الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت السابع والعشرين

البارت السابع والعشرون:

:
&
:
&

(ملاااحظه♥️بالله فاقده تعليقاتكم الحلوه فرحوني)

بسم الله..استغفرالله..لا اله الا الله..الله اكبر..سبحان الله..صلو على من بكى شوقآ لرؤيتكم
______
واقفه بقلق انه ممكن يحتاج لعمليه وش بتقول وش بتسوي
لثواني حتى انفتح باب غرفتهم وطلع الدكتور اللي ابتسم على خوفها الواضحe:لاتقلقي لقد قمت بتغطية الجرح مره اخره والان هو بخير ولكن يجب ان يذهب لطبيب في اقرب وقت
تنهدت شموخ براحه وهي تشكر الدكتور وتتمم له ووصلته للباب
ومعه الحارس قفلت الباب وتوجهة لغرفتهم وشافته جالس وراكي راسه على ورا وكانه نايم
تقدمة بهدوء لعنده وهي تروح للجهه الثانيه من السرير بسبب رجله اللي مادها
قربت لعنده وهي تعدل جلستها وببتسامه هاديه:هههههه تصدق عبالي بتموت وقلت خلاص مابقدر اساعدك مثلهم
ناظر لها بهدوء وهو منتبه مع ملامح وجهها وقال:واذا انا مت؟ بتنكسرين وبتوقفين انتقام؟؟ اذا انا مت وقتها بيكون عندك انتقام اهلك وانتقام لابوي قبل ياخذون شركاته وانتقام لي اقتلوني..مااسمح لك لو مت توقفين انتقامك بس مو بيدك يكون
كانت تناظر لطريقة كلامه بخوف من كل شي نطقه وبضحك:ههههه انت وش بك تتفاول على نفسك ههههههههههه والله اقول بس قوم جدك الحين بيجي يدورك اذا ماتبي تروح دبر موضوع ولا انزل
ابتسم لثواني بهدوء لانها طوفت الموضوع:لا انتي انزلي وشوفي وين بيتفقون يروحون وتعالي قولي لي بجي معاكم
قامت بهدوء وهي طالعه:طيب
ناظر لها لين طلعت ثم ناظر لكتفه اللي هدى الالم تمدد بتعب وهو ناوي ياخذ راحه شوي وبعدها يقوم
______
بلغرفه
اتفق الجد معهم انهم بيروحون للحديقه(الهايد بارك)كا اوول يوم يشوفون الطبيعه والبحر
تكلم الجد بشبه صوت حاد:الا رعد وحرمته ويينهمم؟؟؟
فزت امل من سمعته جاب طاريهم وبرتباك:جديي شموخ راحت مع رعد بتجيب اكل لسهره
عقد الجد حواجبه وبستغراب:وش سهرته وبعدين مب عيب عليكم تشغلون الحرمه
امل وهي تدور تصريفه:هااه...
قاطعتهم شموخ اللي دخلت
ناظر الجد لامل لثواني ثم لشموخ:اقول شمووخ وين كنتي هاه طولتي؟؟؟
ناظرت له شموخ بستغراب ثم لامل اللي قالب وجها احمر وببالها انه توه يسأل: ايي كنت اسوي فطور لرعد..
لثواني حست الجو هادي ومخنوق
ناظرت لامل اللي تاشر على رقبتها فهمت عليها انها جابت العيد
تكلمت امل بسرعه ونظرات الجد عليها: اي جدي هي لما راحت تجيب اكل لسهره كان ناقصها نواقص للفطور وكذا لرعد(ناظرت لشموخ وبتوتر)صحح شموخ؟
لثواني فهمت كل شي وتقدمت بكل ثقه وهي تجلس:اي صح(ناظرت للجد)ليش ياجدي هو حرام اتحرك الا باذن احد لاني مستغربه سؤالك لي وكاني محبوسه مو بكامل حريتي وبراي زوجي اروح واجي؟
ابتسم الجد بفشله:لو والله يابنتي بس تعرفين معزتكم بقلبي وحلاوت القعده معاكم
ابتسمت بهدوء من ورا اللثام :اها تسلم....
في نفس المكان همس بقهر:هه بعد تعرف ترد على جدي اللي مانقدر عليه....اخخ بسس خلي اكون انا وهي بروحنه(ناظر لامل وبهمس حاقد) واعلمها شلون تخرب ملكتي وتملكها على غيري
حس بضربة ابو وبهمسه:نزل عيونك فوق انك مفشلني تتطالع ببنت عمك
ناظر احمد لابوه بقهر وهو يذكر قبل اسبوع بضبط لما رجع بعد ماخلصت فلوسه
دخل للبيت وكانت امه تشرب شاي مع ابوه ونوره جالسه على جوالها
فزت من شافته وهي تركض له وتمسكه من يده وبخوف:وينكك فيه خوفتنيي علييكك...(وببكي)ليشش تسوي كذا فيني يامكك ليشش
قطعها ابو احمد اللي ابعدها عنه ودزه باقوى ماعنده لورا وضرب بظهره بلجدار على صراخ ابوه:تووووكككك ترجععععع بعددد ماافشلتنييي قداام ابويي واخواني تووكك ترجعع؟؟؟؟ وين كنتتت ..الهه لكك وجهه ترجع بعد المصيييبه اللي حطيتها فيني لوو ما ولد الرجال اللي كان بوقتها جاي يخطبها ولاداري عن الملكه وملك عليهاااا كاانن الحيين ماقدرت احط عيني بعيين اخووي(تفل عليه وبقهر)تفوو علييكك بسس
طلع ابوه تاركه قبل لا يزيد بلكلام ويندم
قاطع تفكيره همس ابوه:اعتذار واعتذرت لعمك الحين لاشوفك تسوي لي مشكله بعد ولا ترى والله ماتشوف مني خير
همس بقهر وعينه على شموخ:خير ان شاءالله
همس ابو احمد بحده:شنو قلتت؟؟
احمد وهو يناظر لابوه وبتنهد:قلت ان شاءالله
قاطعهم الجد اللي وقف:يله اجل جهزو شغلكم بنمشي لحديقة "الهايد بارك"
صرخت امل بصوت خافت:هيااا....(ناظرت حولها بفشل من شافت الكل هادي رجعت جلست على كلمت جدها)
الجد بحده:صووتكك لا يعلى منتي ببيتكم لحالككك
همست امل بفشله:ان شاءالله
ناظرت لها عبير بضحك:ههههههههههاخخ بطني والله من الفشله عاد قددام احمد وفهد ولد عمي وزوج سوسن يعني شنو في اكثر من هلفشله ههههههه ...اي اي اي لاتقرصيين
امل بقهر وهي توقف معاهم:تستاهلين انا اختك مفروض توقفين معاي
طلعت لبرى وعبير تمشي وراها بضحك تحاول تراضيها
____
اما سوسن ودلال يمشون بجنب هتان اللي نطق بـ:جوعان
لتفتت له سوسن ودلال وبانتباه ومع بعض:هاا
ناظر لهم بهدوء ورجع يمشي بتنهد لثواني ثم همس:جوعان
ابتسمت دلال وهي تمسكه من يده:هههههه يافديت الجوعان امش اجل يله نروح ناكل
وقفتها سوسن لثواني:دقيقه بس بستأذن من ابوي عساس على مايجهزون للحديقه حنى ناكل اتوقع ماتحتاجين شي صح من الغرفه!!
دلال بتفكير:امم الا بس باخذ كم شغله لارحنه للمطعم وطلبنه بسبقكم لشقه اخذ كم غرض واجيكم
ابتسمت سوسن لها:اوكي ثواني بكلم ابوي
ردت دلال الابتسامه لها وهي تشوفها تروح
قاطعها هتان:وين
ناظرت له دلال بستغراب:وش!
هتان وعينه على سوسن :....
ناظرت دلال لمكان مايشوف وببتسامه:ايي قصدك سوسن؟؟ بتروح تكلم ابوها شوي وتجي
همس هتان :...طيب..لاتتاخر
ناظرت له بستغراب لثواني وهي منصدمه انه رد عليها لانه بلعاده من بعد مابدو علاجه يقول كم كلمه تعبر عن اللي ببالها ولا يرد بعد مايقولون له ببساطه يخمنون شنو بيرد ويكملون ابتسمت براحه لاخوها اللي بدا ترد له الحياة:ان شاءالله..(ناظرت لسوسن اللي جت وببتسامه)ها وش قال؟
سوسن ببتسامه:قال روحو
ابتسمت دلال:اوكي اجل مشينه
ابتسمت سوسن بتسليك وهي تناظر لشهد بقهر:اوكي
نرجع لورا شوي
واقفه تتكلم مع الجد:اوكي جدي اجل انا بصعد فوق لرعد ومتى ماخلص شغله لحقناكم واذا كان فاضي نزلنه و جينا معاكم
ابتسم الجد لها وهو متفشل من لما تدخل في شؤونهم بزياده:اي اكيد خذي راحتك
ابتسمت شموخ وبعدت عن الجد بس قبل تمشي سمعت سوسن اللي تتكلم مع ابوها:يبه ترى ابي اروح مع هتان للمطعم جوعان ماتفطر عدل
ابو فهد:اي يابوك روحي بس خلي احد معاكم
سوسن ببتسامه وهي حاز بخاطرها خوف ابوها منه عليها:ان شاءالله
قاطعتها شهد وهي تتمسك بيد ابو فهد:مالوك ياقلبي خايف عليها لاهو بصاحي والجنون راكبه من فوق لتحت
ناظرت لها سوسن وبقهر:مافي شي وبدا يتشافى وماهو بمجنونن بس نفسيهه كانت في من هو صغيرر فاهمه؟؟
شهد بتنهد وهي تكشر بوجها:فهمنه فهمنه هههه والله ودنيا يعني غيرتي مجنون ولانفسيه كلهم نفس الشي بس عشان يريحون قلب الاهل قالو نفسيه ههههههههههه
ابو فهد بحده لشهد:شهدد
شهد بتنهد وهي تناظر لسوسن:طيب اسفهه ههه
بعد ابو فهد عنهم رايح لابوه بعد ماراحت سوسن لدلال اللي تنتظرها
ناظرت شهد لابو فهد بقهر:اوف لازم يفشلني قدام عياله يعني
قاطعتها شموخ من وراها:اي لااازم
لفت شهد وبقهر:نعم انتي وش تبين بعد؟؟الا وش دخلك
شموخ بنظرات استصغار وبهمس:دخلني الباب اللي دخلكك كيفي ملقوفه مع الاسف نفسك واحشر نفسي بالي مايخصني(وبلعانه)مو انتي حشرتي نفسك بأمور سوسن؟؟ وانا بعد وانا ربي سلطني علييك مثل ماتسوين بناس بسويه فيك وبعد احبكك مرره لانك تضحكيني دووم وتسليني واحب احشر نفسي بأي شي يخصك واقهرك وهه بس ياوناستي عندي ناس تضحكني بطالعه ونازله ههههههههههه اهه بس الله يديمك بجنبي دووووووم عشان دايم اضحك عليك وعلى هبالك اللي مثلك وشخصيتك الغبيه
ناظرت لها شهد وبقهر:هه مراح ارد عليك لانه الكلام معاك ضايع
جات بتروح شهد على كلمة شموخ:اكيد ضايع يقلبي مو انتي كلمتين على بعض مو قادره تجمعين قدامي ههههههههههههههههههه مو قلت لك تضحكيني دايم هه
كملت شهد مشيها سافهتها بقهرر من شموخ اللي واقفه بطريقها
كملت تتمشي بعد ماقهرت شهد شوي وببتسامه وهمس:كلن يتحمل اللي اختاره....
______
في المطعم جالسه مع هتان بعد ماخلصو اكل
ينتظرون دلال اللي راحت تجيب شغلها عساس يمشون للجد اللي بيجمعهم تحت ويمشون للحديقه
مر بجنبها واحد وببتسامه:ياهلا والله ياهلا خليجيه الاخت؟
ناظرت له سوسن بتوتر ثم ناظرت بهتان اللي يناظر له
..ناظر الشخص لهتان:اوو اسفين يا الاخو تبعكم الاخت...
سوسن تكلمت برتباك:لو سمحت روح من قدامي ماودي اتكلم معك
...:شفيج ترى ماراح اكلج يعني عادي نتكلم ..وبعدين شسالفه شفي اخوج ساكت شكله عادي عندكم احد يكلم بناتكم ههههههه
سوسن قامت من مكانها وقام معها هتان وجت بتمشي بس وقف بطريقها الشخص وببتسامه:على وين امداج قمتي ماتعرفنه تعرفين الغربه صعبه فا ودي اتعرف (بغمزه)نتبادل الارقام ونطلع تحسسيني اني بين اهلي مو بعيد
سوسن بخوف:لو سمحت وخر عن طريقي مو فاضيه لكك
ناظر الشخص لهتان وبهمس لها:مجنون اخوج؟؟ ولا مايسمع لانه غريبه ساكت ههههه
ناظرت له وبقهر:مو مجنون زوجي ولا مايسمع فا ابعد عن طريقي احسن لك
الشخص تكلم بصدمه:اووه زوجج؟هههههه والله حاله وساكت يشوفج تتكلمين معاي؟
همست بقهر:جالسه اقول لك ابعد عن وجهيي
قرب لعندها ومسك يدها وببتسامه:افا شفيج عصبتي
شهقت بخوف وهي تبعد يدها عن يده وترجع على ورا وصدم ظهرها بهتان:ابعدد عنيي
قرب الشخص لعندها ببتسامه:ترى منيه مافي شي عندهم حرام عادي لو خطفتج محد بيتكلم وحتى لو كلمو الشرطه ماراح تتحرك الا ببلاغ من الاهل لانه مايدرون يمكن زوجتي وزعلت عليها وشلتها ومشيت ههه
تحس بجسمها كله يرتعش بخوف وهي تتمنى دلال تجي بسرعهه
قرب الشخص يده لعندها بستمتاع بس وقفته يده هتان اللي مسكت بيده وضاغطه عليها بقهوه لدرجة حمر وجهه:هدد يديي ياحيواااااننن
ناظرت سوسن لهتان بخوف لثواني حتى رجعت وتخبت وراه وهي ماسكت تيشيرته بخوف
ناظر هتان لها ثم لشخص اللي مزعجها وبقهر شد على يده زياده وهو يلفها وكا حركه لااراديه من الشخص حتى لاتنكسر يده لف معها وصارت يده ورا ظهره وهتان لازال ماسك بيده بغضب وهو ضاغط عليها
صرخ الشخص بقهر:هدهااا خلاص مراح اجي لها والله (بألم ووجها احمر وبصراخ)اخخخ هدهاااااا
همست سوسن بخوف:هتان خلاص اتركهه خلنمشي
ناظر هتان لها ثم لشخص لثواني حتى ضغط على يده بقوه ودفها على قدام لدرجة طاح علارض وهو ماسك بيده بألم
مشى هتان وسوسن ماسكه بيده من جنبه وعيون هتان عليه بعصبيه وهو يتألم بأرضه
______
نرجع لشموخ اللي صعدت لشقتهم
وقالت لرعد اللي بدل ونزل معها لتحت واجتمعو كلهم منتظرين سوسن وهتان ودلال
ناظر ابو فهد لساعته بقلق وهمس:تأخروو
قاطعه فهد ببتسامه :لا هذي هي جت
تقدمت سوسن لابوها:اسفه تأخرت
ابتسم ابوها براحه:مايخالف يله خل نمشي
وقفهم ابو عادل بكلامه:يبه خنطلع كل واحد واهله شكلنه كذا كثير والعيون ماترحم
الجد وهو يناظر لعددهم:اي والله اجل كل واحد واهله يروح بسياره
ابو فهد:على راحتك
وصحيح طلعو وكل شخص بسيارته العائليه اللي مستأجرينها
اما شموخ ورعد كانو بسيارته
بعد ماحركو
ناظرت له وبقلق:رعد لو تعبان عادي مانروح؟
ناظر لها ببتسامه:لا ماعليك خذيت حبوب مسكنه ماهو بصاير لي شي
ناظرت لقدام وبراحه نسبيه:ان شاءالله...
ظلو ساكتين الا من محادثات بسيطه لحتى وصلو للحديقه بعد مانتقلو لعاصمة بريطانيا لندن بما انه الحديقه فيها
عدلو جلستهم بعد ماستقرو قدام بحيره محوطه بجسر وبمقدمة البحيره كان في فيلا مطلعه شكل الحديقه روعه
جلسو كلهم تقريبا باختلاط بمسافات بينهم اللي مع زوجته واللي مع اخوانه الخ
وزعو الحلا والعصاير مابينهم مع اجواء الحديقه والسوالف اللي بينهم
همست شموخ لرعد:بروح للبنات بسولف
جات بتقوم بس مسك يدها اللي كانت بجنبه وبهمس:لاخليك وين مخليتني جالس كذا
ناظرت له وبقهر:ترى ماقابلتك كم اسبوع والبنات تو ماشبعت منهم
ناظر لها لثواني:طيب عندي موضوع بقوله لك اساسا بس ماحصل فرصه قومي نتمشى واقوله لك
ناظرت له بتفكير ثم ناظرت للحديقه نظره تفحصيه:امم اوك ليش لا الموضوع فيه مشي بحديقه حلوه هههه
ابتسم على هبالها ثم قام من كانه وقامت معه قبل يمشي قاطعه الجد:على وين يابوك
رعد:نتمشى
همست امل لعبير:ماتحسين جدي حاشرهم بكل مكان
ضربتها عبير بخفه وهي تهمس:اشش لايسمعك
ناظر الجد لشموخ ثم لرعد:ايي روح لاتطولون
ابتسم رعد لجده:طيب
مشى وهي بجنبه لحتى وصلو لسور البحيره وصارو يمشون بجنبه
ناظرت له شموخ وهي تمشي بجنبه بجهة البحيره:ايوا شنو موضوعك
رعد وهو يناظر لقدام وبجديه:عرفت موقع جين
وقفت بصدمه:احلفف
لف لها وببتسامه:اي والله
قربت لعنده شموخ وهي تمسك كتفه:طيب وشلون قال لكك
رعد بجديه:هددته
شموخ بستغراب:بوش!
شبك رعد يده بيدها وهو يكمل مشي:اقول لك وحنى نمشي لاتصير عيونهم علينا
مشت بجنبه وباهتمام:طيب بشنو هددته؟
رعد:في بنته عنده بنت من وحده كان يحبها قبل بس ماتت ومابقى له الا بنته جبت بنته من مدرستها رحت لها وطلعتها على اساس اني ولي امرها من بطاقة الهويه اللي كانت بجيبه وكم فبركه ضبطت معي واخذتها للمزرعه وحطيتها مع مربيه بغرفه لانه مالها ذنب وجبتها عنده وشافها وهددته اني بقتلها قدامه ان ماقال لي مكان جين وقال كل شي عنده والحين مخليه عندي اللين مالقى جين لانه لو تركته يروح اكيد بيقول لجين هه
شموخ بصدمه:اوفف طلعت اخبث منيي
وقف وهو يناظر لها بصدمه:لا والله؟
ابتسمت بهدوء:هههه اي والله
وقفت لما وصلو لنهاية السور وكانت نهاية مفتوحه علبحيره
ابتسمت للفكره اللي جتها ناظرت له وهي ترمش بعيونها:رعد
ناظر لها بستغراب وهو حاس وراها شي:وش؟
قربت لعنده وهي تمسك يده الثنتين وببتسامه ودلع:بطلب منك طلب صغيروني وانت اكيد بتنفذه صح؟
ناظر لها بستغراب وهو كاتم ضحكته على شكلها:طيب؟ على حسب طلبك
اشرت على البحيره:ابي اوقف واعطيها ظهري وانت امسك يدي وبهد نفسي بس انت ثبتني مابي اطيح وكذا ودي اجرب هشعور
ابتسم رعد بستهزاء:بزر؟؟
ناظرت له بقهر:يووه كله بزر وبزر ياخي بجرب ترى مره بلحياة ومافي احد حولنه يعني ابي استغل اللحظه
تقدم رعد لها وهو يمسك يدها:طيب طيب يله
ابتسمت بحماس وهي ترجع بخطواتها على ورا لحتى نهاية اليابسه
شدت على يده وهي ترجع بظهرها على ورا بشويش ورعد بدوره ثبتها لحتى استقرت بنص وهي مسكره عيونها وبضحك:ههههههه افتح عيوني!!
ابتسم على هبالها:اي خلاص ثبتي بنص
افتحت عين وحده وتتالتها الثانيه وهي تشوف نفسها بنص وتحس انها بتطيح صرخت بفرح: يمااميي احسني بطييحح هههههههههههه
ابتسم رعد وبخبث:ماشاءالله واثقه اني مراح افلتك
ناظرت له لثواني وهي تستوعب اللي قاله:هااه.....اي
ابتسم بستمتاع:ليش!
ناظرت لسما بحراج وهي تسوي انها تفكر:امم لانك مابتفلتني؟
رد عليها بستمتاع:طيب وليش مابفلتكك!
شموخ ناظرت له وبحراج:امم لاني واثقه فيك!
ابتسم وهو يكمل:وليش واثقه فيني
ناظرت له بقهر وهي تفكر بشي يطلعها من هلموضوع:امم لانك تحبني..
صرخت بخوف من حسته فلت يدها بثواني ثم رجع مسكها وثبتها:اااااااااااااااااههه هييييهه يمممهه قلبيي(ناظرت له بقهر وخوف)هيييي لاتستهبللل
ابتسم وبخبث:واثقه اني احبك؟؟ وبعدين ماله دخل اني احبك!
ناظرت له وبقهر:هه اساسا انت حبيتني قبل احبك....(ناظرت له لثواني وهي تستوعب اللي قالته)اا اقصد قبل ماكنت احبك من قبل يعني الحين ما احبك انا
ابتسم بخبث:ماقد قلك لك اني احبك؟ههههههه قولي انك تحبيني عشان كذا واثقه فيني
ناظرت له وبقهر :هه قصدك اني حبيتك قبل انت تحبني؟؟ والله تحلم وبعدين خلاص رجعني يدي تعورني؟
ابتسم بستمتاع اكثر وهو يلعب بحواجبه بستمتاع:لاا الا لما تقولين انك تحبيني
ناظرت له وبقهر سحبت يده عساس ترتفع بس مافي فايده لانه ارخى يده عساس تنزل اكثر:يمممهه...اوففف خلااص بطيح لاتستهبلل يدكك ماتعورك انتت
رعد بستمتاع:لا والحين قولي يله
ناظرت له وبقهر:وش اقول
رعد وهو يسوي انه يفكر:امم انك تحبيني
شموخ:امم انك تحبيني
ناظر لها بصدمه لثواني:ههههه تستهبلين؟؟ ترى والله اهدك قولي يله
لثواني حست انه بيسويها لانه خلاص تحس بتطيح:اوفف خلااص احبككك
ابتسم بستمتاع:من متى؟!
ناظر له وبقهر:من لما عرفت انك اللي جيت بلعزا
ناظر لها وبقهر:يعني مو عشان شخصيتي
تنهدت بملل وحراج:اوفف يعني شتبي اقول اني احبكك لانك طيب وتفهم لي ويعجبني اسلوبكك وووبسسس الحين ممكن ترفعني
ابتسم برضا وهو يرفعها بس انصدم فيها تدزه بحراج وتعطي نظرات وتمشي سافهته وهي ماسكه يدها :لاتكلمنييي
ابتسم وهو يمشي وراها:افاا وش بكك
ناظرته بطرف عينها له ثم ناظرت لقدام لما حست انه وراها بحراج:اوفف قلت لكك لاتكلمنيي ولا عاد اعرفك طيبب...والله
مشت عسريع وصار يمشي وراها اسرع لحتى ركضت وهو مكمل مشي وبس حست في ناس خففت ركض وهي تلتفت تشوف اذا لحقها تنفست براحه لما شافته بعيد وشكله وقف يدور شي
اخذت نفس وجلست بكرسي قريب لسور البحيره :اوو ياربيي فشلت نفسي بنفسي قال وش قال احبكك واحب اسلووبك اععع منككك وهو حتى ولا قال انه يحبني والله تحطمت كل احلامي اساس مفروض كان هو اول يقول انه يحبني مو انا اوفف كاني ميته عليه كذا افف ياربيي ااهه
_______
عند الاهل كانو متجمعين وسوالف مابينهم وضحك
قاطعهم صوت الجوال اللي استمر لثواني وماسكر استغربو من وين جاي صوته
رفع فهد الجوال وهو يقرأ الاسم(...):شكله جوال رعد
جا بيحطه بس مد الجد يده :عطني خلي ارد على الي يدق يمكن شغل ضروري بشركه
ناظر فهد جوال رعد بتردد ثم قام من مكانه وهو يعطيه للجد اللي رد عليه:ال..
قاطعه بـ.....e:سيديييييي ماكس قدد هرببب لقد اته له عونن سيدي انه يستهدفكك مع عصااابه لم استطيع اقافه وهناك رجال قد اصيبووو....مرحباااا....سيدي.....مرحبااا...
عقد الجد حواجبه بستغراب وصدمه بعد الجوال اللي سكر
ناظر له ابو عادل بستغراب:يبه شفيك؟؟
تكلم الجد بصرامه:فهد ناد ليي رعدد بسررررععهه
قام فهد بتوتر وفضول وش سمع جده:طيب
همست عبير بخوف:اوفف توقعين وش سمع عشان يعصب...اخاف خاين شموخ واللي تكلمت بنت
همست امل بصدمه:لاا ويين ياهبله سلامات...يجي ونعرف
جلس الجد وهو يحرك بعصاته بغضب والجده تكلمه ولا يرد
ثواني حتى جا فهد وورا رعد وشموخ
رفع الجد عصا وهو ياشر عليه مايتحرك من مكانه
وقف رعد بستغراب
اما فهد فا جلس
والكل عنده فضوول وش سمع ووش سوا رعد ووش بيصير...
عقد رعد حواجبه بستغراب:هلا جدي؟
مد الجد الجوال لرعد:جوالك؟؟
تقدم رعد وهو ياخذ الجوال ويناظره:اي شكلي ناسيه...ليش؟
الجد بغضب:تو دق واحد ورديت عليه وكان اجنبي
ناظرت شموخ لرعد برتباك
مافاتت الجد نظرتها:شكلك ياشموخ عارفه وش سامع
ناظرت شموخ للجد وهي تمثل عدم المعرفه:لا..
الجد وعينه على رعد:منووو ماكس يارعد؟؟
شهقت شموخ بصدمه وهي تناظر لرعد عضت على شافتها بسبب شهقتها اللي فضحتها
ناظر رعد للجد:وش سمعت ياجدي؟
الجد:واحد داق يقول انه ماكس نحاش واللي مهربينه عصابه وبيجون لك وكلام مو مفهوم وش قصده
ناظر رعد للجد بصدمه:ماكس هرب؟؟(اشر لجده)دقيقه جدي بس
رفع جواله وهو يرد على اخر رقم ثواني حتى وصل له صوت من الجهه الثانيه من الجوالe:مرحباا...مالذي يجريي.... كيييف حدث ذاللكك...هل رأيتهم....من اخبرهمممم....اسعفهم اولاا....سأتصرف انا
سكر منه وهو يناظر لشموخ ويهمس:ماكس حط رجله وطلع
همست شموخ وبخوف:بيقول لجينن...
رعد بتفكير وبهمس:احتمال يقول له بس اتوقع مايقدر لانه قال كل شي عن جين ولو درى بيقتله..
قاطعهم الجد للي رمى العصا اللي ضربت بكتفى رعد للمره الثانيه:اكلمككك انااا فسرر ليي وش صاير
مسكك رعد بكتفه بألم
ناظرت شموخ لرعد وبخوف:ياجديي ليشش ضربتهه
ناظر لها الجد وبعصبيه:ماهو ببزر عشان تعوره وواحد منكمم يفسرر لي وش صاير ولا ترى والله
ناظرت لرعد اللي نزل على تحت وهو ماسك بكتفه انزلة معه وبخوف:رعد فييك شييي
قام فهد بيروح له بس صدم بعبير اللي جالسه لثواني كان بيطيح بس طاحت يده على كتفها
ناظرت له بصدمه وحراج:....
بعد يده عنها بسرعه وراح لرعد وهو حامد ربه انه محد انتبه
قرب منه وبشك:رعدد وش بكك
ناظرت شموخ لرعد ثم لكتفه :صعبه يجي لنا الطبيب قوم نروح لاقرب مستشفى
الجد بستغراب وخوف عليه:وشش بهه
شموخ ناظرت للجد وهي متنرفزه وتحس بضغط من كل الجهات :مافي شيي ياخيي احد يساعدني بوديي للمستشفى يووووه
قام الجد وبعصبيه:ايي شفيييهه
شموخ وهي ماسكه بكتف رعد:بكتفه متصوب قبل اسبوع تقريباا وشكله انفتح الجرح مره ثانيه
شهقو الكل بصدمه
نزل الجد لمستوى رعد:وش تخربطين انتي هااهه(ناظر لفهد)قوومه خل ناخذه للمستشفى
قوم فهد رعد وابو عادل ماسكه من الجهه الثاني
وقام الكل معاهم يلحقونهم للمستشفى
بعضهم بفضول والي بخوف واللي بشماته وانواع المشاعر المتضاربه
______
بعد اربع ساعات
من اللي صار
الكل مجتمع بجناح كبير يتصدره سرير اللي فيه رعد جالس بعد ماخيطو الجرح ونظفو عدل اكثر من ماسوا الطبيب بحكم الادوات
جالسه قريب منه شموخ
والجد اللي تو دخل بعد ماتطمن على حالته جلس على كنب منفرد وعينه على رعد:اتوقع عارف شنو بتسوي
ناظر له رعد وهو يتنهد:ياجدي هذا موضوع يخصني
الجد بعصبيه:يخصككك؟؟ وش يخصكك فيه هاه واحد(ن) اسمه ماكس وجايب عصابه ويدورون عليك ومدري هم بيذبحونك الا ضربوك بكتفكك وخلصو بكرا وش بيسوون هاه؟؟ بيحطونها بقلببكك انت ناوي تجلطني باخر عمري هااه
تافف رعد وهو يعطي شموخ نظرات وبهمس:وانتي مالقيتي الا تعلمينهم اني مصوب هاه
ناظرت له وبقهر وهي تهمس:اوفف انت غبي يعني شنو بقول مثلا هاه انت اللي طحت ماقدرت تصبر وتطيح بمكان ثاني
ناظر لها بقهر من لسانها وبهمس:لسانك شكله وده يودعك
ناظرت له وبستفزاز همست:بحلامك
صرخ فيهم الجد بعصبيه:وشش تساسرون فيه هااهه تدورون لكم كذبه تكذبونها علي
تكلم ابو فهد بخوف على الجد:يايبه هدد تراك راعي سكر وضغط
ناظر له الجد :وش اسوي انا وهذا حفيدي الاكبر ومجنني وحرمته اهبل منه استغفرالله بس(ناظر لرعد)بتتكلم ولا شلون؟
ناظر رعد لشموخ ثم للجد:يايبه الموضوع مو لي لشموخ ولا اقدر اتكلم الا اذا تبي
ناظر الجد لشموخ وبقهر:والله اني حاس انه لك دخل بلموضوع عسى ماجتمعتو انتو الاثنين طلعتو لنا بمصيبه تكلمي قولي وش مسويه
ناظرت شموخ لرعد وبقهر وهمس:حطيت السالفه علي
ابتسم بهدوء وبهمس:قلت لك لسانك لاتطولينه علي يالله اكليها الحين
همست له وهي تحس بنظرات الجد:يعني خلاص اقول لهم؟
رعد بهمس:ماعرفتك هبله عشان نروح انا وانتي بستين داهيه الموضوع فيه خطف طلعي لك سالفه اقصد دبري لك كذبه من راسكك ولا ودك الكل يعرف قصتك؟
ناظرت له ولثواني تو تستوعب انه لو تكلمت بتتكلم عن ماضيها تقريبا كسبب للي سوو همست بقهر:اوف نسيت خلاص بدبر كذبه بس بقربها يعني لانه كتفك فضحنه يا الفضيحه
ناظر لها بصدمه وبهمس:الحين صرت انا فضيحه ولا كانه الموضوع كله بسببك
من جهه ثانيه تهمس للبنات:تتوقعون وش يسولفون بينهم
امل:مايبي لها يدورون كذبه سريعه
سوسن:الموضوع جدي ترى فيها قتل ماشفتي كتفه شلون مصوب
سكتو من تكلم الجد اللي يناظر لهم:هاه خلصتو اجتماعكم
ناظرت له شموخ وبجديه:وش تبي تعرف بضبط ياجدي؟
الجد بحده:كلل شيييي بدأ من كتفف رعد وماكس منو ووش يبون فيه يلحقونه
شموخ جات بتتكلم بس قاطعها رعد:ياجدي حرمتي وبتشرح لك الموضوع بس اللي ماله حق يسمع لها يطلع لو تكرمون يعني
قامو الاعمام بحراج تلاهم العيال وعين رعد تتبعهم لين طلعو ثم همس لشموخ وبعصبيه:يام لسان لا اشوف صوتك يطلع قدام ناس مايحرمون لك
ناظرت له وبقهر:انت قلت لي تكلمي
رعد بغضب وهمس:لو لك مخ كان اخذتي جدي على صوب مو تلعلعين بصوتك قدامهم
ابتسمت شموخ بخبث وهي تهمس:افهم انك تغار عليه؟
ابتسم لها وبستهزاء:مسويه ماتعرفين يعني
قاطعهم الجد اللي خلص الحيل منهم:وبعدين معاكممم يعنييي
ناظرت له شموخ:طيب ياجدي موضوع يده صارت مشكله مع واحد مسوي عقد معاه بشركه وتهاوش معه قام صوب رعد بيده ويوم صوبه مسكو حراس رعد ماكس اللي صوبه وحطه في مكان لين يعالج يده ما امداه يسلمه لشرطه لانكم جيتو وتو اتصلو قالو هرب وبيجمعون ناس يقتلون رعد
ناظر لها الجد بصدمه وهو منقهر من برودها:والله؟
شموخ ببرود:اي والله
صرخ الجد بعصبيه:وتحلفين بعد لعنت الله ابو بليسسكك انتي وهو من شنو مخلووقينن هاااه واحد بيذبحح زوجكك وانت واحد بيذبحكك جالسين تقولونها كانها قصه من كان ياماكان هااهه وبعدين وش دخلك بلموضوع يوم انه يقول انه الموضوع يخصكك
تكلمت شموخ بهدوء:لانه الشركه اللي عقد معاها ماكس من شركات ابوي الليي صارت باسميي فا الموضوع يخصني تقريباا
الجد وهو يفرك يده بفخذه بتفكير:الحين وش بتسويي هااه.....الشرطه بلغ الشرطه
تكلم رعد بهدوء:ياجدي الموضوع عندي انت لاتشغل بالك بس
شموخ بتسليك:اي صح ترى مفكرين وش بنسوي وخالصين يعني كنه من اول متوقعين هروبه
ناظر لهم الجد بقهر:يابرودت اعصابكمم بس وبعدين وش من اوادم انتو حابسينه عصااابهه مزوج انا عصاابهه هاااهه
ابتسم رعد وهو مو قادر يكبح ضحكته على صدمة الجد منهم
صرخ فيه الجد:تضحكك بعدد
رعد مسك ضحكته:احمم ياجدي بعد وش اسوي يعني الموضوع صار وخلص ورجالي مو مقصرين بيمسكونه وانت لاتشغل بالك وتمشى ولاتخرب السفره عليهم المساكين ولاتخاف كل جديد يصير بقوله لك
وقف الجد بتعب:انا غاسل يدي منكم من زمان الحمدالله وشكر بس ولد نفسيه وحرمة ولد بايعتها لا أله إلا الله
بس قام الجد طالع من الغرفه قام الكل معاه وبعضهم اللي ماسك ضحكته على وضع الجد اللي غاسل يده منهم
تقدمة الجده لرعد ببتسامه:ماعليك منه انت بس انتبه لعمرك يا امك ماعندي غيرك من ريحة الغالي
ابتسم رعد لجدته:ان شاءالله
طلعت الجده من هنا
وحطة شموخ راسها على سرير:اوفف يالله الحين وش بنسوي بمااكس والله خايفه يذبحك
ناظر لها بصدمه:هههه تبكين انتي؟؟
رفعت راسها بقهر والدموع خذت مجراها على خدها:اي شنو مو انسانه انا وانت حتى ولا خفت وبعدين تو استوعب تدري شنو يعني انه هرب يعني يمكن باي لحظه يمسك احد منه (وبرعب)اخاف يمسكني ويقطع لحمي ويحذفها على لكلابب لااا ماابيي اموت كذا
ابتسم بتسليه :ياويلكك وقتها بهدك ونحاش اهم شي نفسي
ناظرت له بقهر وصدمه:لا والله وتخلينيي..
ابتسم لشكلها بخدها اللي قلب وردي وشفتها اللي توردت من عضها عليها ببكي:افا بس وانتي مصدقه
اشر بيده على سرير:تعالي اجلسي هنا شوي
قامت من على كرسيها بستغراب وهي تجلس بجنبه مد يده وهو يمسح دموعها:ههه ماعرفتك تبكين يأم لسانين
ناظرت له وبقهر:تستهبل...
رعد وهو يناظر:حنى بدينا بهلموضوع ولازم نتحمل اللي بيصير فيه وبعدين وش بيسوي ماكس هاه؟؟ هه مصدقه انه بيسوي لي شي انا كنت حاط ببالي انه بيهرب لمعلوميتك وبعد انا رابط يده بصفاد ومايقدر الا يكسر نصها اما اللي حول يده يبي له المفتاح وعلى مايسوي نسخه للمفتاح بياخذ له يومين وانا بهلاصفاد حاط فيها جهاز تتبع وفي ناس معينهم انا على الجهاز هذا بس يشوفون انه تحرك بيقومون بشغلهم وبيصيدونه فا الحين اللي علينه انه نسافر وباقرب وقت لامريكا لانه معلومات جين كلها عندي صحيح ماقريتها بس وصل لي الملف اللي فيه كل معلومات جين ناقص نسافر (وببتسامة استهزاء)ونصيده يا حضرة الجاسوسه رقم واحد
ناظرت له بصدمه وهي تحاول تستوعب اللي يقوله:دقيقه..اووحح انت شنوووو بضبطط
ابتسم لها وهو يسوي يفكر:حبيبك...
ناظرت له وبحراج:كل كلمه وثانيه قالب لي عنتر زمانك
ضحك بصدمه على كلمتها:افا بس لعيونك يا عبله نصير عنتر
قامت من عنده وهي تتخصر بقهر:وانا اللي خايفه وافكر وقلت بس بيجون ويذبحونك وبنموت وانتهت حياتي وبلاخير تطلع مخطط لكل شي
رعد بهدوء وهمس:بسم الله عليك من الموت..المهمم الحين ابي اطلع خلي يعبون اوراق خروجي
شموخ بقلق:بس كتفك..
ارعد بستهزاء:هه بتصير زينه ماعليك الا اذا جت الضربه الثالثه من جدي
كبحت ضحكتها على كلامه:ههه..واضح غاسل يدك منه
ابتسم بهدوء:مثل ماهو غاسل يده مننها يا اللي بايعتها
شموخ بستهزاء :ها ها ها طالع منها ينفسيه
______________________________
تم نوقف هنا لاتنسون توقعاتكم

هتان وسوسن واللي صار.؟!!

رعد وخطته...؟!!

شموخ ورعد والاحداث بينهم.؟!!

امل وسامي متى بتتصل؟؟

الاحداث اللي بين شموخ ورعد؟؟

فهد وعبير...؟!

اللي صار لرعد....؟!!

ورايكم باحداث الروايه عامه وبابطالنه اللي بكل بارت يصير لهم حدث جميل بسيط بس لو نجمعهم بتكون محموعة ذكريات قيمه..؟!

دمتم بخير
__________________________________________
سلاام+ماوصيكم بتعليقات متحمسه الفف اشوف تعليقاتكم

☹️♥️♥️♥️♥️