جازو اليامات والوحم دار حالة فمريم وزيد جاها على اليااااس و كرهاتو للدم وهو مسكين مافاهم والو حتى فاق كيبدات كرشها تبان شوية مااااااات بالفرحة وكانت فرحتو متتوصفش كان ليتطلبها مريم تلقاها قدامها كان يسايسها بزاااااف حتى مين جاه تيليفون ايرجو وكان لازم يطلع لماريكان
راح إلياس ووعد مريم باش يوليلها تمتم بعدما يفري شغلوا
لكن تأتي الرياح بما لا تشتهي السفن
الياس كيوصل لأمريكا راح فالطونوبيل وهو يسوق دخل فيه سيمي طحن كامل الطونوبيل
دخل كوما ، طلع ليه بابا ويماه وماحبوش يقولو لمريم قالو غير لخاوتها ويماها وحذروهم باش ميقولولهاش
مريم جوزت شهور الحمل تاعها غضبانة على الياس مي كانت ديما تدعيلوا وتترجى فربي باش ميكونش كاشما صرالو ، كانت كلما تعيطلو تلقاه مغلق وكي تسقسي دارهم يا يجاهلوها يا يبدلولها السوجي
ولدت مريم وجابت طفل سماتو جود تقي الله
كانت متمنية يكون إلياس معاها كانت فرحتها ناقصة كانت متمنية يكون إلياس هو ليسميه مي في بالها يكون كرها وراح وخلاها
مي هو مسكين دخل كوما وزيد صرالو شلل فجزء السفلي بيسك نخاع الشوكي ديالو تنصاب بزاااف وكان لازم يدير عملية بزاااااف خطيرة نسبة النجاح ديالها ٪20
بعد مرور عامين
جود: ماما وقثاش يجي بابا مالخدمة ني حاب نثوفو؟
مريم:ههه قريب نشاله يا وليدي وخلات الغصة فقلبها
فاق الياس ودار العملية ونجحت والحمدلله اما مريم فكانت حاقدة بزاف على اليااااس وحلفت تندمو
البشارة وصلت لدار مريم وفرحو كامل
دخلت مريم للدار لقاتهم فرحانين ودايرين لامبيونس حالة
مريم: جبيكم واش صرا
سليمة: الياس راهو جاي!
هاد الكلمات طاحت على مريم كالصاعقة مقدرتش تتحمل ونطقت: قوليلو غير ماكلاه يشقي روحو انا صيبون راني شفت حياتي ، حياتي انا وجود سيتو ،
وخرجت تجري بدموعها على عينيها راحت للبحر تبكي لربي ليخلقها على العذاب ليجوزاتو حتى صونا تيليفونها كوبات مي قعد يصوني رفدت لقاتها نور تبكي
مريم: مجبيك نور علاه راكي تبكي
نور : اروااااحي مريم اجري 😭😭😭
مريم: علاه واش صرا , كاشما صرا لوليدي؟
نور: لالا. بابا مات يا مريم مات 😭
طاح تيليفون من يد مريم طلعت راسها للسما تحاول تنحي هاد الصدمة حتى بدات تضرب فوجها بالكف وتقول: لالا مكانش منها والله ماكان منها ، بابا ماماتش ، بابا راو فدار را فداااار ، هههههههههههههه هههههههههههههه هههههه هههههه ااااه نور شحال من خطرة قتلك هاد التمينيك ماتزيديش تعاوديه ، 😭😭😭😭 إلياس جا يجري بعدما قالولو مين راهي
إلياس: مرييييم
دارت مريم تجري للصوت ليتوحشاتو راحت تجري غطست راسها فحضنو تحاول تنحي الصدمة من راسها
مريم: الياااااس قولي مكاااش منها ، بلييييز قولي ، ياك بابا ماماتش ياك مماتش😭😭😭😭
إلياس: خلاص مريم هذا قضاء وقدر لازم تكوني قوية كيما عرفناك متخليش موت باباك يقهرك....
مريم: اااااااااااااااه باااااباااااا مامااااتش متفهمش بعدت على حضنو وراحت تجري حتى حكمها الياس وداها للدار باش تشوف باباها
دخلت للدار والصدمة ليكانت صح كاين منها راحت ترامات عند باباها تبكي ڨاع واش عندها: باااااباااااا علاه راك ديرلنا هكدا نوووض شوف راك خوفت ماما باااااباااااا نووووض يااااا باااااباااااا ، حتى بدات تحرك فيه بزربة وتعيط جبدها الياس وعنقها حتى هي ترامات فحضنو الصدمة هادي قتلتها تاع الصح ومكانتش قادرة دير والو
جازو يمات مالجنازة تاع بلال
وخلا وصية تاع الورث وفي اللخر طلب من مريم تولي لراجلها وقال فيها بلي كان فايق لكولش مي خلا الحالة هكاك ، مريم سمعت لباباها اصلن قعد هاد الطلب الاخير ليها منو كانت متمنية يكوووون الاول مي الله غالب وكيما تعرفوا الموت ديما تدي الناس الملاح
لمت مريم حوايجها فالكابات ولبست لوليدها وحبطاتو لإلياس
طلعهوم فالطونوبيل وكان فرحاااان الفرحة ماشي سايعاتو ملي طلع فالطونوبيل وهو يدردش ويضحك مع وليدو حتى وصلو لدار بابا ويماه
حبطو رحبوا بيهم صبرينة ومحمد ورحبوا بحفيدهم جود ليكان لسانو كي العسل
قعدو فالطابلة يفطرو حتى نطق جود
جود: ماني! ماما قاثلي حنولو نثكنوا هنا ( ماني ماما قاتلي حنولو نسكنوا هنا)
صبرينة: تأبر آلبي شو لذيذ انتا ، ايه صح حبوبي هههه يا عمري يا عمري عينيااا نتااااااا
جود: اععععع صوثك باثع اععع يتشبه لثوت ماما كيثبدا ثغني ثولي ثبان بثل حاب ينطق(صوتك باشع يتشبه لصوت ماما كيتبدا تغني تولي تبان بغل حاب ينطق )
مريم قاعدة تقرص وتسكت فجود ووجها ولا حمر
صبرينة ومحمد اندهشوا وحكمهم الضحك
جود: ااااي ماما مثبيك ياك ثح هكا قالي خالو رمثي والله( ااااي ماما مجبيك ياك صح هكا قالي خالو رمزي)
الياس: وانا انقول لمن خرج هاد الطفل بهاد اللسان ايه مدام يماه مريم نتوقع منو كلش____ وقعد يخزر فمريم
اما مريم خلاص ولات حمرة وقاعدة تحلف فوليدها والياس عاجبو الحال وميت بالضحك عليهم امبعد نطقت صبرينة وقاتلهم: اسمحولي يعني جيتو على غفلة مكفانيش الوقت باش نوجد بيت للصغير لا نورمال يرقد معاكم
إلياس : وي نورمال يما ايا حنا نطلعوا نستراحو ونوضبوا حوايجنا
طلعو لشومبرتهم ليكانت جد بسيطة وكان فيها حمام صغير
الغرفة ⏬⏬
CITEȘTI
أحببت كارهي _مريم والياس( باللهجة الجزائرية)
Umorحكاية شابة تحكي على طفلة اسمها مريم وشاب اسمو الياس فيها بزاف احداث شابة وهي أول كرونيك راح نكتبها نشاله تعجبكم Meriem khaoula
