وشموخ اللي دخلو وصفو الفطور
جلسو على جيت الجده على الطاوله
وكان الجد يتصدر الطاوله وعلى يمينه الجده ويساره رعد
اشر الجد لشموخ انها تقعد بجنب رعد
سحبت الكرسي وجلست وهي تعطيه نظرت اللي نعم خير في شي؟
قرب الجد لعند رعد وتلقائي قرب رعد همس الجد:اضبطك قعدتها جنبك احسن ماتغزغز فيها ويمكنها وهي تتفطر تضرب يدها بيدك احسن ماتاكلها بعيونك قلت اجيبها لك
ابتسم رعد على كلام جده وهمس:اشهدنك فاهم علي بس مو كذا يايبه فشلتنه ههههه
ابتسم الجد ورد يكمل اكله
ورعد كل ماجا بياكل يتذكر حركت جده ويبتسم ماسك ضحكته
بعد مده قام الجد ورعد:الحمدالله
الجده:بلعافيه
الجد وهو يعدل شماغه:يعافيك بس لاتنسين تقولين لسواق يغسل السياره عدل ابي ارجع من صلاة الجمعه القاه مغسلها وراي مشاوير
الجده وهي تقوم وتاشر على الشغاله تجي:ابشر
طلع الجد ورعد متوجهين للمسجد
اما الجده فكلمت الشغاله تشيل من الفطور لام شذى وبنتها لانهم ماكانو قايمين
اما بطلتنه فقامت متوجه لفوق تقرأ سورة الكهف اللين مايأذن وتصلي
________
بعد الغدا
عساعه ٤ العصر
ابو عادل واقف عند الدرج:ياا عبيير
عبيرر من فوق:نعمممم يببه
ابو عادل:عجليي يابوك الولد ينتظرك بلمجلس لاتتاخرين
عبير بصوت عالي:ان شاءالله
طلع ابو عادل وهو يستغفر
ام عادل بضحك:ياابو عادل وش فيك بعد ماتعررف بناتك ماينزلن الا بطلعت الروح
ابو عادل وهو يجلس وياخذ فنجان القهوه منها:اي مو هذا بلاهم بنات هلوقت مدري وش تدوبر(تسوي)فوق
نروح لعبير
عبير بقهر:جبي
امل بضحك وهي تتمدد عسرير:يتحرك القلم شوي شوي وسبحان الله يطيح ويجي بيمسك ويمسك يدك بلغلط
عبير اللي قلب وجها احمر:امللل
امل وهي ميته ضحك:ونقول ح+ب تقسيم ف+ع=حب فهد وعبير. ههههههههههههههه ايي ايي ياحيوانه
عبير اللي ماسكه المخده:تستاهلين ياقليلة الادب
طلعت وهي تصفق الباب على كلمة امل:بشويش على الولد لاتخرفنينه هههههههههههههه
نزلت عبير وهي تعدل طرحتها:يله يبه
ابو عادل:روحي يابوك عادل اخوك عنده
مشت عبير وهي تهمس:عادل بزر وش بيسوي
دخلت المجلس وهي تتصنع الثقه:سلام
فهد وهو يعدل جلست وعادل اللي كان يسولف معه قام وجلس بمكان ثاني:احم وعليكم السلام
جلست علكنب وكان بينهم مسند والطاوله قدامهم
عدل جلسته وهو يفتح الدفتر:ايوا وش مسائل؟
عبير وهي تتذكر كلام امل :هم ثلاث مسائل بس مره طوال وكذا يعني
فهد وعينه عدفتر ولا رفع عينه لها بحترام:ايوا عطيني اشوفهم
فتحت عبير جوالها علمسائل اللي كانو عباره عن صور بقروب الواتس حق كلاسها
مدت الجوال له اخذه وهو يقرأ ويفهم المسائل
اخذ الدفتر وكتب اختصار كل سؤال عشان يشرحها لها
لف للمسائله الثاني وصار يكتب اختصارها
جا بيلف للمسائله الثالثه بس قطع عليه المسج
كان من امل*_*وكاتبه فيه(عبور كيف الاجواء ها نقول مبروك)
حبس ضحكته احسن مايحرجها سوا انه ماقرأ وكمل يكتب
اما عبير كانت جبل من التوتر وهي بس تموت وتعرف وش الرساله اللي جات واذا قرئها او لا والفكار براسها تعرف صديقاتها ووش يقولون فضايح مو بنات
مد لها الجوال
فهد:يله ركزي معي بشرح لك اول مسأله
عبير:طيب
عدلت جلسته وهي تنتبه لكل كلمه يقولها احسن ماتحمل الماده
نروح لامل اللي ماشافت رد من عبير نزلت تتقهوى مع امها وبنفس الوقت تراجع لمادة اختبارها
لانه الاسبوع الجاي عباره عن اختبارات
بعد ساعه ونص تقريبا
عند عبير
وقف فهد وهو يعدل شماغه:ها يابنت العم ان شاءالله فهمتي
عبير ابتسمت بهدوء:ايوا شكرا
ابتسم وعينه تحت:العفو يله سلمي لي علوالد وشدي حيلك بلاختبار
عبير:يوصل ان شاءالله
طلع من هنا وعبير حذفت نفسها علكنب من هنا ابتسمت بضحك:اوفف واخيرا اقدر اتنفس براحه هههههه
عدلة قعدتها وهي تناظر لعادل اللي نايم ضحكت بستخفاف:اجل هذا اللي قلتو بيقعد عندنا والله لو قمت ورحت وجيت معه مادرا عنننه هههههه استغفرالله
شالت الكتب وصحت عادل ومشته معه
دخلت عند امها وهي تحطه علكنب وهو بس قعد رد نام
ام عادل:ها يمه عساك فهمتي
عبير وهي تشيل الطرحه:اي يمه الحمدالله
ناظرت عبير الشغاله:سيتي بس يخلص روحي شيلي ماي وعصير في مجلس
سيتي:ان شاءالله
امل ناظرته عبير:ان شاءالله فهمتي
عبير ناظرتها:تستهبلين قلت اي
امل وهي تغمز لها:اها الحمدالله
عبير حركت راسها وهي تستغفر بضحك:الحمدالله وشكر بس ههههه
_________
يوم السبت
الصباح
تحركت يد رعد لصوب مخدت شموخ
حرك يده بستغراب
فتح نص عين وهو يشوف مكانها فاضي
عقد حواجبه من الصداع
عدل جلسته وهو يبعد المخدات اللي بينه وبينها
ضحك بستخفاف وهو يتذكر اللي صار امس
<<<
دخلت شموخ وكانت عليها نفس الجلابيه القصيره
توجهة لغرفة التبديل بس استغربت الباب حقها مقفل
لفت تناظر رعد اللي جالس على عرض السرير ولابس نظاره بإطار اسود ويشتغل علاب
سرحت في لثواني
قطع سرحانها رعد وعينه علاب:ادري اني جميل لدرجة خلتك تسرحين فيني
ناظرته بكره:ه ه ه ماتضحك و(برتباك)اساسا ماكنت سرحانه فيك كنت افكر اذا وشسمه كنت مقفله باب الغرفه
رعد ناظرها لثواني ثم:اها تبين مفتاح الغرفه ؟
شموخ ناظرته بترقب:ايوا؟
رعد ببرود وهو يرجع يناظر اللاب:انكسر
شموخ ناظرته بصدمه:نعم؟؟ تستهبل شلون مفتاح ينكسر
رعد رجع ناظرها ببرود:وش عرفني مفتاحك نفس وجهك جيت بفتح الغرفه كان اشوف المفتاح سحبته ماطلع رجعت سحبته ماطلع كان اعوجه علجنب وكسرته
شموح نزلت لمستوى مقبض الباب تتأكد وكان جد نص المفتاح داخل
ناظرته بقهر:الحين شلون ببدل هااه
رعد ابتسم بخبث وهو يشوف اللبس اللي عليها:عادي نامي فيه اللين بكرا
وقفت شموخ وعينها بعينه همست:قليل الادب(وبصوتها الطبيعي)اجل انا اعلمك والله ان ماجبت حقين اللي يصلحون الباب الحين لااروح لجدك واقول له كل شي بيننه
ابتسم رعد بخبث:عادي روحي له من هنا وسفره مافي من هنا
شموخ رفعة حاجبها بتحدي:اوكك
خذت طرحتها وطلعت متوجهه لخارج الجناح
نط رعد من سرير وهو يعدل تيشيرت وراح وراها : هذي من جدها بتسويها
طلع برى الجناح يس انصدم فيها تدزه وتدخل وتقفل الجناح
وقف عند الباب بصدمه:اوح انهبلت ذي؟
قرب عند الباب وهو يهمس:هيي افتحي الباب احسن لك لاتفشلينه
شموخ من ورا الباب:تستاهل عشان تعرف منو تهدد مره ثانيه
رعد بخبث:تحسبين كذا مسويه شي اجل خليك بلغرفه بروح انام بغرفه ثانيه وانتي خيسي بملابسك اللين اليوم الثاني
شموخ:........
رعد وهو متسند علباب:ها وينك ياصاحبة اللسان الطويل
ثواني ووصله صوت شموخ:رايحه اخرب بحثك اللي علاب ياصاحب الظل الطويل هههههههههااااييي يله سلم لي على غرفتك انا وحده بجلس اذاكر اللين الصباح وبجيب العمال يصلحو الباب وابدل وانام بعد طبعا ما اخرب بحثك هههههااايي وانت اقعد يومين سو بلبحث وانا بدقيقه امسحه هههههههههههههههههههههههههههههه
ثواني ووصلت لها رفسه علباب وصوت رعد الخافت:والله فكري بس تمسحينه ان ا....
شموخ وقف قلبها من الضربه بس وهي تكمل عنه:ان احرمك من السفر يابابا خلاص صارت قديمه جيب غيرها هههههههههههه
ثواني ووصلها همسه:خلاص افتحي بجيب العمال
شموخ من ورا الباب:ووش اللي يأكدلي؟؟
رعد :والله بجيبهم حلفت لك
ثواني ووصله صوت فتح الباب
دخل وعينه عليها بقهر
تقدم وهي سكرت الباب
جلس وجلست قدامه تشوفه يتصل علعامل يجي
وقام توجه للغرفه وراسه مصدع:بس يجي خليك بغرفتي لانه عباتك  داخل
نرجع لورا شوي
واللي ماحسو فيه انه في شخص شاف مشهد خروجه اللين دخوله
الجده:وين رحت
الجد وهو يجلس وهو يفكر:حمام
ابتسم الجد بهدوء:هههه كل واحد اقوى من الثاني وثنينهم محد يقدر عليهم هم بس اللي يقدرو على بعض
الجده بستغراب:من؟
الجد:شموخ ورعد في غيرهم
الجده ابتسمت:اي
الجد وهو يناظرها بفرح:تصدقي مرات احسهم يشبهون بعض يعني هي تكسره من هنا يجيب شي يكسرها فيه بس هيهات تجي بلي اقوى وهاكذا ههههههه بس بلاخير يلين الوضع بينهم كيف الله العالم
الجده:ههههههههه مايلين الا وليدي رعد المسكين يوم انه عاشقها
الجد ناظرها بضحك:عاشقها مره وحده؟؟ قولي لان لها
الجده:والله اني صادقه انا ابخص(ابخص=اعرف)عيونهه عيون اللي عاشق بس مهب داري عن نفسه امسك شموخ وبعدها عنه اسبوع وشوف وضعه اذ سرح وتذكرها اعرف انه عاشقها واذا بس فكر فيها دقايق ولا عاد فكر فيها اعذرني انا الغلطانه
الجد ناظرها بسرحانه ويده تمسح على لحيته
نرجع للجناح
وكان تو طالع العامل بعد ماصلح الباب توجهة للغرفه بدون حتى تكلمه وبدلة لبسها ببجامه توجهة لسرير وحطت بينها وبينه مخاد
وتمددت وهي معطيته ظهرها
رعد بلجهه الثانيه:هه مب ميت عليك ترى مايحتاج تحطينهم
شموخ وعلى نفس وضعها وهي تتذكر اللي صار امس قبل لاتنام وهي ميته احراج:كيفي
سكر رعد عيونه محاول انه ينام وبين كل تسكيره يفتح عينه ويناظر لجهتها بس يتذكر انه المخاد موجودين ويرجع يسكر اللين مانام
نرجع ليوم السبت
ناظر يده مكان ماكانت على مخدتها
وقام متوجه للحمام ياخذ شور
بعد مده طلع رعد وهو لاف المنشفه حول خصره ومنشفه صغيره بين يده ينشف فيها شعره توجه لصاله مستغرب وين اختفيت
بس وقف بصدمه وهو يشوفها جالسه ولاول مره لابسه شورت فوق الركبه بلون رصاصي شبه واسع وتيشيرت علاق اصفر مو ضيق ولا واسع مره ورافعه شعرها بقلم(يعني لافه شعرها ومثبته بقلم)ولابسه نظاره وعلى اذنها قلم وصوب فتحت الصدر معلقه مشابيك اوراق بألوان واشكال وبيدها قلم واوراق قدامها تكتب عليها ومن حولها كتب بكل مكان وبجنبها مويه وشوكولاته ومتعمقه بدراسه
توجه لها اللين صار بجنبها ويناظرها تكتب ومندمجه ولا حست فيه
ناده عليها بستغراب:من متى تدرسين؟
شموخ:........
رعد بستغراب:شموخ؟
شموخ:......
نزل رعد لمستواها تقريبا من وراها وقرب راسه لعند كتفها يشوف وش تدرس همس بهتمام:اها تدرسين لختبارك
شموخ لفت له بصدمه همست:بسم الله
ابتسم ووجه قريب مره لوجهها:صباح الخير تو تلاحظيني
شموخ بحركه تلقائيه من قربه حطت يدها على شفاتها
للحظه كان بيضحك بس انصدم من صرختها
شموخ اللي تو تلاحظ انه مو لابس تيشيرت نزلت عيونها وهي تشوفه بس عليه منشفه صرخت بصدمه وحراج:يمممممممممه
ياقليييييييللل الحياااا
ناظرها رعد بصدمه:هيييي شنو قليل حيا زووجكك انا
شموخ بقهر وهي مسكره عيونها:زوجيي بلمشمش طيب ويله روح تستر قاطعت علي دراستي
قام رعد وهو يناظرها بخبث:شكرا عاجبني الوضع كذا
شموخ فتحت اصابعها حول عين وحده وهي تناظر له:احلف بس
رعد:اوف امزح معك وبعدين انتي اللي سويتيها سالفه جيت سالتك من متى تدرسين قمتي وصرختي
شموخ :من ثلاث ساعات حلو يله روح
رعد بستغراب:اوف قايمه من ٦ الصباح؟
شموخ:اي ليش
رعد وهو يحرك كتوفه وطلع متوجع للغرفه:ابد ماعرفتك شاطره
شموخ بهمس وهي تقل كلامه:نننننننن
لفت تكمل دراسه
طلع رعد بعد مالبس ناظر لها مندمجه بدراسه مره ثانيه
طلع وتركها تكمل دراستها
______
نروح لبيت ابو عادل
امل:بسسسس بسسس بسسسسسسسسس بدرسسسس خلاص اوفف
عبير وهي تغير علاغاني:روحي ادرسي بغرفة ثانيه الله مكبر البيت مادرستي الا هنا
امل :انا ماعرف ادرس الا هنا وبعدين قومي ادرسييي اختبارك
عبير :والله حتى انا ماحب ارقص الا هنا وبعدين لاتخافين براجع له بعد شوي
قامت امل بقهر وهي تصفق الباب وراها وصوت تحلطمها واصل لدنيا كلها
ضحكت عبير بانتصار بس شهقت وهي تسمع امل تقول ان شاءالله ترسبين نطت وهي تحذف جوالها وتركض وراها:هييييييي استغفريييي استغفرييييي
على صراخ ام عادل:بسسس يابنات بسسس
نروح للحلو اللي باخر الصاله ومعه جوال امه ويصور امل وعبير وهو يضحك ترك الجوال وراح يركض وراهم بحماس على صوت ارسال الفيديو لقروب (خواتي نور حياتي)
_______
عليل الساعه١١
دخل رعد ومعه اوراق وملفات من الشركه وقف وهو منصدم انها على نفس جلستها من راح تقدم وجلس على اقرب كنبه:انتي اللين الحين تدرسين؟!
هيييي بنتت اكلمك
ناظرته شموخ وهي معقده حواجبها:هاا شنو
رعد:اقول من متى تدرسين؟
شموخ:كم مره سالت هسؤال قلت لك من ٦ الصباح
رعد ناظرها وهو منصدم:هبله انتي ارتاحي لك شوي
شموخ وهي ترد تراجع على اوراق وتاخد شباك وتجمع اوراق وتشبكم:عادي متعوده دايم كذا وبعدين لاتزعجني خلني اكمل
رعد:طيب وش حادك ارتاحي لك شوي اختبارك بيبدا ٩
شموخ وهي معقده حواجبها وتنسخ كلام:والله اذا انت مأمن مستقبلك فا انا لا وبعدين لو مادرست وخذيت شهاده قويه وقتها مابقدر اسيطر على شركات ابوي لانه مستحيل بخلي عماني يمسكون شي فيها وكمان لاسمح الله اذا ماقدرت ارجع الشركات يكون عندي شهاده اقدر اتوظف فيها واعز نفسي فيها
رعد ناظرها لها :وانا
ناظرته شموخ بستغراب:وشو وانت؟
رعد عدل جلسته وبجديه:اقول وانا مو مالي عينك؟؟ مثلا
شموخ:وش قصدك
رعد:هه الحين انتي مفكره اني بساعدك تاخذين شركات ابوك واطلقك مثلا؟
شموخ وعينها بعينه وعاقده حواجبها من الصداع:اجل
رعد:يابابا انا واعد ابوك ماطلقك يعني عجبك ولا ماعجبك بتظلين على ذمتي ومسألت تصرفين على نفسك ليش ان شاءالله وانا وين رحت عشان تصرفين على نفسك
شموخ بقهر والصداع عند حاجبها:ومن قال اني بقعد على ذمتك
رعد وهو يناظرها بجديه:وتكسرين وصيت ابوك؟؟
شموخ :ووصيه؟
رعد:انا لما ملكت عليك وقتها كان ابوك بلمستشفى ووصاني عليك وطلب مني املك عليك عشان مايضيع حقك او يسوي احد لك شي
شموخ ناظرت للاوراق وهي عاقده حواجبها بتفكير وراسها مصدع من كثر الدراسه"اوف شلون مافكرت فيها..اخالف وصيت ابوي!هذا اخر شي ممكن افكر اسويه اذا انا مسويه كل ذا عشانه اجي بلاخير واعذبه بقبره"ناظرت لرعد وبهدوء:احم طيب بس بعد ابي لي اشد حيلي عشان امسك شركات ابوي علاقل
ابتسم رعد بهدوء وقام متجه للغرفه ينام وقبل يدخل:نامي لك شوي طيب
دخل رعد وكملت شموخ تذاكر لاختبارها وهي ناويه بس تراجع وتروح تنام احسن لها
_______________________________________
تم نوقف هنا ولا تنسون توقعاتكم

البنات وشهد مرت ابو سوسن؟؟؟!!!!!

شموخ واللي صار لها مع رعد والبسه.؟!!

فهد وعبير والاختبار والمسج اللي وصل له

امل وحركاتها مع عبير؟؟؟!!!

الجد وش يفكر فيه!!

شموخ ورعد والاختبارات؟؟!!!

دمتم بخير
__________________

من الاسباب اللي اقول فيها لكم علقو
هلبارتات كاتبتها ومخلصه بلانستا ومتابعينها انتظرو كل اسبوع ومرات اتاخر عليهم ومرات اخذ راحه عشان بس بارت وانتو ببرود انزل لكم بارتين ورا بعض ومرات ثلاث وهلمره عشر
فا قدروهم
وقدروني انا اللي حبيت انزلها في الواتباد