الدم اللي على خدك ممسوح ..ممسوح لو كان فداه روحي يايتيمتي البرييئه../مكتمله

البارت الواحد والعشرين

البارت الواحد والعشرون:

:
&
:
&

بسم الله..الله اكبر..استغفرالله..سبحان الله..لا أله إلا الله..صلو على من بكى شوقآ لرؤيتكم
_____
يدور بكرسيه بغضب لحتى استقر دورانه امام الطاوله
رجم بقدميه على الطاوله بغضب وهو عاقد حاجبيه بغضب وهمس بفحيح وقهرe:كيييف تجرأ على تأجيل السفرره
.....صوت من الجوالe:ههههههههههههه اوو عزيزي ماكس مابكك غاضب و ايضا؟! الا تلاحظ بأنك قد تعاليت قليلا
ماكس بغضب وهو ينزل رجوله ويقرب للجوالe:ماذا تقصد
‏....e:اقصد انه من الافضل لك ان تحافظ على صداقتنه والا سوف تخسر حصتك من الشركه ...
ماكس بصراخ وقهرe:كييييف تجررأ
‏......e:هههههههااااااااييي على رسلك يارجل وايضا لا تنسا بانه التوقيع يخصني اي انه كل شي سيرجع لي وهذا كرم مني على مساعدتك ولست بمجبور(وبتحذير وجديه)لذالكك انتقي كلماتكك جيدآ......يا..هه صديقيي
لثواني حتى تسكر الخط
واتبعه ضرب ماكس بيده على الطاوله بقهر وغضب وهمسe:ذالككك ال#### انتظر حتى اأخذ حصتي وسوفه انهيككك
قاطعه طرق الباب لثواني حتى دخل رعد وبجنبه شموخ
وقف بستغراب وهو يطلع من صوب الطاوله متوجه لهم وبحدهe:من انتمم؟؟؟
رعد وهو يرفع ملفe:اصحاب شركه
ماكس وهو يرفع حاجبه بغضب ويرفع شعره الاشقر على وره وبحدهe:ومن سمح لكم بدخوول؟؟؟ ليس لدي مواعيد اليوم..اخرجووو
رعد وهو يبتسم ويسوي انه بيطلعe:اووو بطبع سنخرج من هنا وستخسر نص اسهم شركتنه من هنا(وهو يناظر وجه ماكس المرتبك وببتسامه)اذا نستأذنكك
وقفهم ماكس برتباكe:هههههه يارجل اني امازحكك مابك هههههه تفضل تفضل
تقدم مع شموخ واشر لها تجلس مد يده لماكس وهو يصافحه وبحذرe:معك جون
ماكس بستغراب وهو يصافحهe:اوو اهلا ولكن اسمك اجنبي؟؟ الست عربي..
رعد وهو يجلس ويحط رجوله فوق الطاوله ويطلع الدخان وهو يشعله قدامه وينفخ بدخان ويضحك بلعانهe:هههههه ههاااايي اووو (وهو يعطيه نظره)ومادخلكك باسمي ياصاح؟؟
جلس ماكس برتباك"هذا اللعين ولاكن لايجب ان اخسر هذه الصفقه اوو انه جيد..جيد حقا كيف له ان يكون بهاذهي الشخصيه هههههه"e:اوو ههه ههههههه حسنآ اضن انه ليس من شأني
رعد وهو ينفخ الدخان بوجهه وبحدهe:بتأكيد ليس من شأنك هه
حذف الملف عطاوله اللي بينهم:تستطيع التوقيع هنا مكتوب انك ستساعدني بلاستثمارت حتى ترتفع اسهم شركتنه وبعدها تاخذ النصف وانا النصف لذالك(وهو يبتسم له ويغمز)سيكون لنا لقائات كثيره هه هههههاااااااييييي
ناظرت له شموخ "بسم الله قلب فجئه تقل رئيس عصابات مو رعد"
وقع ماكس ورعد علورقه
وقام بعد ماصافحه بس هلمره رعد صافحه من اطراف الاصابع وهو يبتسم بخبثe:لايشرفني لمسك مع الاسف ....ياصديق!! ههههههههههههههه
ابتسم ماكس بتسليك لحتى ماوصلهم للباب وبس سكر ابتسم بقهرe:اووه ذالك اللعين اصابني بلقشعريره ولكن هههههه ههههههههههههههههه فقط حتى انتهي من استثماراته اللعينه ستكون نصف الشركه لي هه او لنقل بعد بعض الاعمال ستكون كلها لي؟ هههه ههه ههههههااااااييييي
_____
طلعت شموخ مع رعد ونزلو لحتى وصلو لطابق اللي يطلعو منه والبودي قارد حولهم
شموخ بستهزاء:اقول ماعرفتك داخل هههههه
ناظر لها ثم ناظر لقدام وببرود:طالعه منها يعني
ابتسمت شموخ بحماس:بس بالله عليك مو عجيبه ههههههه ولا شلون يرتعد من الخوف هههههههههه
ناظر لها لثواني وهو ماسك ابتسامته
ركب لسياره وهي تقعد بجنبه:وين بنروح؟؟
رعد وعينه علقدام:الفندق
شموخ بقهر:للاا ابيي اطلع انا
رد عليها ببرود:اتوقع جايين نخلص انتقامك وبعدين وراي شغل تقريبا هلاسبوع كله بانشغل فيه خليك بلفندق بقعد اضبط وضعي مع ماكس باتفاقيات وبخلي يجي لشركه عساس يصدق واللين الوضع معه هلاسبوع وبعدها اطلعك لو تبين
شموخ بقهر وهي تناظر لشباك:اوفف طيبب...علاقل باطلع بلاخير
ناظرت له لثواني "اوفف شفي صاير نفسيه هه مع انه قبل ماكان مره واو بس احسن من الحين...علاقل"
كلها ثواني لحتى وصلو للفندق
نزلة وتوجهو لجناحهم
دخلت وهي تنزل البالطو والطرحه
وتلحقه للغرفه:انزين ليكون بتنام الحين؟؟
ناظر لها لثواني وهو يبعد عينه من عليها وببرود:اي..
دخل لغرفة التبديل وهي تدخل ورا وبغضب:انت شفيككككك يوووه
ناظر لها وببرود:وش تبين؟؟
ناظرت له وبقهر:يعني قبل كنت تقول(اي ليش تبين شي)الحين ساحب علي بفهم شسويت لك؟
ابتسم بستخفاف:قصدك وش ماسويت لك!
ببرود وهو ينزل تيشيرته:فارقي...ببدل
ضغطت على يدها بقهر وهي تحس بحرارت الدموع عجزت ترد وطلعت للصاله بقهر وهي تمسح كم دمعه نزلة وبقهر:يعع ..ليش ابكي ....اصلا وش يبكي سخيف تاف مفروض يونسني مو يزعلني...سخيف
جلست بقهر بعد ماامسحت دموعها وهي تاخذ الشبس وتاكل منه وتناظر للجدار بسرحان وقهر
قامت بقهر وهي تفتح الباب اللي كان مسكره وصوت صتدامه بجدار سوا صدى
فز رعد من سرير بعصبيه وبصراخ:مجنووووونهه
ناظرت له بقهر:ايي كيفيي والحيننننن تجاوب على سؤالي ..شفيكك متغيرر هاااهه شسوييت لك انا عشان تتغيرر
ناظر لها بقهر:وانا قلت لك اعكسي سؤالك وقولي وش ماسويت لكك انا سكت لك كثيرر وسكتت عن غلطاتك كثير وعديتها لك هه انتي المفروض تبوسي يدك ظهر وبطن اني زوجك ولا غيري تحسبين بيسكت لك؟؟ اذا انا متزوج ولا كاني متزوج هه تتوقعين غيري بيسكت لك
قام متوجه لها وهو يمسكها من كتفها ويلصقها بلجدار ووجه ملاصق لوجهها وبهمس:تتوقعين كان بيتركك على راحتك مثلي وماياخذ حقوقه؟؟
حست برجفت اللي جات جسمها برتباك وخوف وقلق من قربه
شاحت بنظرها عنه برتباك
سكر عيونه بقهر وهو يبعدها عنه وهو ياخذ نفس ويناظر لها:لا عيشة مثل الناس عايشها معك وفوق كل ذا صراخ وهواش كل يوم هه واذا كلمك احد نطيتي مستانسه وتغردي دلع باسمه اما عندي تقلبي١٨٠ درجه هه وتتوقعين بتحملك اكثر من كذا؟؟ ولا تتشرطي يويلك تعرس علي! انتي خليتي فيها زواج انتي عوفتيني باسمه مو بس فيه
اعطاها ظهره وهو يتوجه لسرير و يتمدد وبهمس:فارقي..بنام وسكري النور معاك
شموخ بقهر ورجفه:حتى ولووو حتى ولووو.....ان شاءالله طول العمر ماتنام بلييلل عشان تعرف شلون تتغير عني ....اصلااا اناا مااقصد اتهاوش معاك ب بسس عشاني منقهرره ا انككك كنت شخص مو مفرووض تكوونهه فا عشان كذا انا عاملتك كذا لانيي مو مستوعبه والله مو قصدييي افرق بشي
عدل جلسته وهو يناظر لها وببرود:هه شخص؟؟ ومن يكون ذا بعد
ناظرت له والدموع بعينها وهي تهمس:اللي قال لي انه بيمسح دم اللي على خدي ا اللي قال لي اني يتيمته البريئه اللي وعدني من قبل اعرفه ينتقم لي(ناظرت له ودمعه سبقت كلمتها وبرجفه)انـت
لثواني لحتى نطق:ليش طيب؟...ليش ماتبيني اكون هو
ناظرت له بتوتر:م مو قصدي بس لاني ماكنت مستوعبه انك هشخص الا بعد ماعشت معاك فتره فا انقهرت انه اللي كنت اتهاوش معاه هو امير...ا اقصد الشخص اللي ببالي
رعد وهو عاقد حواجبه:وضحي اكثر؟؟
شموخ بحراج:من اول كنت معتبرته ا امير لي ي يعني كنت احب هشخص بعدين فجئه جيت انت و وقلت انك زوجي وخربت كل شي فا صرت اتهاوش معاك وكرهتك بشكل وبعدين كذا فجيئه طلعت ا اميري فا كرهتك اكثر
وهو يخفي ابتسامته:وشكو تكرهيني المفروض انك تفرحي او صح نسيت انتي عكس الناس
ناظرت له بقهر وحراج:يوو شسوي ماتفهم انت قلب البنت كذا انقهرت ليش اميري يكون انت بعد ماكرهتك من قلب كيف تبيني ارجع واحبه
ابتسم وبخبث وهو يخفي ابتسامته:تحبين منو؟
ناظرت له وبحراج:م منوو!
مسك ابتسامته وبخبث:اي انا اسألك منو اللي تحبينه!!
شموخ بحراج:ا اميري بعد منوو
رعد بخبث:ومنو اميرك؟؟
شموخ بقهر وحراج وهي تعطيه ظهرها بتطلع:انا بروح احسن ل..
ناظرت له بصدمه وهو يمسكها ويردها للجدار بس بمسافه بينهم همس:اي؟..
شموخ بحراج:وشوو
قرب لوجهها وبهمس:كملي ..منو اميرك؟؟
شموخ وهي تحس بتغوص بملابسها من الاحراج:ا انت
ابتسم بخبث وهو يكمل:وانا شفيني؟؟
بحراج:ااميري بعد منو
رعد وهو يكمل معها:ايي عاد انا اللي اكون اميرك شفيني؟
ناظرت لتحت بحراج وقهر انه حاجزها بين يدينه
ابتسم بخبث وهو يرفع راسها وعينه بعينها:شفيني
ناظرت له بحراج ووجها احمر:كنت...
ابتسم بخبث وهو يقرب لوجها:كنتي..؟؟
بحراج وهمس:كنت....أحـــــبـــــــــك
ناظر لشفتها وبس نطقتها ابتسم لثواني ثم قرب لها وباسها ويده ماسكه فكها وبليد الثانيه سكر الباب..........
..............................
...............^_*
________
الصباح
في المملكه
وخاصه في المستشفى
وقفت سوسن مع دلال بخوف:ان شاءالله مايصير له شي
دلال بقلق وهي تشوف هتان اللي ركبو الاسلاك بجسمه:ان شاءالله اهه بس لو ماكان منشغل الدكتور امس علعصر كان راح هالخوف لامس وخلصنه بس خيره ان شاءالله
دخل الدكتور وهو يصبح عليهم:ان شاءالله اليوم بنسوي اول جلسه لصدمات الكهربائيه ومثل ماقلت لكم بيجيب له صرع طفيف وفقدان ذاكره لدقايق او ساعات حسب الحاله وان شاءالله بيساعده يصفي مخه
دلال بقلق:ان شاءالله
طلعو يشوفو من ورا الزجاج والاصوات كانت شبه مسموعه
لحتى بدو وشغلو الجهاز
لثواني حتى صارت رجفه خفيفه علجسم
قرب الدكتور لعند هتان بانتظار حالة الصرع
وصحيح انصرع ....
جسمه صار يرجف بشكل مخيف وصوت صراخه على علمكان
قرب الدكتور وهو يحط يده بفمهه عساس مايبلع لسانه وساعدوه الممرضين بانهم يثبتونه لحتى تهدا الحاله
رجف قلب سوسن بخوف وهي تشوف حاله كيف يصرخ بجنون وجسمه ينتفضى وماسكينه بكل مكان
سكرت عيونها وهي تتنهد بحزن وتعب من صوته
لثواني لحتى هدى
فتحت عيونها وهي تشوفه وكان فاقد للوعي
رجعت على ورا وهي تجلس باقرب كرسي وهي تحس بدوخه خفيفه
جلست بجنبها دلال بخوف وقلق:فيك شيي
سوسن ابتسمت لها بهدوء:لا بس شكلي لاني ماافطرت
دلال بهدوء:طيب تعالي بس ياخذونه للغرفه ونتطمن عليه نتفطر انا وياك
قامت سوسن معها وهم متوجهين لغرفته وعينها عشباك الغرفه اللي هو فيه وكل تفكيرها"بيصير احسن..بيصير احسنن
______
دخلت نور بقهر:ساااميييييي
ناظرت له بقهر متمدد بسرير ولا فز من صراخها
فتحت النور وهي تقرب لعنده:ساميي قووم وراك محاضراات وبعدين عادل قايل لي انك مو مداوم من امس شنو ودك يفصلونك
غط وجهه وبتعب:قولي له ياخذ لي اجازه اسبوعين
رفعة حاجبها بقهر:ولي ان شاءالله؟(وبقلق)ليكون فيك شي؟
همس بتعب وببحه:نور اطلعي وسكري الباب تعباانن....
نور بقهر:عشااانهاا
بعد الغطى عن وجهه وبهمس:من قصدكك
نور:املل
عدل جلسته بقهر:وش دراك ؟؟
نور وهي تجلس :لانه بعد اسبوع او نقول من اليوم بعد٦ ايام ملكتها ويوم قلته لساره قامت تبكي وتقول سامي بيموت بعدين هو يقول لي هه قايل لبزر كلام تحسب مابتنشره
رد تغطى بقهر من سمع "ملكتها"كان عنده خبر خطبه وبس والحين مكلة"وافقتي؟ او مغصوبه؟"
نور بس شافته رد لوضعه بزعل عليه:البنت خلاص بتتزوج ولا تقدر تسوي شي قوم وصحصح
سامي بهمس:قلتتت لكك اطلعيي(وبغصه) تعبااانن...
تنهدت بحزن على حاله وقامت وهي تسكر النور والباب وراها
تاركته غارق بتفكيره
عض بشفته بقهر وهو يحس بدمعه اللي خانته ونزلت وبهمس:حبييتك وقسسم(بغصه)اني حبييتك.....
_____
نزلة ام عادل لثواني وهي تعقد الحاجب بس شافة عبير اللي نايمه بصاله
قربت لها:عبيرر...يمه عبييرر قوميي
فزت عبير بتعب:هااه...شنوو...شفيها املل
جلست ام عادل بحزن:بسم الله عليكك من متى نايمه
عبير بحزن:مادري....امل وينها
ام عادل وهي عاقده حواجبها بستغراب:ليش ماشفتيها قبل تنامين
ناظرت عبير لامها لثواني ثم فزت بخوف:يايمههه من جدككك انا اخر مره شفتها قبل يومين يوم سكرت على نفسها الباب
ام عادل وقفت بصدمه:وشوو ووش اكلت
طافت عبير امها بخوف وهي تصعد الدرج بخوف وتضرب علغرفه بخوف:املل املللل افتحييي البابب امللللل...اههه يااااملللل افتحي الباببي انا اختكككك امللللللل.....(صرخت بخوف)يمممههه يااايبببهههه الحقوونيي (جلست بارضها ببكي)ياايمه ااهىىىى
طلع ام عادل الدرج بخوف:ياويلي بنتييي وش بهااا
عبير ببكي وشهق:ييايمه..(شهقه)ا امل ماترد مو راضيه اهه ههاااهىىىىى
ام عادل وهي تضرب على قلبها بخوف:ياويليي بنتيييي
فتحت اقرب درج بلممر وهي تاخذ المفاتيح السبير حاولت تفتح بلقفل بس ماقدرت لانه مقفل من الجهه الثانيه والمفتاح عليه
نزلت بخوف وهي تصرخ على ابو عادلل:الحقنيييي ياابو عادل الحقق على ينتتككك
طلع ابو عادل من المجلس بصدمه وفهد وراه اللي صد من شاف ام عادل
ابو عادل بخوف:شفيكم
ام عادل وهي تجلس ببكي:حسبيى الله ونعم الوكيييل حسبيى الله علييككك جنننتتت بنااتييي ....بنتكك من يومين مسكره على نفسها ماندري هي حيه ولا ميته ولا ترد ياويلي عليها ماتت ماتت بنتييي
ناظر لدرج وصوت بكي عبير واصله
صعد لفوق وهو ينادي فهد:تعال اكسر الباب ليي
صعد فهد معه برتباك:سم
طلع لدور الثاني وبصوت عالي:قوميي لصاله فهد بيكسر البابب....قوميييي
تقدمم فهدد لباب برتباك وهو يضرب بلباب
مره
مرتين
ثلاث
لحتى انكسر القفل
ماامداه يبعد الا بلبنت اللي ضرب كتفها بكتفه وهي تدخل لداخل بخوف وببكي لامل اللي مرميه بارضها ماتحركتت وجها الشاحب والدموع مغرقته رجفت بخوف وهي ترفعها لحضنه:امل...ا املل حبيبتي انتيي...اهه املل ردي علييييي(بكت بخوف )يمههه اختيييي اااهههىىى ياايمهههههههههه
تقدمت ام عادل بخوف وهي تلم امل لحضنها ببكي وبصراخ:يا ابو عادل البنت بترووح منننه
تقدم ابو عادل برتباك وهو يشوف وجه بنتته
سحب عباتها المعلقه وهو يلفها فيها
صرخ على فهد يجي يشيلها لسياره
دخل فهد برتباك وهو ينزل لمستواها وكتفه لاصق بكتف عبير اللي تبكي ولاهي بجنب شي
رفعها وهو نازل فيها تحت
سحبت عبير عباتها وهي تلبسها وتنزل معاهم بسرعه والدموع مغرقتها وقلبها يوجعها على توأمها
ركبت ورا وهي تاخد اختها لحضنها برجفه وخوف
ركب فهد وبجنبه ابو عادل اللي قال لزوجته تجلس ومو بصاير لبنتها شي ومافي وقت لين تجيب عباتها
حرك فهد متوجه للمستشفى
وكلها دقايق ووصلو نزل وهو يرفع امل لحتى تقدمو لعنده الممرضات بسرير حطوها عليه وصارو يمشو فيها وعبير بجنبها
لحتى دخلوها للانعاش ودخلت عبير معاها وبقى فهد وابو عادل برى
جلس ابو عادل بقلق على بنته وبجنبه فهد اللي يهدي
بعد نص ساعه طلعت عبير وهي تجلس بتعب
ابو عادل بخوف:هااه شقال
عبير ووجها ماليته الدموع:يقول دقات قلبها سريعه بسبب انها ماكلة شي واعطوها مغذي وبيخلونها عندهم ٢٤ ساعه ملاحظه وبعدها يطلعونها
تنهد ابو عادل براحه:الحمدالله
قام وهو يعدل شماغه:اجل انا بروح للبيت اطمن امك واقول لها تطلع لها كم غرض (ناظر لفهد)وانت يافهد ماوصيك على بناتي لين اجي وماتقصر تعبتك معي
ابتسم فهد بهدوء وهو يوقف معه:لا ياعمي لاتعب ولا شي وتوكل وانت متطمن
طلع ابو عادل وجلست عبير وهي تسكر عيونها بتعب وراسها على ورا تحاول تستوعب اللي صار وصداع اللي براسها يوجعها
ناظر لها فهد لثواني وبعدها نزل عينه وبهمس:فيك شي
عبير وهي تعدل جلستها بهدوء:احمم لا بس مصدعه
فهد وهو يوقف:اجل اصبري اجيب لك بندول ومويه وشي تاكلينه معه
عبير بتتسامه صفره:مشكور ماتقصر
ابتسم لها:ولو حاضرين للغاليين
نزلت عيونها بحراج لحتى راح تنهدت لثواني ثم ناظرت لباب غرفة الانعاش:يالله انك تحفظها
كلها دقايق لحتى جا وهو يمد لها مويه والحبه وكروسان
اخذتهم منه بحراج:تسلم
جلس بمكانه وهو يشرب من المويه حقته
اخذت الحبه وهي تاكلها وتشرب من المويه بعد مااعطته ظهرها
ناظر لها لثواني :ا انا بجلس هناك وانتي اكلي براحتك
قام من مكانه وهو يجلس بجلسات بعيده شوي
ابتسمت بحراج وهي تفتح الكروسان وتاكل منها بجوع من قامت لحتى الحين ماكلت شي ولا طاح شي ببطنها
_______
نروح لاهل بريطانيا
صحت عظهر
بتقلب ونعاس
لحتى حست نفسها صدمت بأحد
لثواني تجمدت مكانها وهي تتذكر اللي صار
ضغطت على عيونها بحراج"والله ماقوم لين يقوم"
حست بشي على شعرها لثواني حسته استقر براسها ولمسات سريعه على راسها
فزت بخوف وهي تمسك راسها:يممههه
ناظرت حولها وهي تستوعب
لحتى لفت لرعد اللي كان منسدح ويبتسم بخبث:يعني لازم نخوفك عشان تصحين؟ او نقول توقفين تمثيل
ناظرت له بقهر بس لثواني حست بلحراج وهي ترد تغطي وجها وتسكر عيونها وبهمس وحراج:فارق...بنام
ابتسم بخبث:افا تقلديني امس ؟؟ يعني زعلانه ههههههه وش سويت لك بعد!؟؟
شموخ بحراج ماتحركت وهي تحس شوي وتبكي:يااخي ماله داعي احراج روح يووه
ابتسم بخبث:ياازوجي مو اخوك انا
شموخ بحراج:طيب طيب يازوجي ممكن تروح برى احراج
قام رعد وهو مبتسم علجنب:ايوا خليك كذا شاطره اي وترى انا خلصت تروشت فا خلصي وتعالي سوي لي فطور
كلها ثواني لحتى سمعت تسكيرت الباب
بعدت البطانيه عن وجها بحراج وبشبه ابتسامه:ههه زين رجع طبيعي شوي
قامت وهي تعدل لبسها ودخلت للحمام اخذت شور وطلعت بعد مالبسة لها برموده وتيشيرت يجي نظام قصير
طلعت لصاله وهي تشوفه جالس علاب وعاقد حواجبه
تعدته وهي متجنبه تحط عينها بعينه بحراج
وتوجهة للمطبخ سوت لهم فطور
وكلها دقايق واخذته لصاله وهي تحطه وتسمي وتاكل بحراج حالفه ماتناظره لو شوي
جلس رعد وهو ياخذ من الكوفي:ايوا
شموخ بحراج:وش؟
رعد ناظر لها بخبث وهو ناوي يحرجها:مافي صباح الخير حبيبي
ناظرت له بصدمه وقهر وثواني بعدت عينها عنه وبحراج:هه مصدق نفسك منو حبيبي انت؟؟
رعد بخبث:اجل الجدار ...
شموخ بغرور وهي تعدل جلستها:هه قلت لك "كنت "يعني فعل ماضي الحين لا
رعد بخبث:سهالات حب الامس نرجعه لليوم مايبي لها
شموخ ناظرت له بحراج:سلامات وبعدين حسستني انك تحبني الحين مسوي فيها الرومنسي
ناظرها لثواني وبهمس:وانا اللي توقعتك ذكيه؟
شموخ ناظرت له بحراج وبهمس:وش قصدك
رعد:ابد يعني اعرفك ذكيه وتلقطينها ولا في احد(وهو يناظرها ويبتسم بخبث)يبوس وحده او يمسكها مثل اللي صار بلملكه بدون سبب؟
بحراج:شنو يعني تحبني؟
رعد بخبث:هه مصدقه نفسك منو يحبك انا؟؟
شموخ ناظرت له بقهر وصدمه:سلامات شنو يعني تردها
رعد ببرود وهو رشف من الكوفي وينزله وهو ياخذ لاب حقه:يمكن..المهم انا طالعه ومابرد الا متاخر عليل عندي شغل لاتروحين يمين ولا يسار لو يصير شي اتصلي علي
وقفت شموخ معه :اي طيب..
ناظر لها لثواني وابتسم علجنب:ماعرفتك مطيعه
ناظرت له بحده وهي ترفع حاجبها:وش بك؟!
ابتسم بضحك:هههههه اي هذي حقتي اللي اعرفها الاوليه من وين جت!؟
ابتسمت بحراج من كلمته"حقتي":احمم اقول روح يله لاتتأخر بس
ابتسم لها وهو طالعه:واضح ودك فرقاي
طلع رعد وجلست شموخ بحراج:يووه ياشمووخ انتييي تدرين شسوييتيي من امس لحد الحين استوعبييي.....
ناظرت لجوالها:ايي صح من زماان عن البنات خشوف شخباارهمم
دخلت للقروب وانصدمتت من المسجات الكثيره
عدلت جلستها وهي تقرأ لثواني وبصدمه
دخلت لعند عبير وهي تكتب:عبييرر
شسالفه شفيها املل؟؟؟
______
نروح للمملكه
بلمستشفى
وبغرفة امل
حولوها لغرفة ملاحظه ليوم وبعدها يطلعونها
وبيدها المغذي
ناظرت عبير لامل بحزن تو قامت وصارت تبكي
وهي تتذكر
عبير ببكي:امل صحيتيي
تقدمت ام عادل بخوف:بسم الله عليك
ناظرت امل حولها وكانها تستفسر هي وين
عبير وهي تمسك يدها بخوف عليها:بلمستشفى لقيناك مغمى عليك وقالو سوء تغذيه والحمدالله كلها يوم ويطلعونك
سكرت امل عيونها ودموعها تنزل وبهمس:ماابي...
قربت ام عادل وهي تسمع لها:وشو؟؟
امل ودموعها تنزل وبهمس:مابيي اتزوجه....
دمعت عبير بحزن على حال اختها
قاطعهم دخول ابو عادل وهو يقرب لها وبراحه:الحمدالله على سلامتك ولا شوفك ماتاكلين خوفتينه عليك
بلعت امل ريقها وعينها بعين ابوها والدموع بعينها:ماابييه...ماابيي اتزوجه
عقد ابو عادل حواجبه وبحده:المووضووع هذاا اتناقشنه فييهه وخلصنه وملكتكك بعد ٥ اياام رضيتي ولا انرضيتيي ماعندي دلعع بنات اناا
طلع من عندها بعصبيه وهو يصفق الباب
طلعت ام عادل ورا
وامل مسكره عيونها والدموع تنزل منها
بكت عبير بصمت على حال اختها وهي تشوفها تذبل
اخذت عبير المويه وهي ترفع اختها وتشربها:اشربي شوي لا تجفين
بعدت الكاس بعد مارشفت منه شوي وهي تناظر لسقف ببكي:ياعبيير قلبيي يوجعنيي ااهه مابييه ياعبيير خلاص مابيه انتي تعرفين شنو مصيري؟؟ انا كل شي بحياتي خرب من هنقطه انا بعيش مع واحد مجنون مغازل بنات طالع ولاعب مع بنات انتي مستوعبه شنو ممكن اعيش معه؟؟؟ ااههىىى غير انه منو امه ومنو اخته يعني فوق العله علل (شهقه)انا كيف بعيششششش وانزل واقوممم وانا مقابله اههىىى هلوجيه بنزله وبصعده اههىى اهه بس انا ادري بنام بكف وبصحى بكف (شهقه)انا متأكده هذي عايله مجنونننه ياعبير انا وش يوديني لهم هه والمصيبه لو صار وحملت وجبت ولدهم وشوي بنتهم ولدهم وبنتهم بعد وابتلش بكوكش بزرانن اااهههىىىى (شهقه)منه واعيش حياتي اربيهم وانزل واصعد بشتايم هه هذي حياتي اللي بتكون هه حتى ترى عادي يسحب ملفي من الجامعه ماتعرفينه انتيي مجنوون ااااهه ياقلبيي احسني بموت ياعبير بمووتت كل شي حلمت فيه تدمرر حلم اني اتزوج من شخص متقبلته حلم اعيش ايام ملكتي وانا فرحانه مو اقضيها بكي وصياح كل شي تدمر بنسبه لي كل شييي اههىىىىىى اهىىىى اهىىىى حتى سامي ترى والله كنت ابييه فارسي الابيض والله(شهقه)ماطلبت كثير اههىىىى والله ماطلبتت كثيرر ااههىىىى(شهقه)اااههىىى قلبيي ياعبيييرر تعبااننننه ااههنىىى تعبانه احسنيي بمووتتتتتتت ااههه تعباااننهه...
حضنتها عبير ببكي على حال اختها لحتى نامت ودمعه على خدها مكسورة الخاطر
قاطعها مسج شموخ
ردت عليها :الوو شمووخ...اهه ياشموخ اختي قاعدت تموت قداميي ابويي بيغصبها الا تاخذذه ومو راضي ميبسه معه مو راضييي ومحدد ملكتها اهىىىى اااهه
شمووخ بقلق:هدي هديي لازم فيي حلل مايصير كذاا
عبير ببكي:شنوو بيكون الحل شنوووو
شمووخ بتوتر:طيب ساميي؟؟ شصار عليه؟؟
عبير ببكي:اههه مدريي ماشفتت اهىى
شموخ بتوتر وهي تحس بتبكي معاهم :يابنت هدي لاتبكيني معكك
عبير بصوت شبه مرتفع:شلووون تبيني اهدي قولي لي شلون وحياة اختي بتخرب خلاص ؟؟؟؟
شموخ بقهر:والله مدري مدريي مالنه غير ننتظر
عبير قاطعها دخول الممرضه وهي تمسح دموعها:شموخ اكلمك شوي جات الممرضه
سكرت منها وهي تروح للممرضه
_________
نروح لشموخ
لبست ونزلة للكوفي وهي تجلس بسرحان بسالفة امل والحزن باين عليها"يالله فكريي فكرييي ياشمووخ وش نسوي فكرييييي"
قاطعها جولي اللي جلست وهي تناظرهاe:اهلا يبدو عليكي التعب
شموخ ناظرتها وببتسامه ذبلانهe:اوه اهلا جولي انها بعض المسائل
جولي ببتسامهe:اذا اراكي لاحقآ سأتركك تفكري بها
ابتسمت شموخ بهدوء وامل شاغله تفكيرهاe:شكرا لتفهمك..واسفه
ابتسم جولي وراحت تشرف علكوفي
تاركه شموخ اللي تفكر بأمل وعاجزه كليآ عن انها تلقى حل
_____
بعد اقل من اسبوع
علمغرب
بملكة امل
جالسه بحزن تناظر لفستانها اللي عليها والكوافيره تعدل فيها وهي ترجع تبكي
ناظرت لها عبير بحزن"تقرر كل شي وهذا هي ملكتها ....الله يكون بعونك يااختي "
قاطعهم دخول ام عادل بحزن:امل ابوكك يبيكك
الكوافيره بتعب:هه اجا وقت توقيع الكتاب وانتي بتبكي
عدلة ميك اب امل اللي طلبته عبير ناعم وحلو
طلعت الكوافيره بس خلصت شغلها وقامت امل لابوها واللي كان بيده الكتاب ودموع بعيونها
مسكت القلم ووقعت بدون حتى تسمع لاحد وهي ببالها شي واحد وهو "بسود لك حياتك مثل ماسودت حياتي "
ناظرت لها عبير بصدمه انها وقعت شهقة وهي تشوف جسم اختها اللي ثواني كان بلارض جثه هـــامــده
_____________________________________
تم نوقف هنا ولاتنسون توقعاتكم

رعد وتصرفه مع ماكس.؟!!

شموخ ورعد والتطور اللي بينهم.؟!!

سوسن وحالة هتان وصدمات الكهربائيه.؟!!

سامي واستسلامه.!!!!

امل وحالتها؟!!

عبير وحزنها على امل وموقفها مع فهد؟؟!!

واخيراا حياة امل الجديده اللي وقعت عليها؟!!

ودمتم بخير
_____________________________________________
وشرايكم بلبارت صراحه حزني خاصه امل وحالتها
انه تتدمر حياة بنت من غلط واحد بس بغلط واحد💔